សាំយូអែល ទី១ ១៧–១៨; ២៤–២៦; សាំយូអែល ទី២ ៥–៧ ៖ មេរៀនទី ៧៦
ការអនុវត្តចំណេះចំណានខាងគោលលទ្ធិទី ៥
ការទន្ទេញឃ្លាគន្លឹះ និងការអនុវត្តតាមគោលការណ៍នៃការទទួលបានចំណេះដឹងខាងវិញ្ញាណ
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ចំណេះចំណានខាងគោលលទ្ធិអាចជួយអ្នកឲ្យស្ថាបនាគ្រឹះជីវិតរបស់អ្នកនៅលើព្រះយេស៊ូវគ្រីស្ទ និងដំណឹងល្អរបស់ទ្រង់ ។ មេរៀននេះអាចជួយអ្នកឲ្យទន្ទេញចាំឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ។ វាក៏អាចជួយអ្នកឲ្យអនុវត្តតាមគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណផងដែរ ។
ទន្ទេញ
សូមគិតពីគ្រាមួយ នៅពេលអ្នកទន្ទេញចាំអ្វីមួយជាលើកដំបូង ។ តើអ្នកអាចនៅចាំថាវាជាអ្វីដែរឬទេ ? នៅពេលខ្លះយើងអាចទន្ទេញចាំអ្វីៗបានយ៉ាងងាយស្រួល ដូចជាទំនុកច្រៀងជាដើម ប៉ុន្តែពេលខ្លះទៀតវាពិបាកទន្ទេញចាំជាង ។ តើអ្នកធ្លាប់ទន្ទេញបទគម្ពីរដែរឬទេ ? តើវាបានជួយអ្នកយ៉ាងដូចម្ដេច ?
សូមរំឭកវគ្គបទគម្ពីរចំណេះចំណានខាងគោលលទ្ធិ ដែលអ្នកបានសិក្សារហូតមកដល់ពេលនេះ ។ សូមប្រាកដថា វាត្រូវបានដាក់ស្លាកនៅក្នុងព្រះគម្ពីររបស់អ្នក ។
|
សេចក្តីយោងបទគម្ពីរចំណេះចំណានខាងគោលលទ្ធិ |
ឃ្លាបទគម្ពីគន្លឹះ |
|---|---|
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីគន្លឹះ « នេះហើយជាកិច្ចការរបស់យើង និងសិរីល្អរបស់យើង—គឺដើម្បីនាំឲ្យមានអមតភាព និងជីវិតដ៏នៅអស់កល្បជានិច្ចដល់មនុស្ស » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីគន្លឹះ « ព្រះអម្ចាស់ទ្រង់បានហៅរាស្រ្តទ្រង់ថាស៊ីយ៉ូន ពីព្រោះពួកគេមានចិត្តតែមួយ និងគំនិតតែមួយ » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីគន្លឹះ ព្រះអម្ចាស់បានសន្យានឹងអ័ប្រាហាំថា ពូជរបស់លោកនឹង « បានកាន់ការងារបម្រើ និងបព្វជិតភាពនេះដល់អស់ទាំងសាសន៍ » ។ |
សេចក្តីយោងបទគម្ពីរចំណេះចំណានខាងគោលលទ្ធិ | ឃ្លាបទគម្ពីគន្លឹះ កាលជាវិញ្ញាណ យើង « ត្រូវបានបង្កើតឡើង មុនកំណើតលោកិយមកម្ល៉េះ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ១:២៦–២៧ | ឃ្លាបទគម្ពីគន្លឹះ « ព្រះបានបង្កើតមនុស្សតាមរូបអង្គទ្រង់ផ្ទាល់ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ២:២៤ | ឃ្លាបទគម្ពីគន្លឹះ « មនុស្សប្រុស … នឹងទៅជាប់នឹងប្រពន្ធវិញ ហើយអ្នកទាំងពីរនោះនឹងត្រឡប់ជាសាច់តែមួយសុទ្ធ » ។ |
សេចក្តីយោងបទគម្ពីរចំណេះចំណានខាងគោលលទ្ធិ លោកុប្បត្តិ ៣៩:៩ | ឃ្លាបទគម្ពីគន្លឹះ « ធ្វើដូចម្ដេចឲ្យខ្ញុំប្រព្រឹត្តការដែលអាក្រក់យ៉ាងធំនេះទៅបាន ធ្វើយ៉ាងនោះនឹងមានបាបនៅចំពោះព្រះផង ? » |
សេចក្តីយោងបទគម្ពីរចំណេះចំណានខាងគោលលទ្ធិ និក្ខមនំ ២០:៣–១៧ | ឃ្លាបទគម្ពីគន្លឹះ ក្រឹត្យវិន័យដប់ប្រការ |
សេចក្តីយោងបទគម្ពីរចំណេះចំណានខាងគោលលទ្ធិ យ៉ូស្វេ ២៤:១៥ | ឃ្លាបទគម្ពីគន្លឹះ « ចូររើសយកព្រះណាដែលឯងចង់គោរពប្រតិបត្តិតាមនៅថ្ងៃនេះចុះ » ។ |
សូមជ្រើសរើសវគ្គបទគម្ពីរមួយក្នុងចំណោមខាងលើ ។ បន្ទាប់មក សូមធ្វើតាមជំហានទាំងនេះ ៖
-
សូមសរសេរសេចក្ដីយោងចំណេះចំណានខាងគោលលទ្ធិ និងឃ្លាគន្លឹះនៅក្នុងសៀវភៅកំណត់ហេតុរបស់អ្នក ( យល់ល្អសរសេរដោយប្រើខ្មៅដៃ ) ។
-
សូមអានវាឮៗឲ្យខ្លួនឯងឮ ។
-
បន្ទាប់ពីអានរួច សូមលុប ឬឆូតពាក្យ ឬលេខមួយ ឬពីរចេញ ។
-
សូមអានវាឲ្យឮៗម្តងទៀត ។
-
សូមបន្តធ្វើដូចគ្នាបែបនេះឡើងវិញរហូតទាល់តែអ្នកបានលុបពាក្យ និងលេខទាំងអស់ចេញ ។
-
សូមព្យាយាមសរសេរសេចក្តីយោង និងឃ្លាគន្លឹះពីការចងចាំ ។
រៀនសូត្រ និងអនុវត្ត
សូមអានសាច់រឿងខាងក្រោម ឬមើលវីដេអូ « Bullying—Stop It » ចាប់ពីនាទីទី ០:០០ ដល់ ៦:៥០ ។ សូមគិតអំពីគុណតម្លៃរបស់មនុស្សម្នាក់ៗក្នុងនាមជាបុត្ររបស់ព្រះ និងសារៈសំខាន់នៃការមើលឃើញ និងការប្រព្រឹត្តចំពោះអ្នកដទៃតាមរបៀបដែលព្រះអង្គសង្គ្រោះធ្វើ ។
ចូ ជាសមាជិកម្នាក់នៅក្នុងក្រុមមិត្តភក្តិដែលឧស្សាហ៍មានចិត្តអាក្រក់ដាក់អ្នកដទៃនៅសាលារៀន និងតាមប្រព័ន្ធផ្សព្វផ្សាយសង្គម ។ ពួកគេគិតថា អ្វីដែលពួកគេកំពុងធ្វើគឺគ្រាន់តែជាការលេងសើច និងសប្បាយប៉ុណ្ណោះ ។ ថ្ងៃមួយ ចូ បានឃើញប្អូនស្រីរបស់គាត់ត្រូវបានគេធ្វើបាប ។ គាត់អាចមើលឃើញថា ប្អូនស្រីគាត់ឈឺចាប់ប៉ុនណា ។ គាត់បារម្ភពីរបៀបដែលការសម្លុតធ្វើបាបអាចប៉ះពាល់ដល់នាង ។ ការឃើញប្អូនស្រីរបស់គាត់ត្រូវបានគេធ្វើបាបបណ្តាលឲ្យ ចូ ដឹងអ្វីមួយដែលគាត់មិនបានមើលឃើញពីមុនមក ។ គាត់ទទួលស្គាល់ពីរបៀបដែលគាត់ និងមិត្តរបស់គាត់ធ្វើឲ្យអ្នកដទៃមានអារម្មណ៍បែបនោះ ។ គាត់មានអារម្មណ៍បាក់ទឹកចិត្ត ហើយឆ្ងល់ថា តើគាត់គួរធ្វើអ្វីឥឡូវនេះ ។
សូមចំណាយពេលខ្លះដើម្បីពិនិត្យមើលគោលការណ៍នៃ « ការទទួលបានចំណេះដឹងខាងវិញ្ញាណ » មកពី ឯកសារគោលនៃចំណេះចំណានខាងគោលលទ្ធិ ( ឆ្នាំ២០២៣ ) ។ បន្ទាប់មក សូមឆ្លើយសំណួរដូចខាងក្រោមនៅក្នុងសៀវភៅកត់ចំណាំរបស់អ្នក ៖
-
តើការផ្លាស់ប្តូរអ្វីខ្លះដែល ចូ អាចពិចារណាធ្វើបាន ទាក់ទងនឹងរបៀបដែលគាត់ប្រព្រឹត្តចំពោះអ្នកដទៃ ?
-
ហេតុអ្វីបានជាវាពិបាកក្នុងការធ្វើការផ្លាស់ប្តូរទាំងនេះ ?
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។
ជម្រើស ក
តើខ្ញុំអាចធ្វើសកម្មភាពដោយសេចក្ដីជំនឿដោយរបៀបណា ?
ដើម្បីបង្ហាញពីអ្វីដែល ចូ អាចធ្វើបាន សូមបង្កើតស្លាកគំនូរដំណើររឿងមួយដែលមានរូបភាពពីបីទៅប្រាំមួយរូប ដែលបង្ហាញពីរបៀបដែលគាត់អាចធ្វើសកម្មភាពដោយសេចក្ដីជំនឿលើព្រះយេស៊ូវគ្រីស្ទ ។ ជាផ្នែកមួយនៃស្លាកគំនូរដំណើររឿងរបស់អ្នក សូមពិចារណាពីរបៀបដែល ចូ អាចប្រើចំណេះដឹងរបស់គាត់អំពីព្រះយេស៊ូវគ្រីស្ទ ។
ជម្រើស ខ
តើខ្ញុំអាចពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បមួយដោយរបៀបណា ?
សូមធ្វើបញ្ជីមួយអំពីអ្វីគ្រប់យ៉ាងដែលអ្នកគិតថា ព្រះវរបិតាសួគ៌ចង់ឲ្យ ចូ ដឹង ។ សូមគិតអំពីការបង្រៀនក្នុងព្រះគម្ពីរដូចជា លោកុប្បត្តិ ១:២៦–២៧ និង សាំយូអែល ទី១ ១៦:៧ ដែលអាចជួយគាត់ឲ្យមើលឃើញខ្លួនគាត់ និងអ្នកដទៃទៀតបានកាន់តែត្រឹមត្រូវ ។
ជម្រើស គ
តើខ្ញុំអាចស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាពដោយរបៀបណា ?
សូមធ្វើបញ្ជីមួយនៃបទគម្ពីរ ឬសុន្ទរកថាសន្និសីទទូទៅដែល ចូ អាចសិក្សាបានដើម្បីជួយគាត់ជ្រើសរើសដើម្បីប្រែចិត្ត និងផ្លាស់ប្តូរ ។
អ្នកអាចចូលទៅកាន់ផ្ទាំងសន្និសីទទូទៅនៅក្នុងបណ្ណាល័យដំណឹងល្អ ។ សូមចូលទៅកាន់ « ប្រធានបទ » ហើយជ្រើសរើសប្រធានបទដែលទាក់ទងនឹងស្ថានភាពរបស់ ចូ ដូចជាសេចក្តីសប្បុរស សេចក្តីមេត្តាករុណា គំរូ ឬការប្រែចិត្ត ។ សូមអានសុន្ទរកថាមួយត្រួសៗ ហើយស្វែងរកសេចក្តីថ្លែងការណ៍ដែលអាចពង្រឹង ឬណែនាំដល់ ចូ ។
ប្រសិនបើអ្នកត្រូវការជំនួយក្នុងការស្វែងរកបទគម្ពីរមួយ អ្នកអាចពិនិត្យមើលវគ្គបទគម្ពីរចំណេះចំណានខាងគោលលទ្ធិ ។
ឥឡូវត្រូវធ្វើដូចម្តេចទៀត ?
សូមប្រឌិដ្ឋរឿងដែលនៅសេសសល់ ៖ តើ ចូ នឹងធ្វើអ្វីឥឡូវនេះ ដែលគាត់បានផ្លាស់ប្តូររបៀបដែលគាត់ប្រព្រឹត្តចំពោះមនុស្សគ្រប់គ្នា ? សូមលើកឡើងនូវផ្នែកពីរខាងក្រោមនៃរឿងនោះ ៖
-
ការឆ្លើយតបរបស់ ចូ ទៅកាន់មនុស្សដែលគាត់មិនមានចិត្តសប្បុរសជាមួយ
-
ការឆ្លើយតបរបស់ ចូ ទៅកាន់មិត្តរបស់គាត់
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យទន្ទេញចាំឃ្លាបទគម្ពីរគន្លឹះនៅក្នុងវគ្គបទគម្ពីរចំណេះចំណានខាងគោលលទ្ធិ ហើយអនុវត្តតាមគោលការណ៍ដ៏ទេវភាពនៃការទទួលបានចំណេះដឹងខាងវិញ្ញាណ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
អ្វីដែលអ្នកបានកត់ត្រាសម្រាប់ជម្រើស ក, ខ ឬ គ ។
-
រឿងទាំងស្រុងរបស់ ចូ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?