“Faamoemoe o Isaraelu”

Sa saunoa mai Peresitene Russell M. Nelson i le mea lenei:

61:34

La’u autalavou tulaga ese pelē, na auina mai outou i le lalolagi i le taimi tonu lenei, o le taimi aupito taua i le talafaasolopito o le lalolagi, e fesoasoani e faapotopoto Isaraelu.E leai se mea o tupu i le lalolagi i le taimi nei e sili atu ona taua nai lo lena.E leai se mea e sili atu lona taunuuga.E matua leai lava.(“Faamoemoe o Isaraelu” [faigalotu a le autalavou i le lalolagi aoao, Iuni 3, 2018], Potutusi o le Talalelei)

• O a ni au fesili po o ni fesili a isi o loo iai e uiga i le faapotopotoina o Isaraelu—le mea na taua e Peresitene Nelson o le mea e sili ona taua “o lo o tupu i lenei lalolagi i le taimi lava lenei”?

A o e saili mo tali i nei fesili i le asō, mafaufau pe faapefea e se malamalama ia Iesū Keriso ma Lana talalelei ona fesoasoani i le taliina o fesili.

O le faamoemoega o lenei vaega o le fesoasoani lea i tagata a’oga e suesue vaega o le lauga a Peresitene Nelson “Faamoemoe o Isaraelu.”Mafaufau e faaaoga sou lava manatu po o manatu nei “Vaavaai mo: Tali i fesili po o popolega” mai le vaega “Metotia e suesue ai le savali” o le mamanu.

Afai e le maua e au tagata a’oga se kopi lolomi po o se kopi faakomepiuta o le lauga, mafaufau e tufa atu le pepa faasafua “Le Faapotopotoina o Isaraelu” i tagata a’oga ta’itasi.O lenei pepa faasafua o lo o tusia ai se vaega o le lauga lea o le a suesueina i lenei lesona.E mafai foi ona e valaaulia tagata a’oga e matamata lenei vaega o le lauga i le vitiō “Faamoemoe o Isaraelu,” e maua i le ChurchofJesusChrist.org, mai le taimi faailo 30:26 i le 33:37.

61:34

Afai e faafaigata i tagata a’oga le faitauina pe faalogologo i vaega uumi o se lauga, mafaufau e faasoa atu se parakalafa se tasi pe lua mai le pepa faasafua ma valaaulia i latou e tusiata pe tusia poo le a le uiga o le faapotopotoina o Isaraelu ia i latou.

Tatala le PDF

Suesue vaega ua filifilia mai lenei lauga ma vaavaai mo tali i soo se fesili ua lisiina i luga o le laupapa.E mafai ona e faailoga i luga o le lauga soo se tali e te mauaina.E te ono mafaufau e faailoga tali i fesili ta’itasi i se auala e ese mai i lo isi fesili.Mo se faataitaiga, e mafai ona e li’oina tali i le isi fesili ma vase lalo o tali i isi, pe faailoga uma i lanu eseese.

• O le fea o fesili e te lagona na taliina i vaega o le lauga a Peresitene Nelson na e suesueina?Na faapefea ona taliina?

Mafaufau loloto i manatu po o uunaiga mai le Agaga Paia na oo mai i lou mafaufau po o lou loto a o e suesueina valaaulia a Peresitene Nelson i le autalavou.Mafaufau ma le agaga tatalo po o le fea valaaulia e te lagona e finagalo le Ali’i e te taliaina ma mulimulitaia e auai ai i le faapotopotoina o Isaraelu.E te ono lagona le faagaeetia e faatino le silia ma le tasi o valaaulia.

Tusi lenei valaaulia i totonu o lau api talaaga mo suesuega.E te ono tusia foi pe faapefea e le faatinoina o lena valaaulia ona fesoasoani ia te oe e faalatalata atili atu ai i le Tamā Faalelagi ma Iesū Keriso.