“Sauniunia mo le Konefesi Aoao: Faalogo i Afioga a le Faaola i le Konafesi Aoao,” Tusi Lesona a le Faia’oga Seminare o le Feagaiga Tuai (2026)
“Sauniunia mo le Konefesi Aoao: Faalogo i Afioga a le Faaola i le Konafesi Aoao,” Tusi Lesona a le Faia’oga Seminare o le Feagaiga Tuai
O Aoaoga a Taitai o le Ekalesia: Lesona 205
Sauniunia mo le Konafesi Aoao
Faalogo i Afioga a le Faaola i le Konafesi Aoao
E fetalai mai le Ali’i ia i tatou ta’ito’atasi e ala mai i Ana auauna i konefesi aoao.O le sauniunia ma le loto i ai mo konafesi e mafai ona fesoasoani ia i tatou e maua ai faaaliga patino [mo le tagata lava ia].O lenei lesona e mafai ona fesoasoani i tagata a’oga e saunia ai e maua savali mai le Faaola i konafesi aoao.
Sauniuniga a le tagata a’oga: Valaaulia tagata a’oga e mafaufau loloto i faamanuiaga e ono mafai ona maua mai le matamataina o le konefesi aoao o sosoo mai, ma le auala e mafai ai ona latou sauniuni ai [mo lea konafesi].
Gaoioiga e Mafai Ona Aoao Ai
Sauniunia mo mea e tutupu
Manatua: Ona o konefesi aoao e tupu faalua i tausaga ta’itasi, e ono manaomia ona e aoao faalua atu lenei lesona.Mo isi auala e aoao ai lenei lesona, tagai i le vaega o Gaoioiga Faaopoopo e Aoaoina Ai o lenei lesona i le Potutusi o le Talalelei i le ChurchofJesusChrist.org.
Ina ia fesoasoani i tagata a’oga e aoao, mafaufau e amata le vasega e ala i le tusiaina o se mea faapenei i luga o le laupapa:
Valaaulia tagata a’oga e toe manatua se savali na latou mauaina lea sa anoa ia i latou.O nisi o faataitaiga o se fasifaamatalaga mai i se matua, o se feau tusitusia mai i se uo, o se faamalo mai i se tuaoi po o se taitai o le Ekalesia, po o se fautuaga mai se matua o matua.
Mafaufau e faasoaina atu se faataitaiga o se savali na e mauaina lea sa anoa ia te oe.Fai atu i tagata a’oga le fesili lenei:
-
Aisea na anoa ai le savali na e mauaina?
Faaata faapea o le a auina atu e le Ali’i se savali ia te oe.Faaalu se taimi e tusi ai i totonu o lau api talaaga mo suesuega se mea e te faamoemoe o le a faaaofia [e le Alii] i Lana savali, mo se faataitaiga, se taitaiga mo lou olaga, o se savali o le faamoemoe ma le faamautinoaga, o se faamaoniga o le upumoni, po o se tali i se fesili.
Auala e auina mai ai e le Atua savali ia i tatou
Faitau nisi o fuaiupu nei, vaavaai mo se auala se tasi e auina mai ai e le Ali’i o Ana savali ma fasifuaitau e faaalia ai le mafuaaga e taua ai:
-
2 Nofoaiga a Tupu 36:15.
-
Ieremia 7:25
-
Amosa 3:7
Valaaulia tagata a’oga e faasoa mai mea na latou mauaina ma uunaia i latou e faailoga fasifuaitau latou te faalogo iai mai a latou tupulaga, latou te mananao e manatua.
I le taimi o konafesi aoao, e faasoa atu ai e perofeta, tagata vaai, ma tali faaaliga faatasi ai ma isi taitai musuia o le Ekalesia, savali mai le Ali’i.
Ua aoao mai Elder Neil L. Andersen o le Korama a Aposetolo e To’asefululua:
Ou te tuu atu la’u molimau o Iesū o le Keriso, o lo o Ia taitaia mataupu o lenei galuega paia, ma o le konefesi aoao o se tasi lea o taimi matuā taua tele Na te tuu mai ai faatonuga i Lana Ekalesia ma ia i tatou ta’ito’atasi. …
O aoaoga o konafesi aoao o manatu ia o le a tuuina e le Ali’i i o tatou luma i le taimi nei ma masina o i le lumanai.(“O le Siufofoga o le Alii,” Liahona, Nov. 2017, 122, 124)
-
O le a faapefea ona e aoteleina le aoaoga a Elder Andersen?
O se tasi o upumoni e ono ta’ua e tagata a’oga e faapea, i konafesi aoao, ua tuuina mai e le Ali’i le taitaiga i Lana Ekalesia ma patino ia i tatou e ala i Ana auauna, le au perofeta.
-
O le a se mea e te iloa e uiga ia Iesū Keriso lea o le a mafai ai ona anoa ai se savali mai ia te Ia?
Ina ia fesoasoani i tagata a’oga e toe manatunatu i a latou sauniuniga mo le konefesi aoao, mafaufau e faaali atu fesili nei faale-iloiloga a le tagata lava ia.
Mafaufau loloto ma tali fesili nei i lau api talaaga mo suesuega:
-
O le a lou mautinoa e mafai ona e iloaina savali patino a le Ali’i mo oe i konafesi aoao?Aisea?
-
O le a se mea e te ono faia e saunia ai mo le konafesi a sau ina ia e maua lelei atili ai savali a le Ali’i mo oe?
Sauniuni ai mo le konafesi aoao
Tusi upu A’o le’i ma le I le taimi o loo Faia aii le laupapa.Valaaulia tagata aoga e lisi mea e mafai ona latou faia a’o le’i faia ma i le taimi o loo faia ai le konafesi aoao, ina ia maua lelei atili ai savali a le Ali’i.
A uma, mafaufau e valaaulia tagata a’oga e vaavaai mo manatu faaopoopo, e faaaoga ai le pepa faasafua “O le Mauaina o Mea Sili mai le Konafesi Aoao.”O nisi nei o auala e faaaoga ai le pepa faasafua ina ia mafai ona aoga:
-
Suesue i ni vaega to’alaiti ma tali faatasi fesili.
-
Faatulaga tagata a’oga i ni vaega ta’ito’afa ma tuu atu i tagata a’oga ta’ito’atasi se tasi o upusii ma fesili o loo tuuina faatasi atu ai.A maea ona faitauina ma mafaufau loloto i a latou vaega, ona faasoa atu lea e tagata a’oga ta’itasi ma la latou vaega.
-
Tuu atu se faamatalaga ese mai i tagata a’oga e to’afa ae le’i amataina le vasega, ma valaaulia i latou e o mai saunia e faasoa atu i le vasega ma tali le fesili poo fesili o loo tuuina faatasi atu ai.O se isi auala, e mafai ona latou faaaoga fesili e taitaia ai le talanoaga a le vasega.
Nai lo o le, poo le faaopoopo atu i le pepa faasafua, e mafai ona e faasoa atu le vitiō “O Faamanuiaga o le Konefesi Aoao” (2:24), e maua i le ChurchofJesusChrist.org.
A maea ona maua se taimi e suesue ai e tagata a’oga le pepa faasafua ma mafaufau loloto i le fesili lenei, valaaulia i latou e tali mai.
-
O anafea na e mauaina ai, po o se tasi e te iloa se savali mai le konefesi aoao na e lagonaina e mai le Ali’i?Na faapefea ona aafia ai oe po o i latou?
Sauniuni mo le konefesi aoao
Tusi se sini o mea e te manao e faia ina ia maua ai le savali a le Ali’i i le taimi o le konefesi aoao.
Tuulima atu se fasipepa pipii po o se fasi pepa i tagata a’oga ta’itasi ma valaaulia i latou e tusi le fasifuaitau “E Mo Na o Oe” i le pito i luga.E mafai foi ona faaaoga e tagata a’oga a latou api talaaga po o se api tusitusi ai faamatalaga, pe a latou mananao ai.
Fai atu ia i latou e tusi i lalo soo se savali latou te lagona ua auina mai e le Ali’i ia i latou i le taimi o le konefesi aoao.Uunaia i latou e toe foi mai i le vasega pe a maea le konefesi aoao, e faasoa mai mea na latou faia e saunia ai.Afai e le maaleale patino tele, e mafai foi ona latou faasoa atu po o a savali na latou faalogo iai mai le Ali’i.
I se vasega i le lumana’i pe a maea le konefesi aoao, mafaufau e faaalu ni nai minute e faailoa ai e tagata a’oga e uiga i o latou aafiaga.
Gaoioiga o le toe iloilo o le konefesi aoao
I le vasega seminare o sosoo mai pe a maea le konefesi aoao, mafaufau e tuu atu i tagata a’oga se avanoa e toe iloilo ma faasoa mai ai mea na latou aoaoina.E mafai ona e tusia ni nai fesili i luga o le laupapa e pei o le:
-
O le a le mea na e ata ai?
-
O le a le lauga ua e fiafia e suesue?
-
O a savali na e lagona ua mo na o oe lava?
-
O le a se mea ua e aoaoina pe lagonaina e uiga i le Faaola?
E mafai ona e valaaulia tagata a’oga e tusi tali i luga o le laupapa i soo se fesili.I se isi auala, e mafai ona latou tusia se igoa i luga o se pepa faapipii po o se fasi pepa, ma tuu faalatalata i se fesili latou te naunau e tali.Fai se talanoaga a le vasega e ala i le valaaulia o ni tagata a’oga naunau i o latou igoa, e faasoa mai a latou tali i fesili.E mafai foi ona faasoa atu nisi o au tali.