“Faamaopoopoina o Galuega ma Mea e Faamuamua: O le Faataitaiga a le Faaola e Mafai Ona Fesoasoani ia i Tatou e Aumaia le Maopoopo i o Tatou Olaga,” Tusi Lesona a le Faia’oga Seminare o le Feagaiga Tuai (2026)
“Faamaopoopoina o Galuega ma Mea e Faamuamua: O le Faataitaiga a le Faaola e Mafai Ona Fesoasoani ia i Tatou e Aumaia le Maopoopo i o Tatou Olaga,” Tusi Lesona a le Faia’oga Seminare o le Feagaiga Tuai
Faamanuiaina i le A’oga: Lesona 194
Faamaopoopoina o Galuega ma Mea e Faamuamua
O le Faataitaiga a le Faaola e Mafai Ona Fesoasoani ia i Tatou e Aumaia le Maopoopo i o Tatou Olaga
O le a le lelei o lau faamaopoopo ma faamuamua o galuega e manaomia ona faia i aso ta’itasi?E mafai ona fesoasoani le Tamā Faalelagi ma Iesu Keriso ia i tatou e aumaia le maopoopo i o tatou olaga ma faaaoga lelei sili atu ai o tatou taimi ma puna’oa.Pe a taumafai tagata a’oga e faamuamua le Tamā Faalelagi ma Iesu Keriso, e mafai ona latou ausia lelei sili atu ai a latou meaa’oga nai lo o le taumafai e fai to’atasi.O lenei lesona e mafai ona fesoasoani i tagata a’oga e aoao auala e mafai ai e le faataitaiga a le Faaola ona aumaia le maopoopo i a latou meaa’oga.
Sauniuniga a le tagata a’oga: Valaaulia tagata a’oga e fai se lisi o meaa’oga e manaomia ona latou faauma i lenei vaiaso.E ono aofia ai meaa’oga i le fale, suega, poloketi, po o faitauga atofaina (aofia ai le seminare).
Gaoioiga e Ono Mafai Ona Aoaoina Ai
Aumaia ai o le maopoopo i le vevesi
Ina ia amata le vasega, mafaufau e faaali atu se mea e manaomia ai ni laasaga se tele ina ia faamae’a ai (e pei o ni faatonuga mo se gasesega, o se paso, po o se poloketi e fai e oe lava ia).Valaaulia tagata a’oga e faasoa mai nisi o auala eseese e mafai ona e fai e faamae’a ai le galuega.Mo se faataitaiga, ina ia tuufaatasi se paso, e mafai e se tasi ona sasa’a uma fasivaega o le paso i le taimi e tasi, tuu eseese muamua fasi pito tulimanu pe faavasega fasi pito i lanu.
-
Aisea e faigata ai ona faavasega ma faamuamua se poloketi e tele ni laasaga e faamae’a ai.
-
E ono faapefea ona pei lenei mea o le faamaopoopoina ma le faamuamuaina o meaa’oga?
O faamanuiaga o le faamaopoopoina o galuega ma mea e faamuamua
E ono fesoasoani le faamautinoa atu i tagata a’oga e faapea, e silafia e le Tamā Faalelagi ma Iesu Keriso le pisi o o tatou olaga ma e manaomia ai le tele o le taimi ma le gauai.E ala mai i a Laua perofeta, ua La apoapoai mai ai ia i tatou e uiga i le auala e taulimaina ai le tele o tuatuano’a tatou te feagai.
Faitau fuaitau o mau nei, vaavaai mo le taua o le taumafai e maua le maopoopo i o tatou olaga:
Salamo 37:23–24
1 Korinito 14:40
Mataupu Faavae ma Feagaiga 28:13; 132:8
-
O le a se mea o aoao mai e nei fuaitau ia i tatou e uiga i le maopoopo?
A uma ona maua se avanoa e tali mai ai tagata a’oga, e ono fesoasoani le faailoa atu e faapea sa maopoopo ma faatulaga lelei [e] Iesu Keriso Lana galuega.E ala mai tusitusiga paia, ua Ia valaaulia i tatou e faia le mea lava lenei e tasi (tagai i le 1 Korinito 14:40; Mosaea 4:27).
Mai nei fuaiupu, fesoasoani i tagata a’oga ia iloa o le mauaina o le maopoopo i o tatou olaga, e fesoasoani ia i tatou e mulimuli i le faataitaiga a Iesu Keriso.
E mafai ona tuu atu se valaaulia e pei o lenei e fesoasoani i lau vasega e saili faaaliga patino a o latou suesue.
Mafaufau ma le agaga tatalo pe o le a le tele o le maopoopo ma faatulagaga o ia te oe pe a oo i le tulaga o au galuega o le a’oga ma meaa’oga.Valaaulia le Agaga Paia e fesoasoani ia te oe ia iloa fuafuaga o le faamaopoopoina ma le faamuamuaina ina ia ono faateleina ai le maopoopo i lou olaga.
O Le Foafoaga: O se mamanu o le maopoopo
Mafaufau e faaali atu se ata o le lagi ma lo tatou lalolagi.I lalo o le taitaiga a le Tamā Faalelagi, o le tala i le foafoaina e le Faaola o le lalolagi, e mafai ona aoaoina ai i tatou i fuafuaga e sili lelei ai ona faamaopoopo a tatou galuega ma mea e faamuamua.
-
Aisea e taua ai le faatulaga lelei ma le maopoopo e pei o le foafoaina e Ieova (Iesu Keriso) o le lalolagi?
Ona faaali atu lea o faatonuga nei mo tagata a’oga.Mafaufau e faavasega tagata a’oga i ni vaega to’alaiti mo lenei gaoioiga.
Faitau le Aperaamo 4:1–25; 5:2–3.Mafaufau loloto i fesili nei a o e suesue.
-
O a nisi o auiliiliga e te iloa e mafai ona fesoasoani ia i tatou pe a tatou faamaopoopoa galuega ma mea e faamuamua?
-
O nisi o mea na faia e le Tamā Faalelagi ma Iesu Keriso ina ia aumaia ai le maopoopo i le faagasologa o le Foafoaga?(Mo se faataitaiga: O le a le mea La te faia muamua?E faapefea ona La taulimaina galuega tetele?)
-
Aisea e te manatu ai e taua mo i Laua le faaalu o se taimi e manatunatu ai ma lagona e faapea ua “lelei” la Laua galuega?(Tagai i le Aperaamo 4:21.)
Faatatauina o le Foafoaga i o tatou olaga.
I totonu o lau api talaaga mo suesuega, lisi nisi o auala e mafai ai ona fesoasoani le tala i le Foafoaga i se tasi i le faamaopoopoina o a latou meaa’oga.
Pe a tatou faatatau tusitusiga paia ia i tatou lava, tatou te suesue le tala ua tuuina mai ma vaavaai mo auiliiliga e foliga mai e taua, faatusatusa i o tatou tulaga, iloaina lesona taua, ma faaaoga i o tatou olaga.E ono vaavaai tagata a’oga i auiliiliga nei mai le Aperaamo 4–5 e mafai ona faatatau i a latou taumafaiga e faamaopoopo galuega ma mea e faamuamua.Afai e manaomia e tagata a’oga se taitaiga faaopoopo, e mafai ona e faasino atu fuaiupu ma fasifuaitau nei.
“Ia i ai le malamalama” (tagai i le Aperaamo 4:1–4).E ono iloa e tagata a’oga e taua le iai o le malamalama o Keriso i o latou olaga.
“ma sa faapea lava, e pei lava ona la poloaiina” (Aperaamo 4:7).I laasaga ta’itasi o a tatou galuega, e mafai ona tatou faailoa ai galuega pito taua ma faamuamua le faamae’aina a o le’i agai e faia se isi mea.
“Ia tatou saunia le eleele e tupu ai le mutia” (Aperaamo 4:11).O le sauniaina ai o le eleele mo le totoina [o mea totō] e mafai ona faatusaina i le vaevaeina o galuega tetele i ni laasaga laiti, ma sili atu ona faigofie ona pulea.
Sa maitauina e le Tamā Faalelagi ma Iesu Keriso “sa lelei la latou fuafuaga” (Aperaamo 4:21).E faapena foi i tatou, e mafai ona maitauina mea “lelei” i o tatou olaga (mea ua e ausiaina) ma patipatia mea ua tatou ausia.
“O le a [tatou] malolo” (Aperaamo 5:2).E mafai ona tatou faapaiaina le Sapati o se aso e malolo ai mai a tatou galuega.
-
E mafai faapefea e auiliiliga ua e mauaina ona fesoasoani ia te oe e mulimuli lelei atili ai i le faataitaiga a le Faaola pe a e taumafai e faamaopoopo au meaa’oga?
Ina ia fesoasoani i tagata a’oga e iloilo malosiaga ma vaivaiga o le faamaopoopoina o a latou meaa’oga, e mafai ona e faaali atu faatonuga nei.Atonu e lagona e nisi o au tagata a’oga le faavaivai a o latou faamae’aina lenei iloiloga faaletagata lava ia.Faamautinoa atu ia i latou o le avea ai ma fanau a le Atua, e alofa o Ia ia i tatou, e onosai i lo tatou tuputupu a’e, ma e naunau e fesoasoani ia i tatou i mea e faaleleia.
Faaalu se taimi e iloilo ai ma le agaga tatalo, pe faapefea le talafeagai o faaupuga ta’itasi i lona faamatalaina o le auala o lo o e faamaopoopoai galuega ma faamuamua i le taimi nei (matua moni, fai si moni, le moni).
-
Ou te faamuamua le Tamā Faalelagi ma Iesu Keriso i lo’u olaga e ala i le faia o mea e pei o suesuega faifai pea o tusitusiga paia, ma tatalo patino e fesoasoani ia te a’u i lo’u aso aoga atoa.
-
Ou te siakiina lelei [a’u] meaa’oga ma tuuina atu i le taimi e tatau ai.
-
Ou te mua’i sauniuni mamao mo su’ega ma galuega tetele.
-
O a’u faamaumauga a le vasega, ato faafafa, api, ma meaa’oga i le fale e mama ma maopoopo.
-
Ou te lagona e mafai ona ou galue faafoefoe lelei i galuega tetele ma e le tuua seia oo i le minute mulimuli.
-
Ou te lagona le to’amalie e talanoa i lo’u faia’oga pe a iai ni a’u fesili pe manaomia o se fesoasoani faaopoopo.
E te ono filifili se vaega se tasi e te iloa e faafaigata ia te oe, e taulai iai mo le gaoioiga o sosoo mai.
Faataitai le faamaopoopoina o galuega ma mea e faamuamua
O le faataitaiina o le faamaopoopoina ma le faamuamuaina o a latou meaa’oga, e mafai ona fesoasoani i tagata a’oga e faateleina ai le maopoopo i o latou olaga.
O se tasi o auala e fesoasoani i tagata a’oga e faataitai ai nei tomai o le tuuina atu lea o se kopi o le pepa e tufa atu “Faamaopoopoina ma le Faamuamuaina o A’u Meaa’oga.”
Valaaulia tagata a’oga e faamae’a nisi po o gaoioiga uma i luga o le pepa e tufa atu.E mafai ona faamae’aina i ni vaega to’alaiti pe i ni paga.Ona faasoa mai lea e tagata a’oga i isi ni manatu na fesoasoani ia i latou ia sili atu ai ona faamaopoopoina lelei.
Pe a uma se taimi talafeagai, e te ono valaaulia se sooupu mo vaega ta’itasi e faasoa mai nisi o mea na talanoaina e le vaega i le taimi o le gaoioiga i le pepa e tufa atu.A o faia e tagata a’oga se fuafuaga e mulimuli ai i le faataitaiga a le Faaola o le faamaopoopoina, e te ono manao e faailoa atu o se tasi o auala e fesootai mai ai le Tamā Faalelagi ia i tatou, e ala lea i le fesoasoani ai ia i tatou ia iloa manatu tatou te ono mananao e faataitai.
I totonu o lau api talaaga mo suesuega, tusi i lalo se mea se tasi e te manao e faataitai ina ia lelei atili ai le faamaopoopo ma le faamuamua i au meaa’oga.
-
E te ono valaaulia faapefea le Tamā Faalelagi ma Iesu Keriso e faalautele au taumafaiga.
Faamautinoa atu i tagata a’oga e faapea, o le taumafai ia lelei atili ona faamaoopo ma faamuamua meaa’oga, e ono manaomia ai ni taumafaiga faifai pea.E te ono faasoa atu lau molimau e faapea e alolofa le Tamā Faalelagi ma Iesu Keriso ia i latou ma o le a faaleleia a latou taumafaiga ia faatino lelei atili.