Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Ерөнхий чуулганд бэлтгэх: Ерөнхий чуулганаар дамжуулан Аврагчийн үгийг сонсох нь

“Ерөнхий чуулганд бэлтгэх: Ерөнхий чуулганаар дамжуулан Аврагчийн үгийг сонсох нь,” Хуучин Гэрээний семинарын багшийн гарын авлага (2026)

“Ерөнхий чуулганд бэлтгэх: Ерөнхий чуулганаар дамжуулан Аврагчийн үгийг сонсох нь,” Хуучин Гэрээний семинарын багшийн гарын авлага

205-р хичээл: Сүмийн удирдагчдын сургаал

Ерөнхий чуулганд бэлтгэх нь

Ерөнхий чуулган дээр Аврагчийн үгийг сонсох нь

Их Эзэн Ерөнхий чуулганаар үйлчлэгчдээрээ дамжуулан бидний хүн нэг бүрд хандан ярьдаг. Чуулганд зорилго тавьж бэлтгэх нь хувийн илчлэл хүлээн авахад бидэнд тусална. Энэ хичээл нь ерөнхий чуулганаар Аврагчаас хувийн захиас хүлээн авахад бэлтгэхэд нь суралцагчдад тусална.

Суралцагчийн бэлтгэл: Суралцагчдаас дараагийн ерөнхий чуулганыг үзсэнээр ирэх адислалуудын тухай мөн үүнд хэрхэн бэлтгэх талаар тунгаан бодохыг хүс.

Боломжит суралцах үйл ажиллагаа

Арга хэмжээнд бэлтгэх

Жич: Ерөнхий чуулган жилд хоёр удаа болдог учраас та энэ хичээлийг хоёр удаа заах хэрэгтэй. Энэ хичээлийг заах өөр арга замуудыг ChurchofJesusChrist.org дээрх Gospel Library дахь энэ хичээлийн Нэмэлт суралцах үйл ажиллагаа хэсгээс үзнэ үү.

Суралцахаар бэлтгэхэд нь суралцагчдад туслахын тулд самбарт дараахыг зурж, хичээлээ эхэл.

Суралцагчдаас хүлээн авсан мөн өөрсдийнх нь хувьд чухал захиасаа санахыг хүс. Жишээбэл: Эцэг эхийнх нь өгсөн зурвас, найзаас нь ирсэн мессеж, хөршийн эсвэл Сүмийн удирдагчийн хэлсэн магтаалын үг, өвөө, эмээгийн зөвлөгөө байж болно.

Таны хувьд утга учиртай хэн нэгний өгсөн захиасыг хуваалцахыг бод. Суралцагчдад дараах асуултыг тавь.

Авсан захиас тань яагаад таны хувьд утга учиртай байсан бэ?

Их Эзэн танд захиас илгээх гэж байна гэж төсөөл. Тэрээр захиасандаа юуг оруулаасай гэж найдаж байгаагаа цаг гарган бич. Жишээлбэл: Амьдралд тань хэрэг болох удирдамж, найдвар, урмын захиас, үнэний баталгаа эсвэл асуултын тань хариулт гэх мэт.

Бурхан бидэнд хэрхэн захиасаа илгээдэг вэ?

Дараах шүлгүүдээс хэдийг уншаад, Их Эзэн захиасаа илгээдэг нэг арга замыг мөн энэ нь яагаад чухал болохыг харуулсан үг хэллэгүүдийг ол.

Суралцагчдаас олж мэдсэн зүйлээ хуваалцахыг хүсээд, үе тэнгийнхнээсээ сонссон, цаашид санаж явахыг хүссэн үг хэллэгээ тэмдэглэхийг хүс.

Ерөнхий чуулганы үеэр бошиглогч, үзмэрч, илчлэгчид сүнслэгээр өдөөгдсөн Сүмийн бусад удирдагчийн хамт Их Эзэний захиасыг хуваалцдаг.

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

Би Есүс бол Христ гэдгийг, Тэр энэ ариун нандин ажлын албыг удирддаг бөгөөд ерөнхий чуулган бол Их Эзэний Өөрийн Сүмд болон бидэнд удирдамж чиглүүлэг өгдөг … маш чухал үеүдийн нэг юм гэдгийг гэрчилж байна.

Ерөнхий чуулган дээр хэлэгдсэн үгс бол ирэх саруудад анхаараасай хэмээн Их Эзэний биднээс хүссэн зүйлс юм. (“Их Эзэний дуу хоолой,” 2017 оны 10-р сарын Ерөнхий чуулган, 126–131)

Та ахлагч Андэрсэн юу заасныг хэрхэн нэгтгэн дүгнэх вэ?

Суралцагчид Их Эзэн Ерөнхий чуулганаар Өөрийн үйлчлэгч, бошиглогчдоор дамжуулан Өөрийн Сүмд болон хувь хүн надад зориулан удирдамж чиглүүлэг өгдөг гэсэн үнэнийг дурдаж болох юм.
Есүс Христээс ирсэн захиасыг утга учиртай болгодог юуг та Түүний талаар мэдэх вэ?

Ерөнхий чуулганд бэлтгэж буй бэлтгэлээ эргэцүүлэн бодоход нь суралцагчдад туслахын тулд дараах өөрийгөө үнэлэх үнэлгээний асуултуудыг үзүүл.

Дараах асуултуудыг тунгаан бодоод, судлах тэмдэглэлдээ хариул.

Ерөнхий чуулганаар Их Эзэний танд зориулсан захиасыг таньж мэдэж чадна гэдэгтээ та хэр итгэлтэй байна вэ? Яагаад?
Танд зориулсан Их Эзэний захиасыг илүү сайн хүлээн авахын тулд та удахгүй болох ерөнхий чуулганд бэлтгэхдээ юу хийж болох вэ?

Ерөнхий чуулганд бэлтгэх

Та эсвэл таны таньдаг хэн нэгэн хэзээ ерөнхий чуулганаар Их Эзэнээс захиасыг хүлээж авч байсан бэ? Энэ нь танд эсвэл тэдэнд хэрхэн нөлөөлсөн бэ?

Ерөнхий чуулганд бэлтгэх

Ерөнхий чуулганаар Их Эзэний захиасыг хүлээж авахын тулд хийхийг хүсэж байгаагаа зорилго болгон бич.

Наадаг эсвэл энгийн цаасыг суралцагч бүрд өгөөд, дээд талд нь “Зөвхөн танд зориулсан” гэж бичихийг хүс. Суралцагчид хүсвэл судлах тэмдэглэлээ эсвэл тэмдэглэлийн дэвтрээ ашиглаж болно.

Ерөнхий чуулганаар Их Эзэн өөрсдөд нь өгсөн гэж бодож байгаа захиаснуудаа бичихийг тэднээс хүс. Тэднийг ерөнхий чуулганы дараа хичээлдээ ирэхдээ бэлтгэхийн тулд юу хийснээ хуваалцахад бэлдэж ирэхийг урамшуул. Хэрэв хэт хувийн шинжтэй биш бол тэд мөн Их Эзэнээс хүлээн авсан захиасаа хуваалцаж болно.

Ерөнхий чуулганы дараа орох хичээлдээ өөрсдийн туршлагаас хуваалцах хэдэн минутыг суралцагчдад гаргаж өгөхийг бод.

Ерөнхий чуулганы үгсийг авч үзэх үйл ажиллагаа

Ерөнхий чуулганы дараагийн семинарын хичээлээр суралцагчдад сурч мэдсэн зүйлээ авч үзэж, хуваалцах боломж олгоорой. Та самбарт хэдэн асуулт бичиж болно. Тухайлбал:

Юу чамайг инээлгэсэн бэ?
Та аль үгийг судлах гэж байгаадаа баярлаж байна вэ?
Ямар захиас зөвхөн танд зориулагдсан гэж бодож байна вэ?
Аврагчийн талаар юу сурч мэдсэн эсвэл мэдэрсэн бэ?

Та суралцагчдаас аль нэг асуултад өгсөн хариултаа самбарт бичихийг хүсэж болно. Эсвэл тэд наадаг юм уу энгийн жижиг цаасан дээр нэрээ бичээд, хариулахыг хүссэн асуултынхаа хажууд байрлуулж болно. Бэлэн болсон суралцагчдыг нэрээр нь дуудаад, хариултыг нь хуваалцуулах замаар ангийн хэлэлцүүлгийг явуул. Та мөн өөрийн зарим хариултыг хуваалцаж болно.

Нэмэлт эх сурвалж

Ерөнхий чуулганы захиаснууд юун дээр төвлөрсөн байна бэ?

Ерөнхийлөгч Рассэлл М.Нэлсон ийн заасан.

5:27

Ерөнхий эрх мэдэлтнүүд, Сүмийн ерөнхий албан тушаалтнуудын өгөх захиас бидний Аврагч, Есүс Христэд болон Түүний нигүүлсэл, хязгааргүй гэтэлгэгч хүчинд төвлөрөх болно. Дэлхийн түүхийн цаг үеүдээс чухам өнөө үед л Аврагчийн маань талаарх мэдлэг хүмүүний бодгаль бүрд илүү хамаатай, илүү зайлшгүй хэрэгтэй байна. Бид бүгдээрээ Есүс Христийг болон Түүний сургаалыг дагахыг сонговол, дэлхий даяарх хохирол сүйрэл дагуулдаг сөргөлдөөнүүд, хувь хүний амьдрал дахь асуудлууд ямар хурдан шийдэгдэж болохыг төсөөлөөд үз дээ. (“Цэвэр үнэн, цэвэр сургаал, цэвэр илчлэл,” Лиахона, 2021 оны 11-р сар, 6) (цагийн код 1:41-ээс 2:26 хүртэл)

Ерөнхий чуулганы үеэр ямар арга замаар тэмдэглэл хөтөлж болох вэ?

Арван хоёр төлөөлөгчийн чуулгын ахлагч Робэрт Д.Хэйлс (1932–2017) ийн заасан.

15:49

Би чуулганы үеэр тэмдэглэл хөтлөхдөө, үг хэлэгчийн юу хэлж буйг үргэлж бичих бус харин Сүнснээс надад өгч буй хувийн заавруудыг бичиж авдаг.

Хэлэгдэж буй зүйлс нь бидний сонсож, мэдэрч байгаа зүйлтэй адил чухал байдаггүй. (“Ерөнхий чуулган: Итгэл ба гэрчлэлийг хүчирхэгжүүлэх нь,” 2013 оны 10-р сарын Ерөнхий чуулган, 6) (цагийн код 5:00-ээс 5:19 хүртэл)

Нэмэлт суралцах үйл ажиллагаа

Их Эзэнтэй ярилцах боломж

Суралцагчдаас “Хэрэв та нарт зөвлөгөө авч, амьдралд тань туслах хэн нэгэнтэй ярилцах боломж олдвол тэр нь хэн байх вэ мөн яагаад тэр хүн байх вэ?” гэж асуух замаар хичээлийг эхлүүлж болох юм.

Аврагчийн зааж буй зургийг үзүүл. Суралцагчдад хэдэн өдрийн дараа Их Эзэн Есүс Христтэй ярилцах боломж гарах гэж байна гэж төсөөлөх даалгавар өг. Тэд Түүнээс амьдралд нь хэрэгтэй зөвлөгөө, удирдамж чиглүүлэг авахыг хүсэж болно.

Дараа нь суралцагчид судлах тэмдэглэлдээ дараах асуултуудад хариулж болох юм.

Түүнээс ямар чиглүүлэг, тусламж эрэлхийлж болох вэ?
Та юу хийж Түүнтэй уулзахад өөрийгөө бэлтгэх вэ? Яагаад?

Их Эзэн бошиглогчоороо дамжуулан бидэнд зөвлөгөө өгдөг

Хэрэв энэ хичээлийг хоёр дахиа заах бол дээрх нэмэлт санаанаас эхэлж, дараахыг хийгээрэй.

Дараах шүлгүүдээс заримыг нь уншаад, Их Эзэний бошиглогч Мосегоор дамжуулан өгсөн удирдамж хэрхэн өөр цаг үед амьдарч байсан Түүний хүмүүст тусалж байсныг олж мэд.

Гэтлэл 3:15–17. Хүмүүсийг боолчлолд байхад.

Гэтлэл 12:21–23, 27. Үхлийн тэнгэр элч Египетэд төрсөн ууган хүүхдүүдийг хөнөөнө хэмээн Их Эзэн амлахад.

Гэтлэл 14:13–14, 21. Хүмүүс Египетийн арми, Улаан тэнгис хоёрын хооронд гарах газаргүй болох үед.

Гэтлэл 16:4. Хүмүүс идэх хоолгүй болоход.

Гэтлэл 17:5–6. Хүмүүс уух усгүй болоход.

Гэтлэл 25:1-2, 8. Хүмүүсийг цөлд байхад. (Жич: Ариун газар гэдэг нь асар буюу зөөврийн ариун сүмийг хэлж байгаа юм.)

Тооллого 21:8–9. Хүмүүс хорт могойд хатгуулах үед.

Эдгээр захиас юугаараа ялгаатай байсан бэ? Яагаад?
Та юу сурч мэдсэн бэ?
Эдгээр захиас хэрхэн Их Эзэний хайрыг харуулсан бэ?

Дараах өгүүлбэрийг самбарт бич: Их Эзэн бошиглогчоороо дамжуулан бидэнд тулгарах зовлон бэрхшээл, нөхцөл байдалд зориулан удирдамж заавар өгдөг.

Суралцагчдаас амьдралд нь удирдамж чиглүүлэг, зөвлөгөө авах хэрэгтэй байсан шалтгаанаа эргэн санахыг хүс. Ерөнхий чуулганаар Их Эзэний үгийг сонсоход бэлтгэх арга замуудын талаар ярилц. Жишээлбэл: Суралцагчид шалтгаанаа бичээд, ерөнхий чуулганыг үзэж байхдаа тухайн нөхцөлд тус болох сонссон зүйлээ бичин тэмдэглэж болно.

Ерөнхий чуулганаар Христийнхтэй адил зан чанарыг хөгжүүлэхийг эрэлхийлэх

Ерөнхий чуулганд бэлтгэх өөр нэг арга зам бол хөгжүүлэхийг хүсдэг Христийнхтэй адил нэг, хоёр зан чанарынхаа тухай бодох даалгаврыг суралцагчдад өгөх явдал юм (энэрэл, даруу байдал, хичээнгүй байдал, тэвчээр гэх мэт). Дараа нь ерөнхий чуулганаар хэрхэн уг зан чанарыг хөгжүүлснээр Аврагчтай илүү адил болох тухай удирдамжийг олж сонсоно.