Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

O Iesū Keriso o lo o i le Totonugalemu o Tapuaiga Uma i le Malumalu: “Ina ia Ou Mafuta Faatasi ma i Latou”

“O Iesū Keriso o lo o i le Totonugalemu o Tapuaiga Uma i le Malumalu: ‘Ina ia Ou Mafuta Faatasi ma i Latou,’” Tusi Lesona a le Faia’oga Seminare o le Feagaiga Tuai (2026)

“O Iesū Keriso o lo o i le Totonugalemu o Tapuaiga Uma i le Malumalu: ‘Ina ia Ou Mafuta Faatasi ma i Latou,’” Tusi Lesona a le Faia’oga Seminare o le Feagaiga Tuai

Sauniuniga mo le Malumalu: Lesona 201

O Iesū Keriso o lo o i le Totonugalemu o Tapuaiga Uma i le Malumalu

“Ina ia Ou Mafuta Faatasi ma i Latou”

O le mamalu o se nofoaga paia ua faapaiaina ma atofaina ese mai le lalolagi e fesoasoani ia i tatou e faalatalata atili atu ai i le Tamā Faalelagi ma Iesū Keriso.O le totonugalemu o a tatou tapuaiga e mafai ona maua i le faaupuga ua tusia i luga o malumalu ta’itasi: “Le Maota o le Ali’i.”O mea uma i totonu o le malumalu e totonugalemu i lo tatou Faaola o Iesū Keriso.O lenei lesona e mafai ona fesoasoani i tamaiti a’oga ia lagonaina se naunautaiga faateleina, e latalata atili atu ai ia Iesū Keriso i Lona maota.

Sauniuniga a le tagata a’oga: Ina ia fesoasoani i tagata a’oga e sauni mo lenei lesona, valaaulia tagata a’oga e mafaufau loloto i faamanuiaga ua latou mauaina, pe na mauaina e isi latou te iloa, mai le auai atu ai i le malumalu.

Gaoioiga e Ono Mafai Ona Aoaoina Ai

O le totonugalemu o tapuaiga i le malumalu

Mafaufau e amata le vasega e ala i le faaali atu o se pa’u o se uila [o loo pipii i le atigi uili] po o se isi mea faitio e iai sona ogatotonu iloga.E mafai ona e fetuunai fesili e fua agai i le mea faitino ua e filifili e faaali atu.

Bicycle tire wheel isolated on white background.

Aisea e taua ai le ogatotonu o le pa’u o se uila?
E faapefea e le aveeseina o le ogatotonu ona aafia ai le faamoemoega o le pa’u?

I lana saunoaga e uiga i le malumalu, na aoao mai e Elder Allen D. Haynie o le Fitugafulu e faapea:

O [Iesū Keriso] le pogai tatou te o mai ai i le malumalu.O Ia o le tagata lea e finagalo lo tatou Tama oi le Lagi tatou te feiloai i ai i le malumalu.O loo i ai o Ia i le totonugalemu o faatusa uma, o sauniga uma, o feagaiga uma, ma faamanuiaga uma ua faamoemoeina i le malumalu.O le sailia o Iesū i totonu o le malumalu e mafai ai ona tatou malamalama ai i le mafuaaga ua tatou iai i totonu o le malumalu ma le mafuaaga e tatau ai ona tatou toe foi atu iai.(“Feiloai Ai ma Iesū i le Maota o le Ali’i,” [faigalotu a le Iunivesite a Brigham Young, Oke. 10, 2023], 6, speeches.byu.edu)

E mafai faapefea e le manatuaina ai e faapea o le Faaola e i le totonugalemu o mea uma tatou te faia i le malumalu ona aafia ai lou aafiaga iina?

Fesoasoani i tagata a’oga ia malamalama e ui o malumalu o ni fale matagofie, tatou te faalatalata atili atu ia Iesū Keriso i mea o tutupu i totonu o le malumalu.

Ina ia faapupula atili atu lenei manatu, e te ono faaali atu le vitiō “A Symbol of Jesus Christ[O se faatusa o Iesū Keriso]” (1:11).

Ina ia fesoasoani i tagata a’oga e manatunatu i o latou lagona e uiga i le malumalu, mafaufau e faaali atu le fua lenei ma faatonuga.

E ala i le faaaogaina o le fua ua tuuina atu, mafaufau pe faapefea ona e fua le malosi o lou ioeina o faamatalaga ta’itasi nei:

O le malumalu o se nofoaga ou te alu iai e lagona ai le latalata ia Iesū Keriso.
Ou te naunau e faamalosia la’u sootaga ma le Faaola i Lona maota paia.

I le lesona atoa i le asō, tusi i lalo musumusuga e te ono mauaina mai le Agaga e faateleina ai lou naunau ia iai i le malumalu.

O Malumalu i le Feagaiga Tuai

Ina ia fesoasoani i tagata a’oga ia malamalama i le faamoemoe o malumalu e faaaogaina ai le Feagaiga Tuai, mafaufau e tusi le “Le Fale Fetafa’i” ma le “malumalu o Solomona” i luga o le laupapa.E mafai ona e faaali atu ata o loo tuuina atu faatasi o nei fale ma valaaulia tagata a’oga e taumafai e faafetaui tutusa le ata ma le igoa, ma faasoa mai mea latou te iloa e uiga i ata ta’itasi.

2026 Old Testament Seminary Teacher Materials

Afai e fesoasoani, e mafai ona e faasoa atu mea nei:

O le fale fetafa’i o le uluai maota lea o le Ali’i, po o le malumalu, o lo o ta’ua i le Feagaiga Tuai (pe tusa o le 1300 TLM).O se fausaga feaveai mo tagata Isaraelu a o latou faimalaga i le vao.O le malumalu o Solomona o se maota tumau o le Ali’i na fausia i Ierusalema (pe tusa o le 1000, TLM).Na faatafunaina mulimuli ane le malumalu ma toe fausia (pe tusa o le 500 TLM).O taimi uma lava e poloaiina ai e le Ali’i Ona tagata e fausia se fale mo Ia i le Feagaiga Tuai, na Ia faasoa mai ai foi ni folafolaga talitutusa lava.

E te ono faavasega tagata a’oga i ni vaega ta’ito’atolu ma valaaulia sui taitoatasi o vaega ta’itasi e faitau ma ripoti mai se tasi o fuaitau nei.Ina ia fesoasoani i tagata a’oga e manatua le faamoemoega o le Ali’i mo malumalu, e te ono manao e valaaulia i latou e faafesootai nei fuaiupu i a latou tusitusiga paia.

Faitau mau faasino nei, vaavaai mo mea na folafolaina e le Ali’i i Ona tagata o le feagaiga pe afai latou te fausia se maota mo Ia.

Esoto 25:8 (fale fetafa’i)
1 Tupu 6:12–13
Hakai 2–7

Valaaulia tagata a’oga e faasoa mai mea na latou maua.E mafai e vaega ta’itasi ona latou aotele se upumoni e mafai ona tatou aoaoina mai nei fuaitau e tolu, ia e mafai ona faatatau i malumalu i aso nei.

Atonu e ono faailoa mai e tagata a’oga se mea talitutusa i le poloaiina e le Ali’i o Lona nuu e fausia malumalu ina ia mafai ona Ia mafuta ai faatasi ma i latou.
O le a sou manatu, o le a le uiga e faapea e ala mai i malumalu e mafai ai e le Ali’i ona “afio” faatasi ma i tatou?

O le “afio” faatasi o le Ali’i ma i tatou e mafai ona uiga atu i le lagonaina ai o Lana mafutaga ma le mana, iloaina lelei atili o Ia, ma le faamalosia o la tatou sootaga ma Ia.

O faamanuiaga mai le tapuai atu ai i le Ali’i i Lona maota

O se tasi o auala tatou te vaaia ai faamaoniga o lo o “afio” faatasi le Ali’i ma i tatou i Lona maota, e ala lea i faamanuiaga ua Ia tuuina mai ia i tatou a o tatou auai atu i le malumalu.

O a faamanuiaga ua e vaaia, pe e te manatu e mafai ona oo mai, mai le tapuai ai i le Ali’i i totonu o Lona maota?

Mafaufau e lisi tali a tagata aoga i luga o le laupapa.

O le suesueina o le faamatalag lenei, e mafai ona fesoasoani i tagata a’oga e faailoa faamanuiaga e mafai ona maua mai le tapuai ai i le Ali’i i totonu o Lona maota.Mafaufau e faavasega tagata a’oga i ni paga.Valaaulia i latou e faitau faatasi le faamatalaga ma tali fesili o loo tuuina faatasi atu ai.

Na aoao mai Peresitene Russell M. Nelson:

O i [l]atou e auauna ma tapuai i le fale o le Ali’i … e mafai ona faamoemoe e maua mai tali i tatalo, faaaliga patino, faatuatua faateleina, malosi, faamafanafanaga, malamalama faateleina, ma le mana faateleina.

O le taimi e faaalu i totonu o le malumalu o le a fesoasoani ia te oe e te mafaufau faaselesitila ai ma pu’e ai se vaaiga po o ai moni lava oe, o ai e mafai ona e avea ai, ma le ituaiga o olaga e mafai ona e mauaina e faavavau.O tapuaiga e le aunoa i le malumalu o le a faaleleia ai le ala e te vaai ai ia te oe lava ia ma le auala e talafeagai tatau ai oe i le fuafuaga ofoofogia a le Atua.Ou te tautino atu lena mea ia te outou.

… O’u uso e ma tuafafine pele, o la’u folafolaga lenei.E leai se isi mea o le a sili atu ona fesoasoani ia te oe e pipiimau ai i le ai uamea nai lo le tapuai ai e le aunoa i le malumalu e pei ona faatagaina ai e ou avanoa.E leai se mea e sili atu ona puipuia oe a o e fetaia’i ma puao pogisa o le lalolagi.E leai se mea o le a sili atu ona faamalosia ai lau molimau i le Alii o Iesu Keriso ma Lana Togiola pe fesoasoani ia te oe e malamalama ai i le fuafuaga ofoofogia a le Atua.E leai se mea o le a sili atu ona faamāfanafanaina ai lou agaga i taimi o tiga.E leai se isi mea o le a sili atu ona matala ai le lagi.E leai se mea! (“Olioli i le Meaalofa o Ki o le Perisitua,” Liahona, Me 2024, 121, 122)

O a faamanuiaga na folafolaina mai e Peresitene Nelson e mafai ona taulimaina ai manaoga masani o talavou?
O le fea, pe afai e iai, o nei faamanuiaga mai le Ali’i na e mauaina pe na mauaina e se tasi e te iloa?

A maea ona maua e tagata a’oga se avanoa e talanoaina ai fesili i ni paga, e mafai ona e valaaulia nisi o i latou e faasoa mai mea na latou talanoina faatasi ma ni a latou fesili e uiga i faamanuiaga.

Faia ai ina ia patino

Ina ia fesoasoani i tagata a’oga e lagona le taua o nei faamanuiaga, mafaufau e tuu atu ia i latou se avanoa e tusi a latou tali i se tasi [o fesili] po o fesili uma nei i totonu o a latou api talaaga.A ua lava se taimi, valaaulia tagata a’oga e faasoa mai mea na latou tusiaina.

E faapefea ona e lagona le latalata atili atu i le Ali’i i totonu o le malumalu?
Na faapefea ona e mauaina nisi o faamanuiaga ua lisiina o se taunuuga o le auai atu i le malumalu?

Filifili se faamanuiaga se tasi ua lisiina e te manao e maua.

Aisea e te lagona ai e mafai ona e faaaoga lenei faamanuiaga i lou olaga i le taimi nei?

Mafaufau e faaiu i se molimau po o se aafiaga patino e uiga i auala tatou te lagona ai le latalata i le Ali’i i totonu o Lona maota paia.

O Puna’oa Faaopoopo

O a ni auala tatou te latalata atili atu ai ia Iesū Keriso ona o le malumalu?

Na aoao mai Peresitene Russell M. Nelson:

O tagata taitoatasi e osia feagaiga i vai papatisoga ma i totonu o malumalu—ma tausisi i ai—ua ia faateleina le avanoa e maua ai le mana o Iesu Keriso.Faamolemole ia mafaufau loloto i lena upumoni ofoofogia!(“Manumalo i le Lalolagi ma Maua le Malologa,” Liahona, Nov. 2022, 96)

Ua aoao mai Elder Neil L. Andersen o le Korama a Aposetolo e To’asefululua:

13:55

O le malumalu o le maota moni lava o le Ali’i.Ou te folafola atu ia te outou, a outou o mai ma le agavaa ma le lototatalo i Lona maota paia, o le a faaauupegaina outou i Lona mana, o le a i ai i o outou luga Lona suafa, o le a i ai foi i o outou luga le tausiga a agelu, ma o le a outou tuputupu a’e i faamanuiaga a le Agaga Paia.

Ua folafola mai e le Ali’i, “O tagata ta’ito’atasi e lafoai ana agasala ma sau ia te aʼu, ma valaau mai i loʼu igoa, ma usiusitai i loʼu leo, ma tausi i aʼu poloaiga, o le a vaai i oʼu mata ma iloa o A’u lava lea” [Mataupu Faavae ma Feagaiga 93:1].E tele auala eseese e vaai ai i fofoga o Keriso, ma e leai se nofoaga e sili atu nai lo o totonu o Lona maota paia.(“Malumalu, O Maota o le Ali’i o lo o Togitogia ai le Lalolagi,” Liahona, Me 2024, 113) (mai le taimi faailo 12:22 i le 13:10)

E mafai faapefea e tapuai ai i le maota o le Ali’i ona faamanuiaina ai a’u i le lalolagi o aso nei?

Ua aoao mai Elder Neil L. Andersen o le Korama a Aposetolo e To’asefululua:

I nei aso o le fenumia’i ma le vāvāō, ou te molimau atu o le malumalu o Lona maota paia ma o le a fesoasoani e faasaoina i tatou, puipui i tatou, ma saunia i tatou mo le aso mamalu lea, faatasi ai ma Ana agelu paia uma, e toe afio mai ai lo tatou Faaola i le mamalu, mana ma le taualoa tele.(“Malumalu, Maota o le Ali’i ua Togitogia ai le Lalolagi,” Liahona, Me 2024, 114)

Gaoioiga Faaopoopo e Aoao Ai

Se isi amataga

E mafai ona amata le vasega e ala i le faaali atu o se ata o se malumalu e pei o le ata i le amataga o lenei lesona, ma fai atu i tagata a’oga le fesili lenei:

O a ni uiga faaalia eseese a tagata e ono iai pe a latou vaai i se malumalu?

A maea ona faasoa mai ni tali eseese e tagata a’oga, e te ono filifili se lua pe tolu o tali e atagia ai uiga faaalia eseese.Po o lou faaali atu o nei uiga faaalia i luga o le laupapa ma valaaulia tagata a’oga e mafaufau pe faapefea ona eseese nei tali.

Tali 1: “O malumalu o ni fale matagofie.”

Tali 2: “Ou te fiafia i o’u lagona i totonu o le malumalu.”

Ona mafai lea ona e fesoasoani atu i tagata a’oga e vaai pe faapefea ona taulai atu le tali 2 i le taua o le mea e tupu i totonu o le malumalu nai lo o le fausaga lava ia.

O nisi taimi na avea ai malumalu ma vaega o le galuega a le Atua

Ina ia fesoasoani i tagata a’oga e mafaufau e uiga i le matafaioi a le malumalu i le lotoi o tagata o le Atua i totonu o tusitusiga paia, e te ono valaaulia i latou e manatunatu i taimi i fafo mai o le Feagaiga Tuai na fausiaina ai e tagata pe tapuai i totonu o malumalu.

O faataitaiga e aofia ai:

Luka 2:27, 46 (Na aumaia Iesū i le malumalu a o tama meamea ma mulimuli ane aoao i le malumalu a o tamaitiiti.E tele faataitaiga o Iesū i totonu o le malumalu o se tagata matua [Mata. 21:12–16; Mareko 12:35–37; Luka 21:37–38])
2 Nifae 5:16 (Nuu o Nifae)
Mosaea 2:1 (Nuu o Saraemila)
Mataupu Faavae ma Feagaiga 124:39–41 (Na poloaiina le Au Paia e fausia se malumalu i Nauvoo, Illinois)
Mataupu Faavae ma Feagaiga 109:2–4 (Tatalo o le faapaiaga o le Malumalu o Kirtland)
O le a se mea ua aoao atu ia te oe e le poloaiga a le Ali’i e fausia malumalu e uiga ia te Ia?

O le faamoemoe o le maota o le Ali’i

I se isi faiga suitulaga i vaaiga faataitai e lua o lo o faaaogaina i le lesona, e mafai ona e faaali atu le vitiō lenei e fai ma aotelega o le faamoemoega o malumalu.

Faaali atu le vitiō “Mormon Temples[Malumalu Mamona]” (1:40) e maua i lechurchofJesusChrist.org e fesoasoani e aotele ai mea ua latou aoaoina ma lagonaina.

1:40

E mafai ona valaaulia tagata a’oga e faasoa mai pe faapefea e o latou manatu o le latalata atu ai i le Ali’i i totonu o Ona malumalu ona fesoasoani e suia loto o tagata.