Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

I totonu o le Malumalu, Tatou te Osifeagaiga ai e Usitaia Tulafono o le Usiusitai ma Taulaga: Le Feagaiga e Usiusitai i le Atua ma Faia Taulaga mo Ia

“I totonu o le Malumalu, Tatou te Osifeagaiga ai e Usitaia Tulafono o le Usiusitai ma Taulaga: Le Feagaiga e Usiusitai i le Atua ma Faia Taulaga mo Ia,” Tusi Lesona a le Faia’oga Seminare o le Feagaiga Tuai (2026)

Sauniuniga mo le Malumalu: O Tulafono o le Usiusitai ma Taulaga: Lesona 202

I totonu o le Malumalu, Tatou te Osifeagaiga ai e Usitaia Tulafono o le Usiusitai ma Taulaga

Le Feagaiga e Usiusitai i le Atua ma Faia Taulaga mo Ia

E alofa le Tamā Faalelagi i Ana fanau uma.O se tasi o auala e faaali ai e le Tamā Faalelagi Lona alofa e ala lea i le valaauliaina o Lana fanau e osi feagaiga ma Ia i totonu o le malumalu.O nei feagaiga e aofia ai la tatou folafolaga e usitaia le tulafono o le usiusitai ma le tulafono o taulaga.O lenei lesona e mafai ona fesoasoani i tagata a’oga e malamalama ai i tulafono o le usiusitai ma taulaga ua tatou osifeagaiga e tausia i le faaeega paia.

Sauniuniga a le tagata a’oga: Valaaulia tagata a’oga e mafaufau e uiga i lenei fesili ae le’i o mai i le vasega: E faapefea e le faia ai o feagaiga faaopoopo ma le Tamā Faalelagi ona faamanuiaina ai lo’u olaga?

Gaoioiga e Ono Mafai Ona Aoaoina Ai

O le faamoemoega o malumalu

Ia amata lenei lesona i le fesoasoani atu lea i tagata a’oga ia iloa le mafuaaga latou te ono mananao ai e osi feagaiga ma le Tamā Faalelagi ma Iesū Keriso.O se tasi lenei o auala e fai ai lenei mea.E mafai ona e amata e ala i le faailoaina atu o ni nai tulaga luitauina e ono feagai ma tagata i le olaga e mafai ai ona taitai atu ai i latou ia faataumamao mai le Atua.O ni nau manatu e mafai ona aofia ai le tete’aga, ma’i, po o le vāea mai se galuega.

Aisea ua avea ai nisi o tulaga luitauina o lo o feagai ma tagata e mafua ai ona latou faataumamao mai le Atua?
Aisea e taua ai le faalatalata atu pea i le Atua pe a feagai ma nei tulaga luitauina nai lo o le faataumamao mai ia te Ia?

Mafaufau loloto pe mafai faapefea ona tatou saunia mo luitau o le olaga, ina ia tatou tumau ai pea i le latalata atu i le Atua ma maua ai Lana fesoasoani ma le mana.

Aumai ni fusi meme’i faamalositino i le vasega.Valaaulia ni tagata a’oga se to’atolu e o mai i le pito i luma o le vasega po o le faaali atu o ata ua tuuina faatasi atu ma faamatala le mea o lo o tupu.Taai le fusi faamalositino muamua faataamilo i tapulima o le tagata a’oga muamua.Taai le fusi faamalositino faataamilo faalua i tapulima o le tagata a’oga lona lua.Ona taai lea o le fusi faamalositino faataamilo faatolu i tapulima o le tagata a’oga lona tolu.

Valaaulia tagata ta’itasi o tagata a’oga e to’atolu e falo o latou lima e vaai po o ai e sili ona faigofie ona fai.E mafai foi ona e fesili atu i le vasega po o le fea o tagata aoga e to’atolu latou te manatu e sili ona faigofie ona faamamulu o latou lima mai le fusi.

O se isi auala, e mafai ona e faasoa atu le vitiō “Stronger and Closer Connection to God Through Multiple Covenants[Sootaga Malosi ma Latalata i le Atua e Ala i le Tele o Feagaiga],” mai le taimi faailo 4:13 i le 5:44 lea na faataitai ai e Elder Dale G. Renlund o le Korama a Aposetolo e To’asefululua lenei lesona faatino i ni talavou matutua se to’atolu.

O le a se mea e mafai ona aoao mai e lenei lesona faatino ia i tatou e uiga i le osia ma le tausia o feagaiga ma le Atua?

Sa faasoa mai e Elder Dale G. Renlund o se tasi o le Korama a Aposetolo e To’asefululua, le auala e mafai ai e le osia o feagaiga ma le Atua ona faamanuiaina ai i tatou.

O feagaiga ta’itasi e faaopoopo ai se sootaga, e faalatalata atili ai i tatou ma faamalosia ai la tatou sootaga ma le Atua.

… Pe a tatou feagai ma luitau o le olaga, e ono faaitiitia ai le avanoa tatou te faataumamao ese ai mai le Atua.(“Stronger and Closer Connection to God Through Multiple Covenants[Sootaga Malosi ma Latalata i le Atua e Ala i le Tele o Feagaiga],” [faigalotu a le Iunivesete a Brigham Young, Mati 5, 2024], 2, 3, speeches.byu.edu)

E te ono manao e fai atu i tagata a’oga e faailoa mai nisi o feagaiga tatou te osia ma le Atua.

Tatou te osia feagaiga ma le Tamā Faalelagi i totonu o le malumalu o se vaega o le faaeega paia o le malumalu.I le avea ai o se vaega o le faaeega paia, ua tatou osifeagaiga e tausia tulafono o le usiusitai, taulaga, talalelei a Iesū Keriso, ola mama, ma le faapaiaga (tagai i le Tusitaulima Lautele: Auauna atu i Le Ekalesia a Iesū Keriso o le Au Paia o Aso e Gata Ai, 27.2).O lenei lesona ua taulai atu i tulafono o le usiusitai ma taulaga.

Mafaufau e valaaulia tagata a’oga e tusi mea nei i a latou api talaaga mo suesuega: I le avea ai o se vaega o le faaeega paia o le malumalu, ua tatou osifeagaiga ai ma le Tamā Faalelagi ma Iesū Keriso ina ia ola ai e tusa ma le tulafono o le usiusitai ma le tulafono o taulaga.

O tulafono o le usiusitai ma taulaga

2026 Old Testament Seminary Teacher Materials

O le mea na ou aoaoina

E mafai ona faamaonia e le Agaga Paia upumoni na aoaoina e tagata a’oga a o latou faasoa mai aafiaga ma molimau.Valaaulia tagata a’oga e faasoa mai se aafiaga patino po o le mafaufau i se isi e fai ma faataitaiga o le usiusitai po o le naunau e faataulaga mo le galuega a le Ali’i.Atonu e fesoasoani le faasoa atu o se aafiaga patino po o se faataitaiga.O fesili nei e mafai ona faaaoga a o faasoa mai aafiaga o tagata a’oga, o se vaega o le talanoaga a le vasega, pe mo tagata a’oga e tusi ai a latou tali i totonu o a latou api talaaga mo suesuega.

E faapefea e le usiusitai ai i tulafono o le usiusitai ma taulaga ona fesoasoani ia i tatou e avea atili ai pei o Iesū Keriso?
E faapefea e le osifeagaiga ai e usitaia nei tulafono e lua i totonu o le malumalu ona fesoasoani ia i tatou e faalatalata atu ai ma faamalosia ai la tatou sootaga ma le Atua?

O Puna’oa Faaopoopo

O le a le faaeega paia lea tatou te maua i le malumalu?

O le faaeega paia o se sauniga faale-lotu e faia i totonu o malumalu O Le Ekalesia a Iesu Keriso o le Au Paia o Aso e Gata Ai. E avanoa i tagata matutua o le Ekalesia o e ua saunia mo lenei sauniga paia.O le faaeega paia e tuuina mai ai faatonuga, feagaiga, ma faamanuiaga folafolaina ia e ofoina mai ai le mana, faamoemoega, ma le puipuiga i le olaga i aso taitasi.E aoao mai ai e uiga i le Foafoaga o le lalolagi, le Pa’ū o Atamu ma Eva, ma le fuafuaga o le faaolataga e ala ia Iesū Keriso, ma la tatou lava malaga toe fo’i atu i le afioaga o le Atua. …

E ala i le faaeega paia, ua faalolotoina ai e tagata o le Ekalesia a latou sootaga faalefeagaiga ma le Atua a o latou folafola atu e mulimuli i Ana tulaga faatonuina o le amio mama, amio sa’o, ma auaunaga i isi.I lenei sauniga paia, e osi feagaiga ai tagata o le Ekalesia “ia tausia le tulafono o le usiusitai, le tulafono o taulaga, le tulafono o le talalelei, le tulafono o le ola mama, ma le tulafono o le faapaiaga” (David A. Bednar, “Prepared to Obtain Every Needful Thing[Saunia e Maua Mea Manaomia Uma],” Liahona, Me 2019, 103–4).O le faamamaluina faamaoni ai o nei folafolaga e fesoasoani ai i tagata o le Ekalesia ia avea o ni [Tagata paia] e ala i le Togiola a Keriso.O le faaeega paia o se tasi lea o auala e faaee mai ai e le Atua Lona mana i luga o Ona tagata o le feagaiga.(Autū o le Talalelei: Faaeega Paia)

Mo faamatalaga faaopoopo e uiga i le Faaeega Paia, tagai i le Tusitaulima Aoao: Auauna Atu i Le Ekalesia a Iesū Keriso o le Au Paia o Aso e Gata Ai, 27.2, Potutusi o le Talalelei.

O le a se mea e faaali atu e lo’u usiusitai i poloaiga a le Atua i le Atua?

Faaalia le alofa mo le Atua i le tausia o Ana poloaiga.Mo se faataitaiga, e ala i le tausia o le paia o le aso Sapati, e aofia ai le saunia ma le faamaoni mo [le faamanatuga] ma ai ma inu i le faamanatuga, ua e faaali atu ai i le Atua ua e naunau e tuuto atu se aso se tasi o le vaiaso ia te Ia.A o e anapogi ma totogi sefuluai ma taulaga, ua e faaali atu i le Atua o Lana galuega e sili atu ona taua ia te oe nai lo mea faaletino.Pe a e faaaogaina suafa o le Atua ma Keriso ma le migao, e le faia lava i se auala ta’uleaogaina pe faasamasamanoa, ua e faaali atu ua e maua le lotofaafetai mo mea uma ua La faia mo oe.(Mo Le Malosi o le Autalavou: O Se Taiala mo le Faia o Filifiliga [2022] 11–12)

Ua faapefea ona faatinoina le tulafono o le taulaga i o tatou aso?

Na faamalamalamaina e Peresitene Dallin H. Oaks o le Au Peresitene Sili:

O puapuaga le mafuatiaina o Iesū Keriso na faamuta ai taulaga na faia i le faamaligiina o le toto, ae e le’i muta ai le taua o taulaga i le fuafuaga o le talalelei.O lo o manaomia e le Faaola i tatou e faaauau pea ona osi atu o taulaga, ae o taulaga ua Ia poloaiina ai nei i tatou ia tatou “osi atu mo [Ia] se taulaga o le loto momomo ma le agaga salamo” (3 Nifae 9:20).Ua ia poloaiina foi i tatou ta’ito’atasi e alolofa ma auauna atu le tasi i le isi—o lona uiga, ia ofo atu sina faataitaiga itiiti o Lana lava taulaga e ala i le ositaulagaina o o tatou taimi ma mea faamuamua a le manatu faapito. …E moni lava, o o tatou olaga o le auauna atu ma taulaga, o faaaliga aupito talafeagai ia o la tatou tautinoga e auauna atu i le Matai ma o tatou uso a tagata.(“Taulaga,” Liahona, Me 2012, 19–20)

O le a le uiga o le osi atu o se taulaga o le loto momomo ma le agaga salamo?

Na aoao mai Elder D. Todd Christofferson o le Korama a Aposetolo e To’asefululua e faapea:

11:21

I aso anamua, pe a mananao tagata e tapuai i le Alii ma saili Ana faamanuiaga, e masani ona latou aumaia se meaalofa.Mo se faataitaiga, a latou o i le malumalu, latou te avatu se taulaga e tuu i luga o le fata faitaulaga.Ina ua maea Lana Togiola ma le Toetu, sa fetalai le Faaola Na te le toe taliaina ni taulaga mu o manu.O le meaalofa po o le taulaga o le a na Ia taliaina nei o “se loto momomo ma se agaga salamo” (3 Nifae 9:20).A o loo e sailia le faamanuiaga o le liua, e mafai ona e ofoina atu i le Alii le meaalofa o lou loto momomo po o le loto salamo, ma lou agaga nutimomoia po o le agaga usitai.O le mea moni lava, o le meaalofa o oe lava—o le tagata o e i ai ma le ituaiga tagata ua avea ai oe.(“Pe a Liua Oe,” Liahona, Me 2004, 12) (mai le taimi faailo 7:01 i le 7:46)

Gaoioiga Faaopoopo e Aoao Ai

O taulaga e maua ai faamanuiaga folafolaina e faavavau i totonu o le malumalu

O le vitiō “Temples Are A Beacon[O Malumalu o se Faailoilo]” (2:50) e mafai ona faaaoga e musumusuina ai tagata a’oga ia faia taulaga e auai atu ai i le malumalu.I totonu o le vitiō, ua faasoa mai ai e Peresitene Thomas S. Monson (1927–2018) le tala i le aiga Mou Tham na faia taulaga tetele e auai ai i le malumalu.A maea le vitiō, e mafai ona talanoaina taulaga e mafai ona tatou faia e tapuai atu ai i le Atua i totonu o Lona maota.

2:50

O se faaeega paia o le mana

Mafaufau e fesoasoani i tagata a’oga ia malamalama pe faapefea ona faamanuiaina i tatou i le mana o le Atua e ala i le faaeega paia o le malumalu.Mafaufau e faitau le Mataupu Faavae ma Feagaiga 38:32, 38; 43:16.E mafai foi e tagata a’oga ona faitau le faamatalaga e uiga i le faaeega paia i totonu o Puna’oa Faaopoopo.Talanoa auala e mafai ai e le ola ai i tulafono o le usiusitai ma taulaga e mafai ona fesoasoani ia i tatou e faaeeina i le mana o le Atua.I le avea ai o se vaega o le talanoaga, fesoasoani i tagata a’oga ia iloa e faapea o a tatou taumafaiga e ola ai i tulafono o le usiusitai ma taulaga, e fesoasoani ai ia i tatou e avea atili e faapei o Iesū Keriso.

Sauniuni ai e osi feagaiga ma le Atua i totonu o le malumalu

Sa faasoa mai e Peresitene Jean B. Bingham, o le sa avea muamua ma Peresitene Aoao o le Aualofa, lona aafiaga a o sauniuni e osia feagaiga ma le Atua i le malumalu.E mafai ona e faaali atu le vitiō: “O Feagaiga ma le Atua e Faamalosia, Puipui, ma Saunia ai i Tatou mo le Mamalu e Faavavau” (11:59) mai le taimi faailo 1:42 i le 2:50.

11:59

A maea le vitiō, e mafai ona e talanoaina pe faapefea e le malamalama ai i feagaiga o le a tatou osia ma le Atua i le malumalu, ona saunia ai i tatou mo lena sauniga paia.