Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Avea ma Matafaioi Lou Aoaoina: Aloese mai ‘Alofagama Faagaioi Aoaoga

“Avea ma Matafaioi Lou Aoaoina: Aloese mai ’Alofaga ma Faagaoioi Aoaoga,” Tusi Lesona a le Faia’oga Seminare o le Feagaiga Tuai (2026)

“Avea ma Matafaioi Lou Aoaoina: Aloese mai ’Alofaga ma Faagaioi Aoaoga,” Tusi Lesona a le Faia’oga Seminare o le Feagaiga Tuai

Faamanuiaina i le A’oga: Lesona 193

Avea ma Matafaioi Lou Aoaoina

Aloese mai ’Alofaga ma Faagaioi Aoaoga

Pe a oo ina faigata meaa’oga, tatou te faia ni ’alofaga i nisi taimi ma aloese ai mai le faia o faatinoga [tatau].Pe a tatou mulimuli i le faataitaiga a le Faaola ma avea ma matafaioi lo tatou aoaoina, o le a faateleina ai lo tatou atamai e pei ona Ia faia (tagai i le Luka 2:52).O lenei lesona e mafai ona fesoasoani i tagata a’oga ia faailoa faatinoga e mafai ona fesoasoani ia i latou e avea ma matafaioi lo latou aoaoina.

Sauniuniga a le tagata a’oga: Valaaulia tagata a’oga e mafaufau e uiga i a latou taumafaiga faaleaoaoga e faaaoga ai fesili nei:

O a nisi o mea e lelei ona ou faatinoina e fesoasoani ia te a’u i le a’oga?
E faafia ona ou faia ‘alofaga e ono faalavelaveina ai lo’u aoaoina?

Gaoioiga e Ono Mafai Ona Aoaoina Ai

Matafaioi mo lo tatou aoaoina

Valaaulia tagata a’oga e faia se ata faataitai e uiga i se talavou ma se faaiuga le lelei na latou fai e uiga i a latou meaa’oga.Mo se faataitaiga, e le’i suesue le talavou mo se suega, na tuai i le vasega, misia se meaa’oga taua, pe e le’i faaoo i totonu lana tala tusia.E mafai ona e tuuina atu i se tagata a’oga e tusi se ata faafasilaau i luga o le laupapa, faaigoa le talavou, ma tusi lana filifiliga le lelei i lalo o le ata faafasilaau.

Ona e tusia lea o le ’Alofaga i luga a’e o le ata faafasilaau.Mafaufau e valaaulia tagata a’oga e tusi a latou tali i fesili nei faataamilo i le ata faafasilaau i luga o le laupapa:

O a nisi o ’alofaga e ono faia e se talavou mo lenei filifiliga le lelei?
Aisea e te manatu tatou te faia ai i nisi taimi ’alofaga mo nei ituaiga o filifiliga?

Na aoao mai e Peresitene Russell M. Nelson ma Elder D. Toff Christofferson o le Korama a Aposetolo e To’asefululua ni upumoni taua e fesoasoani e manatua ai taimi e ono faaosoosoina ai i tatou e faia ni ’alofaga mo filifiliga le lelei i le a’oga.

O le aoaoina o lau mea lena ia maua.E leai se tasi e mafai ona ia mauaina mo oe.Po o fea lava o e i ai, atiina ae se naunautaiga loloto e aoao.Mo i tatou i le avea ai ma ni tagata o le Au Paia o Aso e Gata Ai, o le mauaina o se aoaoga e le na o se avanoa, o se tiutetauave faalelotu.(“Will You Choose to Increase in Learning?,” New Era, Sep. 2014, 2)

I taua uma faaletino ma le faaleagaga, o le avanoa e talia ai le matafaioi faaletagata lava ia o se meaalofa lea ua tuu mai e le Atua, a leai ma lea, e le mafai ona tatou iloa o tatou gafatiaga faaolioli atoatoa o ni afafine ma atali’i o le Atua.(“Saoloto e Faavavau, e Galue mo i Latou Lava,” Liahona, Nov. 2014, 18)

O le a se mea e tumatila ia te oe mai nei faamatalaga?
Aisea e taua ai le avea ma matafaioi patino lo tatou aoaoina?

Mafaufau e fesoasoani i tagata a’oga ia iloa lenei upumoni, e ala i le tusiaina i tafatafa o le ata i luga o le laupapa: O le avea o lo tatou aoaoina ma a tatou lava tiutetauave patino, e fesoasoani tatou e iloa ai o tatou gafatia atoatoa o ni afafine ma atali’i o le Atua.
O a nisi o mea patino e mafai ona faia e se talavou e avea ai ma matafaioi lo latou aoaoina?
E faapefea e le avea ma matafaioi patino lo tatou aoaoina, ona fesoasoani ia i tatou e avea atili ai faapei o le Faaola?

A o tali e tagata a’oga i fesili o i luga, e te ono valaaulia i latou e faasoa mai uiga o Iesu Keriso na faaalia ao Ia avea ai ma matafaioi Lana auaunaga ma le misiona (e pei o le filigā, loto maualalo, ma le alofa).

Faaalu sina taimi e mafaufau ai e uiga i le atia’eina o uiga faaKeriso, e mafai ona fesoasoani ia te oe e faatoilalo ’alofaga ma avea ma matafaioi mo lou aoaoina.Faalogologo mo musumusuga mai le Agaga Paia e mafai ona fesoasoani ia te oe ia faailoa uiga e mafai ona e atia’eina po o faatinoga e mafai ona e faia e avea ai ma matafaioi mo au meaa’oga.

Faataitaiga mai tusitusiga paia o le avea ai ma matafaioi

2026 Old Testament Seminary Teacher Materials

Faatoilaloina o ’alofaga e avea ai ma matafaioi le aoaoina

Ina ia fesoasoani i tagata a’oga e sauni e vaavaai i o latou lava olaga ma faatoilalo ni ’alofaga atonu o latou faia, e ono fesoasoani le faia o le gaoioiga lenei o se vasega.

Mafaufau i le talavou mai le amataga o le vasega.Manatunatu i mea sa e aoaoina mai tusitusiga paia ma aafiaga patino, e uiga i le avea ai ma matafaioi lou aoaoina.Fesoasoani i lenei talavou e ala i le fautuaina atu o uiga ma faatinoga faaKeriso, ia e faaali ai se faanaunauga e avea ma matafaioi le aoaoina e talanoaina ai ’alofaga o i luga o le laupapa.

Ae latou te le’i amata, e ono fesoasoani le tuuina atu o se faataitaiga i tagata a’oga.O se ’alofaga mo le tuai ona taunuu e mafai ona faapea “e le’i fafaguina a’u e lo’u tina i le taimi e tatau ai.”E ono faailoa mai e tagata a’oga le, “O le a ou magafagafa e pei o le Faaola ma seti se faailo ina ia mautinoa ai ou te taunuu i le a’oga i le taimi e tatau ai.”E te ono tusia fautuaga a tagata a’oga latalata i ’alofaga ta’itasi.

E mafai faapefea ona fesoasoani le Faaola i a tatou taumafaiga e avea ai ma matafaioi lo tatou aoaoina?

Mafaufau e valaaulia tagata a’oga naunau e faasoa mai mea na latou faia i o latou olaga ina ia avea ai ma matafaioi lo latou aoaoina.A o latou faasoa mai, faamalo atu i tagata a’oga mo taumafaiga o loo latou faia.

Matafaioi mo lo’u aoaoina

Valaaulia tagata a’oga e faatumu le vaega mulimuli o le pepa e tufa atu.E te ono manao e faasoa atu mea nei ia i latou ao latou saili mo le fesoasoani a le Ali’i e avea ai ma matafaioi lo latou aoaoina.

A o e saili faaaliga mai le Tamā Faalelagi i le auala e faaleleia ai, e mafai ona uunaia oe e le Agaga Paia i suiga manaomia.E mafai foi ona tatou manatua e le tatau ona tatou faia na’o i tatou; e mafai ona tatou saili mo le fesoasoani mai le Faaola (tagai i le Isaia 41:10).

Mafaufau e valaaulia tagata a’oga naunau e faasoa mai mea ua uunaia i latou e fai.E te ono faasoa atu se faataitaiga mai lou olaga i le avea ai ma ou matafaioi lou aoaoina.Uunaia tagata a’oga e ave le latou pepa ua tufa atu i le fale ina ia fesoasoani ia i latou e manatua mea na latou lagona le uunaiga e faia i le asō.

O Puna’oa Faaopoopo

Aisea e taua ai ona faapatino se tulaga po o matafaioi?

Na aoao mai Elder David A. Bednar o le Korama a Aposetolo e To’asefululua e faapea:

O la tatou matafaioi patino o le aoao lea o mea e tatau ona tatou aoaoina, ia ola e pei ona tatou iloa e tatau ona tatou ola ai, ma ia avea ma tagata ua finagalo le Matai ia avea ai i tatou.(“Saunia e Maua Mea Manaomia Uma,” Liahona, Me 2019, 102)

Na aoao mai Peresitene James E. Faust (1920–2007) o le Au Peresitene Sili:

I lo tatou sosaiete i aso nei, ua ou vaaia ai le to’atele o tagata o e tuuaia isi mo o latou toilalo.Ua ou maitauina o i latou o e talia le matafaioi patino mo a latou faatinoga, e sili ona faamanuiaina nai lo o i latou o e tuuaia o latou vaivaiga ma le leai o ni mea na ausia i se isi tagata.(“Your Light—a Standard to All Nations,” Liahona, Me 2006, 112–113)

Na aoao mai Elder Lynn G. Robbins o le Fitugafulu:

O le gafataulima 100 pasene o le taliaina lea o oe lava o le tagata e pulea lou lava olaga.Afai e sese isi ma manaʻomia ona sui a o leʻi faia se isi laasaga mo le alualu i luma, o lona uiga o lo o e iai i lo latou alofa mutimutivale ma latou te pule i taunuuga lelei, po o taunuuga manaomia i lou olaga.O le faitalia ma le tiutetauave patino e le mavavaeeseina lo la sootaga.E le mafai ona e alofia le tiutetauave e aunoa ma le faaitiitia foi o le faitalia.(“Be 100 Percent Responsible” [Brigham Young University devotional, Aug. 22, 2017], 11, speeches.byu.edu)

Gaoioiga Faaopoopo e Aoao Ai

Saulo ma Neemia

O se tasi o auala e fesoasoani ai i tagata a’oga e aoao mai tusitusiga paia o le faatusatusa lea o tala faatusi paia se lua.O le gaoioiga lenei e mafai ona faaaoga i le lesona a e le’i suesueina mau i le pepa e tufa atu.E mafai ona e faatulaga tagata a’oga i ni paga ma atofa i paga ta’itasi se tasi o mau faasino nei.

1 Samuelu 15:1–3, 9, 13–14, 20–21

Neemia 6:1–4, 15–16

Valaaulia tagata a’oga e suesue a latou fuaiupu ma vaavaai pe na faapefea e lea tagata ona avea ma ona tiutetauave patino (Neemia) po o le faia o ’alofaga mo ana faatinoga (Saulo).O se tasi o auala e mafai ai e tagata aoga ona faamaopopo o latou manatu o le faaaoga lea o le pepa e tufa atu lenei:

E mafai e tagata a’oga ona faaigoa le li’o tauagavale Saulo ma le li’o taumatau ia Neemia.E mafai ona latou lisia eseesega i li’o ta’itasi ma lisi mea e talitutusa ai i le avanoa e fafa ai lesi lio i lesi li’o.

Matafaioi mo lo’u aoaoina

Ina ia fesoasoani i tagata a’oga e manatunatu i faatinoga ma uiga e mafai ona fesoasoani ia i latou e avea ma tiutetauave patino lo latou aoaoina, e mafai ona e aumai ni nai vaega po o mea uma o le siata lenei:

’Alofaga	Avea ai ma Matafaioi patino
E le’i tuuina atu la’u meaa’oga ona ou te le’i malamalama i lona faiga.	Sa ou faia le tele o mea sa ou iloa ona fai.O le a ou saili mo se fesoasoani i mea ou te le malamalama ai.
Ou te le’i suesue mo la’u suega ona sa faaalu lo’u taimi ma a’u uo.	O le a ou filifili e suesue ae le’i faaalu se taimi ma a’u uo.
E le’i manatua e lo’u tina e fafagu a’u, ma na ou tuai i le a’oga.	E mafai ona ou seti le faailo taimi e fafagu ai a’u ina ia ou taunuu ai i le a’oga i le taimi sao.

E mafai ona e valaaulia tagata a’oga e faaopoopo nisi ata faataitai i le siata, ma talanoaina o nei ’alofaga e mafai ona faasa’oina e ala i le avea ai ma matafaioi patino.I totonu o a latou api talaaga mo suesuega, e mafai e tagata a’oga ona faamae’a uunaiga nei ina ia fesoasoani ia i latou e fai se fuafuaga ina ia gafataulima atili.

O se ’alofaga na ou faaaogaina e alofia ai le gafataulimaina o a’u meaa’oga o le .

O se faatinoga gafataulima e mafai ona ou faataitaia o le .

100 pasene o le gafataulimaina patino

A o le’i mafaufau tagata a’oga i ata faataitai faaleaoaoga talafeagai po o ‘alofaga po o faatinoga e ono faia e talavou, e mafai ona e faaali atu le vitiō “Inspiring Short: 100 Percent Responsible” (3:22).I lenei vitiō, ua faasoa mai ai e Elder Lynn G. Robbins o le Fitugafulu se tala i le auala na faatoilalo ai e se aufaigaluega e toalua o se faleteu oloa ni a la ’alofaga i le la galuega.A uma le matamataina o le vitiō, e mafai ona faailoa mai e tagata a’oga tulaga faaleaoaoga e ono faigofie ona faia ai ni ’alofaga.E mafai ona latou faailoa mai faatinoga e mafai ona faatoilaloina ai na ’alofaga.