សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

មេរៀនទី ៨៣ ៖ ពង្សាវតារក្សត្រ ទី២ ២–៤—ព្រះអម្ចាស់ប្រទានព្រះចេស្តា និងសិទ្ធិអំណាចដល់អេលីសេ

Elijah Smites the River Jordan [ អេលីយ៉ាវាយទន្លេយ័ដាន់ ] ដោយ រ៉ូប៊ើត ធី បារែត

ពង្សាវតារក្សត្យ ទី២ ២–៧ ៖ មេរៀនទី ៨៣

ពង្សាវតារក្សត្រ ទី២ ២–៤

ព្រះអម្ចាស់ប្រទានព្រះចេស្តា និងសិទ្ធិអំណាចដល់អេលីសេ

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

តើអ្នកធ្លាប់បានទទួលការហៅឲ្យបម្រើដែរឬទេ ? នៅពេលយើងទទួលការហៅ យើងទទួលបានសិទ្ធិអំណាចរបស់ព្រះអម្ចាស់ដើម្បីបម្រើ ។ នៅពេលយើងខិតខំបម្រើ ហើយប្រែក្លាយកាន់តែដូចជាទ្រង់ នោះទ្រង់នឹងប្រទានពរដល់យើងនូវព្រះចេស្ដារបស់ទ្រង់ ។ ដំណើររឿងអំពីព្រះអម្ចាស់ប្រទានព្រះចេស្ដា និងសិទ្ធិអំណាចដល់ព្យាការីអេលីសេបន្ទាប់ពីអេលីយ៉ាបានឡើងទៅស្ថានសួគ៌ បង្ហាញយ៉ាងស្រស់ស្អាតពីសេចក្តីពិតនេះ ។ មេរៀននេះអាចជួយអ្នកឲ្យយល់ថា ព្រះអម្ចាស់ប្រទានព្រះចេស្ដា និងសិទ្ធិអំណាចដល់អ្នកដែលទ្រង់ហៅឲ្យបម្រើ ។

សិក្សាព្រះគម្ពីរ

សូមមើលរូបភាពរបស់វេជ្ជបណ្ឌិត និងប្រធាន រ័សុល អិម ណិលសុន ។ សូមជញ្ជឹងគិតអំពីសំណួរខាងក្រោមនេះ ៖

វេជ្ជបណ្ឌិតពិនិត្យសម្ពាធឈាមរបស់អ្នកជំងឺរបស់គាត់

រូបថតផ្លូវការពាក់កណ្តាលខ្លួនរបស់ រ័សុល អិម ណិលសុន

តើបុគ្គលនេះមានការទទួលខុសត្រូវអ្វីខ្លះ ?
តើនរណាជាអ្នកផ្តល់សិទ្ធិអំណាចឲ្យពួកលោកបំពេញតួនាទីរបស់ពួកលោក ?
តើអ្វីដែលផ្ដល់ឲ្យអ្នកមានទំនុកចិត្តលើពួកលោក ?

សូមគិតពីសំណួរខាងក្រោមនេះ ។ នៅពេលអ្នកពិចារណាលើចម្លើយរបស់អ្នក សូមស្តាប់ចំណាប់អារម្មណ៍ពីព្រះវិញ្ញាណបរិសុទ្ធអំពីអ្វីដែលព្រះអម្ចាស់ចង់ឲ្យអ្នកយល់អំពីការបម្រើដោយព្រះចេស្ដា និងសិទ្ធិអំណាចរបស់ព្រះអម្ចាស់ក្នុងការហៅបម្រើទាំងឡាយ ។

តើខ្ញុំយល់យ៉ាងណាអំពីការទទួលបានព្រះចេស្ដា និងសិទ្ធិអំណាចរបស់ព្រះអម្ចាស់ដើម្បីបម្រើក្នុងការហៅបម្រើទាំងឡាយ ?
តើការយល់ដឹងនេះអាចមានឥទ្ធិពលលើរបៀបដែលខ្ញុំឆ្លើយតប នៅពេលខ្ញុំ ឬនរណាម្នាក់ផ្សេងទៀតទទួលការហៅពីព្រះអម្ចាស់យ៉ាងដូចម្ដេច ?

អេលីសេមានបទពិសោធន៍មួយក្នុងអំឡុងពេលដែលលោកបានរៀនថា ព្រះអម្ចាស់ប្រទានសិទ្ធិអំណាច និងព្រះចេស្ដាដល់អស់អ្នកដែលទ្រង់ហៅ ។ នៅពេលដែលអ្នកសិក្សា សូមរកមើលភស្តុតាងនៃសេចក្តីពិតនេះ ។

ព្រះអម្ចាស់បានបើកសម្ដែងដល់អេលីយ៉ាថា អេលីសេនឹងក្លាយជាព្យាការី ( សូមមើល ពង្សាវតារក្សត្រ ទី១ ១៩:១៦, ១៩ ) ។ អេលីសេបានដឹងថា ព្រះអម្ចាស់នឹងយកអេលីយ៉ាទៅឆាប់ៗនេះ ( សូមមើល ពង្សាវតារក្សត្រ ទី២ ២:១–៣ ) ។ នៅថ្ងៃចុងក្រោយរបស់អេលីយ៉ា អេលីសេបានដើរតាមអេលីយ៉ាពីទីក្រុងមួយទៅទីក្រុងមួយ រហូតដល់អ្នកទាំងពីរមកដល់ទន្លេយ័រដាន់ ។

សូមមើល ពង្សាវតារក្សត្រ ទី២ ២:៨–១៥ ។ សូមគូររូបភាពសាមញ្ញបី ឬបួននៃអ្វីដែលបានកើតឡើងនៅក្នុងខគម្ពីរនេះ ។ ឧទាហរណ៍ រូបភាពដែលអ្នកគូរសម្រាប់ ខទី ៨–៩ អាចមើលទៅដូចរូបគំនូរខាងក្រោម ៖

រូបមនុស្សពិពណ៌នាអេលីសេកាន់ក្រមារបស់អេលីយ៉ា

បរិបទ ។ ពាក្យ ក្រមា មានន័យថា អាវផាយ ។ ក្រមាដែលអេលីយ៉ា និងអេលីសេបានប្រើ មិនបានប្រទានឲ្យពួកលោកនូវអំណាច និងសិទ្ធិអំណាចទេ ប៉ុន្តែ តំណាងឲ្យ ព្រះចេស្ដា និងសិទ្ធិអំណាចរបស់ព្រះ ។ នៅក្នុងសាសនាចក្រសព្វថ្ងៃនេះ ជួនកាលយើងសំដៅទៅលើការហៅ ឬសិទ្ធិអំណាចរបស់នរណាម្នាក់ថាជា « ក្រមា » របស់ពួកគេ ។ ឧទាហរណ៍ នៅពេលព្យាការីថ្មីត្រូវបានគាំទ្រជាប្រធានសាសនាចក្រ នោះលោកទទួលបានក្រមានៃសិទ្ធិអំណាច ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។

ឥឡូវត្រូវធ្វើដូចម្តេចទៀត ?

សូមជ្រើសរើសស្ថានភាពមួយ នៃស្ថានភាពខាងក្រោម ។ សូមសរសេរសារខ្លីមួយសង្ខេបៗចែកចាយអ្វីដែលអ្នកគិតថា អេលីសេចង់ឲ្យបុគ្គលរូបនេះដឹង ។ នៅក្នុងការឆ្លើយតបរបស់អ្នក សូមរួមបញ្ចូលទាំងបទគម្ពីរ សេចក្ដីថ្លែងការណ៍ពីថ្នាក់ដឹកនាំសាសនាចក្រ ឬការយល់ដឹងដែលអ្នកទទួលពីព្រះវិញ្ញាណ នៅពេលអ្នកបានសិក្សាដំណើររឿងអំពីការហៅឲ្យបម្រើរបស់អេលីសេ ។

យុវជន ឬយុវនារីត្រូវបានហៅឲ្យបម្រើជាប្រធានកូរ៉ុម ឬថ្នាក់របស់ពួកគេ ។ ពួកគេមិនមានអារម្មណ៍ថា ពួកគេដឹងគ្រប់គ្រាន់ដើម្បីបំពេញការហៅនេះបានល្អនោះទេ ។

អ្នកផ្សព្វផ្សាយសាសនាត្រូវបានហៅឲ្យបម្រើនៅក្នុងប្រទេសដែលប្រជាជននិយាយភាសាផ្សេង ។ ពួកគេមានការព្រួយបារម្ភថាតើការចែកចាយដំណឹងល្អរបស់ពួកគេមានប្រសិទ្ធិភាពខ្លាំងប៉ុនណា ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកយល់ថា ព្រះអម្ចាស់ប្រទានព្រះចេស្ដា និងសិទ្ធិអំណាចដល់អស់អ្នកដែលទ្រង់ហៅឲ្យបម្រើ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

រូបគំនូរចេញពីការសិក្សារបស់អ្នកពីខគម្ពីរទាំងនេះ ។
កំណត់ចំណាំដែលអ្នកបានសរសេរចេញពីផ្នែក ឥឡូវត្រូវធ្វើដូចម្តេចទៀត ?
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?