Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Տաճարում մենք ուխտ ենք կապում՝ հնազանդվելու զոհաբերության և հնազանդության օրենքներին. Աստծուն հնազանդվելու և Նրա համար զոհաբերություններ կատարելու ուխտը

«Տաճարում մենք ուխտ ենք կապում՝ հնազանդվելու զոհաբերության և հնազանդության օրենքներին. Աստծուն հնազանդվելու և Նրա համար զոհաբերություններ կատարելու ուխտը», Հին Կտակարան․ Սեմինարիայի ուսուցչի ձեռնարկ (2026)

Տաճարային նախապատրաստություն․ Հնազանդության և զոհաբերության օրենքները․ Դաս 202

Տաճարում մենք ուխտ ենք կապում՝ հնազանդվելու զոհաբերության և հնազանդության օրենքներին

Աստծուն հնազանդվելու և Նրա համար զոհաբերություններ կատարելու ուխտը

Երկնային Հայրը սիրում է Իր բոլոր զավակներին։ Եղանակներից մեկը, որով Երկնային Հայրը ցուցադրում է Իր սերը՝ Իր զավակներին տաճարում Իր հետ ուխտեր կապելու հրավերն է։ Այդ ուխտերը ներառում են զոհաբերության և հնազանդության օրենքներին հնազանդվելու մեր խոստումը։ Այս դասը կօգնի ուսանողներին հասկանալ հնազանդության և զոհաբերության օրենքները, որոնք մենք օժտման ժամանակ ուխտել ենք պահպանել։

Ուսանողի նախապատրաստում․ առաջարկեք ուսանողներին մտածել հետևյալ հարցի շուրջ նախքան դասարան գալը. Երկնային Հոր հետ լրացուցիչ ուխտեր կապելն ինչպե՞ս կօրհնի իմ կյանքը:

Հնարավոր ուսումնական վարժություններ

Տաճարների նպատակը

Կարող եք սկսել դասը՝ օգնելով ուսանողներին հասկանալ, թե ինչու են իրենք ցանկանում ուխտեր կապել Երկնային Հոր և Հիսուս Քրիստոսի հետ։ Հետևյալը դա անելու եղանակներից մեկն է: Կարող եք սկսել դասը՝ նշելով մի քանի դժվարին հանգամանք, որոնց մարդիկ կարող են բախվել կյանքում, և որոնք կարող են նրանց ստիպել հեռանալ Աստծուց։ Գաղափարներներից մի քանիսը կարող են լինել՝ ամուսնալուծությունը, հիվանդությունը կամ աշխատանքի կորուստը։

Ինչո՞ւ են որոշ դժվարին հանգամանքներ, որոնց մարդիկ բախվում են, հեռացնում նրանց Աստծուց։
Ինչո՞ւ է այդքան կարևոր, որ այդ հանգամանքներում մենք մոտ լինենք Աստծուն, այլ ոչ թե հեռանանք Նրանից։

Մտածեք, թե ինչպես կարող ենք պատրաստվել կյանքի դժվարություններին, որպեսզի մոտ լինենք Աստծուն և ստանանք Նրա օգնությունն ու զորությունը։

Դասարան բերեք երեք առաձգական ժապավեն։ Երեք ուսանողի առաջարկեք կանգնել դասարանի առջև կամ ցուցադրել ուղեկցող նկարները և նկարագրել, թե ինչ է տեղի ունենում։ Առաջին ժապավենը մեկ անգամ փաթաթեք առաջին ուսանողի դաստակներին։ Երկրորդ ժապավենը երկու անգամ փաթաթեք երկրորդ ուսանողի դաստակներին։ Ապա երրորդ ժապավենը երեք անգամ փաթաթեք երրորդ ուսանողի դաստակներին։

Երեք ուսանողներից յուրաքանչյուրին առաջարկեք ձեռքերը հեռացնել իրարից՝ տեսնելու, թե ով կարող է դա հեշտությամբ անել։ Կարող եք նաև դասարանին հարցնել, թե, ըստ իրենց, երեք ուսանողից ով կարող է հեշտությամբ ձեռքերն ազատել ժապավենից։

Որպես այլընտրանք, կարող եք կիսվել «Stronger and Closer Connection to God Through Multiple Covenants» տեսանյութով՝ 4:13–5:44, որտեղ Տասներկու Առաքյալների Քվորումից երեց Դեյլ Գ. Ռենլանդը ցուցադրեց այս առարկայական դասը երեք երիտասարդի։

Ի՞նչ կարող է մեզ ուսուցանել այս առարկայական դասը՝ Աստծո հետ ուխտեր կապելու և դրանք պահելու մասին։

Տասներկու Առաքյալների Քվորումից երեց Դեյլ Գ. Ռենլանդը կիսվել է, թե Աստծո հետ ուխտեր կապելն ինչպես կարող է օրհնել մեզ.

Յուրաքանչյուր ուխտ կապ է ավելացնում՝ մեզ ավելի մոտեցնելով Աստծուն և ամրացնելով Նրա հետ մեր կապը։

… Երբ մենք բախվում ենք կյանքի դժվարություններին, նվազում է այն հավանականությունը, որ մենք կհեռանանք Աստծուց։ («Stronger and Closer Connection to God Through Multiple Covenants», [Բրիգամ Յանգ Համալսարանի հոգևոր հավաք, մայիս 5, 2024], 2, 3, speeches.byu.edu)

Ուսանողներին խնդրեք նշել Աստծո հետ մեր կապած ուխտերից մի քանիսը։

Մենք տաճարում տաճարային օժտման ժամանակ ուխտեր ենք կապում Երկնային Հոր հետ։ Օժտման ժամանակ մենք ուխտ ենք կապում՝ պահելու հնազանդության, զոհաբերության, Հիսուս Քրիստոսի ավետարանի, մաքրաբարոյության և նվիրաբերման օրենքները (տես Ընդհանուր ձեռնարկ. Ծառայել Հիսուս Քրիստոսի Վերջին Օրերի Սրբերի Եկեղեցում, 27.2)։ Այս դասը կենտրոնանում է հնազանդության և զոհաբերության օրենքների վրա։

Ուսանողներին առաջարկեք իրենց օրագրում գրել հետևյալը. Տաճարային օժտման ժամանակ մենք ուխտ ենք կապում Երկնային Հոր և Հիսուս Քրիստոսի հետ՝ ապրելու հնազանդության և զոհաբերության օրենքներով։

Հնազանդության և զոհաբերության օրենքները

Ինչ սովորեցի

Իրենց փորձառություններով և վկայություններով կիսվելիս Սուրբ Հոգին կարող է հաստատել ուսանողների սովորած ճշմարտությունները։ Ուսանողներին առաջարկեք կիսվել անձնական փորձառությամբ կամ հիշել այն մարդուն, որը հնազանդության կամ Տիրոջ գործի համար զոհաբերելու պատրաստակամության օրինակ է հանդիսանում։ Օգտակար կլինի կիսվել անձնական փորձառությամբ կամ օրինակով: Կարող եք օգտագործել հետևյալ հարցերը, երբ ուսանողները դասարանում քննարկման ընթացքում կիսվում են իրենց փորձառությամբ կամ, որպեսզի նրանք պատասխանեն դրանց իրենց ուսումնասիրության օրագրերում։

Հնազանդության և զոհաբերության օրենքներին հնազանդվելն ինչպե՞ս կարող է օգնել մեզ ավելի նմանվել Հիսուս Քրիստոսին։
Տաճարում կապած ուխտը՝ հնազանդվելու այս երկու օրենքին, ինչպե՞ս կարող է օգնել մեզ ավելի մոտենալ Աստծուն և ամրացնել մեր կապը Նրա հետ։

Օժանդակ նյութեր

Ի՞նչ է այն օժտումը, որը մենք ստանում ենք տաճարում։

Օժտումը կրոնական արարողություն է, որը կատարվում է Հիսուս Քրիստոսի Վերջին Օրերի Սրբերի Եկեղեցու տաճարներում: Այն հասանելի է Եկեղեցու չափահաս անդամներին, որոնք պատրաստ են այս սրբազան փորձառությանը։ Օժտումը տրամադրում է հրահանգներ, ուխտեր և խոստացված օրհնություններ, որոնք զորություն, նպատակ և պաշտպանություն են տալիս առօրյա կյանքում։ Այն ուսուցանում է երկրի արարման, Ադամի և Եվայի անկման, Հիսուս Քրիստոսի միջոցով փրկագնման ծրագրի և Աստծո ներկայություն վերադարձի մեր անձնական ճամփորդության մասին։ …

Օժտման միջոցով Եկեղեցու անդամները խորացնում են իրենց ուխտյալ հարաբերություններն Աստծո հետ, քանի որ խոստանում են հետևել Նրա բարոյականության, ազնվության և ուրիշներին ծառայելու չափանիշներին։ Այդ սրբազան արարողության ժամանակ Եկեղեցու անդամներն ուխտեր են կապում՝ «պահելու հնազանդության օրենքը, զոհաբերության օրենքը, ավետարանի օրենքը, մաքրաբարոյության օրենքը և նվիրաբերման օրենքը» (Դեյվիդ Ա. Բեդնար, «Պատրաստվել ստանալու ամեն անհրաժեշտ բան», Լիահոնա, մայիս 2019, 103–4): Այդ խոստումները հավատարմորեն պահելն օգնում է Եկեղեցու անդամներին Քրիստոսի Քավության միջոցով դառնալ Սրբեր։ Օժտումը մի եղանակ է, որով Աստված Իր զորությունն է շնորհում Իր ուխտյալ ժողովրդին։ (Ավետարանի թեմաներ. Օժտում)

Օժտման մասին լրացուցիչ տեղեկությունների համար տես Ընդհանուր ձեռնարկ․ Ծառայել Հիսուս Քրիստոսի Վերջին Օրերի Սրբերի Եկեղեցում, 27.2, Gospel Library հավելված։

Աստծո պատվիրաններին իմ հնազանդությունն ի՞նչ է ցույց տալիս Աստծուն։

Աստծո հանդեպ սեր ցույց տվեք՝ պահելով Նրա պատվիրանները: Օրինակ՝ Հանգստության օրը սուրբ պահելով, այդ թվում՝ հավատարմորեն պատրաստվելով և ստանալով հաղորդությունը, դուք ցույց եք տալիս Աստծուն, որ պատրաստ եք շաբաթվա մեկ օրը նվիրել Նրան: Երբ ծոմ եք պահում և վճարում տասանորդն ու նվիրաբերությունները, դուք ցույց եք տալիս Աստծուն, որ Նրա աշխատանքը ձեզ համար ավելի կարևոր է, քան նյութական բաները: Երբ դուք օգտագործում եք Աստծո և Քրիստոսի անուններն ակնածանքով, ոչ երբևէ իզուր կամ պատահական ձևով, դուք ցույց եք տալիս, որ երախտապարտ եք այն ամենի համար, ինչ Նրանք արել են ձեզ համար: (Երիտասարդներին զորացնելու համար. Ուղեցույց ընտրություններ կատարելու համար [2022], 11–12)

Ինչպե՞ս է զոհաբերության օրենքը պահպանվում մեր օրերում։

Առաջին նախագահությունից նախագահ Դալլին Հ. Օուքսը բացատրել է.

Հիսուս Քրիստոսի աներևակայելի տառապանքը վերջ դրեց արյուն հեղելու միջոցով զոհաբերությանը, բայց այն վերջ չդրեց զոհաբերության կարևորությանն ավետարանի ծրագրում: Մեր Փրկիչը մեզանից պահանջում է շարունակել զոհաբերություններ մատուցել, սակայն զոհաբերությունները, որոնք Նա այժմ է պատվիրում, այն է, որ մենք «[Նրան] զոհաբերություն մատուցենք՝ որպես կոտրված սիրտ և փշրված հոգի» (3 Նեփի 9․20)։ Նա նաև պատվիրում է յուրաքանչյուրիս սիրել և ծառայել միմյանց՝ հիմնականում մատուցել փոքրիկ նմանակումը Իր անձնական զոհաբերության՝ զոհաբերելով մեր անձնական ժամանակը և եսասիրական առաջնահերթությունները: … Իսկապես, ծառայության և զոհաբերության մեր կյանքը Տիրոջը և մեր մերձավորին ծառայելու մեր պարտավորվածության ամենաճիշտ արտահայտությունն են: («Զոհաբերություն», Լիահոնա, մայիս 2012, 19–20)

Ի՞նչ է նշանակում՝ զոհաբերություն մատուցել՝ որպես կոտրված սիրտ և փշրված հոգի:

Տասներկու Առաքյալների Քվորումից երեց Դ․ Թոդ Քրիստոֆերսոնն ուսուցանել է.

11:21

Հին ժամանակներում, երբ մարդիկ կամենում էին երկրպագել Տիրոջը և ձգտել Նրա օրհնություններին, նրանք հաճախ ընծա էին բերում: Օրինակ՝ երբ նրանք տաճար էին գալիս, բերում էին զոհաբերություն՝ զոհասեղանի վրա դնելու համար: Իր Քավությունից և Հարությունից հետո Փրկիչն ասաց, որ Ինքն այլևս չի ընդունելու կենդանիների ողջակեզներ: Զոհաբերության նվերը, որը Նա ընդունելու է այժմ, «կոտրված սիրտն է ու փշրված հոգին» (3 Նեփի 9․20)։ Երբ դուք փնտրում եք դարձի գալու օրհնությունը, կարող եք Տիրոջը տալ կոտրված կամ ապաշխարող սրտի և ձեր փշրված կամ հնազանդ հոգու պարգևը: Իրականում դա ձեր անձի պարգևն է՝ թե ինչ եք դուք, և ինչ կարող եք դառնալ: («When Thou Art Converted», Լիահոնա, մայիս 2004, 12) (7:01–7:46)

Լրացուցիչ ուսումնական վարժություններ

Զոհաբերություններ՝ տաճարում խոստացված հավերժական օրհնությունները ստանալու համար

«Temples Are A Beacon» (2:50) տեսանյութը կարող է օգտագործվել, որպեսզի ոգեշնչի ուսանողներին զոհաբերություններ անել՝ տաճար այցելելու համար։ Տեսանյութում Նախագահ Թոմաս Ս. Մոնսոնը (1927–2018) պատմում է Մու Թամ ընտանիքի մասին, որը մեծ զոհաբերություններ է կատարել՝ տաճար այցելելու համար։ Տեսանյութը դիտելուց հետո, կարող եք քննարկել, թե ինչ զոհաբերություններ կարող ենք անել՝ Աստծուն Իր տանը երկրպագելու համար։

2:50

Օժտման զորությունը

Օգնեք ուսանողներին հասկանալ, թե ինչպես ենք մենք օրհնվել Աստծո զորությամբ՝ տաճարային օժտման միջոցով։ Կարդացեք Վարդապետություն և Ուխտեր 38․32, 38, 43․16 հատվածները: Ուսանողները կարող են նաև օժտման մասին պնդումը կարդալ «Լրացուցիչ նյութեր» բաժնում։ Քննարկեք, թե հնազանդության և զոհաբերության օրենքներով ապրելն ինչպես կարող է օգնել մեզ օժտվել Աստծո զորությամբ։ Քննարկման ընթացքում օգնեք ուսանողներին հասկանալ, որ հնազանդության և զոհաբերության օրենքներով ապրելու մեր ջանքերն օգնում են մեզ ավելի նմանվել Հիսուս Քրիստոսին։

Նախապատրաստվեք տաճարում Աստծո հետ ուխտեր կապելուն

Նախկինում Սփոփող միության գերագույն նախագահ Ջին Բ. Բինգհեմը կիսվել է տաճարում Աստծո հետ ուխտեր կապելուն նախապատրաստվելու իր փորձառությամբ։ Կարող եք ցուցադրել «Աստծո հետ կապած ուխտերը զորացնում, պաշտպանում և պատրաստում են մեզ հավերժական փառքի համար» (11:59) տեսանյութը՝ 1:42–2:50։

11:59

Տեսանյութը դիտելուց հետո կարող եք քննարկել, թե ինչպես կարող է տաճարում Աստծո հետ կապվող ուխտերի մասին հասկացողությունը պատրաստել մեզ այդ սրբազան իրադարձությանը։