Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Պատասխանատվություն ստանձնեք ձեր ուսման համար. Խուսափեք արդարացումներից և քայլեր ձեռնարկեք կրթության մեջ

«Պատասխանատվություն ստանձնեք ձեր ուսման համար. Խուսափեք արդարացումներից և քայլեր ձեռնարկեք կրթության մեջ», Հին Կտակարան․ Սեմինարիայի ուսուցչի ձեռնարկ (2026)

«Պատասխանատվություն ստանձնեք ձեր ուսման համար. Խուսափեք արդարացումներից և քայլեր ձեռնարկեք կրթության մեջ», Հին Կտակարան․ Սեմինարիայի ուսուցչի ձեռնարկ

Հաջողության հասնել դպրոցում․ Դաս 193

Պատասխանատվություն ստանձնեք ձեր ուսման համար

Խուսափեք արդարացումներից և քայլեր ձեռնարկեք կրթության մեջ

Երբ դպրոցական աշխատանք կատարելը դժվարանում է, մենք երբեմն արդարացումներ ենք փնտրում և խուսափում քայլեր ձեռնարկելուց: Եթե մենք հետևենք Փրկչի օրինակին և պատասխանատվություն ստանձնենք մեր ուսման համար, կզարգանանք իմաստությամբ, ինչպես որ Նա արեց (տես Ղուկաս 2.52): Այս դասը կօգնի ուսանողներին բացահայտել գործողություններ, որոնք կարող են օգնել նրանց պատասխանատվություն ստանձնել իրենց ուսման համար:

Ուսանողի նախապատրաստում․ առաջարկեք ուսանողներին մտածել իրենց կրթական ջանքերի մասին՝ պատասխանելով հետևյալ հարցերին․

Ո՞ր ոլորտներում եմ առաջադիմում, որոնք օգնում են ինձ դպրոցում:
Որքա՞ն հաճախ եմ բերում արդարացումներ, որոնք կարող են խանգարել իմ ուսմանը:

Հնարավոր ուսումնական վարժություններ

Պատասխանատվություն ստանձնենք մեր ուսման համար

Ուսանողներին առաջարկեք ստեղծել սցենար մի դեռահասի և իր դպրոցական աշխատանքի վերաբերյալ կայացրած սխալ որոշման մասին: Օրինակ՝ դեռահասը չի պատրաստվել ստուգողական աշխատանքին, ուշ է եկել դասի, չի կատարել կարևոր հանձնարարությունը կամ չի հանձնել շարադրությունը: Ուսանողներին խնդրեք գրատախտակին նկարել դեռահասի գծապատկերը, անուն տալ նրան և ներքևում գրել նրա կայացրած վատ որոշումը:

Ապա գծապատկերի վերևում կարող եք գրել արդարացումներ բառը։ Ուսանողներին առաջարկեք գրատախտակին նկարված գծապատկերի շուրջը գրել հետևյալ հարցերի իրենց պատասխանները:

Ի՞նչ արդարացումներ կարող է բերել դեռահասը՝ իր կայացրած վատ որոշման համար:
Ինչո՞ւ եք կարծում, որ մենք երբեմն արդարացնում ենք այդ տեսակի ընտրությունները:

Նախագահ Ռասսել Մ. Նելսոնը և Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել են կարևոր ճշմարտություններ, որոնք օգտակար է հիշել, երբ մենք կարող ենք գայթակղվել՝ արդարացնելու դպրոցում կայացրած վատ ընտրությունները:

Կրթություն ստանալը ձեր ձեռքերում է: Ոչ ոք չի կարող անել դա ձեր փոխարեն: Որտեղ էլ լինեք, զարգացրեք սովորելու խոր ցանկությունը: Որպես Վերջին Օրերի Սրբեր, մեզ համար կրթություն ստանալը պարզապես արտոնություն չէ, դա կրոնական պատասխանատվություն է: («Will You Choose to Increase in Learning?», New Era, սեպտ. 2014, 2)

Ինչպես հոգևոր, այնպես էլ աշխարհիկ հարցերում անձնական պատասխանատվություն ստանձնելու հնարավորությունն աստվածատուր պարգև է, առանց որի մենք չենք կարող իրացնել մեր ողջ ներուժը՝ որպես Աստծո դուստրեր և որդիներ: («Ազատ հավիտյան՝ գործելու ինքնուրույն», Լիահոնա, նոյ․ 2014, 18)

Այս խոսքերում ի՞նչն է առավել կարևոր ձեզ համար:
Ինչո՞ւ է կարևոր անձնական պատասխանատվություն ստանձնել մեր ուսման համար:

Օգնեք ուսանողներին հասկանալ հետևյալ ճշմարտությունը՝ գրելով այն գրատախտակին նկարված գծապատկերի կողքին. Մեր ուսման համար անձնական պատասխանատվություն ստանձնելն օգնում է մեզ իրացնել մեր ողջ ներուժը՝ որպես Աստծո դուստրեր և որդիներ:
Ի՞նչ որոշակի քայլեր կարող է կատարել դեռահասը, որպեսզի պատասխանատվություն ստանձնի իր ուսման համար:
Ինչպե՞ս կարող է մեր ուսման համար անձնական պատասխանատվություն ստանձնելն օգնել մեզ ավելի նմանվել Փրկչին:

Երբ ուսանողները պատասխանեն վերը նշված հարցերին, առաջարկեք նրանց կիսվել այն հատկանիշներով, որոնք ցույց է տվել Հիսուս Քրիստոսը՝ Իր ծառայության և առաքելության ընթացքում պատասխանատվություն ստանձնելիս (օրինակ՝ ջանասիրություն, խոնարհություն և սեր):

Ժամանակ տրամադրեք խորհելու, թե քրիստոսանման հատկանիշների զարգացումն ինչպես կարող է օգնել ձեզ հաղթահարել արդարացումները և պատասխանատվություն ստանձնել ձեր ուսման համար: Լսեք Սուրբ Հոգու հուշումները, որոնք կարող են օգնել ձեզ բացահայտել այն հատկանիշները, որոնք կարող եք զարգացնել կամ գործողությունները, որոնք կարող եք կատարել՝ պատասխանատվություն ստանձնելու ձեր դպրոցական աշխատանքի համար:

Պատասխանատվություն ստանձնելու վերաբերյալ սուրբգրային օրինակներ

Հաղթահարեք ուսման համար պատասխանատվություն ստանձնելու արդարացումները

Որպեսզի օգնեք ուսանողներին պատրաստվել՝ վերանայելու իրենց կյանքը և հաղթահարելու իրենց մտածած արդարացումները, օգտակար կլինի դասարանում կատարել հետևյալ վարժությունը:

Մտածեք դասի սկզբում ներկայացված դեռահասի մասին: Մտածեք, թե ինչ սովորեցիք սուրբ գրություններից և ձեր ուսման համար պատասխանատվություն ստանձնելու անձնական փորձառությունից: Օգնեք այդ դեռահասին՝ առաջարկելով քրիստոսանման հատկանիշներ և գործողություններ, որոնք ցույց են տալիս պատրաստակամություն՝ ստանձնելու պատասխանատվություն ուսման համար, որը չեզոքացնում է գրատախտակին գրված արդարացումները։

Նախքան սկսելը՝ օգտակար կլինի ուսանողներին օրինակ տրամադրել: Ուշ գալու համար կարող է լինել արդարացման հետևյալ օրինակը․ «Մայրս ինձ ժամանակին չի արթնացրել»։ Ուսանողները կարող են առաջարկել. «Ես Փրկչի նման պատասխանատու կլինեմ և կօգտագործեմ զարթուցիչը, որպեսզի համոզված լինեմ, որ ժամանակին կհասնեմ դպրոց»: Ուսանողների առաջարկները կարող եք գրել յուրաքանչյուր արդարացման մոտ:

Ինչպե՞ս կարող է Փրկիչը օգնել մեզ մեր ուսման համար պատասխանատվությունը ստանձնելու մեր ջանքերում:

Պատրաստակամ ուսանողներին առաջարկեք կիսվել, թե ինչ են արել իրենց կյանքում, որպեսզի անձնական պատասխանատվություն ստանձնեն իրենց ուսման համար: Կիսվելուց հետո գովեք ուսանողներին՝ իրենց գործադրած ջանքերի համար:

Պատասխանատվություն ստանձնել իմ ուսման համար

Ուսանողներին առաջարկեք լրացնել աշխատաթերթի վերջին բաժինը: Երբ նրանք խնդրում են Տիրոջ օգնությունը՝ ստանձնելու պատասխանատվություն իրենց ուսման համար, կարող եք կիսվել նրանց հետ հետևյալով։

Բարելավվելու համար Երկնային Հորից հայտնություն խնդրելիս Սուրբ Հոգին կարող է հուշել ձեզ անհրաժեշտ փոփոխությունների մասին: Մենք կարող ենք նաև հիշել, որ չպետք է ամեն ինչ ինքնուրույն անենք, մենք կարող ենք Փրկչի օգնությունը խնդրել (տես Եսայի 41.10):

Պատրաստակամ ուսանողներին առաջարկեք կիսվել, թե իրենք ինչ են ոգեշնչված անել: Կարող եք կիսվել ձեր կյանքից ձեր ուսման համար պատասխանատվություն ստանձնելու օրինակով: Խրախուսեք ուսանողներին իրենց աշխատաթերթերը տանել տուն, որպեսզի օգնեն իրենց հիշել, թե ինչ են ոգեշնչվել անել այսօր:

Օժանդակ նյութեր

Ինչո՞ւ է կարևոր անձնական պատասխանատվություն ստանձնելը:

Տասներկու Առաքյալների Քվորումից երեց Դեյվիդ Ա. Բեդնարն ուսուցանել է․

Մեր անձնական պատասխանատվությունն է՝ սովորել այն, ինչ պետք է սովորենք, ապրել այնպես, ինչպես գիտենք, որ պետք է ապրենք, և դառնալ այնպիսին, ինչպիսին Վարդապետն է ցանկանում, որ դառնանք: («Պատրաստվել ստանալու ամեն անհրաժեշտ բան», Լիահոնա, մայիս 2019, 102)

Առաջին Նախագահությունից նախագահ Ջեյմս Ե. Ֆաուստն (1920–2007) ուսուցանել է.

Այսօրվա մեր հասարակության մեջ ես տեսնում եմ շատ մարդկանց, որոնք մեղադրում են ուրիշներին իրենց անհաջողությունների համար: Ես նկատել եմ, որ նրանք, ովքեր իրենց գործողությունների համար անձնական պատասխանատվություն են ստանձնում, ավելի հաջողակ են, քան նրանք, ովքեր իրենց թերությունների ու ձեռքբերումների բացակայության համար մեղադրում են ուրիշին: («Your Light—a Standard to All Nations», Լիահոնա, մայիս 2006, 112–113)

Յոթանասունից երեց Լին Գ. Ռոբբինսն ուսուցանել է․

100 տոկոսով պատասխանատվություն ստանձնելը նշանակում է ընդունել ձեզ՝ որպես ձեր կյանքը վերահսկող մարդ: Եթե ուրիշները մեղավոր են և պետք է փոխվեն, որպեսզի հետագա առաջընթաց ունենաք, ապա դուք կախված եք նրանց ողորմությունից, և նրանք վերահսկում են ձեր կյանքի դրական կամ ցանկալի արդյունքները: Կամքի ազատությունն ու պատասխանատվությունը անբաժանելիորեն կապված են։ Դուք չեք կարող խուսափել պատասխանատվությունից՝ չնվազեցնելով ձեր կամքի ազատության արդյունքում կատարված գործողությունները: («Be 100 Percent Responsible» [Բրիգամ Յանգ Համալսարանի հոգևոր հավաք, օգոստ. 22, 2017], 11, speeches.byu.edu)

Լրացուցիչ ուսումնական վարժություններ

Սավուղը և Նեեմիան

Եղանակներից մեկը, որով կարող եք օգնել ուսանողներին սովորել սուրբ գրություններից՝ սուրբգրային երկու պատմությունները համեմատելն է: Հետևյալ վարժությունը կարող է օգտագործվել դասի ընթացքում, նախքան ուսանողները կուսումնասիրեն աշխատաթերթում ներառված սուրբ գրությունները: Կարող եք ուսանողներին բաժանել զույգերի և զուգընկերներից յուրաքանչյուրին հանձնարարել սուրբ գրությունների հետևյալ հղումներից մեկը․

Ա Թագավորների 15․1–3, 9, 13–14, 20–21

Նեեմիա 6․1–4, 15–16

Ուսանողներին առաջարկեք ուսումնասիրել իրենց հատվածները՝ պարզելով, թե ինչպես է մարդն անձնական պատասխանատվություն ստանձնել (Նեեմիա) կամ արդարացրել իր գործողությունները (Սավուղ): Եղանակներից մեկը, որով կարող եք օգնել ուսանողներին ձևակերպել իրենց մտքերը, հետևյալ աշխատաթերթից օգտվելն է.

Ուսանողները կարող են ձախ շրջանակը նշել որպես Սավուղ, իսկ աջը՝ Նեեմիա։ Նրանք կարող են թվել շրջանակների տարբերությունները և նմանությունները՝ համընկնում գտնելիս:

Պատասխանատվություն ստանձնել իմ ուսման համար

Որպեսզի օգնեք ուսանողներին մտածել այն գործողությունների և վերաբերմունքի մասին, որոնք կարող են օգնել իրենց պատասխանատվություն ստանձնել իրենց ուսման համար, կարող եք տրամադրել հետևյալ աղյուսակներից մի քանիսը կամ բոլորը.

Արդարացում	Պատասխանատվություն ստանձնեք
Ես չեմ կատարել այն, ինչ ինձ հանձնարարել են, քանի որ չեմ հասկանում, թե ինչպես դա անել։	Ես արեցի այնքան, որքան կարող էի: Ես օգնություն կխնդրեմ՝ անելու այն բաները, որոնք չեմ հասկանում:
Ես չէի պատրաստվում քննությանս, քանի որ ժամանակ էի անցկացնում ընկերներիս հետ։	Ես կընտրեմ ուսումնառությունը` ընկերներիս հետ ժամանակ անցկացնելու փոխարեն:
Մայրս մոռացել էր ինձ արթնացնել, և ես ուշացա դպրոցից։	Ես կարող եմ օգտագործել զարթուցիչը, որպեսզի արթնանամ և ժամանակին գնամ դպրոց:

Ուսանողներին առաջարկեք աղյուսակում ավելացնել լրացուցիչ սցենարներ և քննարկել, թե ինչպես կարող են շտկվել այդ արդարացումները՝ պատասխանատվություն ստանձնելով: Իրենց ուսումնասիրության օրագրում ուսանողները կարող են գրել հետևյալ հուշումները՝ օգնելու իրենց ավելի պատասխանատու լինելու ծրագիր կազմել:

Արդարացումը, որը ես օգտագործել եմ դպրոցական աշխատանքում պատասխանատվությունից խուսափելու համար, հետևյալն է․ ։

Ավելի պատասխանատու գործողությունը, որը ես կարող եմ կատարել, հետևյալն է․ ։

100 տոկոսով պատասխանատվություն ստանձնել

Նախքան ուսանողները կմտածեն համապատասխան կրթական սցենարների և դեռահասների կողմից հնարավոր արդարացումների կամ գործողությունների մասին, կարող եք ցուցադրել «Inspiring Short: 100 Percent Responsible» (3:22) տեսանյութը։ Այս տեսանյութում Յոթանասունից երեց Լին Գ. Ռոբինսը կիսվում է մի պատմությամբ, թե պահեստի երկու աշխատակից ինչպես հաղթահարեցին իրենց արդարացումները և պատասխանատվություն ստանձնեցին իրենց աշխատանքի համար: Տեսանյութը դիտելուց հետո ուսանողները կարող են նշել կրթական այն իրավիճակները, որոնցում հեշտ է արդարացումներ գտնել: Ապա նրանք կարող են նշել այն գործողությունները, որոնք կարող են օգնել հաղթահարել այդ արդարացումները: