សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១៥១ ៖ យ៉ូណាស—« ទ្រង់ជាព្រះដ៏ប្រកបដោយករុណាគុណ ក៏មានព្រះហឫទ័យអាណិតអាសូរ »

អេម៉ុស; អូបាឌា; យ៉ូណាស ៖ មេរៀនទី ១៥១

យ៉ូណាស

« ទ្រង់ជាព្រះដ៏ប្រកបដោយករុណាគុណ ក៏មានព្រះហឫទ័យអាណិតអាសូរ »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

ព្រះអម្ចាស់បានលាព្រះហស្ដនៃសេចក្តីមេត្តាករុណារបស់ទ្រង់ទៅកាន់យ៉ូណាស និងពួកបណ្តាជននៅក្រុងនីនីវេ ទោះជាពួកគេបានធ្វើកំហុសដ៏ធំក៏ដោយ ។ ពេលយើងដឹងថាសេចក្ដីស្រឡាញ់ និងសេចក្ដីមេត្តាករុណាដូចគ្នានេះត្រូវបានប្រទានឲ្យយើង នោះយើងក៏អាចប្រកាសថា ព្រះអម្ចាស់គឺជា « ព្រះដ៏ប្រកបដោយករុណាគុណ ក៏មានព្រះហឫទ័យអាណិតអាសូរ ទ្រង់យឺតនឹងខ្ញាល់ ហើយមានសេចក្តីសប្បុរសជាបរិបូរ » ផងដែរ ( យ៉ូណាស ៤:២ ) ។ មេរៀននេះអាចជួយអ្នកឲ្យទទួលអារម្មណ៍នៃសេចក្តីស្រឡាញ់ និងសេចក្ដីមេត្តាករុណារបស់ព្រះអម្ចាស់សម្រាប់អ្នក និងមនុស្សដទៃ ។

សិក្សាព្រះគម្ពីរ

មាត្រដ្ឋាននៅចុងម្ខាងដែលសរសេរថា « ឃោរឃៅ គ្មានក្ដីមេត្តា និងមិនមានចិត្តល្អ » ហើយនៅចុងម្ខាងទៀតសរសេរថា « ពេញដោយសេចក្ដីស្រឡាញ់ សេចក្ដីមេត្តាករុណា និងសេចក្ដីសប្បុរស »

សូមស្រមៃមើលពីមាត្រដ្ឋាននេះ ដែលតំណាងឲ្យរបៀបដែលនរណាម្នាក់អាចគិតអំពីព្រះវរបិតាសួគ៌ និងព្រះយេស៊ូវគ្រីស្ទ ។ ហេតុអ្វីមនុស្សមួយចំនួនអាចចាត់ទុកទ្រង់ទាំងទ្វេថាជាសេចក្តីស្រឡាញ់ សេចក្តីមេត្តាករុណា និងសេចក្តីសប្បុរស ខណៈដែលអ្នកផ្សេងទៀតមិនគិតបែបនោះ ? តើអ្នកនឹងដាក់ទស្សនៈរបស់អ្នកអំពីទ្រង់ទាំងទ្វេនៅលើបន្ទាត់នេះខាងណា ?

សូមមើលមាត្រដ្ឋាននេះម្តងទៀត ។ លើកនេះ សូមស្រមៃថា វាតំណាងឲ្យរបៀបដែលអ្នកប្រព្រឹត្តដាក់អ្នកដទៃ ។ តើហេតុផលអ្វីខ្លះដែលយើងអាចប្រព្រឹត្តចំពោះមនុស្សមួយចំនួនតាមរបៀបមួយ និងមនុស្សផ្សេងទៀតតាមរបៀបខុសគ្នាទាំងស្រុងផ្សេងទៀត ?

នៅពេលអ្នកសិក្សាដំណើររឿងរបស់យ៉ូណាស សូមស្វែងរកព្រះវិញ្ញាណបរិសុទ្ធ ដើម្បីជួយអ្នកឲ្យមើលឃើញពីនិស្ស័យពិតប្រាកដរបស់ព្រះវរបិតាសួគ៌ និងព្រះយេស៊ូវគ្រីស្ទ ។ សូមពិចារណាពីរបៀបដែលអ្នករៀនអំពីទ្រង់ទាំងទ្វេអាចជះឥទ្ធិពលដល់របៀបដែលអ្នកមើលឃើញ គិតអំពី ឬប្រព្រឹត្តចំពោះអ្នកដទៃ ។

យ៉ូណាសបានរស់នៅអ៊ីស្រាអែលក្នុងរជ្ជកាលស្តេចយេរ៉ូបោម ទី II ( សូមមើល ពង្សាវតារក្សត្រ ទី២ ១៣–១៥ ជាពិសេស ១៤:២៣–២៥ ) ។ ព្យាការីអេម៉ុស និងហូសេក៏បានព្យាករនៅគ្រានេះផងដែរ ។ អ្នកប្រហែលជាធ្លាប់ឮឈ្មោះ យ៉ូណាស ។ លោកគឺជាមនុស្សដែលត្រូវបានលេបដោយត្រីធំ !

ផែនទីព្រះគម្ពីរសញ្ញាចាស់នៅសម័យព្យាការីយ៉ូណាស

សូមអាន យ៉ូណាស ១:១–៣ ហើយគូសសម្គាល់សេចក្ដីណែនាំរបស់ព្រះអម្ចាស់ទៅកាន់យ៉ូណាស និងរបៀបដែលយ៉ូណាសបានឆ្លើយតប ។

តើការឆ្លើយតបរបស់យ៉ូណាសបង្ហាញអ្វីដល់អ្នកអំពីអារម្មណ៍របស់លោកពីការណែនាំរបស់ព្រះអម្ចាស់ដើម្បីផ្សព្វផ្សាយដល់ពួកបណ្តាជននៅក្រុងនីនីវេ ?

សូមបំពេញសកម្មភាពនៅក្នុងសំណៅចែកខាងក្រោមនេះនៅក្នុងសៀវភៅកត់ចំណាំរបស់អ្នក ។ អ្នកក៏អាចមើលវីដេអូ « Jonah the Prophet » ( ២:៣០ ) ដើម្បីជួយអ្នកឲ្យស្រមៃឃើញបទពិសោធន៍របស់យ៉ូណាសផងដែរ ។

2:30

ដំណើររឿងរបស់យ៉ូណាស

សូមស្រមៃថា អ្នកកំពុងបង្រៀនដំណើររឿងរបស់យ៉ូណាសទៅកាន់នរណាម្នាក់ផ្សេងទៀត ។ សូមអានខគម្ពីរទាំងនេះ និងសង្ខេបផ្នែកនីមួយៗនៃដំណើររឿងនេះជាពាក្យពេចន៍ផ្ទាល់ខ្លួនរបស់អ្នក ។

យ៉ូណាស ១:៤–៥, ១០–១៥
យ៉ូណាស ១:១៧; ២:១–៤; ៧–១០
យ៉ូណាស ៣:១–៥, ១០ ( សំពត់ធ្មៃ សំដៅទៅលើសម្លៀកបំពាក់ដែលតំណាងឲ្យការកាន់ទុក្ខ ការប្រែចិត្ត ឬការបន្ទាបខ្លួន ) ។
យ៉ូណាស ៤:១–១១ ( ពាក្យថា ដើមវល្លិ គឺជាដើមឈើធំមួយ ) ។

នៅក្នុងសៀវភៅកត់ចំណាំរបស់អ្នក សូមបំពេញសេចក្ដីពិតដែលដិតទាំងនេះ ដោយផ្អែកលើការអានរបស់អ្នក ៖

ព្រះអម្ចាស់គឺ …
ដើម្បីប្រែក្លាយដូចជាព្រះអម្ចាស់ យើងត្រូវតែ …

ហេតុអ្វីបានជាវាអាចពិបាកសម្រាប់យើងនៅពេលខ្លះ ដើម្បីស្រឡាញ់ ឬប្រកបដោយសេចក្តីមេត្តាករុណាចំពោះអ្នកដទៃ ?
តើការរៀនពីសេចក្តីមេត្តាករុណា និងសេចក្តីស្រឡាញ់របស់ព្រះអម្ចាស់អាចជះឥទ្ធិពលដល់របៀបដែលយើងមើលឃើញ គិតអំពី ឬប្រព្រឹត្តចំពោះអ្នកដទៃយ៉ាងដូចម្ដេច ?

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។

ឥឡូវត្រូវធ្វើដូចម្តេចទៀត ?

នៅក្នុងសៀវភៅកត់ចំណាំរបស់អ្នក សូមសរសេរសារខ្លីមួយទៅកាន់មិត្តភក្តិរបស់អ្នក ឬមនុស្សម្នាក់ដែលអ្នកគិតដល់ ។ សូមរួមបញ្ចូល ( ១ ) វគ្គបទគម្ពីរមួយមកពីគម្ពីរយ៉ូណាស ( ២ ) សេចក្ដីពិតមួយមកពីប្រភពដែលអ្នកបានសិក្សា និង ( ៣ ) ព័ត៌មានលម្អិតនៃគ្រាមួយដែលព្រះអម្ចាស់បានបង្ហាញសេចក្តីស្រឡាញ់ និងសេចក្ដីមេត្តាករុណាទៅកាន់អ្នក ឬនរណាម្នាក់ដែលអ្នកស្គាល់ ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យទទួលអារម្មណ៍នៃសេចក្តីស្រឡាញ់ និងសេចក្ដីមេត្តាករុណារបស់ព្រះអម្ចាស់សម្រាប់អ្នក និងមនុស្សដទៃ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

អ្វីដែលអ្នកបានរៀនមកពីដំណើររឿងរបស់យ៉ូណាសអំពីសេចក្ដីមេត្តាករុណារបស់ព្រះវរបិតាសួគ៌ និងព្រះយេស៊ូវគ្រីស្ទ ។
ការឆ្លើយតបរបស់អ្នកចំពោះមិត្តភក្តិរបស់អ្នក ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?