លោកុប្បត្តិ ២៤–៣៣; មេរៀនទី ៣១
លោកុប្បត្តិ ២៨
សេចក្តីសញ្ញាជាមួយព្រះអម្ចាស់
សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។
ក្រោយពីជីវិតរបស់យ៉ាកុបទទួលរងការគំរាមកំហែងពីសំណាក់បងប្រុសរបស់លោកគឺ អេសាវ នោះឪពុកម្ដាយរបស់យ៉ាកុបបានណែនាំលោកឲ្យធ្វើដំណើរទៅស្រុកកំណើតរបស់ម្ដាយលោក ដើម្បីស្វែងរកភរិយា ។ ពេលកំពុងធ្វើដំណើរ លោកបានមានការនិមិត្តមួយដែលបាននាំឲ្យលោកចូលទៅក្នុងសេចក្ដីសញ្ញាអ័ប្រាហាំជាមួយព្រះ ។ មេរៀននេះអាចជួយអ្នកឲ្យមានបំណងប្រាថ្នាកាន់តែខ្លាំងឡើង ដើម្បីធ្វើសេចក្តីសញ្ញាជាមួយព្រះនៅក្នុងព្រះវិហារបរិសុទ្ធ ។
សិក្សាព្រះគម្ពីរ
មិត្តរបស់អ្នក យ៉ូអែល បានជួបជាមួយអ្នកផ្សព្វផ្សាយសាសនា ។ ដើម្បីគាំទ្រដល់គាត់ អ្នកបានចូលរួមក្នុងការបង្រៀនមេរៀន ។ នៅចុងបញ្ចប់នៃមេរៀននោះ អ្នកផ្សព្វផ្សាយសាសនាអញ្ជើញ យ៉ូអែល ឲ្យទទួលពិធីបុណ្យជ្រមុជទឹក ។ គាត់និយាយថា « ខ្ញុំមិនដឹងដែរ ។ តែខ្ញុំគិតថា ខ្ញុំមិនអាចមើលឃើញមូលហេតុអ្វីបានជាខ្ញុំគួរទទួលបុណ្យជ្រមុជទឹក ។ ខ្ញុំរស់នៅជីវិតដ៏ល្អមួយ ។ ខ្ញុំដឹងថា ព្រះស្រឡាញ់ខ្ញុំ ។ តើពិធីបុណ្យជ្រមុជទឹកនឹងធ្វើឲ្យមានភាពខុសគ្នាអ្វីទៅ ? »
-
តើអ្នកនឹងឆ្លើយសំណួររបស់ យ៉ូអែល យ៉ាងដូចម្ដេច ?
បទពិសោធន៍របស់យ៉ាកុបនៅក្នុង លោកុប្បត្តិ ២៨ បង្រៀនអំពីអំណាចនៃសេចក្តីសញ្ញានៅក្នុងជីវិតរបស់យើង ។ ដំណើររឿងនេះចាប់ផ្តើម នៅពេលយ៉ាកុបមិនទាន់រៀបការនៅឡើយ ។ បងប្រុសរបស់លោកឈ្មោះ អេសាវ បានគ្រោងនឹងសម្លាប់លោក ដូច្នេះម្តាយរបស់លោកបានលើកទឹកចិត្តលោកឲ្យរត់គេចខ្លួន ។ ដោយនៅឆ្ងាយពីឪពុកម្តាយរបស់លោក និងឆ្ងាយពីផ្ទះ យ៉ាកុបបានមានសុបិនមួយ ដែលបានផ្លាស់ប្ដូរលោកជារៀងរហូត ។
តើអ្នកគិតថា ហេតុអ្វីបានជាការសន្យាទាំងនេះមានអត្ថន័យយ៉ាងខ្លាំងចំពោះយ៉ាកុប ? តើអ្នកគិតថា ពរជ័យទាំងនេះបានបង្រៀនយ៉ាកុបអ្វីខ្លះអំពីព្រះអម្ចាស់ ?
-
យ៉ូហាន ១៤:១៨
-
កិច្ចការ ១៧:២៧ ( កំណត់ចំណាំការបកប្រែដោយ យ៉ូសែប ស្ម៊ីធ )
អែលឌើរ ឌែល ជី រិនឡាន់ ក្នុងកូរ៉ុមនៃពួកសាវកដប់ពីរនាក់បានមានប្រសាសន៍ ៖
ពេលបងប្អូនដើរតាមផ្លូវនៃសេចក្ដីសញ្ញា ចាប់តាំងពីពិធីបុណ្យជ្រមុជទឹកទៅកាន់ព្រះវិហារបរិសុទ្ធ និងពេញមួយជីវិត ខ្ញុំសុំសន្យាថា បងប្អូនមានអំណាចដើម្បីហូរបញ្ច្រាស់នឹងលំហូរធម្មជាតិនៃលោកិយនេះ—ពោលគឺអំណាចដើម្បីរៀន អំណាចដើម្បីប្រែចិត្ត និងអំណាចដើម្បីញែកចេញជាបរិសុទ្ធ និងអំណាចដើម្បីរកឃើញសេចក្តីសង្ឃឹម ការលួងលោម និងសូម្បីតែអំណរ ពេលបងប្អូនប្រឈមនឹងឧបសគ្គក្នុងជីវិតនេះ ។ ខ្ញុំសុំសន្យាដល់បងប្អូន និងគ្រួសាររបស់បងប្អូននូវការការពារប្រឆាំងនឹងឥទ្ធិពលនៃមារសត្រូវ ជាពិសេសនៅពេលបងប្អូនផ្តោតយកចិត្តទុកដាក់ជាខ្លាំងលើព្រះវិហារបរិសុទ្ធនៅក្នុងជីវិតរបស់បងប្អូន ។ ( « ការទទួលបានព្រះចេស្តារបស់ព្រះតាមរយៈសេចក្ដីសញ្ញា » លីអាហូណា ខែឧសភា ឆ្នាំ២០២៣ ទំព័រ៣៧ )
គន្លឹះក្នុងការសិក្សា ។ ពាក្យ គួរឲ្យស្ញែងខ្លាច ( នៅក្នុង ខទី ១៧ ) ត្រូវបានបកប្រែឲ្យត្រូវន័យកាន់តែប្រសើរថា « អស្ចារ្យ » ។ វាក៏អាចមានប្រយោជន៍ផងដែរ ក្នុងការពិនិត្យមើលលេខយោង ១៩a ក្នុងព្រះគម្ពីរប៊ីបអង់គ្លេសរកមើលអត្ថន័យនៃពាក្យ « Beth-el » ។
គឺដូចជាយើងចុះសេចក្ដីសញ្ញានៅក្នុងដំណាក់នៃព្រះដែរ យ៉ាកុបក៏បានធ្វើដូច្នេះដែរ ។ សូមដាក់ស្លាកឃ្លា « បន់ » នៅក្នុង លោកុប្បត្តិ ២៨:២០ ថា « សេចក្ដីសញ្ញា » ។
ជម្រើស ក
តើជណ្តើរដែលយ៉ាកុបបានឃើញអាចតំណាងឲ្យអ្វីទៅ ?
សូមមើលរូបភាពដែលអ្នកបានគូរ ។ តើជណ្តើរដែលយ៉ាកុបបានឃើញអាចតំណាងឲ្យអ្វីទៅ ?
ប្រធាន ម៉ារ៉ុន ជី រ៉មនី ( ឆ្នាំ១៨៩៧–១៩៨៨ ) បានផ្ដល់ការពន្យល់នេះ ៖
សេចក្តីសញ្ញាដែល [ យ៉ាកុប ] បានធ្វើជាមួយព្រះអម្ចាស់នៅទីនោះ គឺជាកាំជណ្តើរដែលលោកខ្លួនឯងត្រូវឡើងដើម្បីទទួលបានពរជ័យដែលបានសន្យា—ជាពរជ័យដែលនឹងធ្វើឲ្យលោកអាចចូលទៅស្ថានសួគ៌ និងអាចមានទំនាក់ទំនងជាមួយព្រះអម្ចាស់ ។ ( « Temples—the Gates to Heaven » Ensign ខែមីនា ឆ្នាំ១៩៧១ ទំព័រ១៦ )
តើសេចក្ដីសញ្ញាដែលអ្នកបានចុះ អាចជួយអ្នកឲ្យឡើងទៅកាន់តែជិតព្រះដោយរបៀបណា ? តើអ្នកអាចជ្រើសរើសធ្វើអ្វីខ្លះ ដើម្បីជួយអ្នកឲ្យរៀបចំចុះសេចក្ដីសញ្ញានៅក្នុងព្រះវិហារបរិសុទ្ធ ?
សូមធ្វើបច្ចុប្បន្នភាពរូបភាពរបស់អ្នក ដោយការដាក់ស្លាកជំហាននីមួយៗនៃជណ្តើរនេះ ជាមួយនឹងអ្វីដែលអ្នកបានរកឃើញ ។
ជម្រើស ខ
តើខ្ញុំអាចរំពឹងអ្វីខ្លះនៅលើផ្លូវនៃសេចក្ដីសញ្ញា ?
ប្រធាន ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់បានបង្រៀន ៖
[ ខ្ញុំ ] ស្នើថា « ជីវិតរបស់មនុស្សម្នាក់…ពុំអាចមានទាំងសេចក្តីជំនឿ និងគ្មានភាពតានតឹងនោះទេ » ។ វានឹងមិនដំណើរការទេ « ក្នុងការរស់នៅដោយមិនស្គាល់ពីការលំបាកសោះ » ដូចជាយើងក្រេបទឹកក្រូចមួយកែវទៀត ដោយនិយាយថា « ព្រះអម្ចាស់អើយ សូមប្រទានដល់កូននូវគុណធម៌ដ៏ជម្រើសបំផុតរបស់ទ្រង់ ប៉ុន្តែសូមប្រាកដថា ទ្រង់មិនប្រទានដល់កូននូវទុក្ខសោក គ្រោះមហន្តរាយ ការឈឺចាប់ ឬការជំទាស់ណាឡើយ ។ សូមកុំឲ្យនរណាម្នាក់មិនចូលចិត្ត ឬក្បត់កូនឡើយ ហើយលើសពីនោះ សូមកុំឲ្យកូនត្រូវបោះបង់ចោលដោយទ្រង់ ឬអ្នកដែលកូនស្រឡាញ់ឡើយ ។ តាមពិតទៅ ព្រះអម្ចាស់អើយ សូមប្រយ័ត្នកុំឲ្យកូនជួបនឹងបទពិសោធន៍ទាំងអស់ ដែលធ្វើឲ្យទ្រង់មានលក្ខណៈជាព្រះឡើយ ។ ហើយកាលណាការលំបាករបស់មនុស្សផ្សេងបានកន្លងផុតទៅ នោះសូមឲ្យកូនបានមក ហើយនៅនឹងទ្រង់ ជាកន្លែងដែលកូនអាចនិយាយអួតអំពីកម្លាំង និងលក្ខណៈសម្បត្តិរបស់យើងដែលមានភាពស្រដៀងគ្នា កាលដែលកូនអណ្តែតនៅលើពពកនៃគ្រិស្ដសាសនាដ៏សុខស្រួលរបស់កូន » ។ ( « Waiting on the Lord » Liahona ខែវិច្ឆិកា ឆ្នាំ២០២០ ទំព័រ១១៦ )
អែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់បានបង្រៀន ៖
ផ្លូវនៃសេចក្តីសញ្ញាគឺជាក្តីសង្ឃឹមដ៏ធំបំផុត ដើម្បីចៀសផុតពីទុក្ខវេទនាដែលអាចចៀសបាន ព្រមទាំងដោះស្រាយបញ្ហាដែលចៀសមិនរួចនៅក្នុងជីវិតនេះបានដោយជោគជ័យ ។ ( « ហេតុអ្វីជាផ្លូវនៃសេចក្តីសញ្ញា » លីអាហូណា ខែឧសភា ឆ្នាំ២០២១ ទំព័រ១១៧ ) ។
នៅខាងក្រោយគំនូររបស់អ្នក សូមឆ្លើយនឹងអ្វីខាងក្រោមនេះ ៖
-
របៀបដែលការរក្សាសេចក្ដីសញ្ញាជួយយើងឲ្យដោះស្រាយការលំបាកដែលមិនអាចចៀសវាងបាន
ចែកចាយគំនិតរបស់អ្នក
គោលបំណងមេរៀន ៖ មេរៀននេះអាចជួយអ្នកឲ្យមានការបង្កើនបំណងប្រាថ្នា ដើម្បីធ្វើសេចក្តីសញ្ញាជាមួយព្រះនៅក្នុងព្រះវិហារបរិសុទ្ធ ។
សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖
-
រូបភាពដែលអ្នកបានគូរ ជាមួយនឹងជំហានដែលបានដាក់ស្លាក ។
-
អ្វីដែលអ្នកអាច និងមិនអាចរំពឹងទុកមកពីការចិញ្ចឹមជីវិតនៅលើផ្លូវនៃសេចក្ដីសញ្ញា ។
-
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
-
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?