Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Paghahanda para sa Pangkalahatang Kumperensya: Pakikinig sa mga Salita ng Tagapagligtas sa Pangkalahatang Kumperensya

“Paghahanda para sa Pangkalahatang Kumperensya: Pakikinig sa mga Salita ng Tagapagligtas sa Pangkalahatang Kumperensya,” Manwal ng Guro ng Seminary para sa Lumang Tipan (2026)

“Paghahanda para sa Pangkalahatang Kumperensya: Pakikinig sa mga Salita ng Tagapagligtas sa Pangkalahatang Kumperensya,” Manwal ng Guro ng Seminary para sa Lumang Tipan

Mga Turo ng mga Lider ng Simbahan: Lesson 205

Paghahanda para sa Pangkalahatang Kumperensya

Pakikinig sa mga Salita ng Tagapagligtas sa Pangkalahatang Kumperensya

Nangungusap ang Panginoon sa bawat isa sa atin sa pamamagitan ng Kanyang mga tagapaglingkod sa pangkalahatang kumperensya. Ang sadyang paghahanda para sa kumperensya ay makatutulong sa atin na makatanggap ng personal na paghahayag. Ang lesson na ito ay makatutulong sa mga estudyante na maghandang tumanggap ng mga mensahe mula sa Tagapagligtas sa pangkalahatang kumperensya.

Paghahanda ng estudyante: Anyayahan ang mga estudyante na pagnilayan ang mga pagpapalang maaaring magmula sa panonood ng susunod na pangkalahatang kumperensya at kung paano sila maaaring maghanda para dito.

Mga Posibleng Aktibidad sa Pag-aaral

Paghahanda para sa mga kaganapan

Paalala: Dahil dalawang beses sa isang taon ginaganap ang pangkalahatang kumperensya, maaaring kailanganin mong ituro ang lesson na ito nang dalawang beses. Para sa iba pang paraan para ituro ang lesson na ito, tingnan ang bahaging Mga Karagdagang Aktibidad sa Pag-aaral ng lesson na ito sa Gospel Library sa ChurchofJesusChrist.org.

Para matulungan ang mga estudyante na maghandang matuto, maaari mong simulan ang klase sa pagdrowing sa pisara ng isang bagay na tulad ng sumusunod:

Anyayahan ang mga estudyante na alalahanin ang isang mensaheng natanggap nila na makabuluhan sa kanila. Ang ilang halimbawa ay isang maikling sulat o note mula sa isang magulang, isang text mula sa kaibigan, isang papuri mula sa isang kapitbahay o lider ng Simbahan, o payo mula sa isang lolo o lola.

Maaari kang magbahagi ng halimbawa ng mensaheng natanggap mo na makabuluhan sa iyo. Itanong sa mga estudyante ang sumusunod na tanong:

Bakit makabuluhan ang mensaheng natanggap ninyo?

Isipin kunwari na ang Panginoon ay magpapadala sa inyo ng isang mensahe. Maglaan ng ilang sandali upang isulat sa inyong study journal kung ano ang inaasahan ninyong isasama Niya sa Kanyang mensahe, halimbawa, tagubilin para sa inyong buhay, isang mensahe ng pag-asa at katiyakan, isang pagpapatibay sa katotohanan, o sagot sa isang tanong.

Paano tayo binibigyan ng Diyos ng mga mensahe

Basahin ang ilan sa mga sumusunod na talata, na naghahanap ng isang paraan na ipinapadala ng Panginoon ang Kanyang mga mensahe at mga parirala na nagpapakita kung bakit ito mahalaga:

2 Cronica 36:15
Jeremias 7:25
Amos 3:7
Doktrina at mga Tipan 1:38
Doktrina at mga Tipan 21:4–6

Anyayahan ang mga estudyante na ibahagi ang nahanap nila at hikayatin silang markahan ang mga pariralang maririnig nila mula sa kanilang mga kaklase na gusto nilang matandaan.

Sa pangkalahatang kumperensya, nagbabahagi ng mga mensahe mula sa Panginoon ang mga propeta, tagakita, at tagapaghayag, kasama ang iba pang inspiradong lider ng Simbahan.

Itinuro ni Elder Neil L. Andersen ng Korum ng Labindalawang Apostol:

Nagpapatotoo ako sa inyo na si Jesus ang Cristo, na ginagabayan Niya ang mga nangyayari sa banal na gawaing ito, at ang pangkalahatang kumperensya ay isa sa mga pinakamahalagang panahon na nagbibigay Siya ng direksyon sa Kanyang Simbahan at sa atin mismo. …

Ang mga turo sa pangkalahatang kumperensya ay ang mga bagay na nais ng Panginoon na pag-isipan natin ngayon at sa darating na mga buwan. (“Ang Tinig ng Panginoon,” Liahona, Nob. 2017, 122, 124)

Paano ninyo ibubuod ang itinuro ni Elder Andersen?

Ang isang katotohanang maaaring banggitin ng mga estudyante ay, sa pangkalahatang kumperensya, ang Panginoon ay nagbibigay ng tagubilin o direksyon sa Kanyang Simbahan at sa atin mismo sa pamamagitan ng Kanyang mga tagapaglingkod, ang mga propeta.
Ano ang nalalaman ninyo tungkol kay Jesucristo na ginagawang makabuluhan ang isang mensahe mula sa Kanya?

Upang matulungan ang mga estudyante na pagnilayan ang kanilang paghahanda para sa pangkalahatang kumperensya, maaari mong ipakita ang mga sumusunod na tanong sa self-assessment.

Pag-isipan at sagutin ang mga sumusunod na tanong sa inyong study journal:

Gaano ka kakumpiyansang makikilala mo ang mga personal na mensahe ng Panginoon para sa iyo sa pangkalahatang kumperensya? Bakit?
Ano ang maaari mong gawin upang makapaghanda para sa nalalapit na pangkalahatang kumperensya para mas matanggap mo ang mga mensahe ng Panginoon para sa iyo?

Paghahanda para sa pangkalahatang kumperensya

Kailan kayo, o ang isang kakilala ninyo, nakatanggap ng mensahe mula sa pangkalahatang kumperensya na nadama ninyong mula sa Panginoon? Paano ito nakaapekto sa inyo o sa kanila?

Maghanda para sa pangkalahatang kumperensya

Sumulat ng isang mithiin kung ano ang gusto ninyong gawin para matanggap ang mga mensahe ng Panginoon sa pangkalahatang kumperensya.

Magbigay ng sticky note o isang piraso ng papel sa bawat estudyante at anyayahan silang isulat ang pariralang “Para Lamang sa Iyo” sa itaas. Maaari ding gamitin ng mga estudyante ang kanilang study journal o notebook, kung gusto nila.

Hilingin sa kanila na isulat ang anumang mensaheng naramdaman nilang ipinadala sa kanila ng Panginoon sa pangkalahatang kumperensya. Himukin silang bumalik sa klase pagkatapos ng pangkalahatang kumperensya na handang ibahagi ang ginawa nila para maghanda. Kung hindi ito masyadong personal, maaari din nilang ibahagi kung anong mga mensahe ang narinig nila mula sa Panginoon.

Sa isang klase sa hinaharap pagkatapos ng pangkalahatang kumperensya, maaari kang maglaan ng ilang minuto para iulat ng mga estudyante ang tungkol sa kanilang karanasan.

Aktibidad sa pagbabalik-aral sa pangkalahatang kumperensya

Sa susunod na klase sa seminary pagkatapos ng pangkalahatang kumperensya, maaari mong bigyan ng pagkakataon ang mga estudyante na balikan at ibahagi ang kanilang natutuhan. Maaari kang magsulat ng ilang tanong sa pisara, tulad ng:

Ano ang nakapagpatawa sa inyo?
Anong mensahe ang gustung-gusto ninyong pag-aralan?
Anong mga mensahe ang naramdaman ninyo na para lamang sa inyo?
Ano ang natutuhan o nadama ninyo tungkol sa Tagapagligtas?

Maaari mong anyayahan ang mga estudyante na isulat sa pisara ang mga sagot sa alinman sa mga tanong. Bilang alternatibo, maaari nilang isulat ang kanilang pangalan sa isang sticky note o maliit na piraso ng papel at ilagay ito malapit sa tanong na handa silang sagutin. Magkaroon ng talakayan sa klase sa pamamagitan ng pagtawag sa mga handang estudyante para maibahagi nila ang kanilang mga sagot sa mga tanong. Maaari mo ring ibahagi ang ilan sa iyong mga sagot.

Karagdagang Resources

Ano ang pinagtutuunan ng mga mensahe sa pangkalahatang kumperensya?

Itinuro ni Pangulong Russell M. Nelson:

5:27

Ang mga General Authority at mga Pangkalahatang Opisyal ng Simbahan na magsasalita ay magtutuon sa Tagapagligtas na si Jesucristo, sa Kanyang awa, at sa Kanyang walang hanggang kapangyarihang tumubos. Sa buong kasaysayan ng mundo, ngayon mas mahalaga at mas kailangan sa personal na buhay ng bawat tao ang kaalaman tungkol sa ating Tagapagligtas. Isipin na lamang ninyo kung gaano kabilis malulutas ang mga hidwaan sa buong mundo—at sa personal nating buhay—kung pipiliin ng lahat na sundin si Jesucristo at ipamumuhay ang Kanyang mga turo. (“Dalisay na Katotohanan, Dalisay na Doktrina, at Dalisay na Paghahayag,” Liahona, Nob. 2021, 6) (time code na 1:41 hanggang 2:26)

Ano ang isang paraan ng pagsusulat ng mga tala sa pangkalahatang kumperensya?

Itinuro ni Elder Robert D. Hales (1932–2017) ng Korum ng Labindalawang Apostol:

15:51

Kapag nagsusulat ako ng mga tala sa kumperensya, hindi ko palaging naisusulat nang eksakto ang sinasabi ng tagapagsalita; ang isinusulat ko ay ang personal na direksyon na ibinibigay sa akin ng Espiritu.

Ang sinasabi ay hindi kasing-halaga ng naririnig at nadarama natin. (“Pangkalahatang Kumperensya: Nagpapalakas ng Pananampalataya at Patotoo,” Liahona, Nob. 2013, 6) (time code 5:00 hanggang 5:19)

Mga Karagdagang Aktibidad sa Pag-aaral

Isang pagkakataon na makipag-usap sa Panginoon

Ang isa pang paraan para simulan ang lesson ay itanong sa mga estudyante, “Kung magkakaroon kayo ng pagkakataong makipag-usap sa sinuman para humingi ng payo at tulong sa inyong buhay, sino ito at bakit?”

Magpakita ng larawan ng Tagapagligtas na nagtuturo. Anyayahan ang mga estudyante na isipin na sa ilang araw, magkakaroon sila ng pagkakataong makausap ang Panginoong Jesucristo. Maaari silang humingi sa Kanya ng payo at direksyon sa kanilang buhay.

Pagkatapos ay maaaring sagutin ng mga estudyante ang mga sumusunod na tanong sa kanilangstudy journal:

Anong payo o tulong ang maaari mong hingin mula sa Kanya?
Ano ang maaari mong gawin upang maghanda para sa pakikipag-usap mo sa Kanya? Bakit?

Pinapayuhan tayo ng Panginoon sa pamamagitan ng Kanyang propeta

Kung ituturo ang lesson na ito nang dalawang beses sa isang taon, maaari kang magsimula gamit ang karagdagang ideya sa itaas at gawin ang sumusunod:

Basahin ang ilan sa mga sumusunod na talata, at alamin kung paano nakatulong ang tagubiling ibinigay ng Panginoon sa pamamagitan ng Kanyang propetang si Moises sa Kanyang mga tao sa iba’t ibang panahon.

Exodo 3:15–17. Noong naalipin ang mga tao.

Exodo 12:21–23, 27. Noong ipinangako ng Panginoon na papatayin ng isang anghel ng kamatayan ang panganay sa Ehipto.

Exodo 14:13–14, 21. Noong naipit sa pagitan ng hukbo ng Ehipto at ng Dagat na Pula ang mga tao.

Exodo 16:4. Noong walang pagkain ang mga tao.

Exodo 17:5–6. Noong walang tubig ang mga tao.

Exodo 25:1-2, 8. Noong nasa ilang ang mga tao. (Tandaan: ang salitang santuwaryo ay tumutukoy sa tabernakulo, o naililipat na templo.)

Mga Bilang 21:8–9. Noong nakagat ng mga makamandag na ahas ang mga tao.

Paano naiiba ang mga mensaheng ito? Bakit?
Ano ang inyong natutuhan?
Paano ipinapakita ng mga mensaheng ito ang pagmamahal ng Panginoon?

Maaari mong isulat sa pisara ang sumusunod: Sa pamamagitan ng Kanyang propeta, binibigyan tayo ng Panginoon ng payo para sa ating mga hamon at sitwasyon.

Anyayahan ang mga estudyante na alalahanin ang anumang dahilan kung bakit gusto nila ng direksyon o payo sa kanilang buhay. Talakayin ang mga paraan kung paano sila makapaghahanda na marinig ang salita ng Panginoon sa pangkalahatang kumperensya. Halimbawa, maaaring isulat ng mga estudyante ang kanilang mga dahilan at, habang nanonood sila ng pangkalahatang kumperensya, itala ang anumang naririnig nila na maaaring makatulong sa mga sitwasyong iyon.

Naghahangad na magkaroon ng mga katangiang tulad ng kay Cristo sa pamamagitan ng pangkalahatang kumperensya

Ang isa pang paraan upang maghanda para sa pangkalahatang kumperensya ay mag-isip ng isa o dalawang katangiang tulad ng kay Cristo na nais taglayin ng mga estudyante (tulad ng pag-ibig sa kapwa, pagpapakumbaba, pagsusumigasig, pagtitiis, at iba pa). Pagkatapos ay makinig sa pangkalahatang kumperensya para sa payo o tagubilin kung paano maging higit na katulad ng Tagapagligtas sa ganoong paraan.