សៀវភៅសិក្សាព្រះគម្ពីរសញ្ញាចាស់ សម្រាប់សិស្សថ្នាក់សិក្ខាសាលា ( ឆ្នាំ២០២៦ )

មាតិកា
សេចក្ដីផ្ដើម
មេរៀនព្រះគម្ពីរសញ្ញាចាស់
- សូមស្វាគមន៍មកកាន់ព្រះគម្ពីរសញ្ញាចាស់
- ម៉ូសេ ១; អ័ប្រាហាំ ៣
- លោកុប្បត្តិ ១–២ ម៉ូសេ ២–៣ អ័ប្រាហាំ ៤–៥
- លោកុប្បត្តិ ៣–៤ ម៉ូសេ ៤–៥
- លោកុប្បត្តិ ៥ ម៉ូសេ ៦
- ម៉ូសេ ៧
- លោកុប្បត្តិ ៦–១១ ម៉ូសេ ៨
- លោកុប្បត្តិ ១២–១៧ អ័ប្រាហាំ ១–២
- លោកុប្បត្តិ ១៨–២៣
- លោកុប្បត្តិ ២៤–៣៣
- លោកុប្បត្តិ ៣៧–៤១
- លោកុប្បត្តិ ៤២–៥០
- និក្ខមនំ ១–៦
- បុណ្យអ៊ីស្ទើរ
- និក្ខមនំ ៧–១៣
- និក្ខមនំ ១៤–១៨
- និក្ខមនំ ១៩–២០; ២៤; ៣១–៣៤
- និក្ខមនំ ៣៥–៤០ លេវីវិន័យ ១; ៤; ១៦; ១៩
- ជនគណនា ១១–១៤; ២០–២៤; ២៧
- ចោទិយកថា ៦–៨; ១៥; ១៨; ២៩–៣០; ៣៤
- យ៉ូស្វេ ១–៨; ២៣–២៤
- ពួកចៅហ្វាយ ២–៤; ៦–៨
- នាងរស់ ១–៤; សាំយូអែល ទី១ ១–៧
- សាំយូអែល ទី១ ៨–១៦
- សាំយូអែល ទី១ ១៧–២៦; សាំយូអែល ទី២ ៥–៧
- សាំយូអែល ទី២ ១១–១២ ពង្សាវតារក្សត្រ ទី១ ៣; ៦–៩; ១១
- ពង្សាវតារក្សត្រ ទី១ ១២–២២
- ពង្សាវតារក្សត្រ ទី២ ២–៧
- ពង្សាវតារក្សត្រ ទី២ ១៦–២៥
- របាក្សត្រ ទី២ ១៤–២០; ២៦; ៣០
- អែសរ៉ា ១; ៣–៧; នេហេមា ២; ៤–៦; ៨
- នាងអេសធើរ
- យ៉ូប ១–៣; ១២–១៤; ១៩; ២១–២៤; ៣៨–៤០; ៤២
- ទំនុកដំកើង ១–២; ៨; ១៩–៣៣; ៤០; ៤៦
- ទំនុកដំកើង ៤៩–៥១; ៦១–៦៦; ៦៩–៧២; ៧៧–៧៨; ៨៥–៨៦
- ទំនុកដំកើង ១០២–១០៣; ១១០; ១១៦–១១៩; ១២៧–១២៨; ១៣៥–១៣៩; ១៤៦–១៥០
- សុភាសិត ១–៤; ១៥–១៦; ២២; ៣១; សាស្ដា ១–៣; ១១–១២
- អេសាយ ១–១២
- អេសាយ ១៣–១៤; ២២; ២៤–៣០; ៣៥
- អេសាយ ៤០–៤៩
- អេសាយ ៥០–៥៧
- អេសាយ ៥៨–៦៦
- យេរេមា ១–៣; ៧; ១៦–១៨; ២០
- យេរេមា ៣១–៣៣; ៣៦–៣៨; បរិទេវ ១; ៣
- អេសេគាល ១–៣; ៣៣–៣៤; ៣៦–៣៧; ៤៧
- ដានីយ៉ែល ១–៧
- ហូសេ ១–៦; ១០–១៤; យ៉ូអែល
- អេម៉ុស; អូបាឌា; យ៉ូណាស
- មីកា; ណាហ៊ុម; ហាបាគុក; សេផានា
- ហាកាយ ១–២; សាការី ១–៤, ៧–១៤
- ម៉ាឡាគី
- ចំណេះចំណានខាងគោលលទ្ធិ ៖ ការស្វែងរកចម្លើយចំពោះសំណួររបស់ខ្ញុំ
- ជំនាញសិក្សាព្រះគម្ពីរ
- ដើម្បីកម្លាំងនៃយុវជន ៖ ការធ្វើការជ្រើសរើស
- ការស្ថាបនាភាពខ្លួនទីពឹងខ្លួន
- សុខភាពខាងផ្លូវកាយ និងសតិអារម្មណ៍
- ការអប់រំ និងការងារនាពេលអនាគត
- ភាពជោគជ័យនៅក្នុងសាលា
- ការរៀបចំខ្លួនធ្វើជាអ្នកផ្សព្វផ្សាយសាសនា
- ការរៀបចំខ្លួនទៅព្រះវិហារបរិសុទ្ធ
- ការបង្រៀនរបស់ថ្នាក់ដឹកនាំសាសនាចក្រ

អ័ប្រាហាំ ២:៩–១១—ការទទួលខុសត្រូវរបស់យើងនៅក្នុងសេចក្ដីសញ្ញាអ័ប្រាហាំ

លោកុប្បត្តិ ១២–១៧; អ័ប្រាហាំ ១–២ ៖ មេរៀនទី ២៤

អ័ប្រាហាំ ២:៩–១១

ការទទួលខុសត្រូវរបស់យើងនៅក្នុងសេចក្ដីសញ្ញាអ័ប្រាហាំ

សូមមើល « សិក្សាព្រះគម្ពីរ » ដើម្បីជួយរៀបចំខ្លួនអ្នកខាងវិញ្ញាណដើម្បីរៀនសូត្រ ។

អ័ប្រាហាំបានចុះសេចក្ដីសញ្ញាជាមួយនឹងព្រះ ។ ដូចជាករណីអ័ប្រាហាំដែរ យើងអាចជួយព្រះដើម្បីនាំយកពរជ័យនៃដំណឹងល្អរបស់ព្រះអង្គសង្គ្រោះទៅកាន់ក្រុមគ្រួសារទាំងអស់នៅលើផែនដីបាន ។ មេរៀននេះនឹងជួយអ្នកឲ្យធ្វើសកម្មភាពតាមការទទួលខុសត្រូវទាំងឡាយ ដែលព្រះអម្ចាស់បានប្រទានដល់អស់អ្នកដែលបានទទួលដំណឹងល្អ និងបានចុះសេចក្ដីសញ្ញាថាជាពូជពង្សរបស់អ័ប្រាហាំ ។

សិក្សាព្រះគម្ពីរ

នៅក្នុងសៀវភៅកត់ចំណាំរបស់អ្នក សូមកត់ត្រាបីពាក្យ ដែលអ្នកគិតថាពិពណ៌នាអ្នកបានល្អបំផុត ។ តើអត្តសញ្ញាណទាំងនេះជះឥទ្ធិពលលើឥរិយាបថរបស់អ្នកតាមរបៀបណាខ្លះ ?

អែលឌើរ ដេវីឌ អេ បែដណា ក្នុងកូរ៉ុមនៃពួកសាវកដប់ពីរនាក់ បានបង្រៀនពីអត្តសញ្ញាណរបស់យើងដូចតទៅនេះ ៖

17:8

អ្នកប្រហែលជារីករាយនឹងតន្ត្រី អត្តពលកម្ម ឬមានចំណូលចិត្តខាងមេកានិច ហើយថ្ងៃណាមួយអ្នកអាចធ្វើការនៅក្នុងពាណិជ្ជកម្ម ឬក្នុងអាជីពមួយ ឬក្នុងសិល្បៈ ។ ទោះជាសកម្មភាព និងការងារបែបនេះអាចសំខាន់ដូចគ្នាក្ដី ក៏វាពុំកំណត់អត្តសញ្ញាណាថា យើងជានរណានោះដែរ ។ អ្វីដែលជាអាទិភាព និងសំខាន់បំផុតគឺយើងគឺជាតួអង្គខាងវិញ្ញាណ ។ យើងគឺជាបុត្រា [ និងបុត្រី ] របស់ព្រះ និងជាពូជពង្សរបស់អ័ប្រាហាំ ។ ( « Becoming a Missionary » Liahona ខែវិច្ឆិកា ឆ្នាំ២០០៥ ទំព័រ៤៧ )

សេចក្ដីសញ្ញាអ័ប្រាហាំ ។ នៅក្នុង មេរៀនទី ២៣ ៖ លោកុប្បត្តិ ១២; ១៧ អ្នកបានរៀនថា អ័ប្រាហាំបានចុះសេចក្ដីសញ្ញាជាមួយព្រះថា លោកនឹងគោរពប្រតិបត្តិតាមព្រះបញ្ញត្តិរបស់ព្រះ ។ ព្រះបានសន្យាថានឹងប្រទានដល់អ័ប្រាហាំនូវពរជ័យដ៏មហិមាក្នុងពេលអស់កល្បជានិច្ច ។ បុត្រាបុត្រីទាំងអស់របស់ព្រះដែលចុះ និងរក្សាសេចក្ដីសញ្ញាជាមួយទ្រង់ អាចទទួលបានការសន្យាដែលបានធ្វើជាមួយនឹងអ័ប្រាហាំដែរ ។ ពួកគេក៏ធ្វើសេចក្ដីសញ្ញា ដើម្បីបំពេញតាមការទទួលខុសត្រូវដ៏សំខាន់ទាំងនេះផងដែរ ។

សូមសិក្សា អ័ប្រាហាំ ២:៩–១១ ដោយគូសសម្គាល់ការទទួលខុសត្រូវរបស់យើងក្នុងនាមជាពូជពង្សរបស់អ័ប្រាហាំ ។ អ្នកអាចរកឃើញថា ក្នុងនាមជាពូជពង្សរបស់អ័ប្រាហាំ ព្រះអង្គសង្គ្រោះបានប្រទានឲ្យយើងនូវការទទួលខុសត្រូវមួយ ដើម្បីផ្ដល់ពរជ័យនៃដំណឹងល្អរបស់ទ្រង់ដល់ក្រុមគ្រួសារទាំងអស់នៅលើផែនដីនេះ ។

អ្នកអាចដាក់តំណភ្ជាប់សេចក្តីថ្លែងការណ៍ខាងក្រោមទៅកាន់ អ័ប្រាហាំ ២:៩–១១ ។ ប្រធាន រ័សុល អិម ណិលសុន បានថ្លែងទីបន្ទាល់ ៖

ការទទួលខុសត្រូវរបស់យើងគឺដើម្បីជួយបំពេញសេចក្តីសញ្ញាអ័ប្រាហាំ ។ គ្រាប់ពូជរបស់យើងត្រូវបានតែងតាំង និងរៀបចំជាមុនដើម្បីប្រទានពរជ័យដល់មនុស្សទាំងអស់នៅលើពិភពលោកនេះ ។ នោះហើយជាមូលហេតុដែលជាកាតព្វកិច្ចរបស់បព្វជិតភាព មានដាក់បញ្ចូលកិច្ចការផ្សព្វផ្សាយសាសនាផងដែរ ។ បន្ទាប់ពីការរង់ចាំ និងការរៀបចំអស់ប្រហែល ៤,០០០ ឆ្នាំ នេះគឺជាថ្ងៃដែលបានកំណត់នៅពេលដែលដំណឹងល្អត្រូវបាននាំយកមកកាន់ពូជមនុស្សនៅលើផែនដីនេះ ។ នេះគឺជាពេលនៃការប្រមូលសាសន៍អ៊ីស្រាអែលដែលបានសន្យាទុក ។ ហើយយើងអាចចូលរួមបាន ! តើនេះមិនជារឿងដ៏គួរឲ្យរំភើបទេឬ ? ( « Covenants » Liahona ខែវិច្ឆិកា ឆ្នាំ២០១១ ទំព័រ៨៨ )

រាល់ពេលដែលយើងធ្វើអ្វីមួយដើម្បីជួយនរណាម្នាក់—ទាំងសងខាងនៃវាំងនន—ការធ្វើ និងរក្សាសេចក្តីសញ្ញារបស់ពួកគេជាមួយនឹងព្រះ នោះយើងកំពុងជួយប្រមូលអ៊ីស្រាអែលហើយ ។ ( « Let God Prevail » Liahona ខែវិច្ឆិកា ឆ្នាំ២០២០ ទំព័រ៩២–៩៣ )

សូមចំណាយពេលពីរបីនាទី ដើម្បីគិតពីវិធីមួយចំនួនដែលដំណឹងល្អរបស់ព្រះអង្គសង្គ្រោះ អាចប្រទានពរជ័យដល់ក្រុមគ្រួសារបាន ។ តើអ្នកអាចចូលរួមជួយដល់ក្រុមគ្រួសារដែលអ្នកស្គាល់ដោយរបៀបណា ? សូមគិតដល់យោបល់បន្ថែមទៀត នៅពេលអ្នកធ្វើសកម្មភាពខាងក្រោមនេះ ។

សូមពិនិត្យជម្រើសសិក្សាខាងក្រោមនេះឡើងវិញ ។ សូមរើសយកជម្រើសមួយ ឬច្រើន ។

ចែកចាយគំនិតរបស់អ្នក

គោលបំណងមេរៀន ៖ ដើម្បីជួយអ្នកឲ្យធ្វើសកម្មភាពតាមការទទួលខុសត្រូវទាំងឡាយ ដែលព្រះអម្ចាស់បានប្រទានដល់អស់អ្នកដែលបានទទួលដំណឹងល្អ និងបានចុះសេចក្ដីសញ្ញាថាជាពូជពង្សរបស់អ័ប្រាហាំ ។

សូមចែកចាយរឿងមួយ ឬច្រើន នៃអ្វីខាងក្រោមនេះជាមួយគ្រូបង្រៀន ឬសិស្សក្នុងថ្នាក់របស់អ្នក ៖

អ្វីដែលអ្នកគ្រោងនឹងធ្វើដើម្បីកាន់តាមសេចក្ដីសញ្ញាអ័ប្រាហាំ ។
អ្វីមួយជាក់លាក់ដែលអ្នកបានធ្វើដើម្បីសម្រេចគោលបំណងមេរៀននេះ ។
មានសំណួរណាមួយដែលមេរៀននេះបានធ្វើឲ្យអ្នកឆ្ងល់ដែរឬទេ ។ តើអ្នកនឹងព្យាយាមស្វែងរកចម្លើយចំពោះសំណួររបស់អ្នកដោយរបៀបណា ?