« មេរៀនទី ៦០ ៖ ចោទិយកថា ១៥—« ត្រូវឲ្យឯងលាដៃដល់បងប្អូនជាកុំខានវិញ » » សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )
ចោទិយកថា ៦–៨; ១៥; ១៨; ២៩–៣០; ៣៤ ៖ មេរៀនទី ៦០
ចោទិយកថា ១៥
« ត្រូវឲ្យឯងលាដៃដល់បងប្អូនជាកុំខានវិញ »
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
បទបញ្ញត្តិរបស់ព្រះអង្គសង្គ្រោះចំពោះពួកសាសន៏អ៊ីស្រាអែលនៅក្នុងចោទិយកថា រួមមានការលើកលែងឲ្យកូនបំណុល ប្រោសលែងបាវបម្រើ និងការសម្រាលបន្ទុករបស់អ្នកក្រីក្រ ។ ក្នុងនាមជារាស្ដ្ររបស់ទ្រង់ យើងក៏មានការទទួលខុសត្រូវលើសេចក្ដីសញ្ញាដើម្បីចែកចាយដោយសេរីនូវអ្វីដែលព្រះអង្គសង្គ្រោះបានប្រទានដល់យើង ដើម្បីសម្រាលបន្ទុកដល់អ្នកក្រីក្រផងដែរ ។ មេរៀននេះអាចជួយអ្នកឲ្យធ្វើតាមបទបញ្ញត្តិរបស់ព្រះអង្គសង្គ្រោះ ដើម្បីចែកចាយអ្វីដែលទ្រង់បានប្រទានដល់អ្នក ។
សិក្សាព្រះគម្ពីរ
តើអ្នកនឹងបំពេញប្រយោគខាងក្រោមនេះយ៉ាងដូចម្ដេច ?
របៀបដ៏ងាយបំផុតមួយដើម្បីស្គាល់អ្នកដើរតាមដ៏ពិតរបស់ព្រះយេស៊ូវគ្រីស្ទ គឺ ។
ប្រធាន រ័សុល អិម ណិលសុន បានបង្រៀន ៖
វិធីដ៏ងាយបំផុតមួយដើម្បីស្គាល់ អ្នកដើរតាមដ៏ពិត របស់ព្រះយេស៊ូវគ្រីស្ទ គឺមើលថា តើបុគ្គលនោះប្រព្រឹត្តចំពោះមនុស្សដទៃដោយចិត្តអាណិតអាសូរប៉ុនណា ។ ( « ត្រូវការអ្នកដែលផ្សះផ្សាគេ » លីអាហូណា ខែឧសភា ឆ្នាំ២០២៣ ទំព័រ ៩៨; បានបន្ថែមការគូសបញ្ជាក់ទីពីរ )
ហេតុអ្វីការណ៍នេះជារបៀបដ៏ល្អក្នុងការស្វែងរកអ្នកដើរតាមពិតប្រាកដរបស់ព្រះយេស៊ូវគ្រីស្ទ ? តើសិស្សរបស់ព្រះយេស៊ូវគ្រីស្ទអាចប្រព្រឹត្តចំពោះមនុស្សទូទៅដោយចិត្តអាណិតអាសូរតាមរបៀបណាខ្លះ ?
សូមជញ្ជឹងគិតថា តើសេចក្តីថ្លែងការណ៍ខាងក្រោមនេះអនុវត្តចំពោះអ្នកបានល្អប៉ុនណាដែរ ៖
-
របៀបដែលខ្ញុំប្រព្រឹត្តចំពោះអ្នកដទៃបង្ហាញថា ខ្ញុំគឺជាអ្នកដើរតាមព្រះយេស៊ូវគ្រីស្ទ ។
-
ខ្ញុំមានសេចក្ដីអាណិតអាសូរចំពោះអ្នកដទៃ ហើយចង់ធ្វើអ្វីដែលខ្ញុំអាចធ្វើបាន ដើម្បីជួយពួកគេ ។
-
ខ្ញុំមានឆន្ទៈចែកចាយអ្វីដែលព្រះអម្ចាស់បានប្រទានដល់ខ្ញុំជាមួយអ្នកដទៃ ។
ជាផ្នែកមួយនៃក្រឹត្យវិន័យរបស់ទ្រង់ទៅកាន់កូនចៅអ៊ីស្រាអែល ព្រះអម្ចាស់បានបង្គាប់ពួកគេឲ្យលើកលែងបំណុលទាំងអស់រៀងរាល់ប្រាំពីរឆ្នាំម្ដង ។ នៅឆ្នាំទីប្រាំពីរនោះផងដែរ ពួកគេគួរតែដោះលែងអ្នកបម្រើណាម្នាក់ ដែលចង់បានសេរីភាពចេញពីទាសភាព ។
សូមអានវគ្គបទគម្ពីរមួយ ខាងក្រោម ។ សូមគូសសម្គាល់ឃ្លានានា ដែលបង្ហាញពីរបៀបដែលកូនចៅអ៊ីស្រាអែលត្រូវបានបង្គាប់ឲ្យប្រព្រឹត្តចំពោះមនុស្សនៅជុំវិញពួកគេ ។
-
ចោទិយកថា ១៥:៧–១១
-
ចោទិយកថា ១៥:១២–១៥
សូមជ្រើសរើសយកឃ្លាមួយ ដែលអ្នកបានរកឃើញ ។ សូមសរសេរកំណត់ចំណាំមួយនៅក្បែរវគ្គបទគម្ពីរនោះ ដែលពន្យល់ពីរបៀបដែលការធ្វើរឿងនេះ នឹងជួយនរណាម្នាក់ឲ្យក្លាយកាន់តែដូចជាព្រះ ។
ព្រះអម្ចាស់បានបង្រៀនបុត្រាបុត្រីរបស់ទ្រង់ម្តងហើយម្តងទៀត ឲ្យថែទាំដល់អ្នកក្រីក្រ និងអ្នកខ្វះខាត ។ សូមអាន ម៉ាថាយ ២៥:៣៤–៤០ ។ សូមពិចារណាដាក់ស្លាកខគម្ពីរទាំងនេះថា « អ្នកក្រីក្រ និងអ្នកខ្វះខាត » ។
សូមចាំថា « អ្នកក្រីក្រ និងអ្នកខ្វះខាត » មិនត្រឹមតែសំដៅទៅលើមនុស្សដែលមានតម្រូវការខាងរាងកាយប៉ុណ្ណោះទេ ។ « អ្នកក្រីក្រ និងអ្នកខ្វះខាត » អាចរួមមានមនុស្សដែលមានតម្រូវការខាងវិញ្ញាណ ខាងសតិអារម្មណ៍ ខាងសង្គម និងតម្រូវការផ្សេងទៀត ។
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។ បន្ទាប់មក សូមបញ្ចប់ផ្នែក « ឥឡូវត្រូវធ្វើដូចម្តេចទៀត ? » នៅចុងបញ្ចប់នៃមេរៀននេះ ។
ជម្រើស ក
តើខ្ញុំអាចចែករំលែកអ្វីខ្លះជាមួយអ្នកក្រីក្រ និងអ្នកខ្វះខាត ?
ពេលខ្លះ យើងប្រហែលជាមិនមានប្រាក់ដើម្បីឲ្យអ្នកក្រីក្រនោះទេ ។ ប៉ុន្តែ ព្រះអម្ចាស់បានប្រទានពរអ្វីៗជាច្រើនដល់យើង ដែលយើងអាចផ្តល់ឲ្យបាន ក្រៅពីប្រាក់កាស ។
-
សូមអាន ច្រៀង ឬស្ដាប់ទំនុកតម្កើងមួយ ខាងក្រោមនេះ ៖
-
« ព្រោះខ្ញុំត្រូវបានផ្តល់ពរច្រើន » ( ទំនុកតម្កើង ល.រ. ១៣៤ )
-
« ចូររាប់ព្រះពរ » ( ទំនុកតម្កើង ល.រ. ១៥០ )
-
-
នៅក្នុងសៀវភៅកត់ចំណាំរបស់អ្នក សូមសរសេរអ្វីដែលព្រះអម្ចាស់បានប្រទានពរដល់អ្នក ។ ការណ៍ទាំងនេះអាចរួមមានទេពកោសល្យ អំណោយទានខាងវិញ្ញាណ របស់របររូបីយ ឬរបស់ផ្សេងទៀតដែលអាចជួយបំពេញដល់តម្រូវការផ្សេងៗរបស់មនុស្ស ។
សូមពិចារណាធ្វើការអធិស្ឋានអរព្រះគុណដល់ព្រះអម្ចាស់សម្រាប់ពរជ័យទាំងនេះ ។
-
សូមគិតពីរបៀបដែលអ្នកអាចប្រើពរជ័យទាំងនេះ ដើម្បីជួយដល់មនុស្សដែលខ្វះខាតនៅជុំវិញអ្នក ។
ជម្រើស ខ
តើខ្ញុំអាចចែករំលែកអ្វីខ្លះជាមួយអ្នកក្រីក្រ និងអ្នកខ្វះខាត ?
សូមមើលវីដេអូមួយ ឬច្រើន នៅខាងក្រោមនេះ ។ សូមរកមើលរបៀបដែលព្រះអម្ចាស់បានប្រទានពរដល់ទាំងអ្នកផ្តល់ និងអ្នកទទួល ។
-
« The Coat » ( ២:០៧ )
2:8 -
« That We Might Be One: The Story of the Dutch Potato Project » ( នាទីទី ០:០០ ដល់ ៨:៥៧ )
11:57 -
« Joseph Millett Story » ( នាទីទី ២:៣៦ ដល់ ៦:០៨ )
6:14
តើអ្នកមានគំនិត ឬអារម្មណ៍អ្វីខ្លះ នៅពេលអ្នកមើលវីដេអូទាំងនេះ ? តើគំនិត និងអារម្មណ៍ទាំងនេះបានជះឥទ្ធិពលយ៉ាងណា ទៅលើរបៀបដែលអ្នកចង់ធ្វើតាមព្រះបញ្ញត្តិរបស់ព្រះអង្គសង្គ្រោះឲ្យជួយដល់មនុស្សដែលខ្វះខាត ?
សូមកត់ត្រានៅក្នុងសៀវភៅកត់ចំណាំរបស់អ្នកនូវឧទាហរណ៍មួយ នៅពេលដែលព្រះបានបំពេញតាមតម្រូវការរបស់អ្នកតាមរយៈមនុស្សដទៃទៀត ។
ឥឡូវត្រូវធ្វើដូចម្តេចទៀត ?
តើអ្នកបានរៀនអ្វីខ្លះ ឬមានអារម្មណ៍យ៉ាងណាដែរនៅថ្ងៃនេះ ដែលបានជួយអ្នកឲ្យចង់ធ្វើជាអ្នកដើរតាមព្រះយេស៊ូវគ្រីស្ទដ៏ពិត តាមរយៈការផ្តល់ឲ្យដោយចិត្តសប្បុរសដល់មនុស្សដទៃ ? សូមគិតពីរបៀបដែលអ្នកអាចឈោងទៅជួយមនុស្សដែលខ្វះខាតនៅជុំវិញអ្នកបាន ។ ខាងក្រោមនេះគឺជារឿងដែលអាចធ្វើបានមួយចំនួន ៖
-
បំពេញតាមការចាត់តាំងការងារបម្រើ
-
តមអាហារ និងថ្វាយដង្វាយតមអាហារ
-
ចូលរួមក្នុងការងារមនុស្សធម៌របស់សាសនាចក្រ
-
ទាញយកអត្ថប្រយោជន៍ពីឱកាសបម្រើក្នុងមូលដ្ឋានដែលអាចរកបាននៅលើកម្មវិធី JustServe បើមាន
-
គំនិតបន្ថែមអាចរកបាននៅលើគេហទំព័រ Caring for Those in Need នៅលើគេហទំព័រ ChurchofJesusChrist.org ។
-
សូមដាក់គោលដៅមួយ ដើម្បីធ្វើអ្វីមួយដើម្បីជួយដល់មនុស្សនៅជុំវិញអ្នកដែលខ្វះខាត ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យធ្វើតាមបទបញ្ញត្តិរបស់ព្រះអង្គសង្គ្រោះ ដើម្បីចែកចាយអ្វីដែលទ្រង់បានប្រទានដល់អ្នក ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
ពរជ័យមួយចេញពីបញ្ជីរបស់អ្នក ។ សូមរួមបញ្ចូលរបៀបដែលពរជ័យនេះអាចជួយអ្នកឲ្យជួយមនុស្សដែលទ័លក្របាន ។
-
គោលដៅរបស់អ្នកដើម្បីជួយមនុស្សដែលទ័លក្រនៅជុំវិញអ្នក ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?