ពង្សាវតារក្សត្យ ទី២ ២–៧ ៖ មេរៀនទី ៨៥
ពង្សាវតារក្សត្រ ទី២ ៦
« ពួកដែលនៅខាងយើង »
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ពេលឡោមព័ទ្ធដោយកងទ័ពស៊ីរី បាវបម្រើរបស់ព្យាការីអេលីសេបានស្រែកឡើងដោយភ័យខ្លាច « តើយើងនឹងធ្វើដូចម្តេច ? » ( ពង្សាវតារក្សត្រ ទី២ ៦:១៥ ) ។ តើអ្នកធ្លាប់មានអារម្មណ៍ភ័យខ្លាចដូចអ្នកបម្រើវ័យក្មេងរបស់អេលីសេដែរទេ ? មេរៀននេះអាចជួយអ្នកឲ្យបង្កើនទំនុកចិត្តកាន់តែខ្លាំងលើការមើលថែដ៏ខ្ជាប់ខ្ជួន និងយកព្រះទ័យទុកដាក់របស់ព្រះអម្ចាស់ ។
សិក្សាព្រះគម្ពីរ
តើវាអាចប៉ះពាល់ដល់អ្នកយ៉ាងដូចម្ដេច ប្រសិនបើអ្នកអាចមើលឃើញព្រះរាល់ពេលដែលទ្រង់មានវត្តមាននៅក្នុងជីវិតរបស់អ្នក ?
សូមជញ្ជឹងគិតថាតើអ្នកស្គាល់ព្រះវរបិតាសួគ៌ និងការចូលរួមរបស់ព្រះយេស៊ូវគ្រីស្ទក្នុងជីវិតអ្នកបានល្អកម្រិតណា ។ នៅពេលអ្នកសិក្សា ពង្សាវតារក្សត្រ ទី២ ៦ សូមយាងព្រះវិញ្ញាណបរិសុទ្ធ ដើម្បីជួយអ្នកឲ្យស្គាល់របៀបដែលព្រះវរបិតាសួគ៌ និងព្រះយេស៊ូវគ្រីស្ទកំពុងប្រទានពរ និងការពារអ្នក ។
ក្នុងអំឡុងនៃសង្គ្រាមរវាងអ៊ីស្រាអែល និងស៊ីរី ស្ដេចនៃស្រុកស៊ីរីបានពិភាក្សាអំពីផែនការប្រយុទ្ធរបស់ទ្រង់ជាមួយនឹងអ្នកបម្រើរបស់ទ្រង់ដោយសម្ងាត់ ។ ទោះជាយ៉ាងណា ព្រះអម្ចាស់បានបើកសម្ដែងម្ដងហើយម្ដងទៀតអំពីផែនការរបស់ស៊ីរីដល់ព្យាការីអេលីសេ ដែលលោកនឹងព្រមានដល់ស្ដេចអ៊ីស្រាអែល ។ ពេលស្ដេចនៃស្រុកស៊ីរីបានដឹងហេតុការណ៍នេះ ទ្រង់ក៏ចាត់កងទ័ពទៅចាប់អេលីសេ ( សូមមើល ពង្សាវតារក្សត្រ ទី២ ៦:៨–១៣ ) ។
សូមអាន ពង្សាវតារក្សត្រ ទី២ ៦:១៤–១៦ ។ ប្រសិនបើអ្នកជាអ្នកបម្រើដែលពួកកងទ័ពបានឡោមព័ទ្ធ តើអ្នកគិតយ៉ាងណាពេលបានឮអេលីសេនិយាយថា « ពួកដែលនៅខាងយើង មានគ្នាច្រើនជាងពួកដែលនៅខាងគេទៅទៀត ? » សូមពិចារណាដាក់ស្លាកឃ្លានេះថា « ជំនួយដ៏ទេវភាព » ។
សូមអាន ពង្សាវតារក្សត្រ ទី២ ៦:១៧ ។ សូមសរសេរកំណត់ចំណាំដែលបង្ហាញសេចក្តីពិតដូចតទៅនេះ ៖ ព្រះអម្ចាស់អាចជួយខ្ញុំឲ្យស្គាល់ពរជ័យ និងការការពាររបស់ទ្រង់នៅក្នុងជីវិតរបស់ខ្ញុំ ។ នៅក្នុងកំណត់ចំណាំរបស់អ្នក សូមបញ្ចូលគំនិតរបស់អ្នកអំពីរបៀបដែលការដឹងពីសេចក្តីពិតនេះ អាចជះឥទ្ធិពលដល់ក្មេងជំទង់ម្នាក់នាពេលបច្ចុប្បន្ននេះបាន ។
សូមបន្តអាន ពង្សាវតារក្សត្រ ទី២ ៦:១៨–២៣ ។ សូមគូសសម្គាល់របៀបដ៏អព្ភូតហេតុ ដែលព្រះអម្ចាស់បានការពារអេលីសេ និងអ្នកបម្រើរបស់ទ្រង់ ។
បន្ទាប់ពីអ្នកអានរួចហើយ អ្នកក៏អាចមើល « Elisha and the Lord’s Army » ( ១:០៩ ) ដើម្បីជួយអ្នកឲ្យស្រមៃឃើញពីសាច់រឿងនេះបានផងដែរ ។ សូមរកមើលព័ត៌មានលម្អិតពីខគម្ពីរដែលវីដេអូនេះខកខាន ។
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។
ជម្រើស ក
តើខ្ញុំអាចស្គាល់ពរជ័យ និងការការពាររបស់ព្រះអម្ចាស់នៅក្នុងជីវិតរបស់ខ្ញុំដោយរបៀបណា ?
Blessed Art Thou Among Women [ ក្នុងបណ្តាពួកស្រីៗ នាងជាស្រ្តីមានពរពិត ] ដោយ វ៉លធើរ រេន
ដើម្បីជួយអ្នកឲ្យស្គាល់របៀបដែលព្រះអម្ចាស់អាចប្រទានពរ និងការពារអ្នក សូមសិក្សាធនធានខាងក្រោម បី ឬច្រើន ដូចខាងក្រោម ។ រាល់ពេលដែលអ្នករកឃើញឃ្លាអំពីការការពាររបស់ព្រះអម្ចាស់ សូមដាក់ស្លាកវាថា « ការការពាររបស់ព្រះ » « ពរជ័យដែលបានសន្យា » ឬស្លាកមួយដែលអ្នកបង្កើតថ្មី ។
-
ប្រធាន ហែនរី ប៊ី អាវរិង នៃគណៈប្រធានទីមួយបានបង្រៀនអំពីជំនួយរបស់ព្រះអម្ចាស់ដូចខាងក្រោម ៖
ដូចជាបាវបម្រើរបស់អេលីសេរូបនោះផងដែរ មានអ្នកនៅជាមួយបងប្អូនច្រើនជាងអ្នកដែលបងប្អូនអាចឃើញថាប្រឆាំងនឹងបងប្អូន ។ ពួកគេខ្លះដែលនៅជាមួយបងប្អូន ប៉ុន្តែកែវភ្នែករមែងស្លាប់របស់បងប្អូនមិនអាចមើលឃើញឡើយ ។ ព្រះអម្ចាស់នឹងលើកបងប្អូនឡើង ហើយនៅពេលខ្លះក៏ហៅអ្នកដទៃមកនៅជាមួយបងប្អូន ។ ( « O Ye That Embark » Liahona ខែវិច្ឆិកា ឆ្នាំ២០០៨ ទំព័រ ៥៨ )
-
ប្រធាន ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់ បានបង្រៀនដូចខាងក្រោមនេះនៅក្នុងសុន្ទរកថារបស់លោក « The Ministry of Angels » ( Liahona ខែវិច្ឆិកា ឆ្នាំ២០០៨ ទំព័រ ២៩–៣០ ) ៖
16:41
នៅក្នុងសៀវភៅកត់ចំណាំរបស់អ្នក សូមឆ្លើយសំណួរ មួយ ឬច្រើន ដូចខាងក្រោម ៖
-
តើនៅពេលណាដែលព្រះអម្ចាស់បានប្រទានពរ ឬការពារអ្នក ឬនរណាម្នាក់ដែលអ្នកស្គាល់ តាមរបៀបមួយក្នុងចំណោមរបៀបទាំងនេះ ?
-
តើបទពិសោធន៍នេះបង្រៀនអ្នកអ្វីខ្លះអំពីព្រះអម្ចាស់ ?
ជម្រើស ខ
តើព្រះមានវត្តមានក្នុងរឿងលម្អិតគ្រប់យ៉ាងក្នុងជីវិតរបស់ខ្ញុំដោយរបៀបណា ?
តើបញ្ហាមួយណាក្នុងចំណោមឧបសគ្គខាងក្រោមនេះ ដែលអ្នកគិតថាព្រះយកព្រះទ័យទុកដាក់ ?
-
ការប្រឡងពិបាកៗនៅសាលា
-
ការបាត់សោ ឬទូរសព្ទដៃ
-
ការពុះពារនឹងទំនាក់ទំនង
សូមអាន ពង្សាវតារក្សត្រ ទី២ ៦:១–៧ ហើយរកមើលអព្ភូតហេតុដែលព្យាការីអេលីសេបានធ្វើ ។
សូមបង្កើតកំណត់ចំណាំមួយនៅជិតនឹង ខទី ៥ ហើយសង្ខេបគំនិតរបស់អ្នកអំពីសំណួរដូចខាងក្រោមនេះ ៖
-
ហេតុអ្វីបានជាការបាត់ក្បាលពូថៅធ្វើឲ្យបុរសម្នាក់នេះព្រួយបារម្ភ ?
-
នៅក្នុងបរិបទនៃផែនការនៃសេចក្តីសង្រ្គោះ តើក្បាលពូថៅមានសារៈសំខាន់យ៉ាងណា ?
-
តើអព្ភូតហេតុនេះបង្រៀនបងប្អូនអ្វីខ្លះអំពីព្រះ ?
ប្រធាន ថូម៉ាស អេស ម៉នសុន ( ឆ្នាំ១៩២៧–២០១៨ ) បានបង្រៀនដូចខាងក្រោម ៖
ព្រះវរបិតាសួគ៌របស់យើងបានដឹងពីតម្រូវការរបស់យើង ហើយនឹងជួយយើងនៅពេលយើងទូលសូមជំនួយពីទ្រង់ ។ ខ្ញុំជឿថា គ្មានកង្វល់របស់យើងណាមួយតូចតាចពេក ឬពុំសំខាន់នោះទេ ។ ព្រះអម្ចាស់គឺខ្វល់ព្រះទ័យចំពោះរឿងលម្អិតក្នុងជីវិតរបស់យើង ។ ( « Consider the Blessings » Liahona ខែវិច្ឆិកា ឆ្នាំ២០១២ ទំព័រ ៨៨ )
សូមសរសេរអំពីបទពិសោធន៍មួយដែលអ្នកមាន ដែលព្រះអម្ចាស់បានជួយអ្នកតាមរបៀបតូចមួយ ។ ប្រសិនបើអ្នកមិនអាចគិតអំពីបទពិសោធន៍មួយទេ សូមសរសេរអ្វីដែលអ្នកបានរៀននៅថ្ងៃនេះ ដែលអាចជួយអ្នកឲ្យស្គាល់ព្រះអម្ចាស់ក្នុងជីវិតរបស់អ្នក ។
ឥឡូវត្រូវធ្វើដូចម្តេចទៀត ?
ស៊ីស្ទើរ មីឈែល ឌី ក្រេហ្គ អតីតសមាជិកគណៈប្រធានយុវនារី បានពន្យល់នូវអ្វីដែលយើងអាចធ្វើបាន ប្រសិនបើយើងពិបាកមើលឃើញពីរបៀបដែលព្រះធ្វើការនៅក្នុងជីវិតរបស់យើង ៖
ពេលខ្លះបងប្អូនដូចអ្នកបម្រើនោះ បងប្អូនមានការពិបាកក្នុងការមើលឃើញពីរបៀបដែលព្រះកំពុងធ្វើការនៅក្នុងជីវិតរបស់បងប្អូន—ពេលដែលបងប្អូនមានអារម្មណ៏ថាកំពុងត្រូវឡោមព័ទ្ធ—នៅពេលការសាកល្បងក្នុងជីវិតរមែងស្លាប់ធ្វើឲ្យបងប្អូនលុតជង្គង់ចុះ ។ រង់ចាំហើយទុកចិត្តទៅលើព្រះ និងពេលវេលារបស់ទ្រង់ពីព្រោះបងប្អូនអាចជឿជាក់លើដួងចិត្តរបស់ទ្រង់ដោយអស់ពីដួងចិត្តរបស់បងប្អូន ។ ប៉ុន្តែ វាមានមេរៀនទីពីរនៅទីនេះ ។ បងប្អូនប្រុសស្រីជាទីស្រឡាញ់របស់ខ្ញុំ បងប្អូនក៏អាចអធិស្ឋានសុំព្រះអម្ចាស់ឲ្យបើកភ្នែកបងប្អូនមើលឃើញនូវការណ៍ទាំងឡាយដែលភ្នែកធម្មតាមិនអាចមើលឃើញបាន ។ ( « Eyes to See » Liahona ខែវិច្ឆិកា ឆ្នាំ២០២០ ទំព័រ ១៥ )
សូមស្វែងរកកន្លែងមួយដែលអ្នកអាចលុតជង្គង់ធ្វើការអធិស្ឋានផ្ទាល់ខ្លួនបាន ។ សូមចែកចាយជាមួយព្រះអម្ចាស់នូវអ្វីដែលអ្នកកំពុងពុះពារ ។ សូមធ្វើតាមមតិយោបល់របស់ស៊ីស្ទើរ ក្រេហ្គ ៖ « សូមអធិស្ឋានសូមព្រះអម្ចាស់ឲ្យបើកភ្នែកបងប្អូនមើលឃើញនូវការណ៍ទាំងឡាយដែលភ្នែកធម្មតាមិនអាចមើលឃើញបាន » ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយបង្កើនទំនុកចិត្តកាន់តែខ្លាំងលើការមើលថែដ៏ខ្ជាប់ខ្ជួន និងយកព្រះទ័យទុកដាក់របស់ព្រះអម្ចាស់ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
បញ្ជីដែលអ្នកបានធ្វើអំពីរបៀបដែលព្រះអម្ចាស់មើលថែ និងយកព្រះទ័យទុកដាក់ចំពោះយើង ។
-
អ្វីដែលអ្នកបានសរសេរអំពីបទពិសោធន៍មួយ ដែលអ្នកបានទទួលជំនួយពីព្រះអម្ចាស់តាមរបៀបតូចតាច ឬអ្វីដែលអ្នកបានរៀននៅថ្ងៃនេះ ដែលអាចជួយអ្នកឲ្យស្គាល់ព្រះអម្ចាស់ក្នុងជីវិតរបស់អ្នក ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?