Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faatoilaloina o le Faatuai: Aoao e Aloese mai le Faatuai i Mea’aoga

“Faamaopoopoga o Galuega ma Mea e Faamuamua: O le Faataitaiga a le Faaola e Mafai Ona Fesoasoani ia i Tatou e Aumaiaai le Maopoopo i o Tatou Olaga,” Tusi Lesona a le Faia’oga Seminare o le Feagaiga Tuai (2026)

“Faamaopoopoga o Galuega ma Mea e Faamuamua: O le Faataitaiga a le Faaola e Mafai Ona Fesoasoani ia i Tatou e Aumaia ai le Maopoopo i o Tatou Olaga,” Tusi Lesona a le Faia’oga Seminare o le Feagaiga Tuai

Faamanuiaina i le A’oga: Lesona 195

Faatoilaloina o le Faatuai

Aoao e Aloese mai le Faatuai i Mea’aoga

A young woman sitting at a table in her home. Books and papers are spread out in front of her. She is holding a pen.

E faafia ona e oo i le le faamae’aina o galuega manaomia po o meaa’oga?E ui tatou te tauivi uma ma le tuai, e mafai ona avea ma faaosoosoga masani le faatuai i meaa’oga.Pe a tatou galulue e faatoilalo lea uiga, o se tasi lea o auala tatou te lagonaina ai lapataiga a le Faaola e alofia ai le faatuai (tagai i le Mataio 25:1–13).O lenei lesona e mafai ona fesoasoani i tagata a’oga e faailoa ai auala e faatoilalo ai le faaosoosoga o le faatuai i meaa’oga.

Sauniuniga a le tagata a’oga: Valaaulia tagata a’oga e o mai saunia ma nisi o mafuaaga e ono faatuai ai nisi talavou ia a latou meaa’oga.Uunaia i latou e sauni e faasoa mai mea na latou faia ua mafua ai ona le tuai a latou meaa’oga.

Gaoioiga e Ono Mafai Ona Aoaoina Ai

O le faatuatua ia Iesu Keriso e taitai atu ai i faatinoga

Ina ia amata le vasega, mafaufau e fai se talanoaga faalauaitele e uiga i le faaosoosoga e faatuai.E mafai ona e fai atu fesili e pei o nei:

O a nisi o mea e masani ona faatuai ai tagata talavou?
O a nisi o mafuaaga e ono tuuina mai e talavou mo le faatuai ai i nei mea?O le a se taunuuga o le a ono iai?

A mae’a le talanoaga, e mafai ona e faasoa atu e faapea o tagata a’oga i aso nei, o le a maua se avanoa e taulai atu ai i le faatoilaloina o le faaosoosoga e faatuai ai a latou meaa’oga.
O a nisi o mafuaaga e mafai ai ona faafaigata le amataina po o le faamae’aina o galuega po o meaa’oga?

Ona e faaali atu lea o se ata o tagata Isaraelu o loo aoina le manai.Afai ua mae’a ona suesue e tagata a’oga le Lesona 47: “Esoto 16,” mafaufau e valaaulia tagata a’oga e faasoa mai mea latou te manatuaina.Afai latou te le’i suesueina lenei tala, e te ono faasoa otooto atu le aotelega lenei.

Sa faigata le aoina o meaai i le vao mo tagata Isaraelu.I se tasi taeao sa latou feala a’e ma iloa ai ua saunia faavavega e le Ali’i meaai mo aso ta’itasi e ta’ua e tagata Isaraelu o le manai.

Faitau le Esoto 16:4–5, 14–15, vaavaai mo le faatonuga a le Ali’i mo le auala e aoina ai le manai.

O le a le mea ua aoao mai e lenei vavega ia i tatou e uiga ile Ali’i?

Faitau le Esoto 16:18–22, 27, vaavaai mo nisi o taunuuga o le faatuai i le aoina o le manai po o le le fa’aputuina foi ia faaluaina le aofai i le aso a o lumanai le Sapati.

O le a se mea na tumatila ia te oe?

E ono faasoa mai e tagata a’oga e faapea, pe a tuu e tagata Isaraelu le manai i luga o le eleele seia oo i le isi aso, e “faatupu ane ai anufe, ma pala” (fuaiupu 20).Afai latou te le aoina i le taeao, e liu suavai (fuaiupu 21).E leai se manai e tuuina mai i le Sapati, o lea la, o le le aoina o ni vaega se lua i le aso na muamua atu o lona uiga o le a latou fia aai (fuaiupu 27).
E faapefea e lenei tala ona faatatau i le faaosoosoina o se talavou e faatuai i a latou meaa’oga?

Atonu e faailoa ane e tagata a’oga e faapea, e talitutusa ma le ala o le a faaleagaina pe liu suavai ai le manai pe afai e faatuai tagata i le aoina mai, o le faatuai o meaa’oga e mafai ona oo atu ai i taunuuga le lelei po o le misia foi o avanoa.
O a nisi o taunuuga o le faatuai i meaa’oga ua e vaaia pe ua vaaia e isi e te iloa?

Aua le faapaie solo lou taimi

Ina ia fesoasoani ia i tatou e malamalama i le taua o le faatoilaloina o le faaosoosoga o le faatuai, na taua ai e Elder Randall K. Bennett o le Fitugafulu:

9:51

E tatau ona tatou faafetaiaia le uiga a le tagata o le lalolagi e faatuai, faataatia ese, pe lafoai loa.

A o tatou alualu i luma i le ala o le feagaiga, o le a tatou faia mea sese, o nisi e faatele [ona faia] … Ae o le faatuatua i le Tamā Faalelagi ma Iesu Keriso o se mataupu faavae o le faatino ma le mana.Afai tatou te naunau e faatino, o le a faamanuiaina i tatou i le malosi e salamo ma le malosi e suia ai.

E pau lava le taimi tatou te toilalo ai pe afai tatou te toilalo e laa i luma i se isi laa faamaoni.O le a tatou le toilalo, e le mafai [foi] ona tatou toilalo, pe afai tatou te tauamo ma le faamaoni ma le Faaola—o Ia o lē e le toilalo lava ma o le a le tuutoilaloina lava i tatou.(“Lau Laasaga e Sosoo Ai,” Liahona, Nov. 2015, 75) (mai le taimi faailo 7:37 i le 8:31)

E faapefea ona e aoteleina le mea ua aoaoina mai e Elder Bennett e uiga i le faatoilaloina o le faatuai?

Fesoasoani i tagata a’oga ia iloa se upumoni e pei o le a o tatou faatino ma le faatuatua ia te Ia, o le a fesoasoani le Faaola ia i tatou e faatoilalo le faaosoosoga o le faatuai.Ina ia fesoasoani i tagata a’oga ia malamalama i lenei upumoni, e te ono faafesili atu faapenei:
E mafai faapefea e le malamalama ai i lenei upumoni ona fesoasoani i se tasi o lo o taumafai e faatoilalo le faaosoosoga e faatuai i a latou meaa’oga?

Mafaufau ma le agaga tatalo pe o le a le lelei o lou faamae’a o galuega ma meaa’oga i le taimi e tatau ai.Ona faauma lea o le faamatalaga lenei i totonu o lau api talaaga o suesuega.

Ou te faatuai (i taimi uma, nisi taimi, seāseā, ma isi) i a’u meaa’oga.O se mafuaaga ou te faatuai ai o le .

Fesoasoani i tagata a’oga e faapea o le faailoaina o le mafuaaga tatou te faatuai ai e mafai ona fesoasoani ia i tatou e faasa’o se masani le aogā pe puipuia foi mai le ono tuputupu ane ai.E te ono faamautinoa atu i tagata a’oga ua folafola mai e le Tamā Faalelagi ma Iesu Keriso o le a fesoasoani mai ia i tatou e sosola ese mai faaosoosoga tatou te feagai (tagai i le 1 Korinito 10:13).

E ui o se mea masani le tauivi ma le faatuai, tatou te faatino ma le faatuatua i le Faaola pe afai tatou te faatoilalo lenei faaosoosoga.Valaaulia le Agaga Paia e fesoasoani ia te oe ia iloa auala e mafai ai e le Tamā Faalelagi ma Iesu Keriso ona faaleleia a tatou taumafaiga e faatoilalo ai le faaosoosoga e faatuai i au meaa’oga.

Faateleina lou gafatia e faatoilalo ai le faatuai

O a nisi o auala na e taumafai iai e fesoasoani ia te oe e tetee le faaosoosoga e faatuai i au meaa’oga?

Mafaufau e valaaulia tagata a’oga e fai se lisi i luga o le laupapa.Afai latou te manaomia se fesoasoani, e mafai ona e faasoa atu nisi o auala nei.

Faaalu sina taimi i taeao ta’itasi e tatalo ai i le Tamā Faalelagi ma ole atu mo Lona mana e fesoasoani ia te oe ia manatua ma ausia ai galuega o le a’oga.
Faataatia ese se taimi e le aunoa i aso taitasi mo meaa’oga.
Fai ni malologa pupuu faifaipea ina ia faafouina lou mafaufau ma taulaiga.
Faailoa mea faalavefau ma tuu ese i latou.E ono aofia ai se telefoni, komepiuta, po o se tusi.
Faatulaga se vaega suesue ma tagata o lau vasega o lo o faia le meaa’oga lava lea e tasi.
Sue se nofoaga filemu e galue ai.O o tatou siosiomaga e mafai ona aafia ai lo tatou gafatia e taula’i ai.
Filifili se tasi e te talitonuina e mafai ona fesoasoani ia te oe ia e te taulai atu ma faamae’a galuega ma meaa’oga.
Fuafua se taui mo le ausiaina o se galuega patino e patipatia ai lou manuia ma lou galue malosi.

A uma ona faailoaina e tagata a’oga nisi o auala e faatoilalo ai le faatuai, mafaufau e faaali atu le ata faataitai lenei ma faatonuga.E mafai ona e tuu atu ni sapalai mo faatufugaga mo tagata a’oga e faaaoga mo a latou faalauiloa.

Ua faatuai e Max (le suesue mo se suega, faamae’aina o se meaa’oga po o se poloketi, ma isi) ona .

Fatu se pepa lautele e i ai se savalipo o se ata faaupu e mafai ona fesoasoani i se tagatai a’oga e pei o Max, e faatoilalo ai le faaosoosoga o le faatuai.Ia aofia ai mea nei i lau pepa lautele e i ai se savali:

O se fuaitau o le atamai i aoaoga faavae po o se fuaitau o mau e mafai ona fesoasoani ia Max e faalagolago ai i le Tamā Faalelagi ma Iesu Keriso mo le fesoasoani e faatoilaloina ai lenei faaosoosoga.
O se tasi pe sili atu o auala e te lagona o le a fesoasoani ia Max e faaaoga a o faatoilaloina le faatuai.

Afai e manaomia e tagata a’oga le sailia o se fuaitau o mau, e mafai ona e faasoa atu faataitaiga e pei o le Iosua 24:15; Faataoto 3:5–6; Mataupu Faavae ma Feagaiga 58:26–27; 88:124.Pe mafai foi ona latou faapupula se tala faatusipaia lea e mafai ona faaalia ai taunuuga o le faatuai, e pei o le tala i tagata Isaraelu i le aoina o le manai po o Noa i le fauina o le vaa (Kenese 7:1–10).

E mafai ona tatou amata i le asō

Faataga se taimi mo vaega e faasoa mai ai a latou pepa lautele o i ai se savali i le vasega.E te ono valaaulia tagata a’oga e faasoa mai o latou aafiaga a o galulue e faatoilalo le faaosoosoga e faatuai.

Mafaufau loloto i nisi o auala e faatoilalo ai le faatuai na faasoaina mai i le asō.Filifili ma le agaga tatalo se auala e te lagona o le a fesoasoani i le isi taimi e faaosoosoina ai oe e faatuai i au meaa’oga.Tusi lenei auala i totonu o lau api talaaga mo suesuega pe i se pepa laititi faapipii po o le fai o se tesi ia oe lava ia.

E te ono tuu atu se avanoa mo tagata a’oga naunautai e faasoa mai ai mea na faagaeetia e taumafai.

E ono fesoasoani le faamanatu atu i tagata a’oga e faapea, soo se taumafaiga lava ina ia sili atu, o se faataitaiga lena o lo latou faatuatua ia Iesu Keriso.Fesoasoani atu ia latou iloa o le a fesoasoani le Tamā Faalelagi ma Iesu Keriso ia tatou taumafaiga, tusa lava pe tatou te tauivi ai.

O Puna’oa Faaopoopo

O le a se mea na aoao mai e le Faaola e uiga i le faatuai?

Na a’oa’o mai Elder Quentin L. Cook o le Korama a Aposetolo e To’asefululua:

I le avea ai ma soo o le Faaola, e faamoemoeina i tatou e fuafua ma sauniuni … Na faamamafa mai e le Faaola i Lana auaunaga, e aofia ai i [Lana] faataoto i taupou vāialea ma [le faataoto] i taleni.I nei faataoto ta’itasi, sa viia ai e le Ali’i ia sauniuniga ma le galue ae tauemuina le faatuai ma le paie.(“O Se Tulaga Sili Ona Lelei: Ia Agava’a mo le Malumalu—i Taimi Lelei ma Taimi Leaga,” Liahona, Nov. 2015, 40)

Ae faapefea pe a faigata ia te a’u ona faatoilalo le faatuai?

Na faamanatu mai e Elder Dieter F. Uchtdorf o le Korama a Aposetolo e Toasefululua ia i tatou:

Sa ou aoaoina i le amataga o le olaga, e le manaomia ona faatali mo se tausaga fou ina ia maua ai se amataga fou i lo’u olaga patino.Faatasi ai ma aso fou taitasi uma, e oo mai se tafa o ata fou—e le gata mo le lalolagi ae faapea foi mo oe ma a’u.Ma o aso fou taitasi uma e oo mai ai se amataga fou—o se avanoa e toe amata ai ma aloese mai le matautia o le faatuutuu.(Facebook.com/dieterf.uchtdorf, Ian. 5, 2021)

Na faamanatu mai ia i tatou e Elder Dale G. Renlund o le Korama a Aposetolo e To’asefululua:

“E popole tele le Atua po o ai i tatou ma po o a ituaiga tagata e avea ai i tatou, nai lo tagata sa tatou i ai i le tuanai.E finagalo o Ia ina ia tatou taumafai pea.(“Le Au Paia o Aso e Gata Ai, Taumafai Pea,” Liahona, Me 2015, 56)

Aisea e le o se mea atamai ai le faatuai?

Na apoapoa’i mai Peresitene Thomas S. Monson:

O le [faatuai] o le gaoi lea o lo tatou tamali’iaga.E vina mai ia i tatou ma faaleagaina ai lo tatou fiafia.E na te taotaomia i tatou mai le faataunuuina atoatoa o o tatou faanaunauga ma faamoemoega.(“The Lighthouse of the Lord,” New Era, Fep. 2001, 8)

Gaoioiga Faaopoopo e Aoao Ai

Laasaga laiti e alofia ai le faatuai

Afai e aoga i tagata a’oga le fatuina o se fuafuaga e mafai ona fesoasoani i se tasi e faatoilalo ai le faaosoosoga o le faatuai, e mafai ona latou toe fai le gaoioiga o lo o maua i le “Make the Choice: Preparation or Procrastination” (New Era, Nov. 2012, 27).E mafai e tagata a’oga ona faailoa se poloketi tele atu ua ia i latou pe o le a iai i le lumanai.I le galulue ai ma se paga, e mafai e tagata a’oga ona fatu ni laasaga ta’itasi o se fuafuaga e mafai ona fesoasoani e ausia ai le galuega tele atu. E ono talanoaina e tagata a’oga le tulaga lenei a o fatuina la latou fuafuaga.

O a nisi o mea e mafai ona e fai ina ia faatino ai ma le faatuatua ia Iesu Keriso i au sauniuniga?
E ono faapefea ona faalauteleina e le Tamā Faalelagi ma Iesu Keriso au taumafaiga ina ia saunia mo lenei galuega?

E mafai ona faasoa mai e tagata a’oga a latou fuafuaga i le vasega.

O le faataoto i le paie

I le avea ai o se filifiliga mo la latou ata faaali o lo o lapatai mai ai i lamatiaga o le faatuai, e mafai e tagata a’oga ona faaaoga le tala i le paie (o se tagata paie tele) ma le loi mai i le Faataoto 6:6–11.E mafai ona faitau e tagata a’oga le fuaitau ma tusi ata e pei o se atafaasolo malie.

I le pusa mulimuli o le atafaasolo malie, e mafai e tagata a’oga ona faaaofia ai nisi o aoaoga a le Faaola e uiga i le alofia ai o le faapaie, le taua o le galue, po o le agai i luma ma le faatuatua ia te Ia.Afai e manaomia e tagata a’oga se taitaiga, e mafai ona e fautua fuaitau e pei o le 1 Korinito 9:24; 1 Nifae 3:7; Mosaea 4:27; Mataupu Faavae ma Feagaiga 58:26–28.

O taunuuga o le faatuai

A o faasoa mai e tagata a’oga nisi o taunuuga o le faatuai i meaa’oga, e te ono faasoa atu le faataitaiga malie na taua e Elder Donald L. Hallstrom o le Fitugafulu, e uiga i lona atali’i i le “Do It Now,” mai i le taimi faailo 0:00 i le 2:13.Mafaufau e valaaulia tagata a’oga e faasoa mai e uiga i se taimi na tupu ai ia i latou po o se isi latou te iloa, se taunuuga le lelei o le faatuai.

9:23