Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Suesueina o Savali a Auauna a le Ali’i: Avea ai o Upu a Taitai o le Ekalesia ma Vaega o Lou Aoaoina o le Talalelei

“Suesueina o Savali a Auauna a le Ali’i: Avea ai o Upu a Taitai o le Ekalesia ma Vaega o Lou Aoaoina o le Talalelei,” Tusi Lesona a le Faia’oga Seminare o le Feagaiga Tuai (2026)

“Suesueina o Savali a Auauna a le Ali’i: Avea ai o Upu a Taitai o le Ekalesia ma Vaega o Lou Aoaoina o le Talalelei,” Tusi Lesona a le Faia’oga Seminare o le Feagaiga Tuai

Aoaoga a Taitai o le Ekalesia: Lesona 206

Suesueina o Savali a Auauna a le Ali’i

Avea ai o Upu a Taitai o le Ekalesia o se Vaega o Lou Aoaoina o le Talalelei

Young Vietnamese woman wearing eyeglasses, writing and studying scriptures while watching General Conference. (horiz)

Ua faapefea ona faamanuiaina lou olaga e savali a auauna o le Ali’i?O le suesueina o afioga a le Ali’i ua tuuina mai e taitai o Lana Ekalesia e fesoasoani ia i tatou e lagona ai le siufofoga o le Ali’i.O lenei lesona e mafai ona fesoasoani i tagata a’oga e faaaofia le suesueina o savali a le Ali’i ua tuuina mai e ala i Ana auauna, o se vaega o la latou aoaoga patino o le talalelei.

Sauniuniga a le tagata a’oga: Valaaulia tagata a’oga e mafaufau e uiga i nisi o faamanuiaga ua latou mauaina a o latou suesue savali talu ai nei mai taitai o le Ekalesia.Atonu latou te mananao foi e fesili atu i se tasi o le aiga po o se taitai lotoifale o le Ekalesia, mo faamanuiaga ua latou mauaina.O le a maua so latou avanoa i le taimi o le vasega e faasoa mai ai nisi o nei faamanuiaga.

Gaoioiga e Ono Mafai Ona Aoaoina Ai

Aisea e suesue ai i savali a taitai o le Ekalesia?

Ina ia amatalia, mafaufau e faasoa atu faamatalaga nei ma valaauliaina tagata a’oga e iloilo e le tagata lava ia a latou taumafaiga e auai ai i konefesi aoao.

A o e iloilo faamatalaga e lua o lo o i lalo, pe e te ono faamatalaina ta’itasi i le “e moni e uiga ia te a’u” po o le “e lē moni e uiga ia te a’u”?

Ou te matamata i le konefesi aoao.
Ou te faitau ma suesue i lauga pe a maea le konefesi aoao.

A maea ona maua se avanoa mo tagata a’oga e mafaufau loloto ai, faamautinoa atu ia i latou o le faamoemoega o le iloiloga patino, o se avanoa mo i latou e iloilo ai le tulaga o loo iai a latou taumafaiga atoa ma vaega e mafai ona latou faaleleia.

I le faaiuga o le konefesi aoao, na faapea mai ai Peresitene Russell M. Nelson:

Ou te faamoemoe o le a outou suesue pea i savali o lenei konefesi i masina o lata mai.(“Olioli i le Meaalofa o Ki o le Perisitua,” Liahona, Me 2024, 119)

Aisea e te manatu ai e taua le suesue i feau o le konefesi aoao?
Aisea e ono faigata ai mo talavou le suesueina o nei savali?O a faalavefau na feagai ma oe, poo le a ono feagai ma oe, a o e taumafai e suesue nei savali e le aunoa?

A o faasoa mai tagata a’oga, atonu e te manao e lisi i luga o le laupapa nisi o faalavefau o lo o latou ta’ua.E mafai ona e faaigoaina lenei lisi i se taimi mulimuli ane i le lesona.

A o e suesue i le asō, valaaulia le Agaga Paia e fesoasoani ia te oe ia iloa le mafuaaga e taua ai le suesueina o nei savali.E te ono vaavaai mo auala e mafai ai ona fesoasoani le Tamā Faalelagi ma Iesū Keriso ia te oe e foia ai soo se tauiviga lea e faafaigata ai ona faaaofia nei savali i au suesuega patino o le talalelei.

E tautatala perofeta i afioga a le Ali’i

Ina ia fesoasoani i tagata a’oga ia malamalama i le mafuaaga e taua ai le suesueina o savali a auauna a le Ali’i, e mafai ona e valaaulia i latou e suesue le valaauga o Esekielu e avea ma perofeta, i se vaitaimi o le liliuese o Isaraelu.Atonu na suesueina e tagata a’oga le valaauga o Esekielu e avea ma “leoleo i luga o le olo” (tagai i le Esekielu 3:16–17) i le Lesona 138: “Esekielu 1–3; 33”.Afai e le’i mauaina e tagata a’oga lenei lesona, e mafai ona e faasoa atu le aotelega lenei.

Faatasi ai ma le to’atele o isi tagata Isaraelu, na pueina Esekielu ma aveina atu i Papelonia.A o iai i le tafeaga (faatagataotauaina), sa asia o ia e le Ali’i ma valaauina e avea ma se perofeta (tagai i le Esekielu 1–2).

Faitau le Esekielu 3:4, 10–11, 27, ma vaavaai mo faatonuga a le Ali’i i Lana perofeta.

O le a se mea e mafai ona tatou aoaoina e uiga i le matafaioi a le perofeta a le Ali’i?

E te ono manao e faasino atu le fasifuaitau “pe latou te faalogo” i le fuaiupu 10 ma “O lē e faalogo, ina faalogo mai ia” i lefuaiupu 27.Ia faasoa atu faapea e tuuina mai e le Ali’i i Ona tagata le filifiliga e faalogo ai i Ana afioga e ala i Ana perofeta ma i latou ua Ia valaauina e taitai.

Ona e tusi lea o le fasivaega o le upumoni lenei i luga o le laupapa: A o tatou filifili e faalogo i afioga a le Ali’i ua tuuina mai e ala mai i Ana auauna, o le a Ia …

Valaaulia tagata a’oga e faauma lenei fasifuaitau o se mataupu faavae, e faaaoga ai le faamatalaga lenei mai ia Peresitene Nelson.

Na faasoa mai e Peresitene Russell M. Nelson nisi o faamanuiaga sa folafolaina mai e le Faaola ia i latou o e faalogo (faalogo i), gaua’i (naunau e usiusitai), ma usitai (mulimuli i le faatuatua) i aoaoga a le Faaola ua tuuina mai e ala i Ana auauna:

24:24

[T]atou te faalogo ia te Ia a o tatou usitai i upu a perofeta, tagata vaai, ma tali faaaliga.E molimau mai Aposetolo faauuina a Iesu Keriso pea lava pea e uiga ia te Ia.Latou te faasino mai le ala a o tatou su’eina lo tatou ala e ui atu i le lavelave ma fita faapopolegia o lo tatou olaga faitino.

O le a le mea o le a tupu ao e faalogo ma le loto iai, gaua’i, ma usitai ma le naunau atili i mea na fetalaia mai e le Faaola, ma mea o lo o Ia fetalaia mai nei e ala mai i Ana perofeta?Ou te folafola atu o le a faamanuiaina outou i le mana faaopoopoina e taulima ai faaosoosoga, tauiviga, ma vaivaiga.Ou te folafola atu vavega i a outou faaipoipoga, mafutaga faaleaiga, ma galuega i aso ta’itasi.Ma ou te folafola atu o le a faateleina lou gafatia e lagona ai le olioli e tusa lava pe faateleina tulaga sousou i lou olaga.(“Faalogo ia te Ia,” Liahona, Me 2020, 90) (mai le taimi 13:07 i le 14:16)

O a faamanuiaga folafolaina na e maua?

E ono mafai ona faailoa mai e tagata a’oga e faapea o le Faaola o le a:

Faasino lo tatou ala i le lavelave o o tatou aafiaga [o le olaga] faitino.
Faamanuia i tatou i Lona mana i le feagai ai ma faaosoosoga, tauiviga, ma vaivaiga.
Aumaia vavega i o tatou aiga ma galuega o aso ta’itasi.
Faateleina lo tatou gafatia e lagona ai le olioli tusa pe faateleina tulaga sousou o le olaga.

Mafaufau e valaaulia tagata a’oga e faasoa mai soo se faamanuiaga na latou vaaia mai a latou taumafaiga e suesue afioga a le Faaola, ma faaopoopo atu i le lisi o lo o i luga o le laupapa. E ono aoga mo tagata a’oga le faailoaina o nisi o auala e mafai ai ona fesoasoani nei faamanuiaga folafolaina i talavou.Ina ia faia lenei mea, e mafai ona e faavasegaina tagata a’oga i ni vaega to’alaiti e talanoaina mea nei:

I le vaavaai atu ai i nei faamanuiaga folafolaina, mafaufau i se tulaga maoti e ono aoga ai se tasi o nei faamanuiaga i se talavou.

O le a se mea e mafai ona e faasoa atu e fesoasoani i talavou e suesue ai savali a taitai o le Ekalesia pe afai o lo o latou tauivi e faia lena mea?
O anafea na e mauaina ai, pe na maua ai e se tagata e te iloa nei faamanuiaga?

Faatupulaia au suesuega i savali a le Ali’i

Mafaufau e valaaulia tagata a’oga e filifili ma le agaga tatalo se tasi pe sili atu o faamanuiaga folafolaina o i luga o le laupapa latou te mananao e maua i o latou olaga, ma tusi i totonu o a latou api talaaga mo suesuega.

E te ono faasino atu i le lisi o faafitauli na muai fatuina i le lesona e ono feagai ma talavou.E mafai ona e filifili se faafitauli ma fai atu se fesili e pei o lenei:

O le a se fautuaga e te avatu i se tasi e foia ai lenei faafitauli?

Mafaufau e valaaulia tagata a’oga e mafaufau pe mafai faapefea ona latou faaaofia le suesueina o savali a taitai o le Ekalesia i o latou olaga.Faamautinoa atu e le manaomia se taimi tele e faia ai lenei mea.Faasoa atu nai manatu i le vasega ma valaaulia tagata a’oga e faasoa nisi [o faiga] na fesoasoani ia i latou.E mafai ona e maua gaoioiga faaopoopo faakomepiuta i Gaoioiga Faaopoopo e Aoao Ai i le lomiga i luga o le initaneti o lenei tusi lesona.

Mafaufau i se auala se tasi e te lagona e mafai ai ona e faaaofia lou suesueina o savali a taitai o le Ekalesia i totonu o au suesuega patino.Filifili se tasi o manatu nei:

Mulimuli i itulau o faasalalauga faaagafesootai a taitai o le Ekalesia.
Suesue se lauga po o se vaega o se lauga e fai ma vaega o lau [lava] tapuaiga i le Aso Sa, pe i se aso se tasi pe sili atu o le vaiaso.
Faalogologo i se lauga a o faia se isi gaoioiga e pei o le faamalosi tino, femalagaiga, po o le faigaluega.
Faaaoga le vaega o le Fuafuaga o Suesuega e fatu ai se fuafuaga e suesue ai lauga mai konefesi aoao aupito lata mai, po o savali mai le Peresitene o le Ekalesia o lo o iai nei.
Faaaoga le Faasino Upu o Mau pe a e maua se mau e sili ona anoa ia te oe ao faia au suesuega patino o tusitusiga paia.E mafai ona fesoasoani lenei faasino upu o loo maua i le scriptures.byu.edu, ia te oe e iloa ai le faaaogaina lata mai o le fuaiupu i konefesi aoao.E mafai ona e faafesootaia le upusii ma le fuaiupu i le Potutusi o le Talalelei.
[Po o le] fai o sau oe lava [faafesootaiga].

E mafai ona e uunaia tagata a’oga e tatalo mo le fesoasoani a le Tamā Faalelagi a o latou taumafai e suesue Lana afioga ua tuuina mai e ala mai i Ana auauna.E mafai ona e faasoa atu sau molimau o faamanuiaga na e mauaina a o e taumafai e faatupulaia au suesuega o savali a auauna a le Ali’i.Mafaufau e toe tulitatao lenei mea i tagata a’oga i ni nai vaiaso, e ala i le tuuina atu ia i latou o se avanoa e faasoa mai ai tulaga faamanuiaina ma tauiviga sa oo ia i latou.

O Puna’oa Faaopoopo

O a faamanuiaga e mafai ona tatou maua e ala i le suesueina o savali a taitai o le Ekalesia?

Na aoao mai Elder D. Todd Christofferson o le Korama a Aposetolo e To’asefululua e faapea:

14:21

O se tasi o vaega o le totoa i le molimau ia Iesu o le usitaia lea o Ana avefeau.E le faamalosia i tatou e le Atua ia tatou savalia le ala lelei sili atu, le ala o feagaiga, ae ua Ia aoaoina Ana perofeta ia mautinoa ua tatou nofouta atoatoa i taunuuga o a tatou filifiliga.Ma ua le na o tagata o Lana Ekalesia.E ala mai i Ana perofeta ma aposetolo, ua Ia augani mai ai ma le alofa i le lalolagi atoa ina ia faalogo ma usitai i le upumoni o le a faasaolotoina ai i latou, lavea’i ai i latou mai puapuaga e le manaomia, ma aumai ia i latou le olioli tumau.(“Le Molimau ia Iesū,” Liahona, Me, 2024, 98–99) (mai le taimi faailo 6:22 i le 7:00)

6:1

Ou te apoapoai atu ia te outou ia suesue e le aunoa i savali o lenei konefesi—pe faisoo foi—i le isi ono masina o sosoo ai nei.Ia tagai ma le toto’a i ni auala e faaaofia ai nei savali i a outou afiafi faaleaiga, i au aoaoga o le talalelei, i a outou talanoaga ma aiga ma uo, e oo lava i a outou talanoaga ma i latou e le o nisi o la tatou faatuatuaga. …Ma o le a faaleleia ai lou naunautaiga e usiusitai pe a e manatua ma manatunatu i mea na e lagonaina i nei aso e lua ua mavae.(“Ia Tatou Fetaomi Uma i Luga,” Liahona, Me 2018, 118) (mai le taimi faailo 6:22 i le 7:00) (mai le taimi faailo 1:18 i le 1:59)

O fea e mafai ona ou maua ai isi manatu e fesoasoani ia te a’u e suesue ai i savali a taitai o le Ekalesia?

“Aoao le [Savali] a Elder Bednar o le Mamanu mo le Suesueina o Savali o Konefesi — Aoaoga Faavae, Valaaulia, Faamanuiaga,” (Newsroom.ChurchofJesusChrist.org, Mat. 30, 2021)

“Suesueina o Konefesi Aoao,” (Vaitaimi Fou, Iuni 2013, 40–42)

Gaoioiga Faaopoopo e Aoao Ai

Ua faasoa mai e auauna a le Faaola Lana savali

E ono fesoasoani le faailoa atu e faapea o auauna a le Ali’i o lo o faasoaina atu soo Lana savali, ma i le tele o auala nai lo se isi lava taimi i le talafaasolopito o Lana Ekalesia.E mafai ona e fai atu i tagata a’oga e faasoa mai nisi o auala ua faasinoina atu ai i tatou e auauna a le Ali’i ia Iesū Keriso.

E ono faailoa mai e tagata a’oga faigalotu, faasalalauga faafesagai, tusiga i mekasini a le Ekalesia, ma tusitusiga i auala faasalalau faagafesootai o nisi o auala ua faasinoina atu ai i tatou e taitai o le Ekalesia i le Faaola.E te ono valaaulia tagata a’oga e iloilo se tasi o puna’oa nei ma filifili se upusii puupuu e faasoa atu:

O le lomiga aupito i lata mai o konefesi aoao a le Liahona
Aotelega o nisi o savali aupito lata mai o konefesi aoao mai le Newsroom.ChurchofJesusChrist.org
Kopi o le tusiga “Savali Lata Mai Nei mai Taitai o le Ekalesia,” mai lomiga fou o mekasini o le Liahona po o le Mo le Malosi o le Autalavou
Se kopi o se tasi pe sili atu o savali lata mai nei mai i itulau o faasalalauga faaagafesootai a taitai o le Ekalesia

E mafai ona e valaaulia tagata a’oga e faasoa mai le upusii ua latou filifilia ma pe mafai faapefea e lenei savali ona faasino atu ai se tasi i le Tamā Faalelagi ma Iesū Keriso.

Faaaoga le Potutusi o le Talalelei e fatu ai se fuafuaga mo suesuega

E ono aoga mo tagata a’oga le fatuina o se fuafuaga mo suesuega e faaaoga ai le Potutusi o le Talalelei.O faatonuga nei e mafai ona fesoasoani ia i latou e fatu ai lenei fuafuaga:

Tatala le itulau autū o le Potutusi o le Talalelei ma faasolo atu i le “Fuafuaga mo Suesuega.”Ona oomi lea o le faailoga + e fatu ai se fuafuaga fou.(E ono manaomia ona “Suia” e tagata a’oga la latou itulau autū ina ia aofia ai le vaega Fuafuaga mo Suesuega.)
Filifili le Konefesi Aoao ona filifili lea o le konefesi aupito lata mai o lo o maua ai.
Ki i le Seti se faatulagaga, filifili ai le aofaiga o taimi o lo o e fuafua e te suesue ai.
Ki i le Faaopoopo se faamanatu ina ia fesoasoani ia te oe e fatu ai se uigamasani faalesuesuega.
Sefe le fuafuaga mo suesuega.Ua tatau nei ona lisiina i le vaega o A’u Fuafuaga o le itulau autū.

Faaopoopo le “Upusii o le Aso” i le itulau autū o lau Potutusi o le Talalelei.

E mafai ona faaopoopo e tagata a’oga le vaega “Upusii o le Aso” i a latou itulau autū o le Potutusi o le Talalelei, ina ia maua ai se feau mai taitai o le Ekalesia i aso ta’itasi.Ina ia faia lenei mea, latou te oomi le Itulau Autū e Sui ai i le pito i lalo ma filifili le vaega Upusii o le Aso.E mafai ona latou ki le filifiliga Faaaliga, lea o le a tuuina mai ai se faasilasilaga i a latou telefoni pe a ua lomia le upusii.

E mafai e tagata a’oga ona fai ia avea le iloiloina o lenei upusii ma vaega o la latou fuafuaga o suesuega.

Faaaoga faasalalauga faaagafesootai e suesue ai le Afioga a le Atua e ala mai i Ana auauna.

E mafai e tagata a’oga ona faaaofia i a latou fuafuaga mo suesuega o savali ua tuuina mai e taitai o le Ekalesia e ala ia latou itulau o faasalalauga faaagafesootai.O faatonuga nei e mafai ona fesoasoani ia i latou e faia ai lenei mea.

A uma ona maua le itulau faasalalau faaagafesootai, “Mulimuli” i le itulau, ma fai ia avea ma se mea “Fiafia,” i ai pe afai o avanoa.
E mafai e tagata a’oga ona faitau i nai tusitusiga poo talanoaga o iai.Valaaulia i latou e oomi le aikona Fiafia po o le aikona o le fatu.E mafai foi ona latou tusiina se “Faamatalaga” (komeni) e faailoa atu ai le agaga faafetai mo le savali po o le mafuaaga na latou iloa ai le anoa o le savali.O le faia ai o lenei mea o le a faateleina ai le faalauiloaina o faasalalauga faaagafesootai a taitai i le lalolagi atoa, ma o le a fesoasoani e faasafua atu ai le savali a le Faaola.
E mafai e tagata a’oga ona fatu se “Faasalalauga Una’i” mo itulauua latou filifilia.O lenei mea o le a faia ai se faailo i lau masini i taimi uma e faia ai se tusitusiga.