Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Պատրաստվել արժանավորությամբ մտնել տաճար․ Տաճարային երաշխավորագիր

«Պատրաստվել արժանավորությամբ մտնել տաճար․ Տաճարային երաշխավորագիր», Հին Կտակարան․ Սեմինարիայի ուսուցչի ձեռնարկ (2026)

«Պատրաստվել արժանավորությամբ մտնել տաճար․ Տաճարային երաշխավորագիր», Հին Կտակարան․ Սեմինարիայի ուսուցչի ձեռնարկ

Տաճարային նախապատրաստություն. Դաս 203

Պատրաստվել արժանավորությամբ մտնել տաճար

Տաճարային երաշխավորագիր

Youth entering Louisville Kentucky Temple with Family History Cards

Վերջին տարիներին Տերը արագացրել է տաճարների կառուցումն ամբողջ աշխարհում։ Այժմ, առավել, քան երբևէ, Նրա Եկեղեցու անդամներն ավելի մեծ հնարավորություններ ունեն մտնելու Նրա սուրբ տուն, երբ պատրաստ և արժանավոր կլինեն դա անելու։ Այս դասը կօգնի ուսանողներին խորհել Երկնային Հոր և Հիսուս Քրիստոսի սուրբ տաճար մտնելու իրենց արժանավորության մասին։

Ուսանողի նախապատրաստում․ որպեսզի օգնեք ուսանողներին պատրաստվել ավելին իմանալու այն չափանիշների մասին, որոնք Տերը սահմանել է տաճար մտնելու համար, առաջարկեք նրանց կարդալ տաճարային երաշխավորագրի հարցերը, որոնք ներկայացված են Երիտասարդներին զորացնելու համար. ուղեցույց ընտրություն կատարելու համար [2022] ձեռնարկի հավելվածում։ Առաջարկեք նրանց գալ դասի ցանկացած հարցով, որը իրենք կարող են ունենալ այս չափանիշների վերաբերյալ:

Հնարավոր ուսումնական վարժություններ

Տիրոջը երաշխավորված

Որպեսզի օգնեք ուսանողներին մտածել Տիրոջ չափանիշների մասին՝ Նրա տուն մտնելու համար, առաջարկեք նրանց մտածել հետևյալ իրավիճակներից մեկի կամ մի քանիսի նկատմամբ իրենց արձագանքի մասին.

Ու՞մ կառաջարկեիք․
- Կատարել կարևոր ֆուտբոլային հարվածը։ Ինչո՞ւ։
- Օգնել ձեզ պատրաստվել առաջիկա քննությանը։ Ինչո՞ւ։
- Մեներգ երգել։ Ինչո՞ւ։
- Ուղղորդել ձեզ։ Ինչո՞ւ։

Տասներկու Առաքյալների Քվորումից երեց Ռոնալդ Ա. Ռասբանդը կիսվել է մի փորձառությամբ, որն ունեցել է՝ իր աներոջ կյանքի վերջում նրան այցելելիս։ Երբ երեց Ռասբանդը եկավ այցելության, այդ պահին նրա աներոջ եպիսկոպոսը հեռանում էր։ Նա պատմեց, թե ինչ տեղի ունեցավ հետո.

Ես ասացի Բլեյնին [իր աներոջը]. «Ի՜նչ հաճելի էր տեսնել, որ եպիսկոպոսը եկել էր այցելության»։

Բլեյնը նայեց ինձ ու պատասխանեց. «Դա ավելին էր, քան այցելություն։ Ես խնդրել էի եպիսկոպոսին գալ, քանի որ ուզում էի տաճարային երաշխավորագրի հարցազրույց անցնել։ Ես ուզում եմ գնալ՝ Տիրոջը երաշխավորված»։ Եվ նա արեց դա։ («Տիրոջը երաշխավորված», Լիահոնա, նոյ․ 2020, 23)

Ըստ ձեզ, ի՞նչ է նշանակում «լինել Տիրոջը երաշխավորված»:

Եթե ուսանողները չնշեն դա, կարող եք կիսվել, որ որպես Իր զավակների համար Երկնային Հոր սիրառատ ծրագրի մաս, Նա և Փրկիչ Հիսուս Քրիստոսը հաստատել են տաճար մտնելու չափանիշներ։ Այդ չափանիշներին հետևելիս մենք երաշխավորություն կստանանք արժանիորեն մտնել Նրանց տուն։

Այսօրվա ուսումնասիրության ընթացքում ուշադրություն դարձրեք այն զգացմունքներին և մտքերին, որոնք կարող են գալ ձեր մտքին և սրտին Սուրբ Հոգու միջոցով (տես Վարդապետություն և Ուխտեր 8․2–3): Այսպես է Սուրբ Հոգին օգնում ձեզ հասկանալ, թե ինչն եք լավ անում, և ինչպես կարող եք բարելավել ձեր ջանքերը՝ հետևելու Նրանց չափանիշներին և արժանավորությամբ մտնելու Նրանց տուն։

Մտնենք տաճար՝ Տիրոջը երկրպագելու

Հետևյալ խոսքերը և սուրբ գրությունների հղումները կարող են օգնել ուսանողներին տեսնել, որ Տերը հաստատել է չափանիշներ՝ Իր սուրբ տուն մտնելու համար։ Կարող եք ուսանողներին բաժանել երեք հոգանոց խմբերի և խմբի յուրաքանչյուր անդամին հանձնարարել կարդալ սուրբ գրությունների հղումներից մեկը։

Կարդացեք Տասներկու Առաքյալների Քվորումից երեց Ռոնալդ Ա. Ռասբանդի հետևյալ խոսքերը և ստորև թվարկված սուրբ գրությունները՝ փնտրելով, թե ինչ կարող եք սովորել Տիրոջ տուն մտնելու մասին.

Տաճարը Տիրոջ տունն է և ապաստան աշխարհից։ Նրա Հոգին պարուրում է նրանց, ովքեր երկրպագում են այդ սրբազան պատերի ներքո։ Նա սահմանում է չափանիշներ, որոնցով մենք մուտք ենք գործում որպես Նրա հյուրեր։ («Տիրոջը երաշխավորված», Լիահոնա, նոյ․ 2020, 23)

Սաղմոս 24․3–4 («Տիրոջ լեռը» կարող է խորհրդանշել տաճարը)

Երեմիա 7․1–3 (Երեմիան մարգարե էր Հուդայում ամբարշտության ժամանակներում։)

Եզեկիել 44․4–5, 9 (հատված 5-ում «ո՛ւշ դարձրու» արտահայտությունը կարող է նշանակել «ուշադրություն դարձնել», հատված 9-ում «սրտով անթլփատ» արտահայտությունը կարող է նշանակել չզատվել մեղքից և աշխարհից)

Ի՞նչ ճշմարտություններ կարող ենք սովորել Տիրոջ տուն մտնելու մասին երեց Ռասբանդի խոսքերից և այդ սուրբգրային հատվածներից։

Ուսանողները կարող են նշել հետևյալ ճշմարտությունները․

Տերն է հաստատում Իր տուն մտնելու արժանավորության չափանիշները։

Տերը հրահանգել է քահանայության ղեկավարներին ապահովել, որ մենք արժանավորությամբ մտնենք Իր տուն։

Կարող եք բացատրել, որ չնայած բոլորն են հրավիրված՝ պատրաստվելու տաճար գնալուն, մենք պետք է համապատասխանենք Տիրոջ տուն մտնելու Նրա արժանավորության չափանիշին։
Տիրոջ տաճար մտնելու չափանիշներն ին՞չ են վկայում Նրա սիրո և մեր հանդեպ ունեցած Նրա ցանկությունների մասին։

Երբ ուսանողները պատասխանեն նախորդ հարցին, օգնեք նրանց հասկանալ, որ Տիրոջ չափանիշներով ապրելն օգնում է մեզ դառնալ Նրա նման, հնարավորություն է տալիս տեսնել, թե ինչպես ենք բարելավում Նրա մոտ գալու մեր ջանքերը, և օրհնում է մեզ Նրա Հոգով և խաղաղությամբ։

Տաճարային երաշխավորագրի հարցազրույցի հարցեր

Որպեսզի օգնեք ուսանողներին գնահատել, թե ինչ գիտեն Տիրոջ տուն մտնելու պահանջների մասին, առաջարկեք նրանց կրկնել տաճարային երաշխավորագրի հարցազրույցի հարցերը Երիտասարդներին զորացնելու համար. Ուղեցույց ընտրություններ կատարելու համար[2022] գրքույկի հավելվածում՝ Gospel Library-ում։ Որպես այլընտրանք, կարող եք բաժանել գրքույկի 36–37 էջերի տպագիր օրինակները Երիտասարդներին զորացնելու համար ուղեցույցից կամ հարցերը գրել անմիջապես գրատախտակին։

Բացեք տաճարային երաշխավորագրի հարցազրույցի հարցերը, որոնք գտնվում են Երիտասարդներին զորացնելու համար. Ուղեցույց ընտրություններ կատարելու համար [2022] գրքույկի հավելվածում և կատարեք հետևյալը.

Կարդացեք տաճարային երաշխավորագրի հարցազրույցի հարցերը և մտածեք՝ (1) արդյոք հասկանում եք, թե ինչի մասին են հարցերը, և (2) ինչպես կարող է այդ չափանիշներով ապրելը նախապատրաստել մեզ Տիրոջ սուրբ տուն մտնելուն։
Ընտրեք այն հարցերից մեկը, որի մասին ցանկանում եք ավելին իմանալ։

Ուսանողներին հնարավորություն տվեք՝ կիսվելու իրենց ուսումնասիրության ընթացքում Սուրբ Հոգուց ստացած մտքերով։ Կարող եք անել դա՝ բաժանելով նրանց փոքր խմբերի և առաջարկելով յուրաքանչյուր ուսանողին կիսվել ուսումնասիրության ընթացում իր սովորածով։ Նրանք կարող են բացատրել, թե իրենց գտածն ինչպես է օգնում իրենց հասկանալ Տիրոջ տուն մտնելու Իր չափանիշները։ Խրախուսեք ուսանողներին իրենց դասընկերներից ստացած գաղափարները գրել իրենց աշխատաթերթի հակառակ կողմում։

Տիրոջ տուն մտնելու համար Տիրոջ չափանիշներով ապրելն ինչպե՞ս կարող է օգնել մեզ ավելի նմանվել Նրան։
Ինչպե՞ս են այդ չափանիշները վկայում Նրա սիրո մասին։

Անձնական մտորումներ

Երբ ուսանողները մտորում են տաճար մտնելու իրենց արժանավորության մասին, մտածեք, թե ինչ կարող են նրանք զգալ։ Ի՞նչ մտահոգություններ կարող են ունենալ։ Ինչպե՞ս կարող եք պատրաստվել՝ օգնելու նրանց զգալ Երկնային Հոր սերը և Փրկչի վստահությունը, որ Իր միջոցով իրենք կարող են արժանավոր լինել։ Ուսանողներին հույս տալու եղանակներից մեկը, որ իրենք կարող են արժանավորությամբ մտնել Տիրոջ տուն Փրկչի օգնությամբ՝ հետևյալ նախադասությունը կարդալն է։

Տասներկու Առաքյալների Քվորումից երեց Պատրիկ Քիրոնն ուսուցանել է, թե ինչպես է մեր Երկնային Հայրը ցանկանում, որ Իր զավակները մտնեն Իր արքայություն։ Մտածեք, թե ինչպես կարող է այն, ինչով նա կիսվել է, վերաբերել նաև Նրա ցանկությանը, որ Իր զավակները մտնեն Իր սուրբ տուն։

11:35

Իմ ընկերներ, իմ ընկերակից հետևորդներ՝ մահկանացու կյանքի ճանապարհին, մեր Հոր գեղեցիկ ծրագիրը, այսինքն Նրա «հիանալի» ծրագիրը նախատեսված է ձեզ տուն բերելու, այլ ոչ թե ձեզ դրսում պահելու համար: Ոչ մեկը չի կառուցել ճանապարհային արգելապատնեշ և կանգնեցրել այնտեղ ինչ-որ մեկին՝ ձեզ հետ շրջելու և ձեզ հեռուն ուղարկելու համար: Փաստորեն, դա ճիշտ հակառակն է: Աստված անընդհատ հետևում է ձեզ: Նա «ցանկանում է, որ Իր բոլոր զավակները որոշեն վերադառնալ Իր մոտ», և Նա ամեն հնարավոր միջոց կիրառում է՝ ձեզ վերադարձնելու համար։ («Աստծո նպատակն է ձեզ տուն բերել», Լիահոնա, մայիս 2024, 87) (2:16–3:01)

Համոզվեք, որ ուսանողները մտորելու համար բավարար ժամանակ ունեն։

Մտածեք Տիրոջ տուն մտնելու ձեր անձնական արժանավորության մասին։ Դա անելու համար կարող եք կրկնել տաճարային երաշխավորագրի հարցազրույցի հարցերը և ինքնուրույն լուռ պատասխանել յուրաքանչյուր հարցին։ Ձեր ուսումնասիրության օրագրում կամ ձեր աշխատաթերթի հակառակ կողմում պատասխանեք հետևյալ հարցին.

Ըստ ձեզ, ի՞նչ են Երկնային Հայրը և Հիսուս Քրիստոսը ցանկանում, որ դուք իմանաք, զգաք կամ անեք։

Խրախուսեք ուսանողներին տաճար մտնելուն արժանավոր դառնալու կամ մնալու իրենց ջանքերում և հավաստիացրեք Փրկչի պատրաստակամության մասին՝ օգնելու մեզ պատրաստվել մտնել Իր տուն։

Օժանդակ նյութեր

Ի՞նչ է նշանակում «աջակցել կամ առաջ տանել որևէ ուսմունք, գործունեություն կամ վարդապետություն, որը հակասում է Հիսուս Քրիստոսի Վերջին Օրերի Սրբերի Եկեղեցու կողմից ընդունված ուսմունքներին, գործունեությանը կամ վարդապետությանը» (տաճարային երաշխավորագրի հարցազրույցի հարց #7)։

[Հարցը] չի նշանակում, որ դուք չպետք է մոտ լինեք այլ համոզմունքներ ունեցող մարդկանց։ Եթե ձեր հրեա ընկերը ձեզ հրավիրի իր բար-միցվայի արարողությանը կամ ձեր կաթոլիկ ընկերուհին ձեզ հրավիրի իր օծման խորհրդի արարողությանը, կարող եք լիովին աջակցել նրանց և, միևնույն ժամանակ, տաճարային երաշխավորագիր ստանալ։

Դա նշանակում է, որ դուք աջակցում եք Եկեղեցու ուսմունքներին և վարդապետությանը՝ զրույցներում, սոցիալական ցանցերում կամ ցանկացած այլ վայրում, որտեղ ձեր ձայնը լսելի է։ Հնարավոր է, դուք չհասկանաք բոլոր ուսմունքները։ Կարող եք նույնիսկ անպատասխան հարցեր ունենալ։ Դա լիովին նորմալ է։ Մենք կարող ենք ընտրել հավատքը՝ միաժամանակ փնտրելով լրացուցիչ ճշմարտություն։ («What ‘contrary’ is—and isn’t», ChurchofJesusChrist.org/inspiration/what-contrary-is-and-isnt)

Արժանի՞ եմ արդյոք «մտնել Տիրոջ տուն և մասնակցել տաճարային արարողություններին» (տաճարային երաշխավորագրի հարցազրույցի հարց #13):

Երիտասարդ տղամարդկանց գերագույն նախագահությունից եղբայր Բրեդլի Ռ. Վիլկոքսն ուսուցանել է.

Ոմանք սխալմամբ ստանում են հաղորդագրություն, թե իրենք արժանի չեն ամբողջությամբ մասնակցելու ավետարանին, քանի որ լիովին ազատված չեն վատ սովորություններից: Իսկ Աստծո ուղերձը հուշում է, որ արժանավորությունը չի ենթադրում անթերիություն։ Արժանավորությունն ազնվորեն ջանք գործադրելն է։ («Արժանավորությունը չի ենթադրում անթերիություն», Լիահոնա, նոյ․ 2021, 62)

Լրացուցիչ ուսումնական վարժություններ

Տիրոջը երաշխավորված

Որպեսզի օգնեք ուսանողներին խորացնել տաճարային երաշխավորագրի կարևորության մասին իրենց հասկացողությունը, կարող եք ցուցադրել «Տիրոջը երաշխավորված» տեսանյութը՝ 2:07–5:43: Ուսանողները կարող են նշել, թե ինչն է համարվում տաճարային երաշխավորագիր, ինչը՝ ոչ։ Կարող եք դիտել այն, նախքան ուսանողները դասի վերջում անձնական մտորումներ կունենան։

14:17

Բավարա՞ր է արդյոք դա տաճարի համար։

Տաճարային երաշխավորագիր ստանալու համար հարցազրույցի վերջին հարցը մեզ առաջարկում է պատասխանել, թե արդյոք մենք մեզ արժանավոր ենք համարում՝ մտնելու տաճար։ Որոշ ուսանողներ կարող են անհանգստանալ, որ իրենք երբեք բավականաչափ արժանավոր չեն լինի։ Այս մտահոգությունները լուծելու համար կարող եք կիսվել եղբայր Բրեդլի Վիլկոքսի խոսքերով՝ «Օժանդակ նյութեր» բաժնից կամ 2019 թվականի մարտի Լիահոնա ամսագրում լույս տեսած «Good Enough for the Temple?» հոդվածում ներկայացված փորձառությամբ։ Ուսանողներին առաջարկեք կիսվել տաճար մտնելու համար արժանավոր լինելու մասին իրենց սովորածով։

Մեր նախապատրաստությունը տաճար մտնելու համար

Օգտակար կլինի ուսանողներին բացատրել, որ տաճար մտնելու նախապատրաստությունը տեղի չի ունենում միայն տաճարում մկրտության կամ օժտման արարողություններին առաջին անգամ մասնակցելուց հետո։ Տաճար մտնելու նախապատրաստությունը մի գործընթաց է, որը մենք մշտապես պետք է անենք՝ Տիրոջը երկրպագելու համար։ Կարող եք տպել Տասներկու Առաքյալների Քվորումից երեց Ուլիսես Սոարեսի ստորև բերված յուրաքանչյուր ուղերձի օրինակները և բաժանել ուսանողներին։ Ուսանողներին առաջարկեք կարդալ նրա ուղերձները, կիսվել, թե ինչն էր իրենց համար իմաստալից և բացատրել, թե դա ինչպես կարող է օգնել իրենց պատրաստվել արժանավորությամբ մտնել տաճար՝ ամեն անգամ այնտեղ գնալիս։

Եթե մենք փոխենք տաճար մտնելու մեր պատրաստությունը, մենք կփոխենք մեր փորձառությունը տաճարում, որը կփոխի մեր կյանքը տաճարից դուրս: («Ուխտով կապված վստահություն Հիսուս Քրիստոսի միջոցով», Լիահոնա, մայիս 2024, 18)

Նախապատրաստությունը միայն նրանց համար չէ, ովքեր առաջին անգամ են տաճար գնում: Մենք բոլորս պետք է մշտապես պատրաստվենք գնալու Տիրոջ տուն: («Ուխտով կապված վստահություն Հիսուս Քրիստոսի միջոցով», Լիահոնա, մայիս 2024, 19)

Փրկիչը ցանկանում է, որ մենք պատրաստ լինենք՝ հստակ հասկանալու, թե ինչպես ճիշտ վարվել, երբ ուխտեր ենք կապում մեր Երկնային Հոր հետ Նրա անունով: Նա ցանկանում է, որ մենք պատրաստ լինենք՝ զգալու մեր արտոնությունները, խոստումները և պարտականությունները. պատրաստ լինենք՝ ունենալու այն հոգևոր պատկերացումներն ու արթնացումները, որոնք մեզ անհրաժեշտ են այս կյանքում: («Ուխտով կապված վստահություն Հիսուս Քրիստոսի միջոցով», Լիահոնա, մայիս 2024, 20)