សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ៩៤ ៖ នាងអេសធើរ ផ្នែកទី ១—« សម្រាប់ពេលនេះឯង »

នាងអេសធើរ ៖ មេរៀនទី ៩៤

នាងអេសធើរ ផ្នែកទី ១

« សម្រាប់ពេលនេះឯង »

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

តើអ្នកធ្លាប់ឆ្ងល់ទេថា ហេតុអ្វីបានជាព្រះវរបិតាសួគ៌បាននាំអ្នកទៅកាន់កន្លែងនេះ នៅពេលនេះ ហើយតើទ្រង់មានកិច្ចការអ្វីខ្លះសម្រាប់អ្នកធ្វើ ? ស្ត្រីសាសន៍យូដាកំព្រាម្នាក់ឈ្មោះអេសធើរ ប្រហែលជាមានសំណួរស្រដៀងគ្នានេះដែរ ។ មេរៀននេះអាចជួយអ្នកឲ្យស្គាល់ពីរបៀបដែលព្រះវរបិតាសួគ៌ដាក់អ្នកនៅក្នុងស្ថានភាពទាំងឡាយ ដើម្បីជួយទ្រង់ឲ្យសម្រេចកិច្ចការរបស់ទ្រង់ ។

សិក្សាព្រះគម្ពីរ

តើអ្នកដឹងអ្វីខ្លះអំពីការលេងអុក ?

យុវជនម្នាក់អង្គុយនៅខាងក្រៅ និងលេងអុកជាមួយយុវនារីម្នាក់

អ្នកលេងអុកដ៏អស្ចារ្យប្រើចំណុចខ្លាំងនៃកូនអុកនីមួយៗនៅលើក្តារអុក ។ រាល់ជំហានកូនអុកនីមួយៗគឺជាផ្នែកមួយនៃផែនការដ៏ធំ ។

អែលឌើរ រ៉ូណល អេ រ៉ាសបាន ក្នុងកូរ៉ុមនៃពួកសាវកដប់ពីរនាក់ បានបង្រៀន ៖

ជីវិតរបស់យើងប្រៀបដូចក្ដារអុក ហើយព្រះអម្ចាស់រុញយើងពីកន្លែងមួយទៅកន្លែងមួយ—បើយើងអើពើទៅនឹងការបំផុសគំនិតខាងវិញ្ញាណ ។ ពេលយើងមើលទៅអតីតកាល យើងអាចឃើញព្រះហស្តទ្រង់ក្នុងជីវិតយើង ។ ( « By Divine Design » Liahona ខែវិច្ឆិកា ឆ្នាំ២០១៧ ទំព័រ ៥៥ )

ដំណើររឿងរបស់នាងអេសធើរបង្ហាញពីរបៀបដែលឥទ្ធិពលរបស់ព្រះ ដាក់នាងអេសធើរឲ្យនៅក្នុងស្ថានភាពមួយដើម្បីសម្រេចកិច្ចការរបស់ទ្រង់ ។

បន្ទាប់ពីពួកពើស៊ីវាយយកក្រុងបាប៊ីឡូនបាន ពួកសាសន៍យូដាជាច្រើននាក់បន្តនៅស្រុកពើស៊ី រួមទាំងនាងអេសធើរ និងអាណាព្យាបាលរបស់នាង ម៉ាដេកាយផងដែរ ។ ស្ដេចនៃស្រុកពើស៊ី អ័ហាស៊ូរុសបានមិនពេញព្រះទ័យនឹងអគ្គមហេសីរបស់ទ្រង់ ព្រះ‌នាងវ៉ាសធីទេ ហើយបានបញ្ជូនព្រះ‌នាងទៅឆ្ងាយ ( សូមមើល នាងអេសធើរ ១:១–១២ ) ។ ពេលស្វែងរកអគ្គមហេសីថ្មី អ័ហាស៊ូរុសបានអំពាវនាវឲ្យនាំស្ត្រីសាសន៍ពើស៊ីទាំងអស់ទៅគាល់ចំពោះមុខទ្រង់ ( សូមមើល នាងអេសធើរ ២:១–៤ ) ។ ក្នុងចំណោមស្ត្រីទាំងអស់ ស្តេចបានជ្រើសរើសយកនាងអេសធើរជាអគ្គមហេសី ( សូមមើល នាងអេសធើរ ២:៨–១៧ ) ។

នៅពេលអានវគ្គបទគម្ពីរធំៗនៅក្នុងព្រះគម្ពីរ វាអាចជាការលំបាកក្នុងការយល់ពីអ្វីដែលកំពុងកើតឡើង ។ សូមជ្រើសរើសវិធីសាស្រ្តមួយក្នុងចំណោមវិធីសាស្រ្តទាំងបីខាងក្រោមនេះ ឬផ្សំចូលគ្នា ហើយរើសយករបៀបមួយណាដែលត្រូវ ដើម្បីជួយដល់អ្នក នៅពេលអ្នកសិក្សាដំណើររឿងអំពីនាងអេសធើរ ដែលមាននៅក្នុងបញ្ជីវគ្គបទគម្ពីរនេះ ។

សូមគូសសម្គាល់ពាក្យ ឬឃ្លាដែលបង្ហាញពីកាលៈទេសៈលំបាកៗ ដែលនាងអេសធើរ និងម៉ាដេកាយបានប្រឈមមុខ ។
សូមអានឮៗជាមួយសមាជិកគ្រួសារ ឬមិត្តភក្ដិ ។
សូមប្រើ ដំណើររឿងព្រះគម្ពីរសញ្ញាចាស់ ដើម្បីជួយអ្នកមើលឃើញដំណើររឿងនេះ ។

នាងអេសធើរ ៣:១–១៣
នាងអេសធើរ ៤:១–៩

ប្រសិនបើមានវីដេអូនេះ អ្នកក៏អាចមើល « For Such a Time as This » ( ១៣:៤៤ ) បានផងដែរ ។

13:44

អែលឌើរ រ៉ាសបាន បានថ្លែងទីបន្ទាល់បន្ថែមទៀត ៖

ខ្ញុំដឹងថា ព្រះអម្ចាស់នឹងជំរុញយើងឲ្យនៅលើក្តារអុកនោះ ដើម្បីធ្វើកិច្ចការរបស់ទ្រង់ ។ អ្វីដែលមើលទៅដូចជាឱកាសចៃដន្យ គឺតាមពិតបានមើលខុសត្រូវដោយព្រះវរបិតាដែលពេញដោយសេចក្ដីស្រឡាញ់ដែលគង់នៅស្ថានសួគ៌ ដែលអាចរាប់អស់ទាំងសរសៃសក់របស់បងប្អូនម្នាក់ៗបាន ។ …

ព្រះវរបិតាសួគ៌អាចដាក់យើងក្នុងស្ថានភាពមួយក្នុងព្រះរាជបំណងជាក់លាក់ ។ ទ្រង់បានធ្វើដូច្នេះនៅក្នុងជីវិតរបស់ខ្ញុំ ហើយទ្រង់កំពុងធ្វើដូច្នេះនៅក្នុងជីវិតរបស់អ្នកដែរ ។ ( « By Divine Design » Liahona ខែវិច្ឆិកា ឆ្នាំ២០១៧ ទំព័រ ៥៥–៥៦ )

សូមអាន នាងអេសធើរ ៤:១១–១៤ ។ សូមគូសសម្គាល់ឃ្លា « ប្រហែលជាព្រះនាង បានតាំងឡើងក្នុងរាជ្យ សម្រាប់ពេលនេះឯងទេដឹង ? » សូមសរសេរកំណត់ចំណាំមួយដែលឆ្លើយនឹងសំណួរ មួយ ឬទាំងពីរ នៅខាងក្រោមនេះ ៖

តើសេចក្ដីពិតអ្វីខ្លះដែលយើងអាចរៀនអំពីព្រះវរបិតាសួគ៌មកពីដំណើររឿងរបស់នាងអេសធើរ និងអែលឌើរ រ៉ាសបាន ?
តើអ្នកបានឃើញព្រះហស្ដរបស់ព្រះវរបិតាសួគ៌ដាក់អ្នកនៅជុំវិញមនុស្សជាក់លាក់ ឬក្នុងស្ថានភាពមួយចំនួន « សម្រាប់ពេលនេះឯង » ( នាងអេសធើរ ៤:១៤ ) នៅពេលណាដែរ ?

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យស្គាល់ពីរបៀបដែលព្រះវរបិតាសួគ៌ដាក់អ្នកនៅក្នុងស្ថានភាពទាំងឡាយ ដើម្បីជួយទ្រង់ឲ្យសម្រេចកិច្ចការរបស់ទ្រង់ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

សេចក្ដីពិតដែលអ្នកបានរកឃើញ នៅពេលអ្នកសិក្សាដំណើររឿងអំពីនាងអេសធើរ ។
របៀបដែលអ្នកបានឃើញព្រះដាក់អ្នកនៅជុំវិញមនុស្ស ឬនៅក្នុងស្ថានភាព « សម្រាប់ពេលនេះឯង » ( នាងអេសធើរ ៤:១៤ ) ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?