Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pagdaig sa Pagpapaliban: Matutong Iwasan ang Pagkaantala sa Gawain sa Paaralan

“Pagsasaayos ng mga Gawain at Priyoridad: Ang Halimbawa ng Tagapagligtas ay Makatutulong sa Ating Magkaroon ng Kaayusan sa Ating Buhay,” Manwal ng Titser ng Seminary para sa Lumang Tipan (2026)

“Pagsasaayos ng mga Gawain at Priyoridad: Ang Halimbawa ng Tagapagligtas ay Makatutulong sa Ating Magkaroon ng Kaayusan sa Ating Buhay,” Manwal ng Titser ng Seminary para sa Lumang Tipan

Magtagumpay sa Paaralan: Lesson 195

Pagdaig sa Pagpapaliban

Matutong Iwasan ang Pagkaantala sa Gawain sa Paaralan

A young woman sitting at a table in her home. Books and papers are spread out in front of her. She is holding a pen.

Gaano kadalas ninyong hindi natatapos ang mga kinakailangang gawain o assignment? Bagama’t lahat tayo ay nahihirapan sa pagkaantala, maaaring maging karaniwang tukso na ipagpaliban ang mga gawain sa paaralan. Kapag sinisikap nating daigin ang tendensiyang ito, isa itong paraan kung paano natin sinusunod ang mga babala ng Tagapagligtas na iwasan ang pagpapaliban (tingnan sa Mateo 25:1–13). Makatutulong ang lesson na ito sa mga estudyante na matukoy ang mga paraan upang madaig ang tuksong ipagpaliban ang mga gawain sa paaralan.

Paghahanda ng estudyante: Anyayahan ang mga estudyante na dumating nang handang magbahagi ng ilan sa mga dahilan kung bakit maaaring ipagpaliban ng mga tinedyer ang kanilang gawain sa paaralan. Hikayatin silang maghandang ibahagi ang kanilang ginawa upang manatiling napapanahon sa kanilang mga gawain at assignment sa paaralan.

Mga Posibleng Aktibidad sa Pag-aaral

Ang pananampalataya kay Jesucristo ay humahantong sa pagkilos

Para simulan ang klase, maaaring magkaroon ng pangkalahatang talakayan tungkol sa tuksong magpaliban. Maaari mong itanong ang tulad ng mga sumusunod.

Ano ang ilang tipikal na bagay na madalas ipagpaliban ng mga tinedyer?
Ano ang ilan sa mga dahilang maaaring ibigay ng mga tinedyer para sa pagpapaliban ng mga bagay na ito? Ano ang maaaring ibunga ng mga ito?

Pagkatapos ng talakayan, maaari mong ibahagi na magkakaroon ngayon ng pagkakataon ang mga estudyante na magpokus sa pagharap sa tuksong ipagpaliban ang kanilang gawain sa paaralan.
Ano ang ilan sa mga dahilan kung bakit maaaring maging mahirap na simulan o tapusin ang mga gawain o assignment?

Pagkatapos ay maaari kang magpakita ng larawan ng mga Israelita na nagtitipon ng manna. Kung napag-aralan na ng mga estudyante ang Lesson 47: “Exodo 16,” maaaring anyayahan ang mga estudyante na ibahagi ang naaalala nila. Kung hindi nila pinag-aralan ang salaysay na ito, maaari mong ibahagi sandali ang sumusunod na buod.

Mahirap para sa mga Israelita ang pagtitipon ng pagkain sa ilang. Isang umaga, nagising sila at nalaman na ang Panginoon ay mahimalang naglaan ng pang-araw-araw na pagkain na tatawagin ng mga Israelita na manna.

Basahin ang Exodo 16:4–5, 14–15, at alamin ang tagubilin ng Panginoon sa kung paano titipunin ang manna.

Ano ang posibleng maituro sa atin ng himalang ito tungkol sa Panginoon?

Basahin ang Exodo 16:18–22, 27, at alamin ang ilan sa mga ibubunga ng pagpapaliban sa pagtitipon ng manna o hindi pagtitipon ng dobleng bahagi nito isang araw bago ang Sabbath.

Ano ang namukod-tangi sa inyo?

Maaaring ibahagi ng mga estudyante na kung nag-iwan ng manna ang mga Israelita sa lupa hanggang kinabukasan, “[inuuod] at [bumabaho]” iyon (talata 20). Kung hindi sila nagtipon nito sa umaga ay natutunaw ito (talata 21). Walang manna na ibibigay sa araw ng Sabbath, kaya ang hindi pagtitipon ng dobleng bahagi nito isang araw bago ang Sabbath ay nangangahulugang nagutom sila (talata 27).
Paano maiaangkop ang salaysay na ito sa tukso sa isang tinedyer na ipagpaliban ang kanyang gawain sa paaralan?

Maaaring sabihin ng mga estudyante na katulad ng kung paano nasisira o natutunaw ang manna kung ipinagpaliban ng mga tao ang pagtitipon nito, ang pagpapaliban sa mga gawain sa paaralan ay maaaring humantong sa mga negatibong bunga o maging sa napalampas na mga oportunidad.
Ano ang ilang ibubunga ng pagpapaliban sa mga gawain sa paaralan na nakita ninyo o ng iba pang kakilala ninyo?

Huwag sayangin ang inyong oras

Para matulungan tayong maunawaan ang kahalagahan ng pagdaig sa tuksong magpaliban, sinabi ni Elder Randall K. Bennett ng Pitumpu:

9:51

[K]ailangan nating labanan ang tendensiya ng likas na tao na magpaliban o sumuko.

Habang umuunlad tayo sa landas ng tipan, makagagawa tayo ng pagkakamali, ang ilan ay maraming beses nating magagawa … Ngunit ang pananampalataya sa Ama sa Langit at kay Jesucristo ay isang alituntunin ng pagkilos at kapangyarihan. Kung handa tayong kumilos, bibigyan tayo ng lakas na magsisi at ng lakas na magbago.

Bigo lamang tayo kung hindi tayo gagawa ng isang pasulong na hakbang nang may pananampalataya. Hindi tayo mabibigo kung tapat tayong nakikipamatok sa Tagapagligtas—Siya na hindi nabigo kailanman at hindi Niya tayo pababayaan kailanman! (“Ang Inyong Susunod na Hakbang,” Liahona, Nob. 2015, 75) (time code na 7:37 hanggang 8:31)

Paano mo ibubuod ang itinuturo ni Elder Bennett tungkol sa pagdaig sa pagpapaliban?

Tulungan ang mga estudyante na matukoy ang katotohanang tulad ng habang kumikilos tayo nang may pananampalataya sa Kanya, tutulungan tayo ng Tagapagligtas na madaig ang tuksong magpaliban. Upang tulungan ang mga estudyante na maunawaan ang katotohanang ito, maaari mong itanong ang sumusunod:
Paano makatutulong ang pag-unawa sa katotohanang ito sa isang taong nagsisikap na madaig ang tuksong ipagpaliban ang kanyang gawain sa paaralan?

Mapanalanging isipin kung gaano kahusay ninyong natatapos ang mga gawain at assignment sa paaralan sa tamang oras. Pagkatapos ay kumpletuhin ang sumusunod na pahayag sa inyong study journal.

Ipinagpapaliban ko ang aking gawain sa paaralan (palagi, minsan, bihira, at iba pa). Ang isang dahilan kung bakit ako nagpapaliban ay .

Tulungan ang mga estudyante na maunawaan na ang pagtukoy sa kung bakit tayo nagpapaliban ay makatutulong sa atin na iwasto ang isang hindi kapaki-pakinabang na ugali o maiwasan itong mabuo. Maaari mong tiyakin sa mga estudyante na nangako ang Ama sa Langit at si Jesucristo na tutulungan tayong makatakas sa mga tuksong kinakaharap natin (tingnan sa 1 Corinto 10:13).

Bagama’t karaniwan lang na mahirapan sa pagpapaliban, kumikilos tayo nang may pananampalataya sa Tagapagligtas kapag nagsisikap tayong madaig ang tuksong ito. Anyayahan ang Espiritu Santo na tulungan kayong makilala ang mga paraan na pinagyayaman ng Ama sa Langit at ni Jesucristo ang inyong mga pagsisikap na madaig ang tuksong ipagpaliban ang inyong gawain sa paaralan.

Dagdagan ang kakayahan ninyong madaig ang pagpapaliban

Ano ang ilang estratehiyang sinubukan ninyo para matulungan kayong labanan ang tuksong ipagpaliban ang inyong gawain sa paaralan?

Maaaring anyayahan ang mga estudyante na gumawa ng listahan sa pisara. Kung kailangan nila ng tulong, maaari mong ibahagi ang ilan sa mga sumusunod na estratehiya.

Maglaan ng ilang sandali tuwing umaga upang manalangin sa Ama sa Langit, na humihiling ng Kanyang kapangyarihan upang matulungan kayong maalala at magawa ang mga gawain sa paaralan.
Maglaan ng regular na oras bawat araw para sa mga gawain sa paaralan.
Regular na magpahinga sandali upang ma-refresh ang inyong isip at muling magpokus.
Tukuyin ang mga bagay na nakagagambala at alisin ang mga ito. Maaaring kabilang dito ang telepono, computer, o aklat.
Bumuo ng isang study group kasama ang mga kaklase na magkakapareho ang assignment sa paaralan.
Maghanap ng tahimik na lugar upang doon gumawa. Maaaring makaapekto ang ating kapaligiran sa kakayahan nating matuto.
Pumili ng taong pinagkakatiwalaan ninyo na makatutulong sa inyong manatiling nakatuon at kumpletuhin ang mga gawain at assignment.
Magplano ng gantimpala para sa pagtupad ng isang partikular na gawain upang ipagdiwang ang inyong tagumpay at pagsisikap.

Pagkatapos matukoy ng mga estudyante ang ilang estratehiya upang madaig ang pagpapaliban, maaari mong ipakita ang sumusunod na sitwasyon at mga tagubilin. Maaari kang magbigay ng mga kagamitan sa sining na magagamit ng mga estudyante para sa ipapakita nila.

Pinagpapaliban ni Max ang (pag-aaral para sa isang pagsusulit, paggawa ng assignment o proyekto, at iba pa) dahil .

Lumikha ng poster o infographic na maaaring makatulong sa paghikayat sa isang estudyante na tulad ni Max na madaig ang tuksong magpaliban. Isama ang sumusunod sa inyong poster.

Isang doctrinal mastery o iba pang scripture passage na makatutulong kay Max na umasa sa Ama sa Langit at kay Jesucristo para sa paghingi ng tulong na madaig ang tuksong ito.
Isa o higit pa sa mga estratehiya na sa tingin ninyo ay makatutulong na gamitin ni Max habang dinadaig ang pagpapaliban.

Kung kailangan ng mga estudyante ng tulong sa paghahanap ng scripture passage, puwede kang magbahagi ng mga halimbawa na tulad ng Josue 24:15; Mga Kawikaan 3:5–6; Doktrina at mga Tipan 58:26–27; 88:124. O maaari nilang ilarawan ang isang kuwento sa banal na kasulatan na maaaring magpakita ng mga ibubunga ng pagpapaliban, tulad ng kuwento ng pagtitipon ng mga Israelita ng manna o paggawa ni Noe sa arka (Genesis 7:1–10).

Maaari tayong magsimula ngayon

Maglaan ng oras para ibahagi ng mga grupo ang kanilang poster sa klase. Maaari mong anyayahan ang mga estudyante na magbahagi ng mga karanasan nila sa pagsisikap na madaig ang tuksong magpaliban.

Pagnilayan ang ilan sa mga paraan ng pagdaig sa pagpapaliban na ibinahagi ngayon. Mapanalanging pumili ng estratehiya na sa tingin ninyo ay makatutulong sa susunod na matukso kayong ipagpaliban ang inyong gawain sa paaralan. Isulat ang estratehiyang ito sa inyong study journal o sa isang sticky note o i-text ito sa inyong sarili.

Maaari kang magbigay ng pagkakataon sa mga handang estudyante na magbahagi ng nadama nilang nais nilang subukan.

Maaaring makatulong na ipaalala sa mga estudyante na anumang pagsisikap na gumawa nang mas mahusay ay pagpapakita ng kanilang pananampalataya kay Jesucristo. Tulungan silang makilala na tutulungan tayo ng Ama sa Langit at ni Jesucristo sa ating mga pagsisikap, kahit na nahihirapan tayo.

Karagdagang Resources

Ano ang itinuturo ng Tagapagligtas tungkol sa pagpapaliban?

Itinuro ni Elder Quentin L. Cook ng Korum ng Labindalawang Apostol:

Bilang mga disipulo ng Tagapagligtas, inaasahan tayong magplano at maghanda … Binigyang-diin ito ng Tagapagligtas sa Kanyang buong ministeryo, kabilang na ang Kanyang mga talinghaga tungkol sa mga mangmang na dalaga at sa mga talento. Sa bawat isa sa mga ito, iminungkahi ng Panginoon na maghanda at kumilos at isumpa ang pagpapaliban at katamaran. (“Maayos at Organisadong Tulad sa Bristol: Maging Karapat-dapat sa Templo—Madali Man o Mahirap ang Panahon,” Liahona, Nob. 2015, 40)

Paano kung nahihirapan akong daigin ang pagpapaliban?

Ipinaalala sa atin ni Elder Dieter F. Uchtdorf ng Korum ng Labindalawang Apostol:

Maaga kong natutuhan sa buhay na hindi kailangang maghintay ng bagong taon para magkaroon ng bagong simula sa aking personal na buhay. Sa bawat bagong araw, dumarating ang bagong bukang-liwayway—hindi lamang para sa mundo kundi para din sa inyo at sa akin. At [sa] bawat bagong araw ay may bagong simula—isang pagkakataon na magsimulang muli at iwasan ang panganib ng pagpapaliban. (Facebook.com/dieterf.uchtdorf, Ene. 5, 2021)

Ipinaalala sa atin ni Elder Dale G. Renlund ng Korum ng Labindalawang Apostol:

Mas mahalaga sa Diyos kung ano tayo ngayon at kung ano tayo sa hinaharap kaysa sa kung ano tayo noon. Mahalaga sa Kanya na patuloy tayong nagsisikap. (“Patuloy na Nagsisikap ang mga Banal sa mga Huling Araw,” Liahona, Mayo 2015, 56)

Bakit hindi makabubuti ang pagpapaliban?

Nagbabala si Pangulong Thomas S. Monson:

Ang procrastination [pagpapaliban] ang magnanakaw ng ating paggalang sa sarili. Nangyayamot ito sa atin at sinisira ang ating kasiyahan. Ipinagkakait nito sa atin ang ganap na pagsasakatuparan ng ating mga ambisyon at pag-asa. (“The Lighthouse of the Lord,” New Era, Peb. 2001, 8)

Mga Karagdagang Aktibidad sa Pag-aaral

Mas maliliit na hakbang upang maiwasan ang pagpapaliban

Kung makikinabang ang mga estudyante sa paggawa ng plano na makatutulong sa isang tao na madaig ang tuksong magpaliban, maaari mong ipagawa sa kanila ang aktibidad na matatagpuan sa “Make the Choice: Preparation or Procrastination” (New Era, Nob. 2012, 27). Maaaring tukuyin ng mga estudyante ang isang mas malaking proyekto na mayroon o magkakaroon sila sa hinaharap. Sa pakikipagtulungan sa isang kapartner, maaaring gumawa ang mga estudyante ng step-by-step na plano na maaaring makatulong sa paggawa ng mas malaking assignment. Maaaring talakayin ng mga estudyante ang sumusunod habang gumagawa sila ng kanilang plano.

Ano ang ilang bagay na maaari ninyong gawin para kumilos nang may pananampalataya kay Jesucristo sa inyong mga paghahanda?
Paano maaaring pag-ibayuhin ng Ama sa Langit at ni Jesucristo ang inyong mga pagsisikap na maging handa para sa assignment na ito?

Maaaring ibahagi ng mga estudyante ang kanilang plano sa klase.

Ang kawikaan ng tamad

Bilang opsyon para sa kanilang visual display na nagbababala sa mga panganib ng pagpapaliban, maaaring gamitin ng mga estudyante ang kuwento ng tamad (isang taong napakatamad) at ng langgam mula sa Mga Kawikaan 6:6–11. Maaaring basahin ng mga estudyante ang passage at ilarawan ito bilang isang comic strip.

Sa huling kahon ng comic strip, maaaring isama ng mga estudyante ang ilan sa mga turo ng Tagapagligtas tungkol sa pag-iwas sa katamaran, kahalagahan ng paggawa, o pagsulong nang may pananampalataya sa Kanya. Kung kailangan ng mga estudyante ng patnubay, maaari kang magmungkahi ng mga passage na tulad ng 1 Corinto 9:24; 1 Nephi 3:7; Mosias 4:27; Doktrina at mga Tipan 58:26–28.

Ang mga bunga ng pagpapaliban

Habang ibinabahagi ng mga estudyante ang ilan sa mga bunga ng pagpapaliban sa gawain sa paaralan, maaari mong ibahagi ang nakakatuwang halimbawa na ikinuwento ni Elder Donald L. Hallstrom ng Pitumpu tungkol sa kanyang anak sa “Do It Now,” time code 0:00 hanggang 2:13. Maaaring anyayahan ang mga estudyante na magbahagi tungkol sa panahon na sila o ang isang taong kakilala nila ay nakaranas ng negatibong bunga ng pagpapaliban.

9:23