“Pag-asa ng Israel”

Sinabi ni Pangulong Russell M. Nelson ang sumusunod:

61:35

Mga mahal kong mahuhusay na kabataan, ipinadala kayo sa mundo sa panahong ito, sa pinakamahalagang bahagi ng kasaysayan ng mundo, upang tumulong na tipunin ang Israel. Wala nang ibang nangyayari sa daigdig na ito ngayon mismo na mas mahalaga pa kaysa riyan. Wala nang ibang mas mahalaga ang bunga. Wala talaga. (“Pag-asa ng Israel” [pandaigdigang debosyonal para sa mga kabataan, Hunyo 3, 2018], Gospel Library)

• Ano ang mga tanong ninyo o ng iba tungkol sa pagtitipon ng Israel—ang kaganapang tinatawag ni Nelson na pinakamahalagang bagay na “nangyayari sa daigdig na ito ngayon mismo”?

Habang naghahanap kayo ng mga sagot sa mga tanong na ito ngayon, pag-isipan kung paano makatutulong ang kaalaman tungkol kay Jesucristo at sa Kanyang ebanghelyo sa pagsagot sa mga tanong.

Layunin ng bahaging ito na tulungan ang mga estudyante na pag-aralan ang mga bahagi ng mensahe ni Pangulong Nelson na “Pag-asa ng Israel.” Maaari mong gamitin ang sarili mong ideya o ang sumusunod na ideyang “Hanapin: Mga sagot sa mga tanong o alalahanin” mula sa bahaging “Mga paraan sa pag-aaral ng mensahe” ng template.

Kung walang access ang iyong mga estudyante sa naka-print o digital na bersyon ng mensahe, maaari mong ipamahagi ang handout na “Ang Pagtitipon ng Israel” sa bawat estudyante. Ang handout na ito ay naglalaman ng nakasulat na bahagi ng mensahe na tatalakayin sa lesson na ito. Maaari mo ring anyayahan ang mga estudyante na panoorin ang bahaging ito ng mensahe sa video na “Pag-asa ng Israel,” na makukuha sa ChurchofJesusChrist.org, mula sa time code na 30:26 hanggang 33:37.

61:35

Kung nahihirapan ang mga estudyante sa pagbabasa o pakikinig sa mahahabang bahagi ng isang mensahe, maaari mong ibahagi ang isa o dalawang talata mula sa handout at anyayahan silang idrowing o isulat kung ano ang kahulugan sa kanila ng pagtitipon ng Israel.

Buksan ang PDF

Pag-aralan ang mga ibinigay na seleksyon mula sa mensaheng ito, at maghanap ng mga sagot sa alinman sa mga tanong na nakalista sa pisara. Maaari kang magmarka sa mensahe ng anumang mga sagot na mahahanap mo. Maaari mong isaalang-alang ang pagmamarka ng mga sagot sa bawat tanong sa paraang naiiba sa ibang tanong. Halimbawa, maaari mong bilugan ang mga sagot sa isang tanong at salungguhitan ang mga sagot sa iba, o maaari mong markahan ang lahat ng ito sa magkakaibang kulay.

• Alin sa mga tanong ang sa tingin ninyo ay nasagot sa mga bahagi ng mensahe ni Pangulong Nelson na pinag-aralan ninyo? Paano nasagot ang mga ito?

Pagnilayan ang mga kaisipan o pahiwatig mula sa Espiritu Santo na pumasok sa iyong isipan o puso habang pinag-aaralan mo ang mga paanyaya ni Pangulong Nelson sa mga kabataan. Mapanalanging pag-isipan kung alin sa palagay mo ang paanyayang nais ng Panginoon na tanggapin at sundin mo para maging bahagi ng pagtitipon ng Israel. Maaari kang mahikayat na kumilos ayon sa mahigit sa isang paanyaya.

Isulat ang paanyayang ito sa iyong study journal. Maaari mo ring isulat kung paano makatutulong sa iyo ang pagkilos ayon sa paanyayang iyon na mas mapalapit sa Ama sa Langit at kay Jesucristo.