ការរៀបចំខ្លួនទៅព្រះវិហារបរិសុទ្ធ ៖ មេរៀនទី ២០២
នៅក្នុងព្រះវិហារបរិសុទ្ធ យើងធ្វើសេចក្ដីសញ្ញាដើម្បីគោរពតាមក្រឹត្យវិន័យនៃការគោរពប្រតិបត្តិ និងពលិកម្ម
សេចក្ដីសញ្ញាដើម្បីគោរពតាមព្រះ ហើយធ្វើពលិកម្មសម្រាប់ទ្រង់
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
នៅភាគខាងជើងប្រទេសអៀរឡង់ ស្ពានយោល ខារីក អេ រីដ គឺត្រូវបានធ្វើឡើងពីខ្សែលួសរាប់ពាន់ខ្សែ ដែលបានវេញត្របាញ់ និងចងភ្ជាប់គ្នា ។ ខណៈដែលខ្សែលួសតែមួយអាចនឹងដាច់ ខ្សែរបស់ស្ពាននោះគឺត្រូវបានរចនា និងធ្វើតេស្ដដើម្បីទ្រទម្ងន់ដល់១០តោន ។ ដូចនៅពេលដែលខ្សែលួសត្រូវបានចងភ្ជាប់គ្នាដើម្បីធ្វើជាខ្សែលួសដែលមាំជាង និងមានសុវត្ថិភាពជាង នោះសេចក្ដីសញ្ញាដែលអ្នកធ្វើជាមួយព្រះចងភ្ជាប់អ្នកទៅនឹងទ្រង់ ផ្ដល់កម្លាំងខាងវិញ្ញាណ និងសុវត្ថិភាពកាន់តែច្រើន នៅពេលអ្នកធ្វើដំណើរក្នុងជីវិត ។
គោលបំណងមេរៀន ៖ ដើម្បីជួយអ្នកឲ្យយល់ពីក្រឹត្យវិន័យនៃការគោរពប្រតិបត្តិ និងពលិកម្មដែលយើងធ្វើសេចក្ដីសញ្ញាដើម្បីរក្សានៅក្នុងពិធីបរិសុទ្ធ ។
រៀនអំពីរបៀបធ្វើ
គោលបំណងនៃព្រះវិហារបរិសុទ្ធ
នេះគឺជាកាលៈទេសៈលំបាកមួយចំនួនដែលបុគ្គលទាំងឡាយអាចប្រឈមមុខនៅក្នុងជីវិត ដែលអាចនាំពួកគេឲ្យរក្សាគម្លាតពីព្រះ ។
-
ការលែងលះគ្នា
-
ជំងឺ
-
ការប្ដូរទីលំនៅ
-
ការបាត់បង់មនុស្សជាទីស្រឡាញ់
តើអ្នកអាចគិតដល់ការលំបាកផ្សេងៗទៀត ដែលអាចនាំនរណាម្នាក់ឲ្យចាកឆ្ងាយពីព្រះដែរឬទេ ? សេចក្ដីសញ្ញាដែលអ្នកធ្វើជាមួយព្រះមិនបានដោះលែងអ្នកពីកាលៈទេសៈលំបាកទេ ប៉ុន្ដែសេចក្ដីសញ្ញារបស់អ្នកអាចមានសារៈសំខាន់នៅក្នុងការជួយអ្នកឲ្យនៅជិតព្រះ ។
អែលឌើរ ឌែល ជី រិនឡាន់ ក្នុងកូរ៉ុមនៃពួកសាវកដប់ពីរនាក់ បានចែកចាយពីរបៀបដែលការធ្វើសេចក្តីសញ្ញាជាមួយព្រះអាចផ្ដល់ពរដល់អ្នក ៖
សេចក្ដីសញ្ញានីមួយៗបន្ថែមចំណងមួយ ដោយនាំឲ្យយើងកាន់តែខិតជិត និងពង្រឹងទំនាក់ទំនងរបស់យើងជាមួយព្រះ ។
… នៅពេលយើងប្រឈមមុខនឹងឧបសគ្គក្នុងជីវិត លទ្ធភាពដែលធ្វើឲ្យយើងឃ្លាតឆ្ងាយពីព្រះគឺនឹងថយចុះ ។ ( « Stronger and Closer Connection to God Through Multiple Covenants » [ ការប្រជុំធម្មនិដ្ឋាននៅសាកលវិទ្យាល័យព្រិកហាំយ៉ង់ ថ្ងៃទី៥ ខែមីនា ឆ្នាំ២០២៤ ] ទំព័រ ២, ៣ នៅលើគេហទំព័រ speeches.byu.edu )
យើងធ្វើសេចក្ដីសញ្ញាជាមួយនឹងព្រះវរបិតាសួគ៌នៅក្នុងព្រះវិហារបរិសុទ្ធ ជាផ្នែកនៃអំណោយទានពិសិដ្ឋនៅក្នុងព្រះវិហារបរិសុទ្ធ ។ ដោយជាផ្នែកនៃអំណោយទានពិសិដ្ឋ នោះយើងបានធ្វើសេចក្ដីសញ្ញាដើម្បីគោរពតាមក្រឹត្យវិន័យនៃការគោរពប្រតិបត្តិ និងពលិកម្ម ដំណឹងល្អនៃព្រះយេស៊ូវគ្រីស្ទ ព្រហ្មចារីភាព និងការថ្វាយ ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ២៧.២ ) ។ មេរៀននេះផ្តោតលើក្រឹត្យវិន័យនៃការគោរពប្រតិបត្តិ និងពលិកម្ម ។
ការសិក្សាស៊ីជម្រៅ ៖ សម្រាប់ព័ត៌មានបន្ថែមអំពីអំណោយទានពិសិដ្ឋ សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ២៧.២ នៅក្នុងបណ្ណាល័យដំណឹងល្អ ។
ក្រឹត្យវិន័យនៃការគោរពប្រតិបត្តិ និងពលិកម្ម
មិនថាអ្នកមានផែនការដើម្បីធ្វើសេចក្ដីសញ្ញានៃព្រះវិហារបរិសុទ្ធនៅឆាប់ៗនេះ ឬនៅប៉ុន្មានឆ្នាំខាងមុខនោះទេ ការចំណាយពេលដើម្បីយល់សេចក្ដីសញ្ញាទាំងនេះឥឡូវនេះ អាចជួយអ្នកឲ្យមានអារម្មណ៍ថាបានត្រៀមខ្លួនរួចរាល់ ហើយមានទំនុកចិត្ដកាន់តែខ្លាំង នៅពេលប្រឈមមុខនឹងការលំបាក ។ សូមប្រើសំណួរ និងធនធានខាងក្រោមដើម្បីសិក្សាអំពីក្រឹត្យវិន័យនៃការគោរពប្រតិបត្ដិ និងពលិកម្ម ។ សូមកត់ត្រាអ្វីដែលអ្នករៀននៅក្នុងសៀវភៅកត់ចំណាំរបស់អ្នក ។
ក្រឹត្យវិន័យនៃការគោរពប្រតិបត្តិ
តើវាគឺជាអ្វី ?
-
អ័ប្រាហាំ ៣:២៤–២៥ ( អ័ប្រាហាំមើលឃើញការនិមត្តិមួយអំពីជីវិតមុនផែនដី ហើយរៀនពីគោលបំណងសំខាន់មួយសម្រាប់ការបង្កបង្កើតផែនដី ) ។
-
ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ពន្យល់ថាជាផ្នែកមួយនៃការរក្សាសេចក្តីសញ្ញា ដើម្បីរស់នៅតាមក្រឹត្យវិន័យនៃការគោរពប្រតិបត្តិ នោះយើងខិតខំរក្សាព្រះបញ្ញត្តិរបស់ព្រះវរបិតាសួគ៌ ( សូមមើល ២៧.២ ) ។
ហេតុអ្វីបានជាយើងគួរធ្វើសេចក្តីសញ្ញាដើម្បីរក្សាវា ? សូមដាក់ស្លាកវគ្គបទគម្ពីរទាំងនេះថា « សេចក្ដីសញ្ញា » ។ ( សូមរើសយកជម្រើសពីរ ឬច្រើន ) ។
-
និក្ខមនំ ១៩:៥–៦
-
ចោទិយកថា ២៨:១–៦
-
យ៉ូហាន ១៤:១៥
តើមានគំរូនៃការគោរពប្រតិបត្តិរបស់ព្រះអង្គសង្រ្គោះអ្វីខ្លះ ? សូមគូសចំណាំអ្វីដែលអ្នករៀនអំពីការគោរពប្រតិបត្ដិមកពីព្រះអង្គសង្គ្រោះ ។ ( សូមរើសយកវគ្គបទគម្ពីរពីរ ឬច្រើន ) ។
-
ម៉ាថាយ ២៦:៣៦–៤៤
-
ម៉ាថាយ ២៧:៥០, footnote a
-
យ៉ូហាន ១០: ១៧–១៨
សូមពិចារណាពីមូលហេតុដែលព្រះយេស៊ូវគ្រីស្ទស្ម័គ្រព្រះទ័យគោរពតាមព្រះវរបិតារបស់ទ្រង់ ។ សូមគិតអំពីរបៀបដែលគំរូរបស់ទ្រង់អាចជួយអ្នកឲ្យគោរពប្រតិបត្ដិកាន់តែខ្លាំងឡើង ។
ក្រឹត្យវិន័យនៃពលិកម្ម
តើវាគឺជាអ្វី ? សូមដាក់ស្លាកវគ្គបទគម្ពីរទាំងនេះថា « ពលិកម្ម » ។
ហេតុអ្វីបានជាយើងគួរធ្វើសេចក្តីសញ្ញាដើម្បីរក្សាវា ?
ប្រធាន ដាល្លិន អេក អូក ក្នុងគណៈប្រធានទីមួយ បានបង្រៀន ៖
ពួកបរិសុទ្ធថ្ងៃចុងក្រោយចាត់ទុកការបូជាពេលវេលា និងធនធានរបស់ខ្លួន ថាជាផ្នែកនៃការរៀន និងការធ្វើឲ្យស័ក្ដិសមសម្រាប់ភាពអស់កល្បជានិច្ច ។ នេះជាសេចក្ដីពិតដែលបានបើកសម្ដែងក្នុង ការបង្រៀនពីសេចក្ដីជំនឿ ( Lectures on Faith ) ដែលបានបង្រៀនថា « សាសនាដែលមិនតម្រូវឲ្យមានការបូជាអ្វីទាំងអស់ គឺមិនដែលមានអំណាចគ្រប់គ្រាន់ ដើម្បីបង្កើតជំនឿដែលចាំបាច់ដល់ជីវិត និងសេចក្ដីសង្គ្រោះនោះទេ ។ … វា [ គឺ ] តាមរយៈការបូជានេះប៉ុណ្ណោះ ដែលព្រះបានតែងតាំងមនុស្សនោះឲ្យរីករាយជាមួយនឹងជីវិតដ៏អស់កល្បជានិច្ច » ។
ដូចជាការបូជាដ៏ធួនរបស់ព្រះយេស៊ូវគ្រីស្ទដែលជាចំនុចកណ្ដាលនៃផែនការនៃសេចក្ដីសង្គ្រោះនោះយើងជាអ្នកដើរតាមព្រះគ្រីស្ទ ត្រូវតែធ្វើការបូជាផ្ទាល់ខ្លួន ដើម្បីត្រៀមខ្លួនសម្រាប់គោលដៅដែលផែនការនោះផ្ដល់ដល់យើង ។ ( « Sacrifice » Liahona ខែឧសភា ឆ្នាំ២០១២ ទំព័រ ២២ )
ពលិកម្ម ផែនការនៃសេចក្តីសង្រ្គោះ
តើព្រះវរបិតាសួគ៌ និងព្រះយេស៊ូវគ្រីស្ទបានធ្វើពលិកម្មអ្វីខ្លះសម្រាប់យើង ? សូមសរសេរកំណត់ចំណាំមួយនៅជាប់នឹងវគ្គបទគម្ពីរនេះ អមជាមួយនឹងចម្លើយរបស់អ្នកចំពោះសំណួរខាងក្រោមនេះ ។
-
យ៉ូហាន ៣:១៦; ១០:១១, ១៧–១៨
-
តើការរក្សាក្រឹត្យវិន័យនៃពលិកម្មអាចជួយអ្នកឲ្យក្លាយកាន់តែដូចជាព្រះវរបិតាសួគ៌ និងព្រះអង្គសង្គ្រោះបានយ៉ាងដូចម្ដេច ?
ការសិក្សាស៊ីជម្រៅ ៖ ស៊ីស្ទើរ ជីន ប៊ី ប៊ីងហាំ អតីតប្រធានសមាគមសង្គ្រោះទូទៅ បានចែកចាយបទពិសោធន៍របស់គាត់នៅក្នុងការរៀបចំខ្លួនដើម្បីធ្វើសេចក្ដីសញ្ញាជាមួយនឹងព្រះនៅក្នុងព្រះវិហារបរិសុទ្ធ ( សូមមើល « ចុះសេចក្ដីសញ្ញាជាមួយព្រះដើម្បីពង្រឹង ការពារ និងរៀបចំយើងសម្រាប់ជីវិតដ៏នៅអស់កល្បជានិច្ច » លីអាហូណា ខែឧសភា ឆ្នាំ២០២២ ទំព័រ ៦៦–៦៩ ) ។
ឥឡូវត្រូវធ្វើដូចម្តេចទៀត ?
សូមរៀបចំពេលមួយដើម្បីពិភាក្សាសំណួរខាងក្រោមជាមួយឪពុក ឬម្ដាយ ឬអ្នកដឹកនាំ ។ ប្រសិនបើពួកគាត់ពុំមានពេលទេ សូមជញ្ជឹងគិត និងកត់ត្រាគំនិតរបស់អ្នកនៅក្នុងសៀវភៅកត់ចំណាំរបស់អ្នក ។
-
តើការគោរពតាមក្រឹត្យវិន័យនៃការគោរពប្រតិបត្តិ និងពលិកម្មអាចជួយអ្នកឲ្យប្រែក្លាយកាន់តែដូចជាព្រះយេស៊ូវគ្រីស្ទបានយ៉ាងដូចម្ដេច ?
-
តើមានការលះបង់អ្វីខ្លះដែលអ្នកអាចត្រូវធ្វើដើម្បីរស់នៅតាមក្រឹត្យវិន័យទាំងនេះ ?
-
តើការធ្វើសេចក្ដីសញ្ញាដើម្បីគោរពតាមក្រឹត្យវិន័យទាំងពីរនេះនៅក្នុងព្រះវិហារបរិសុទ្ធអាចជួយយើងខិតទៅជិត និងពង្រឹងទំនាក់ទំនងរបស់យើងជាមួយព្រះបានយ៉ាងដូចម្ដេច ?
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យយល់ពីក្រឹត្យវិន័យនៃការគោរពប្រតិបត្តិ និងពលិកម្មដែលយើងធ្វើសេចក្ដីសញ្ញាដើម្បីរក្សានៅក្នុងពិធីបរិសុទ្ធ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
អ្វីដែលអ្នកចង់ឲ្យមិត្ដម្នាក់ដឹងអំពីក្រឹត្យវិន័យនៃការគោរពប្រតិបត្ដិ និងពលិកម្ម ដែលយើងធ្វើសេចក្ដីសញ្ញាដើម្បីរក្សានៅក្នុងពិធីអំណោយទានពិសិដ្ឋ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?