Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pagsali sa Panginoon sa Inyong Pagkatuto: Pag-iibayuhin at Palalakasin ng Panginoon ang Inyong mga Pagsisikap

“Pagsali sa Panginoon sa Inyong Pagkatuto: Pag-iibayuhin at Palalakasin ng Panginoon ang Inyong mga Pagsisikap,” Manwal ng Titser ng Seminary para sa Lumang Tipan (2026)

“Pagsali sa Panginoon sa Inyong Pagkatuto: Pag-iibayuhin at Palalakasin ng Panginoon ang Inyong mga Pagsisikap,” Manwal ng Titser ng Seminary para sa Lumang Tipan

Magtagumpay sa Paaralan: Lesson 192

Pagsali sa Panginoon sa Inyong Pagkatuto

Pag-iibayuhin at Palalakasin ng Panginoon ang Inyong mga Pagsisikap

Sa ating pag-aaral, haharap tayo sa mga balakid habang nagsisikap tayong madagdagan ang ating kaalaman at pang-unawa sa katotohanan. Hindi natin kailangang harapin ang mga hamong ito nang mag-isa. Pinapahalagahan tayo at ang ating pag-unlad ng Ama sa Langit at ni Jesucristo, at nais Nila tayong tulungan sa ating mga pagsisikap sa paaralan. Ang lesson na ito ay makatutulong sa mga estudyante na isali ang Panginoon sa kanilang pagkatuto.

Paghahanda ng estudyante: Anyayahan ang mga estudyante na pagnilayan kung paano nila nakitang tinulungan sila ng Panginoon o ng isang kakilala nila na matuto sa paaralan. Maaari silang maghandang ibahagi sa klase ang karanasang ito.

Mga Posibleng Aktibidad sa Pag-aaral

Mga hamon sa paaralan

Maaaring simulan ang klase sa pamamagitan ng pag-anyaya sa isang estudyante na pumunta sa harapan ng silid-aralan para tapusin ang isang gawain na nangangailangan ng tulong ng iba. Halimbawa, lagyan ng piring ang estudyante at hilingin sa kanya na pagbukud-bukurin ang mga kendi o bead ayon sa kulay. Kung nahihirapan ang estudyante sa simula, maaari kang magtanong tulad ng, “paano ka matutulungan ng ibang tao na nasa loob ng silid na ito?”

Paano maiuugnay ang demonstrasyong ito sa ating mga pagsisikap na matuto sa paaralan?
Ano ang ilang sitwasyon sa paaralan o sa pagkatuto na maaaring maging mahirap para sa mga tinedyer?

Maaaring kabilang sa mga sagot ng mga estudyante ang mga bagay na tulad ng pagkakaroon ng problema sa isang partikular na assignment sa paaralan, isang hamon sa pagkatuto, o mga problema sa pamamahala ng oras. Maaari mong ilista ang mga sagot na ito sa pisara. Maaari mong hikayatin ang mga estudyante na isulat ang isang hamon na kasalukuyan nilang kinakaharap sa kanilang pagkatuto. Magiging kapaki-pakinabang na balikan ang listahang ito sa buong lesson.

Pinagpapala ng Panginoon ang ating matwid na pagsisikap

Basahin ang sumusunod na pahayag mula kay Elder Clark G. Gilbert ng Pitumpu, at alamin kung saan tayo maaaring humingi ng tulong sa mga hamon sa ating pagsisikap na matuto sa paaralan.

Alam kong maaaring maging mahirap at nangangailangan ng sakripisyo ang pagtatamo ng edukasyon. Alam ko kung gaano kayo nagsisikap at na maraming mahihirap na gabi dahil nagpupuyat kayo para kumpletuhin ang mga assignment, matutuhan ang mga bagong konsepto, at maisagawa ang iba pang maraming kailangang gawin sa inyong buhay. Ngunit magpatuloy lang kayo sa pagsisikap. Patuloy na ipakita ang katatagan ng pag-iisip. Ngunit maging handa ring umasa sa biyaya (ni Jesucristo) mula sa pagkakaroon ng katatagan ng pag-iisip. Isali ang Panginoon. Manalangin na tulungan Niya kayo, at dadagdagan Niya ang inyong mga pagsisikap. Nawa’y malaman ninyo kung gaano namin kayo kamahal. Higit sa lahat, dapat ninyong malaman kung gaano kayo kamahal ng Panginoon at palalakasin Niya kayo sa lahat ng inyong matwid na pagsisikap na matuto at lumago at maging higit na katulad Niya. (“From Grit to Grace” [Debosyonal sa BYU-Pathway Worldwide, Set. 25, 2018], 2, byupathway.edu)

Ano ang nalaman ninyo na naghahatid sa inyo ng pag-asa o makahihikayat sa isang tinedyer sa kanyang pag-aaral?

Habang nagbabahagi ang mga estudyante, tulungan silang makatukoy ng alituntunin na tulad ng kapag isinali natin ang Panginoon sa ating pagkatuto, pag-iibayuhin at palalakasin Niya ang ating mga pagsisikap.
Paano maaaring pagpalain, pag-ibayuhin, o palakasin ng Panginoon ang ating mga pagsisikap kapag isinasali natin Siya sa ating pagkatuto?

Maaaring banggitin ng mga estudyante ang mga bagay na tulad ng kung paano sila matutulungan ng Panginoon na matandaan ang kanilang napag-aralan, pagkakaroon ng pasensya sa mga guro at kaklase, o makadama ng kapayapaan sa panahon ng pagsusulit. Maaari mong ipaliwanag na madalas tayong tutulungan ng Panginoon na matuto sa pamamagitan ng Espiritu Santo, na siyang maaaring pumuspos sa atin ng kapayapaan, makatutulong sa atin na malaman ang katotohanan, at makapagpapalawak ng ating pang-unawa (tingnan sa Roma 15:13; Moroni 10:5; Doktrina at mga Tipan 6:15).

Paano isasali ang Panginoon sa inyong pagkatuto

Pagkatapos kumpletuhin ng mga estudyante ang handout, maaari mo silang anyayahan na pumili ng tagapagsalita na magbabahagi ng napag-usapan ng grupo.

Batay sa inyong napag-aralan, ano ang ilang partikular na bagay na maaari nating gawin upang maisali ang Panginoon sa ating pagkatuto?

Kung kailangan ng mga estudyante ng karagdagang patnubay, maaari mong ibahagi ang ilan o ang lahat ng sumusunod bilang mga paraan upang maisali ang Panginoon sa ating pagkatuto:

Bigyang-pansin at ipagpasalamat ang maliliit o tuluy-tuloy na pagpapabuti (2 Nephi 28:30).
Sa panalangin, hilingin sa Ama sa Langit ang mga partikular na pagpapala tulad ng pagkakaroon ng lakas-ng-loob na magtaas ng inyong kamay, magtanong, at humingi ng karagdagang tulong (Eter 2:18–23).
Kilalanin ang inyong mga kahinaan at manampalataya sa Panginoon na tutulungan Niya kayo sa mga ito (Moises 6:31–34; Moises 7:13).
Pag-aralan ang mga tala sa klase araw-araw at humingi ng basbas ng priesthood bago ang isang mahalagang pagsusulit o assignment (Doktrina at mga Tipan 88:118).

Maaaring anyayahan ang mga estudyante na magbahagi ng karanasan kung paano sila pinalawak at pinalakas ng Panginoon o ang isang kakilala nila nang isinali nila ang Panginoon sa kanilang pagkatuto.

Pagsali sa Panginoon sa ating pagkatuto

Bigyan ng oras ang mga estudyante na gumawa ng plano na isali ang Panginoon sa kanilang pagkatuto. Maaari mong ipakita ang mga sumusunod na tagubilin at hikayatin ang mga estudyante na isulat ang kanilang plano sa kanilang study journal.

Isipin ang isang hamon sa pagkatuto na kinakaharap ninyo ngayon. Gawin ang sumusunod sa inyong study journal.

Sa anong gawain ninyo sa paaralan ang handa kayong subukang isali ang Ama sa Langit at si Jesucristo? Maging partikular sa inyong gagawin.

Maaari mong hilingin sa mga handang estudyante na ibahagi ang nadama nila na dapat nilang gawin. Maaaring ibahagi ang iyong patotoo tungkol sa Ama sa Langit at kay Jesucristo at kung paano Nila tayo pagpapalain kapag isinasali natin Sila sa ating pagkatuto.

Karagdagang Resources

Paano kung mayroon ako ng ilang hamon na nagpapahirap sa akin na matuto?

Itinuro ni Pangulong Dieter F. Uchtdorf, na noon ay kabilang sa Unang Panguluhan:

19:13

Bagaman lahat tayo ay may mga kahinaan, madaraig natin ang mga ito. Tunay ngang sa biyaya ng Diyos, kung magpapakumbaba tayo at mananampalataya, nagiging malakas ang mahihinang bagay.

Habang nabubuhay tayo, ang biyaya ng Diyos ay nagkakaloob ng temporal na mga pagpapala at espirituwal na mga kaloob na [nagpapaibayo] sa ating kakayahan at nagpapayaman sa ating buhay. Pinatitino tayo ng Kanyang biyaya. Tinutulungan tayo ng Kanyang biyaya na maging napakabuti. (“Ang Kaloob na Biyaya,” Liahona, Mayo 2015, 108)

Itinuro ni Pangulong Henry B. Eyring:

Parehong alam ng Panginoon ang kailangan Niyang ipagawa sa inyo at ang kailangan ninyong malaman. Siya ay mabait at alam Niya ang lahat. Kaya umasa at magtiwala kayo na naghanda Siya ng mga oportunidad para sa inyo upang matuto kayo bilang paghahanda sa paglilingkod na inyong ibibigay. Hindi ninyo lubos na matutukoy ang mga oportunidad na iyon, katulad ko. Ngunit kapag inuna ninyo ang mga espirituwal na bagay sa inyong buhay, ituturo sa inyo kung ano ang dapat ninyong matutuhan, at mahihikayat kayo na lalo pang magsikap. Matatanto ninyo kalaunan na ang kakayahan ninyong maglingkod ay naragdagan, at magpapasalamat kayo. (“Education for Real Life,” Ensign, Okt. 2002, 18–19)

Bakit ako dapat bumaling sa Diyos para humingi ng tulong sa aking pagkatuto?

Sinabi ni Elder Ronald A. Rasband ng Korum ng Labindalawang Apostol:

Bawat isa sa atin ay mahalaga at minamahal ng Panginoon, na nagmamalasakit, bumubulong, at nagmamasid sa atin sa mga paraang kakaiba sa bawat isa. Walang katapusan ang Kanyang pagiging mas matalino at mas makapangyarihan kaysa mga mortal na tao. Alam Niya ang ating mga hamon, ang ating mga tagumpay, at mabubuting hangarin ng ating puso. (“Sa Banal na Plano,” Liahona, Nob. 2017, 56)

Itinuro ni Pangulong Russell M. Nelson:

Mahal kong mga kapatid, ang Diyos ang pinagmumulan ng lahat ng katotohanan. Tinatanggap ng Ang Simbahan ni Jesucristo ng mga Banal sa mga Huling Araw ang lahat ng katotohanang ipinararating ng Diyos sa Kanyang mga anak, natutuhan man ito sa isang laboratoryo ng siyensya o natanggap sa pamamagitan ng tuwirang paghahayag mula sa Kanya. (“Ano ang Totoo?” Liahona, Nob. 2022, 30)

Mga Karagdagang Aktibidad sa Pag-aaral

Alternatibong simulain

Sa halip na anyayahan ang isang estudyante na tapusin ang isang gawain sa simula ng klase, maaari kang magpakita ng mga larawan ng disyerto at hardin na tulad ng sumusunod na dalawang larawan. Maaari mong hilingin sa mga estudyante na ibahagi kung ano ang naiisip nila kapag inihahambing ang isang disyerto sa hardin.

Basahin ang Mga Awit 63:1 at Isaias 58:11, at alamin ang itinuturo ng mga talatang ito tungkol sa Panginoon.

Paano nauugnay ang mga larawang ito sa natutuhan ninyo tungkol sa Panginoon?
Bakit isang makapangyarihang metapora para sa Panginoon ang tubig?

Tulungan ang mga estudyante na makilala kung paano espirituwal na kinakandili ng Panginoon ang ating kaluluwa at hinahayaan tayong lumago. Maaari mong anyayahan ang mga estudyante na pag-isipan kung paano espirituwal na kinakandili ng Panginoon ang kanilang mga pagsisikap na matuto. Pagkatapos ay maaari kang lumipat sa pahayag ni Elder Clark G. Gilbert tungkol sa edukasyon.

Isang halimbawa sa banal na kasulatan ng pagsali sa Panginoon

Maaaring makinabang ang mga estudyante sa pag-aaral ng isang halimbawa mula sa banal na kasulatan kung saan isinali ng isang tao ang Panginoon. Maaaring gamitin ang sumusunod na aktibidad para palalimin ang pag-unawa ng mga estudyante tungkol sa katotohanan mula kay Elder Clark.

Maaari mong ipaliwanag sa mga estudyante na si Haring Nabucodonosor ng Babilonia ay nagkaroon ng panaginip na bumagabag sa kanya. Inutusan niya ang mga pantas ng kanyang kaharian, kasama si Daniel, na sabihin sa kanya kung ano ang ibig sabihin ng panaginip. Kung hindi nila magagawa, sinabi ng hari na sila ay mamamatay. Humingi pa ng kaunting panahon si Daniel sa hari, at nangako siyang ipaliliwanag niya ang panaginip (tingnan sa Daniel 2:1–16).

Ipabasa sa mga estudyante ang Daniel 2:17–23, at alamin ang matututuhan natin mula kay Daniel na makatutulong sa atin na maunawaan kung paano magiging bahagi ng ating pagkatuto at edukasyon ang Panginoon. Maaari mong itanong ang isa o higit pa sa mga sumusunod na tanong.

Ano sa palagay ninyo ang maaaring natutuhan ni Daniel tungkol sa Diyos mula sa karanasang ito?
Sa palagay ninyo, paano makapagbibigay ng inspirasyon o pag-asa ang halimbawa ni Daniel sa isang tinedyer na may mahirap na hamon sa gawain sa paaralan?
Sa anong mga paraan inilalarawan ng karanasan ni Daniel ang katotohanang itinuro ni Elder Gilbert?

Isang halimbawa ng pagsali sa Panginoon mula sa isang propeta sa mga huling araw

Para tulungan ang mga estudyante na makita ang makabagong halimbawa ng katotohanang itinuro ni Elder Gilbert, maaaring panoorin ng mga estudyante ang sumusunod na halimbawa mula sa buhay ni Pangulong Russell M. Nelson (mula sa time code na 4:15 hanggang 8:38) (Russell M. Nelson, “Sweet Power of Prayer,” Liahona, Mayo 2003, 7–8).

16:47

Pagkatapos ay maaari mong itanong ang mga sumusunod.

Paano isinali ni Pangulong Nelson ang Panginoon sa kanyang mga pagsisikap na matutuhan kung paano isagawa ang walang katulad na pamamaraang ito?
Paano pinag-ibayo at pinalakas ng Panginoon ang mga pagsisikap ni Pangulong Nelson?

Maaari mong kilalanin na bagama’t naiiba ang ating kalagayan sa kalagayan ni Pangulong Nelson, may malasakit ang Panginoon sa ating pagkatuto sa ating pag-aaral, trabaho, o tahanan. Bagama’t maaaring hindi makabuo ang Panginoon ng diagram ng sagot sa ating isipan, maraming iba’t ibang paraan na mapag-iibayo at mapalalakas Niya ang ating mga pagsisikap kapag isinasali natin Siya sa proseso.