« មេរៀនទី ៥៤ ៖ លេវីវិន័យ ផ្នែកទី ២—ពលិកម្មសម្រាប់ព្រះអម្ចាស់ » សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )
និក្ខមនំ ៣៥–៤០; លេវីវិន័យ ១; ៤; ១៦; ១៩ ៖ មេរៀនទី ៥៤
លេវីវិន័យ ផ្នែកទី ២
ពលិកម្មសម្រាប់ព្រះអម្ចាស់
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
អ៊ីស្រាអែលពីបុរាណបានធ្វើពិធី ដែលជានិមិត្តរូបពីព្រះយេស៊ូវគ្រីស្ទ និងដង្វាយធួនរបស់ទ្រង់ ។ នៅក្នុងចំណោមក្បួនច្បាប់ទាំងនេះ មានការធ្វើយញ្ញបូជានៃដង្វាយដុត ។ ដង្វាយទាំងនេះក៏បង្ហាញនូវការតាំងចិត្តដ៏ខ្ជាប់ខ្ជួនរបស់សាសន៏អ៊ីស្រាអែល ដើម្បីធ្វើពលិកម្មគ្រប់យ៉ាងដែលព្រះអម្ចាស់បានសុំពីពួកគេផងដែរ ។ មេរៀននេះអាចជួយអ្នកឲ្យស្គាល់នូវពលិកម្មដែលអ្នកអាចធ្វើបាន ដើម្បីប្រែក្លាយកាន់តែដូចជាព្រះវរបិតាសួគ៌ និងព្រះយេស៊ូវគ្រីស្ទ ។
សិក្សាព្រះគម្ពីរ
តើរបស់បីយ៉ាងណាខ្លះដែលមាននៅក្នុងជីវិតរបស់អ្នក ដែលអ្នកពិតជាឲ្យតម្លៃ ឬស្រឡាញ់ខ្លាំង ? តើអ្នកអាចគិតពីស្ថានភាពមួយ ដែលអ្នកអាចមានឆន្ទៈបោះបង់ចោលវាដែរឬទេ ?
អែលឌើរ ឌៀថើរ អេហ្វ អុជដូហ្វ ក្នុងកូរ៉ុមនៃពួកសាវកដប់ពីរនាក់បានពន្យល់ ៖
ដើម្បី ពលិកម្ម មានន័យថាត្រូវលះបង់អ្វីមួយដើម្បីអ្វីមួយផ្សេងទៀតដែលមានតម្លៃខ្ពស់ជាង ។ កាលពីបុរាណ រាស្ដ្ររបស់ព្រះបានបូជាយញ្ញសត្វដំបូងក្នុងក្រោលរបស់ខ្លួនដើម្បីគោរពដល់ព្រះមែស៊ីដែលនឹងយាងមក ។ នៅក្នុងប្រវត្តិសាស្រ្តទាំងមូល ពួកបរិសុទ្ធដ៏ស្មោះត្រង់បានលះបង់បំណងប្រាថ្នា ភាពសុខស្រួល និងសូម្បីតែជីវិតខ្លួន ដើម្បីព្រះអង្គសង្គ្រោះ ។
អ្វីៗដែលយើងទាំងអស់គ្នាមាន ទោះតូច ឬធំក្តី យើងត្រូវតែពលិកម្ម ដើម្បីយើងអាចដើរតាមព្រះយេស៊ូវគ្រីស្ទកាន់តែពេញលេញ ។ ពលិកម្មរបស់យើងបង្ហាញពីអ្វីដែលយើងពិតជាផ្ដល់តម្លៃ ។ ពលិកម្មគឺជារឿងពិសិដ្ឋ និងជាទីគោរពមកពីព្រះអម្ចាស់ ។ ( « ដោយស្មោះអស់ពីចិត្តរបស់យើង » លីអាហូណា ខែឧសភា ឆ្នាំ២០២២ ទំព័រ ១២៤ )
សូមពិចារណាធ្វើការអធិស្ឋានស្ងាត់ៗ ។ សូមទូលសូមឲ្យព្រះវរបិតាសួគ៌ជួយអ្នកយល់ពីអ្វីដែលទ្រង់ចង់ឲ្យអ្នកដឹង និងធ្វើ ទាក់ទងទៅនឹងពលិកម្មផ្ទាល់ខ្លួនរបស់អ្នក ។
ដង្វាយដុត
នៅក្នុង លេវីវិន័យ ១ ព្រះអម្ចាស់បានបង្គាប់ពួកសាសន៏អ៊ីស្រាអែលឲ្យធ្វើដង្វាយដុត ។ ពួកសង្ឃបានថ្វាយដង្វាយនេះជាប្រចាំថ្ងៃ ។ ដង្វាយទាំងនោះជានិមិត្តរូបនៃដង្វាយធួនរបស់ព្រះអង្គសង្គ្រោះ ។ ដង្វាយទាំងនេះក៏ជាទីសម្គាល់មួយនៃការប្ដេជ្ញាដ៏ខ្ជាប់ខ្ជួនរបស់សាសន៏អ៊ីស្រាអែលចំពោះព្រះអម្ចាស់ផងដែរ ។
សូមអាន លេវីវិន័យ ១:៣, ៨–៩ ។ សូមរកមើលពាក្យ និងឃ្លាដែលអាចទាក់ទងនឹងពលិកម្ម ដែលយើងអាចធ្វើបានសម្រាប់ព្រះអម្ចាស់នៅថ្ងៃនេះ ។ សូមប្រាកដថាបានគូសសម្គាល់ឃ្លានេះ « គេត្រូវនាំយកដង្វាយនោះទៅថ្វាយឲ្យបានជាទីគាប់ » ។ តើអ្នកអាចរៀនសេចក្ដីពិតអ្វីខ្លះអំពីពលិកម្មចេញពីឃ្លានេះ ?
នៅជាប់ឃ្លាបន្ទាប់ទៀតនៅក្នុង លេវីវិន័យ ១:៨–៩ សូមសរសេរកំណត់ចំណាំអំពីអត្ថន័យជានិមិត្តរូបមួយចំនួនដែលអាចមាន ។
|
« ក្បាល » « ខ្លាញ់ » « អាការៈខាងក្នុង » និង « ជើងទាំងប៉ុន្មាន » ( ខទី ៨–៩ ) |
ផ្នែកខុសៗគ្នានៃសត្វអាចជានិមិត្តរូបនៃការថ្វាយដល់ព្រះអម្ចាស់នូវអ្វីដែលទ្រង់បង្គាប់ រួមមានដួងចិត្ត គំនិត និងរាងកាយរបស់យើង ។ |
|---|---|
|
« ដុតទាំងអស់នៅលើអាសនា » ( ខទី ៩ ) |
ការដុតសត្វទាំងមូលនៅលើអាសនាអាចតំណាងឲ្យការតាំងចិត្តទាំងស្រុងចំពោះព្រះអម្ចាស់ ។ |
|
« ក្លិនឈ្ងុយដល់ព្រះយេហូវ៉ា » ( ខទី ៩ ) |
ការណ៍នេះអាចមានន័យថា ពលិកម្មរបស់យើងគឺមានក្លិនឈ្ងុយ និងគាប់ព្រះហឫទ័យដល់ព្រះវរបិតាសួគ៌ និងព្រះអង្គសង្គ្រោះ ។ |
ការរស់នៅតាមក្រឹត្យវិន័យនៃពលិកម្មក្នុងជំនាន់របស់យើង
បន្ទាប់ពីពលិកម្មដ៏ធួនរបស់ព្រះយេស៊ូវគ្រីស្ទត្រូវបានបំពេញ ទ្រង់បានកែសម្រួលប្រភេទនៃពលិកម្មដែលទ្រង់បានបង្គាប់ឲ្យរាស្រ្តទ្រង់ធ្វើ ( សូមមើល នីហ្វៃទី៣ ៩:១៩–២០ ) ។ ទោះជាបច្ចុប្បន្ននេះ យើងមិនបូជាសត្វក៏ដោយ ក៏ព្រះអម្ចាស់នៅតែបង្គាប់ឲ្យរាស្រ្តរបស់ទ្រង់ធ្វើពលិកម្មដដែល ។
ស៊ីស្ទើរ ត្រេស៊ី វ៉ាយ ប្រោនីង ទីប្រឹក្សាទីពីរក្នុងគណៈប្រធានអង្គការបឋមសិក្សាទូទៅ បានបង្រៀន ៖
នៅពេលយើងនាំដង្វាយរបស់យើងមកកាន់ព្រះអង្គសង្គ្រោះ នោះយើងត្រូវបានអញ្ជើញឲ្យមើលឃើញព្រះយេស៊ូវកាន់តែច្បាស់ឡើងនៅក្នុងជីវិតរបស់យើង កាលយើងបន្ទាបខ្លួនចុះចូលឆន្ទៈរបស់យើងតាមទ្រង់ ដើម្បីទទួលស្គាល់ និងយល់ពីការចុះចូលដ៏ឥតខ្ចោះរបស់ទ្រង់ទៅតាមព្រះទ័យរបស់ព្រះវរបិតា ។ ( « ការមើលឃើញព្រះយេស៊ូវគ្រីស្ទកាន់តែច្បាស់នៅក្នុងជីវិតរបស់យើង » លីអាហូណា ខែវិច្ឆិកា ឆ្នាំ២០២២ ទំព័រ ១៤ )
សូមសិក្សាវគ្គបទគម្ពីរពីរ ឬច្រើន ខាងក្រោមនេះ ។ សូមគូសសម្គាល់អ្វីដែលខគម្ពីរទាំងនេះស្នើពីអ្វីដែលយើងអាចថ្វាយបាន ទុកជាពលិកម្មបូជាសម្រាប់ព្រះអម្ចាស់ ។
-
រ៉ូម ១២:១–២ ( សំបុត្រពីសាវកប៉ុលទៅកាន់ប្រជាជននៅរ៉ូម )
-
អោមណៃ ១:២៦ ( ទីបន្ទាល់របស់អាម៉ាលេកៃ មុនពេលប្រគល់ផ្ទាំងចំណារឲ្យស្តេចបេនយ៉ាមីន )
-
នីហ្វៃទី៣ ៩:១៩–២០ ( ព្រះសូរសៀងរបស់ព្រះគ្រីស្ទមានបន្ទូលទៅកាន់ពួកសាសន៍នីហ្វៃ )
-
គោលលទ្ធិ និងសេចក្ដីសញ្ញា ៤:២ ( វិវរណៈដែលបានប្រទានតាមរយៈយ៉ូសែប ស្ម៊ីធ )
សូមឆ្លើយសំណួរខាងក្រោមនេះ មួយ ឬច្រើន នៅក្នុងសៀវភៅកត់ចំណាំរបស់អ្នក ៖
-
តើការធ្វើពលិកម្មតាមរបៀបទាំងនេះ អាចជួយយើងឲ្យកាន់តែប្រែក្លាយដូចជាព្រះអង្គសង្គ្រោះដោយរបៀបណា ?
-
ហេតុអ្វីបានជាពេលខ្លះវាអាចជាការលំបាក ក្នុងការលះបង់អ្វីដែលព្រះអម្ចាស់បានសុំពីយើង ?
សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។
ជម្រើស ក
តើខ្ញុំអាចធ្វើពលិកម្មអ្វីខ្លះ ?
សូមសិក្សាធនធាន ចំនួនពីរ ឬច្រើន ពីធនធានចំនួនបីខាងក្រោមនេះ ។ សូមចងចាំពីអ្វីដែលព្រះវិញ្ញាណបរិសុទ្ធ អាចនឹងបំផុសគំនិតអ្នកឲ្យធ្វើការលះបង់ ។
-
ពង្សាវតារក្សត្រ ទី១ ១៧:៨–១៦ ( ស្ត្រីមេម៉ាយនៅក្រុងសារិបតា )
-
« Overcoming Challenges » ( ៥:០២ )
5:2 -
អែលឌើរ នែល អេ ម៉ាក់ស្វែល ( ឆ្នាំ១៩២៦–២០០៤ ) ក្នុងកូរ៉ុមនៃពួកសាវកដប់ពីរនាក់បានបង្រៀន ៖
ទង្វើពិតប្រាកដនៃការលះបង់ផ្ទាល់ខ្លួនគឺមិនមែនឥឡូវនេះទេ ហើយក៏មិនមែនជាការដាក់សត្វនៅលើអាសនានោះដែរ ។ ផ្ទុយទៅវិញ វាគឺជាឆន្ទៈមួយដើម្បីដាក់សត្វដែលនៅក្នុងខ្លួនយើងនៅលើអាសនា—បន្ទាប់មកមើលវាឲ្យដុតឆេះអស់ដោយស្ម័គ្រចិត្ត ! នោះហើយគឺជាការ « ថ្វាយដល់ [ ព្រះអម្ចាស់ ] នូវចិត្តសង្រេង និងវិញ្ញាណទន់ទាបវិញ » ( នីហ្វៃទី៣ ៩:២០ ) ។ ( Meek and Lowly [ ឆ្នាំ១៩៨៧ ] ទំព័រ ៩៤ )
សូមបំពេញសេចក្ដីថ្លែងការណ៍ពីរ ឬច្រើន ខាងក្រោមនេះនៅក្នុងសៀវភៅកត់ចំណាំរបស់អ្នក ។
-
ពលិកម្មមួយដែលខ្ញុំកំពុងធ្វើសម្រាប់ព្រះវរបិតាសួគ៌គឺ …
-
អ្វីមួយដែលខ្ញុំនឹងចាប់ផ្ដើម ឬឈប់ធ្វើដើម្បីបង្ហាញឆន្ទៈរបស់ខ្ញុំ ក្នុងការធ្វើពលិកម្មសម្រាប់ព្រះអម្ចាស់គឺ …
-
អ្វីមួយដែលខ្ញុំបានរៀននៅថ្ងៃនេះ ដែលនឹងជួយខ្ញុំឲ្យធ្វើការផ្លាស់ប្តូរនេះគឺ …
ជម្រើស ខ ៖
តើខ្ញុំអាចបង្កើនឆន្ទៈរបស់ខ្ញុំ ដើម្បីធ្វើពលិកម្មយ៉ាងដូចម្តេច ?
សូមសិក្សាធនធាន ចំនួនមួយ ឬច្រើន ពីធនធានចំនួនបីខាងក្រោមនេះ ។ សូមរកមើលការយល់ដឹងនានា ដែលអាចជួយអ្នកឲ្យស្ម័គ្រចិត្តលះបង់អ្វីៗ ដែលព្រះអម្ចាស់សុំពីអ្នក ។
-
ម៉ាកុស ១២:៤១–៤៤ ( ដង្វាយរបស់ស្ត្រីមេម៉ាយ )
-
អាលម៉ា ២២:១៣–១៩, ២២–២៣ ( ស្តេចសាសន៍លេមិន )
-
« Treasure in Heaven: The John Tanner Story » ( ៨:១៦–១៨:៤៣ )
20:32
នៅក្នុងសៀវភៅកត់ចំណាំរបស់អ្នក សូមកត់ត្រាការយល់ដឹងចំនួនបីដែលអ្នកបានមាន សំណួរពីរដែលអ្នកមាន និងរបៀបមួយដែលអ្នកអាចលះបង់ដើម្បីក្លាយជាកាន់តែដូចជាព្រះវរបិតាសួគ៌ និងព្រះយេស៊ូវគ្រីស្ទ ។
ចែកចាយគំនិតរបស់អ្នក
គោលបំណងមេរៀន ៖ ដើម្បីជួយអ្នកឲ្យស្គាល់នូវពលិកម្មដែលអ្នកអាចធ្វើបាន ដើម្បីប្រែក្លាយកាន់តែដូចជាព្រះវរបិតាសួគ៌ និងព្រះយេស៊ូវគ្រីស្ទ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
ទីបន្ទាល់របស់អ្នកអំពីសារៈសំខាន់នៃពលិកម្ម ។
-
ការយល់ដឹង ឬសំណួរមួយរបស់អ្នក ឬរបៀបមួយដែលអ្នកអាចលះបង់ដើម្បីក្លាយកាន់តែដូចជាព្រះវរបិតាសួគ៌ និងព្រះយេស៊ូវគ្រីស្ទ ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?