Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Sauniuni e Ulu atu ma le Agavaa i le Malumalu: Le Pepa Faataga o le Malumalu

“Sauniuni Ai e Ulu atu ma le Agavaa i le Malumalu: Le Pepa Faataga o le Malumalu,” Tusi Lesona a le Faia’oga Seminare o le Feagaiga Tuai (2026)

“Sauniuni Ai e Ulu atu ma le Agavaa i le Malumalu: Le Pepa Faataga o le Malumalu,” Tusi Lesona a le Faia’oga Seminare o le Feagaiga Tuai

Sauniuniga mo le Malumalu: Lesona 203

Sauniuni Ai e Ulu atu ma le Agavaa i le Malumalu

Le Pepa Faataga o le Malumalu

Youth entering Louisville Kentucky Temple with Family History Cards

I tausaga talu ai nei, ua faatelevaveina ai e le Ali’i le fausiaina o malumalu i le lalolagi atoa.Ua sili atu nei nai lo se isi lava taimi, ua maua e tagata o Lana Ekalesia ni avanoa maoa’e sili atu, e ulu atu ai i Lona maota paia pe a ua latou saunia ma agavaa e faia lea tulaga.O lenei lesona e mafai ona fesoasoani i tagata a’oga e manatunatu ai i lo latou agavaa e ulu atu ai i le malumalu paia o le Tamā Faalelagi ma Iesū Keriso.

Sauniuniga a le tagata a’oga: Ina ia fesoasoani i tagata a’oga e sauni e aoao atili e uiga i tulaga faatonuina ua faatuina e le Ali’i e ulu atu ai i le malumalu, valaaulia i latou e faitau i fesili o le pepa faataga o le malumalu e maua i le faaopoopoga o le Mo le Malosi o le Autalavou: O se Taiala i le Faia o Filifiliga [2022].Valaaulia i latou e o mai i le vasega ma soo se fesili o ono ia i latou e uiga i nei tulaga faatonuina.

Gaoioiga e Ono Mafai Ona Aoaoina Ai

Fautuaina Atu i le Ali’i

Ina ia fesoasoani i tagata a’oga e mafaufau i tulaga faatonuina a le Ali’i e ulu atu ai i Lona maota, e te ono valaaulia i latou e mafaufau i a latou tali i se tasi po o le sili atu o tulaga nei:

O ai e te ono fautuaina e:
- Faia se kiki taua i le taaloga soka?Aisea?
- Fesoasoani ia te oe e suesue mo se suega o loo loma?Aisea?
- Usu to’atasi se pese?Aisea?
- Tuu atu ia te oe ni taiala?Aisea?

Na faasoa mai e Elder Ronald A. Rasband o le Korama a Aposetolo e To’asefululua se aafiaga ina ua ia asiasi atu i lona tamā faaletulafono ina ua lata ina uma lona soifua.A o asiasi atu Elder Rasband ae o loo ua amata ona alu ese le epikopo a lona tamā faaletulafono.Sa ia faamatalaina le mea na sosoo ai sa tupu:

Sa ou fai atu ia Blaine [lona tamā faaletulafono], “Matuai manaia tele le asiasi mai o le epikopo.”

Sa tilotilo mai Blaine ia te au ma tali mai, “E matua sili atu lava nai lo lena.Sa ou talosagaina le epikopo e sau ona sa ou manao i se faatalanoaga mo la’u pepa faataga o le malumalu.Ou te fia oti a’o fautuaina atu a’u i le Alii.”Ma sa faapena ona fai!(“Fautuaina atu i le Ali’i,” Liahona, Nov. 2020, 23)

O le a sou manatu, o le a le uiga o le “fautuaina atu i le Ali’i”?

Afai e le ta’ua e tagata a’oga, e te ono faasoa atu e faapea o se vaega o le fuafuaga alofa a le Tamā Faalelagi mo Lana fanau, o Ia ma le Faaola, Iesū Keriso, ua faavaeina ni tulaga faatonuina e ulu atu ai i le malumalu.O le mulimuli ai i nei tulaga faatonuina e fautuaina ai i tatou e ulu atu ai ma le agavaa i lo La maota.

A o tatou suesue i le asō, ia gauai totoa atu i lagona ma manatu e ono oo atu i lou mafaufau ma lou loto e ala mai le Agaga Paia (tagai i le Mataupu Faavae ma Feagaiga 8:2–3).O le auala lea e mafai ai e le Agaga Paia ona fesoasoani ia te oe ia iloa mea uma o lo o lelei ona e faia, ma auala e mafai ai ona e faaleleia au taumafaiga e mulimuli ai i o La tulaga faatonuina, e ulu atu ai ma le agavaa i lo La maota.

O le ulufale atu ai i le malumalu e tapuai i le Ali’i

O le faamatalaga lenei ma mau faasino e mafai ona fesoasoani i tagata a’oga e iloa ai e faapea ua faatulagaina e le Ali’i o tulaga faatonuina e ulu atu ai i Lona maota paia.Mafaufau e faavasega tagata a’oga i ni vaega ta’ito’atolu ma tuu atu i sui ta’itasi o le vaega e faitau se tasi o mau faasino.

Faitau le faamatalaga lenei mai ia Elder Ronald A. Rasband o le Korama a Aposetolo e To’asefululua, ma mau ua lisiina atu i lalo, ma vaavaai mo mea e mafai ona e aoaoina mai ai e uiga i le ulufale atu i le maota o le Ali’i:

O le malumalu o le maota o le Alii ma o se malutaga mai le lalolagi.E ofoofotai e Lona Agaga i latou o e tapuai atu i totonu o na papuipui paia.Na te faavaeina tulaga faatonuina ia tatou te ulufale atu ai o ni Ana malo [faaaloalogia].(“Fautuaina atu i le Ali’i,” Liahona, Nov. 2020, 23)

Salamo 24:3–4 (“mauga o le Ali’i” e mafai ona faatusa i le malumalu)

Ieremia 7:1–3 (O Ieremia o le perofeta i le taimi o le amioleaga i Iuta.)

Esekielu 44:4–5, 9 (“faailoga lelei” i le fuaiupu 5 e mafai ona uiga atu i le “gauai atu i le”; “e le’i peritomeina le loto” i le fuaiupu 9 e mafai ona uiga atu i le le tuu eseeseina o i latou mai agasala ma le lalolagi)

O a upumoni e uiga i le ulufale atu ai i le maota o le Ali’i e mafai ona tatou aoaoina mai le faamatalaga a Elder Rasband ma nei fuaitau o mau?

E mafai e tagata aʻoga ona faailoa mai ni upumoni eseese e pei o le:

Ua faatulagaina e le Ali’i tulaga faatonuina o le agavaa e ulu atu ai i Lona maota.

Ua faatonuina e le Ali’i taitai perisitua e faamautinoa tatou te ulu atu ma le agavaa i Lona maota.

E te ono manao e faamatala atu e ui ua valaauliaina tagata uma e saunia e o atu i le malumalu, e tatau ona tatou ausia tulaga faatonuina o le agavaa e ulu atu ai i Lona maota.
Ua faapefea ona avea tulaga faatonuina a le Ali’i e ulu atu ai i Lona malumalu ma faamaoniga o Lona alofa ma faanaunautaiga mo i tatou?

A o tali e tagata a’oga le fesili muamua, fesoasoani ia i latou ia iloa o le ola e tusa ai ma tulaga faatonuina a le Ali’i, e fesosoani ia i tatou e avea ai faapei o Ia, mafai ai ona tatou vaaia mea o lo o lelei ona tatou faia i a tatou taumafaiga e o atu ai ia te Ia, ma faamanuiaina ai i tatou e Lona Agaga ma [Lona] filemu.

Fesili o le pepa faataga o le malumalu

Ina ia fesoasoani i tagata a’oga e iloilo mea latou te iloa e uiga i tulaga manaomia a le Ali’i e ulu atu ai i Lona maota, valaaulia tagata a’oga e toe iloilo fesili o le pepa faataga o le malumalu i le faaopoopoga o le Mo le Malosi o le Autalavou: O se Taiala mo le Faia o Filifiliga [2022] i le Potutusi a le Talalelei.O se isi auala, e mafai ona e tufatufa atu ni kopi lolomi o le tusitaiala, itulau 36–37 mai le tusitaiala Mo le Malosi o le Autalavou po o le tusi sa’o o fesili i luga o le laupapa.

2026 Old Testament Seminary Teacher Materials

Susue i fesili o le pepa faataga o le malumalu o lo o maua i le faaopoopoga o le Mo le Malosi o le Autalavou: O se Taiala mo le Faia o Filifiliga [2022] ma faia mea nei:

Faitau fesili o le pepa faataga o le malumalu ma mafaufau loloto (1) pe ua e malamalama i mea o lo o fai mai ai fesili ma (2) pe faapefea e le ola e tusa ai ma nei tulaga faatonuina ona saunia ai i tatou e ulu atu i le maota paia o le Ali’i.
Filifili se tasi o fesili e te fia iloa atili e uiga iai.

Tuu atu i tagata a’oga se avanoa e faasoa mai ai malamalamaaga na latou maua mai le Agaga Paia i la latou suesuega.E mafai ona e faia lenei mea e ala i le faavasegaina o tagata a’oga i ni vaega to’alaiti ma valaaulia tagata ta’ito’atasi e faasoa mai se mea na latou aoaoina mai la latou suesuega.E mafai ona latou faamatala atu pe faapefea ona fesoasoani mea na latou maua ia latou malamalama ai i tulaga faatonuina a le Ali’i e ulu atu ai i Lona maota.Uunaia tagata a’oga e faamaumau malamalamaaga na latou aoaoina mai a latou uo i le vasega, i tua o a latou pepa faasafua.

E faapefea e le ola e tusa ai ma tulaga faatonuina a le Ali’i e ulu atu ai i Lona maota ona fesoasoani ia i tatou e avea atili ai faapei o Ia?
E faapefea ona avea nei tulaga faatonuina ma faamaoniga o Lona alofa?

Manatunatuga patino

A o manatunatu tagata a’oga i lo latou tulaga agavaa e ulu atu ai i le malumalu, mafaufau po o a ni lagona o au tagata a’oga.Faamata o a nisi o o latou popolega?E mafai faapefea ona e sauniuni e fesoasoani atu ia i latou e lagona le alofa o le Tamā Faalelagi ma le faamautinoaga a le Faaola e faapea e ala mai ia te Ia, e mafai ai ona agavaa i latou?O le faitauina o le faamatalaga lenei, o se tasi lea o auala e mafai ona fesoasoani i tagata a’oga e lagona ai le faamoemoe e faapea, e mafai ona latou ulu atu ma le agavaa i le maota o le Ali’i faatasi ma le fesoasoani a le Faaola.

Na aoao mai Elder Patrick Kearon o le Korama a Aposetolo e To’asefululua le auala e finagalo ai lo tatou Tamā Faalelagi mo Lana fanau ia ulu atu i Lona malo.Mafaufau pe faapefea e le mea ua ia faasoaina mai ona faatatau i Lona finagalo mo Lana fanau e ulu atu ai i Lona maota.

11:34

A’u uo e, o’u uso a soo i luga o le ala o le olaga faitino, o le fuafuaga matagofie a lo tatou Tamā, e oo i Lana fuafuaga “matalasi”, ua mamanuina e aumai ai oe i [totonu] o le aiga, e lē taofia ai oe i fafo.E leai se tasi na faia se poloka auala ma tuu ai se tagata iina e toe faafoi oe ma auina ese atu oe.O le mea moni, o le faafeagai tonu lava.E le o malolo le Atua i le tulituliloaina pea o oe.E “finagalo o Ia i Ana fanau uma ina ia filifili e toe foi atu ia te Ia,” ma ua Ia faaaogaina auala uma e mafai ai ona toe aumai ai oe ma foi atu.(“O le Faamoemoega o le Atua o le Aumaia lea o Oe i le Aiga,” Liahona, Me 2024, 87) (mai le taimi 2:16 i le 3:01)

Ia faamautinoa e lava se taimi e tuu atu i tagata a’oga ina ia faia ai le manatunatuga lenei.

Manatunatu i lou agavaa patino e ulu atu ai i le maota o le Ali’i.O se tasi o auala e mafai ai ona e faia lenei mea, o le toe faitau lea o fesili o le pepa faataga o le malumalu ma tali le leoa ia te oe lava fesili ta’itasi.I totonu o lau api talaaga mo suesuega, po o tua o lau pepa faasafua, tali atu i le fesili lenei:

O le a sou manatu o a ni mea e finagalo le Tamā Faalelagi ma Iesū Keriso ia te oe ia e iloa, lagona pe faia?

Uunaia tagata a’oga i a latou taumafaiga e avea pe tumau ai i le agavaa e ulu atu i le malumalu, ma le faanaunautaiga a le Faaola e fesoasoani ia i tatou e saunia e ulu atu i Lona maota.

O Puna’oa Faaopoopo

O le a le uiga o le “lagolagoina pe faalauiloa atu soo se aoaoga, o faiga masani, po o aoaoga faavae e feteena’i ma aoaoga a Le Ekalesia a Iesū Keriso o le Au Paia o Aso e Gata Ai?” (fesili lona #7 o le pepa faataga o le malumalu)

[O le fesili] e le o uiga e faapea e ao ona tatou taumamao ese mai tagata e iai ni isi talitonuga.Afai e valaaulia oe e lau uo Iutaia i lana sauniga mitzvah, pe valaaulia oe e lau uo Katoliko i lona faamauga, e mafai ona e alu atoatoa e lagolago i latou ma e maua pea se pepa faataga o le malumalu!

O lona lava uiga e te lagolagoina aoaoga ma mataupu faavae a le Ekalesia—i talanoaga, i luga o faasalalauga faaagafesootai, ma soo se mea e lagona ai lou leo.Atonu e te le malamalama i aoaoga uma.Atonu e iai foi ni fesili e te le o iloaina o latou tali.E leai ma se afaina!E mafai lava ona tatou filifili e maua le faatuatua a o sailiili ai mo upumoni faaopoopo.(“What ‘contrary’ is—and isn’t[O le a le ’faafeagai’—ma le leai],” ChurchofJesusChrist.org/inspiration/what-contrary-is-and-isnt)

Pe ou te agavaa e “ulu atu i le maota o le Ali’i ma auai i sauniga i totonu o le malumalu”? (fesili #13 o le pepa faataga o le malumalu)

Na aoao mai Brother Bradley R. Wilcox o le Au Peresitene Aoao o Ali’i Talavou:

E aveseseina e nisi le sāvali faapea latou te le o agavaa e auai atoatoa i le talalelei ona latou te le o matuai saoloto atoatoa mai uiga masani le lelei.O le sāvali a le Atua e faapea o le agavaa e le o le atoatoa.O le agavaa o le faamaoni lea ma taumafai.(“O Le Agavaa E Le o le Atoatoa,” Liahona, Nov. 2021, 62)

Gaoioiga Faaopoopo e Aoao Ai

Fautuaina Atu i le Ali’i

Ina ia fesoasoani i tagata a’oga e faalolotoina lo latou malamalama i le taua o se pepa faataga o le malumalu, e mafai ona e faaali atu le “Fautuaina Atu i le Ali’i,” mai le taimi faailo 2:07 i le 5:43.E mafai e tagata a’oga ona faailoa mai po o le a le mea ua ta’ua o se pepa faataga o le malumalu ae poo le a foi le mea ua lē o ta’ua o se pepa faataga o le malumalu.E mafai ona matamata lenei mea ae le’i faia e tagata a’oga a latou manatunatuga patino i le faaiuga o le lesona.

14:17

Ua Lava le Lelei mo le Malumalu?

O le fesili mulimuli o le pepa faataga o le malumalu e valaaulia ai i tatou e tali atu pe tatou te manatu ua tatou agavaa e ulu atu i le malumalu.E ono popole nisi tagata a’oga e faapea o le a le mafai ona matua lava lo latou agavaa.Ina ia foia nei popolega, e te ono faasoa atu le faamatalaga mai ia Brother Bradley Wilcox mai Puna’oa Faaopoopo, po o le faasoa atu o le aafiaga o lo o maua i le Liahona o Mati 2019 ua faaulutalaina “Ua Lava le Lelei mo le Malumalu?”Valaaulia tagata a’oga e faasoa mai mea na latou aoaoina e uiga i le agavaa e ulu atu i le malumalu.

O a tatou sauniuniga e ulu atu i le malumalu

E ono fesoasoani le faamatala atu i tagata a’oga e faapea o sauniuniga e ulu atu i le mamalu, e le tupu i le taimi muamua tatou te auai ai i sauniga o le papatisoga po o faaeega paia i le malumalu.O sauniuniga e ulu atu i le malumalu o se mea e manaomia ona tatou faia faifaipea e tapuai atu ai i le Ali’i.Mafaufau e lolomi ni kopi o faamatalaga ta’itasi nei mai ia Elder Ulissess Soares o le Korama a Aposetolo e To’asefululua ma faasafua i tagata a’oga.Valaaulia tagata a’oga e faitau la latou faamatalaga, faasoa mai malamalamaaga ua latou maua, ma faamatala mai pe faapefea ona fesoasoani na mea ia i latou e sauniuni ai e ulu atu i le malumalu ma le agavaa i taimi ta’itasi latou te o atu ai.

Afai tatou te suia a tatou sauniuniga e ulu atu ai i le malumalu, o le a tatou suia o tatou aafiaga i le malumalu, lea o le a suia ai o tatou olaga i fafo atu o le malumalu.(“Faatuatuaina o le Feagaiga e ala ia Iesū Keriso,” Liahona, Me 2024, 18)

O sauniuniga e le mo na o i latou e o atu i le malumalu mo le taimi muamua.E tatau ia i tatou uma ona sauniuni e le aunoa e o atu i le maota o le Alii.(“Faatuatuaina o le Feagaiga e ala ia Iesū Keriso,” Liahona, Me 2024, 19)

E finagalo le Faaola ia tatou saunia e malamalama, ma matuai manino, i le ala tonu tatou te aga ai a o tatou osia feagaiga ma lo tatou Tama Faalelagi i Lona suafa.E finagalo o Ia ia tatou saunia e maua o tatou faamanuiaga, folafolaga, ma tiutetauave; ia saunia e maua malamalamaaga faaleagaga ma nofoutaga tatou te manaomia i lenei olaga.(“Faatuatuaina o le Feagaiga e ala ia Iesū Keriso,” Liahona, Me 2024, 20)