សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ១២១ ៖ អេសាយ ៤៩—« យើងបានចារិកឯងទុកនៅផ្ទៃបាតដៃរបស់យើងហើយ »

អេសាយ ៤០–៤៩ ៖ មេរៀនទី ១២១

អេសាយ ៤៩

« យើងបានចារិកឯងទុកនៅផ្ទៃបាតដៃរបស់យើងហើយ »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

ព្រះវរបិតាសួគ៌ និងព្រះយេស៊ូវគ្រីស្ទស្គាល់អ្នកដោយផ្ទាល់ និងដោយឥតខ្ចោះ ។ ប៉ុន្តែពេលខ្លះ យើងឃើញបញ្ហាប្រឈមនៃជីវិតរមែងស្លាប់ និងស្រែកថា « ព្រះយេហូវ៉ាទ្រង់បានបោះបង់ចោលខ្ញុំទេ » ( សូមមើល អេសាយ ៤៩:១៤ ) ។ ពាក្យសម្ដីរបស់អេសាយអាចជួយធានាដល់យើងបាន នៅអំឡុងគ្រាលំបាកៗ ។ មេរៀននេះអាចជួយអ្នកឲ្យទទួលអារម្មណ៍ថា ព្រះវរបិតាសួគ៌ និងព្រះយេស៊ូវគ្រីស្ទស្រឡាញ់អ្នក ហើយនឹងមិនភ្លេចអ្នកឡើយ ។

សិក្សាព្រះគម្ពីរ

ផ្កាដ៏ស្រស់ស្អាតទាំងនេះមានឈ្មោះដ៏គួរឲ្យចាប់អារម្មណ៍ណាស់ ៖ កុំភ្លេចខ្ញុំ ។ ប្រធាន ឌៀថើរ អេហ្វ អុជដូហ្វ ដែលពេលនោះនៅក្នុងគណៈប្រធានទីមួយ បានថ្លែងអំពីផ្កាទាំងនេះ ៖ លោកមានប្រសាសន៍ថា ៖

21:42

កាលនៅក្មេង ពេលខ្ញុំមើលផ្កាកុំភ្លេចខ្ញុំ ពេលខ្លះខ្ញុំមានអារម្មណ៍ថាដូចជាផ្កានោះ—តូច ហើយមិនសំខាន់ ។ ខ្ញុំឆ្ងល់ថាតើគ្រួសារខ្ញុំ ឬព្រះវរបិតាសួគ៌របស់ខ្ញុំនឹងបំភ្លេចខ្ញុំឬអត់ ។ ( « Forget Me Not » Liahona ខែវិច្ឆិកា ឆ្នាំ២០១១ ទំព័រ ១២២ )

តើមានហេតុផលអ្វីខ្លះដែលក្មេងវ័យជំទង់អាចនឹងទទួលអារម្មណ៍ថា អ្នកដទៃ ឬព្រះវរបិតាសួគ៌ភ្លេចពួកគេ ?

21:42

ជាច្រើនឆ្នាំក្រោយមក ខ្ញុំអាចមើលទៅក្មេងប្រុសរូបនោះវិញដោយភាពទន់ភ្លន់ និងក្តីមេត្តា ។ ហើយខ្ញុំដឹងឥឡូវនេះ—ថាខ្ញុំមិនត្រូវបានបំភ្លេចឡើយ ។ ហើយខ្ញុំដឹងអ្វីមួយផ្សេងទៀត ៖ ក្នុងនាមជាសាវករបស់លោកចៅហ្វាយ ដែលជាព្រះយេស៊ូវគ្រីស្ទរបស់យើង ខ្ញុំសូមប្រកាសដោយច្បាស់លាស់ និងដោយជឿជាក់អស់ពីដួងចិត្តរបស់ខ្ញុំ—ទ្រង់ក៏មិនភ្លេចអ្នកដែរ ! អ្នកពុំត្រូវបានបំភ្លេចចោលឡើយ ។ ( « Forget Me Not » Liahona ខែវិច្ឆិកា ឆ្នាំ២០១១ ទំព័រ ១២២ )

សូមជញ្ជឹងគិតអំពីបទពិសោធន៍របស់អ្នកផ្ទាល់ជាមួយនឹងព្រះវរបិតាសួគ៌ និងព្រះយេស៊ូវគ្រីស្ទ ។ តើអ្នកមានទំនុកចិត្តកម្រិតណាថាទ្រង់ទាំងទ្វេស្គាល់ និងចងចាំអ្នក ? តើបទពិសោធន៍អ្វីខ្លះដែលអ្នក ឬនរណាម្នាក់ដែលអ្នកស្គាល់ធ្លាប់មាន ដែលជួយអ្នកឲ្យយល់កាន់តែច្បាស់ពីរបៀបដែលទ្រង់ទាំងទ្វេស្គាល់ និងចងចាំអ្នកបានយ៉ាងល្អឥតខ្ចោះ ?

នៅពេលអ្នកសិក្សា អេសាយ ៤៩ នៅថ្ងៃនេះ សូមស្វែងរកចំណាប់អារម្មណ៍ពីព្រះវិញ្ញាណបរិសុទ្ធ ដែលថ្លែងទីបន្ទាល់ថា ព្រះវរបិតាសួគ៌ និងព្រះយេស៊ូវគ្រីស្ទនឹងមិនភ្លេចអ្នកឡើយ ។

ព្រះអម្ចាស់នឹងមិនភ្លេចស៊ីយ៉ូនឡើយ

ការសរសេរជាស្រទាប់ ៖ ជាញឹកញាប់ អេសាយបានសរសេរជាស្រទាប់ ។ ពាក្យសម្ដីរបស់លោកអាចថ្លែង ទៅកាន់ ឬ អំពី មនុស្សជាច្រើនក្នុងពេលតែមួយ រួមទាំងព្រះអង្គសង្គ្រោះ អ៊ីស្រាអែលក្នុងសេចក្ដីសញ្ញាពីបុរាណ អ៊ីស្រាអែលក្នុងសេចក្ដីសញ្ញានៅសម័យទំនើប ឬសូម្បីតែអេសាយខ្លួនឯងផ្ទាល់ផងដែរ ។

សូមអាន អេសាយ ៤៩:៤–៥ ហើយគូសសម្គាល់ពាក្យ ឬឃ្លានានាដែលពិពណ៌នាអំពីអារម្មណ៍របស់អេសាយអំពីបេសកកម្មរបស់លោក ។

នៅជាប់នឹងគំនូសសម្គាល់មួយដែលអ្នកបានគូស សូមកត់ត្រានៅក្នុងកំណត់ចំណាំមួយ ពីរបៀបដែលរាស្ដ្រក្នុងសេចក្ដីសញ្ញារបស់ព្រះនៅសព្វថ្ងៃនេះអាចយល់ពីអារម្មណ៍របស់អេសាយបាន ។

សូមអាន អេសាយ ៤៩:១៣–១៦ ។ សូមគូសសម្គាល់ឃ្លាដែលជួយអ្នកឲ្យយល់ថា ព្រះអម្ចាស់ស្រឡាញ់យើង ហើយទ្រង់នឹងមិនភ្លេច ឬបោះបង់យើងចោលឡើយ ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

មនុស្សម្នាក់ឱបព្រះគ្រីស្ទ បន្ទាប់ពីបានជាសះស្បើយ

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យទទួលអារម្មណ៍ថា ព្រះវរបិតាសួគ៌ និងព្រះយេស៊ូវគ្រីស្ទស្រឡាញ់អ្នក ហើយនឹងមិនភ្លេចអ្នកឡើយ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

កំណត់ចំណាំដែលអ្នកបានសរសេរមកពីជម្រើស ក ។
កំណត់ចំណាំដែលអ្នកបានសរសេរមកពីជម្រើស ខ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?