Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faaaofia Ai o le Ali’i i Lou Aoaoina: O le a Faalautele ma Faamalosia e le Ali’i Au Taumafaiga

“Faaaofia Ai o le Ali’i i Lou Aoaoina: O le a Faalautele ma Faamalosia e le Ali’i Au Taumafaiga,” Tusi Lesona a le Faia’oga Seminare o le Feagaiga Tuai (2026)

“Faaaofia Ai o le Ali’i i Lou Aoaoina: O le a Faalautele ma Faamalosia e le Ali’i Au Taumafaiga,” Tusi Lesona a le Faia’oga Seminare o le Feagaiga Tuai

Faamanuiaina i le A’oga: Lesona 192

Faaaofia Ai o le Ali’i i Lou Aoaoina

O le a Faalautele ma Faamalosia e le Ali’i Au Taumafaiga

I totonu o aoa’oga, o le a tatou feagai ai ma faalavefau a o tatou galulue e faateleina lo tatou atamai ma le malamalama o le mea moni.E le tatau ona tatou feagai ma nei luitau na’o i tatou.E popole mai le Tamā Faalelagi ma Iesu Keriso ia i tatou ma lo tatou agaigai i luma, ma La te finagalo e fesoasoani ia i tatou i a tatou taumafaiga i le a’oga.O lenei lesona e mafai ona fesoasoani i tagata a’oga e faaaofia ai le Ali’i i lo latou aoaoina.

Sauniuniga a le tagata a’oga: Valaaulia tagata a’oga e manatunatu i le auala ua latou vaaia ai le fesoasoani a le Ali’i ia i latou po o se isi latou te iloa a o aoao i le a’oga.E mafai ona sauni e faasoa mai lenei aafiaga i le vasega.

Gaoioiga e Ono Mafai Ona Aoaoina Ai

O luitau i le a’oga

Mafaufau e amata le vasega e ala i le valaauliaina o tagata a’oga e o mai i luma o le potu a’oga e faamae’a se galuega e manaomia ai le fesoasoani a isi.Mo se faataitaiga, fusi mata o le tagata a’oga ma fai atu iai e faavasega lole po o lopa e fua i o latou lanu.Afai e faafaigata i le tagata a’oga i le amataga, e mafai ona fai atu se fesili e pei o le, “e faapefea e isi i totonu o le potu ona fesoasoani ia te oe?”

E mafai faapefea e lenei faataitaiga ona fesootai i a tatou taumafaiga e aoao ai i le a’oga?
O a nisi o tulaga i le a’oga pe i le aotauina e ono avea ma luitau mo talavou?

E ono aofia i tali a tagata a’oga mea e pei o le tauivi i se mataupu patino i le a’oga, o se faafitauli tau le aotauina, po o faafitauli i le faasoasoaina o le taimi.Atonu e te lisiina nei tali i luga o le laupapa.E mafai ona e uunaia tagata a’oga e tusi i lalo se luitau o lo o latou feagai ai i le taimi nei i a latou aoaoga.O lenei lisi o le a aoga e fai ma faasinoga i le lesona atoa.

E faamanuiaina e le Ali’i a tatou taumafaiga amiotonu

Faitau le faamatalaga lenei mai ia Elder Clark G. Gilbert o le Fitugafulu, vaavaai po o fea e mafai ona tatou liliu iai mo se fesoasoani i luitau i a tatou taumafaiga e aoao i le a’oga.

Ou te iloa o le tulitulimatagauina o lau aoaoga e mafai ona avea ma luitau ma e manaomia ai le faataulaga.Ou te iloa le malosi o lou galue ai ma e tele po faigata a o e ala umi e faamae’a au meaaoga, aoao ni manatu faavae fou, ma faafoefoe isi tuutooga faatauanau i lou olaga.Ae ia onosai tumau pea iina.Ia faaauau pea ona faaalia le tinoū moni.Ae ia saunia foi e agai atu mai le tinoū i le tauagafau.Faaaofia le Alii.Tatalo mo Lana fesoasoani, ma o le a Ia faalautele i au taumafaiga.Iloa le tele o lo matou alofa mo oe.Ae sili ai ona taua, iloa le tele o le alofa o le Ali’i mo oe ma o le a faamalosia oe i au taumafaiga amiotonu uma e aoao ma tuputupu a’e ma avea atili faapei o Ia.(“From Grit to Grace” [Faigalotu a le Lalolagi Aoao a le BYU–Pathway, Sete. 25, 2018], 2, byupathway.edu)

O le a se mea ua e maua ua aumaia ai ie te oe le faamoemoe pe faamalosia ai se talavou i a latou aoaoga?

A o faasoa mai tagata a’oga, fesoasoani ia i latou ia faailoa se mataupu faavae e pei o le pe a tatou faaaofia le Ali’i i a tatou aoaoga, o le a Ia faalautele ma faamalosia a tatou taumafaiga.
E ono faapefea ona faamanuia, faalautele, pe faamalosia e le Ali’i a tatou taumafaiga pe a tatou faaaofia o Ia i lo tatou aotauina?

E ono ta’ua e tagata a’oga mea e pei o le auala e mafai ai ona fesoasoani le Ali’i ia i latou e manatua mea na latou suesueina, maua le onosai i faia’oga ma tagata i le vasega, po o le lagona o le filemu i le taimi o se suega.E te ono faamatala atu e masani ona fesoasoani le Ali’i ia i tatou e aoao e ala mai le Agaga Paia, lea e mafai ona faatumulia i tatou i le filemu, fesoasoani ia i tatou e iloa le mea moni, ma faamalamalamaina o tatou mafaufau (tagai i le Roma 15:13; Moronae 10:5; Mataupu Faavae ma Feagaiga 6:15).

Auala e faaaofia ai le Ali’i i lou aotauina

2026 Old Testament Seminary Teacher Materials

A uma ona faatumu e tagata a’oga le pepa e tufa atu, mafaufau e valaaulia i latou e filifili se sooupu e faasoa maia mea na talanoaina e la latou vaega.

E faavae i mea na e aoaoina, o a nisi o mea patino e mafai ona tatou faia e faaaofia ai le Ali’i i lo tatou aotauina?

Afai e manaomia e tagata a’oga se taitaiga faaopoopo, e mafai ona e faasoa atu nisi po o mea uma nei, o ni auala e faaaofia ai le Ali’i i lo tatou aotauina.

Maitau ma faafetai mo ni faaleleiga itiiti pe faifai pea (2 Nifae 28:30).
I le tatalo, ole atu i le Tamā Faalelagi mo faamanuiaga patino e pei o le mauaina o le lototele e sii ai i luga lou lima, fai atu fesili, ma le sailia o se fesoasoani faaopoopo (Eteru 2:18–23).
Faailoa ou vaivaiga ma faatino le faatuatua i le Ali’i e faapea o le a Ia fesoasoani ia te oe i na mea (Mose 6:31–34; Mose 7:13).
Suesue faamaumauga mai le vasega i aso ta’itasi ma talosaga atu mo se faamanuiaga faaperisitua ae le’i faia se suega po o se meaaoga atofa taua (Mataupu Faavae ma Feagaiga 88:118).

Mafaufau e valaaulia tagata a’oga e faasoa mai se aafiaga o se auala na faalauteleina ai ma faamalaosia i latou e le Ali’i po o se isi latou te iloa, ina ua latou faaaofia le Ali’i i lo latou aotauina.

Faaaofia ai le Ali’i i lo tatou aotauina

Tuu atu se taimi i tagata a’oga e fai ai se fuafuaga e faaaofia le Ali’i i lo latou aotauina.E mafai ona e faaali atu o faatonuga nei ma uunaia tamaiti a’oga e tusi la latou fuafuaga i a latou api talaaga mo suesuega.

Mafaufau e uiga i le luitau o lo o oulua feagai ai i le taimi nei i au aoaoga.Faamae’a mea nei i lau api talaaga mo suesuega.

O le a le vaega o au meaa’oga e te naunau e taumafai e faaaofia ai le Tamā Faalelagi ma Iesu Keriso?Ia faama’oti mai mea o le a e faia.

E te ono fai atu i ni tagata a’oga naunautai e faasoa mai mea ua musuia i latou e fai.Mafaufau e faasoa atu lau molimau i le Tamā Faalelagi ma Iesu Keriso, ma le auala o le a La faamanuiaina ai i tatou a o tatou faaaofia ai i Laua i lo tatou aotauina.

O Puna’oa Faaopoopo

Ae faapefea pe afai o iai ni o’u luitau ua faafaigata ai ia te a’u ona a’oa’o?

Sa aoao mai Peresitene Dieter F. Uchtdorf, o le sa avea ma se tasi o le Au Peresitene Sili:

19:13

E ui e tofu uma i tatou ma vaivaiga, ae mafai ona tatou faatoilaloina i latou.O le mea moni e ala i le alofa tunoa o le Atua, pe afai tatou te faamaualalo i tatou lava ma maua le faatuatua, e mafai ai ona avea mea vaivai ma mea malolosi.

I o tatou olaga atoa, ua faaee mai ai e le alofa tunoa o le Atua faamanuiaga faaletino ma meaalofa faaleagaga ia e faalauteleina ai o tatou gafatia ma faatamaoaigaina ai o tatou olaga.O Lona alofa tunoa e faamamaina ai i tatou.E fesoasoani Lona alofa tunoa ia i tatou ia avea ai i tatou ma ni tagata silisili ona lelei.(“O Le Meaalofa o le Alofa Tunoa,” Liahona, Me 2015, 108)

Na aoao mai e Peresitene Henry B. Eyring:

E silafia e le Alii mea uma e finagalo o Ia e te faia ma mea e manaomia ona e iloa.E agalelei o Ia ma na te Ia silafia mea uma.O lea, e mafai ona e faamoemoe ma le to’a ua Ia saunia ni avanoa mo oe e te aoao ai e sauniuni ai mo le auaunaga o le a e tuuina atu.O le a e le iloaina atoatoa na avanoa, pei foi ona ou le i iloa.Ae a e faamuamua mea faaleagaga i lou olaga, o le a faamanuiaina oe ia e lagonaina le taitaiina atu o oe i ni aoaoga faapitoa, ma o le a faaosofia foi oe e te galue malosi atu.O le a e iloa mulimuli ane o lou malosi e auauna atu ai na faateleina, ma o le a e [maua le] loto faafetai.(“Aoaoga mo le Olaga Moni,” Tagavai, Oke. 2002, 18–19)

Aisea e tatau ai ona ou liliu atu i le Atua mo se fesoasoani i lo’u aotauina?

Na saunoa mai Elder Ronald A. Rasband o le Korama a Aposetolo e To’asefululua:

E taua i tatou taitoatasi ma alofagia e le Alii, o lē e manatu mai, o lē e musumusu mai, ma o lē e puipuia i tatou i ni ala e tulagaese mo i tatou taitoatasi.E sili atu Lona poto ma e sili atu foi Lona mamana nai lo alii ma tamaitai o le lalolagi.Na te silafia o tatou luitau, o o tatou manumalo, ma manaoga amiotonu o o tatou loto.(“E ala i le Fuafuaga Paia,” Liahona, Nov. 2017, 56)

Na aoao mai Peresitene Russell M. Nelson:

Uso e ma tuafafine pele, o le Atua o le puna lea o mea moni uma.E opogi e Le Ekalesia a Iesu Keriso o le Au Paia o Aso e Gata Ai upumoni uma lea ua tuuina mai e le Atua i Ana fanau, pe latou te aoaoina i se potu suesue faasaienitisi pe mauaina e ala i faaaliga tuusa’o mai ia te Ia.(“O Le A Le Mea Moni?”Liahona, Nov. 2022, 30)

Gaoioiga Faaopoopo e Aoao Ai

Se isi amataga

Nai lo o le valaaulia o tagata a’oga e faauma se galuega i le amataga o le vasega, e mafai ona e faaali atu ni ata o se toafa ma se togalaau e pei o ata nei e lua.E te ono fai atu i tagata a’oga e faasoa mai mea latou te mafaufau iai pe a latou mafaufau i se toafa e faatusa i se togalaau.

Faitau le Salamo 63:1 ma le Isaia 58:11, vaavaai po o le se mea ua aoao mai e nei fuaiupu e uiga i le Ali’i.

E faapefea ona fesootai nei ata i mea ua e aoaoina e uiga i le Ali’i?
Aisea ua avea ai le vai o se faatusa mamana mo le Ali’i?

Fesoasoani i tagata a’oga e iloa pe faapefea ona fafaga faaleagaga e le Ali’i o tatou agaga ma mafai ai ona tatou tuputupu a’e.E te ono valaaulia tagata a’oga e mafaufau pe faapefea e le Ali’i ona fafaga faaleagaga a latou taumafaiga ina ia aoao.Ona faasino atu lea i le faamatalaga mai ia Elder Clark G. Gilbert e uiga i aoaoga.

O se faataitaiga faaletusitusiga paia o le faaaofiaina o le Ali’i

E ono aoga mo tagata a’oga le suesueina o se faataitaiga mai tusitusiga paia lea e faaaofia ai e se tagata le Ali’i.Mafaufau e faaaoga le gaoioiga lenei e faaloloto ai le malamalama o tagata a’oga i le upumoni mai ia Elder Clark.

E mafai ona e faamatala atu i tagata a’oga e faapea sa fai se miti a le Tupu o Nepukanesa o Papelonia ma na faapopoleina ai o ia.Sa ia poloaiina tagata popoto o lona malo, e aofia ai Tanielu, e faamatala atu ia te ia le uiga o le miti.Afai latou te le mafai, na faapea mai le tupu o le a ia faaoo ia i latou le oti.Na talosaga atu Tanielu i le tupu mo sina taimi faaopoopo, ma folafola atu o le a ia faamatalaina le miti (tagai i le Tanielu 2:1–16).

Valaaulia tagata a’oga e faitau le Tanielu 2:17–23, vaavaai po o le a se mea tatou te aoaoina mai ia Tanielu, lea e mafai ona fesoasoani ia i tatou e malamalama ai i le ala e mafai ai ona avea le Ali’i ma vaega o lo tatou aotauina ma aoaoga.E mafai ona e fai atu se fesili se tasi pe sili atu o fesili nei.

O le a sou manatu i se mea sa aoaoina e Tanielu e uiga i le Atua mai lenei aafiaga?
O le a sou manatu, e faapefea e lenei faataitaiga a Tanielu ona musuia pe maua ai le faamoemoe e se talavou o feagai ma se luitau faigata i ana meaa’oga?
O a ni auala o lo o faaalia ai e le aafiaga o Tanielu le upumoni na aoao mai e Elder Gilbert?

O se faataitaiga o le faaaofia ai o le Ali’i mai se perofeta o aso e gata ai

Ina ia fesoasoani i tagata a’oga e vaai i se faataitaiga o le upumoni faaonaponei ua aoao mai e Elder Gilbert, e mafai e tagata a’oga ona matamata le faataitaiga lenei mai le olaga o Peresitene Russell M. Nelson (mai le faailo taimi 4:15 i le 8:38) (Russell M. Nelson, “Sweet Power of Prayer [Mana Matagofie o le Tatalo],” Liahona, Me 2003, 7–8).

16:47

Atonu e te ono fai atu fesili e pei o nei.

Sa faapefea ona faaaofia e Peresitene Nelson le Ali’i i ana taumafaiga e aoao ai le auala e faia ai lenei faiga e leʻi tupu muamua?
Sa faapefea ona faalauteleina ma faamalosia e le Ali’i taumafaiga a Peresitene Nelson?

E te ono faailoa atu e ui e eseese o tatou tulaga ma Peresitene Nelson, e manatu mai le Ali’i i lo tatou aoaoina ia a tatou a’oga, fale faigaluega, po o aiga.E ui atonu e le tusia e le Ali’i se ata i o tatou mafaufau, e tele auala eseese e faalauteleina ma faamalosia ai e Ia a tatou taumafaiga pe a tatou faaaofia o Ia i le faagasologa.