Ներգրավեք Տիրոջը ձեր ուսումնառության մեջ

Կարող եք սկսել դասը՝ առաջարկելով ուսանողին դասարանի առջև կատարել այն առաջադրանքը, որը պահանջում է ուրիշների օգնությունը: Օրինակ՝ կապեք ուսանողի աչքերը և խնդրեք նրան տեսակավորել կոնֆետները կամ ուլունքները ըստ գույների: Եթե ուսանողը սկզբում դժվարանում է, կարող եք տալ հետևյալ հարցը, «ինչպե՞ս կարող են սենյակում գտնվող մարդիկ օգնել ձեզ»:

Ուսանողների պատասխանները կարող են ներառել հետևյալը․ դպրոցում որոշակի առարկայի հետ կապված դժվարությունը, ուսման մարտահրավերները կամ ժամանակը կառավարելու խնդիրներ: Այդ պատասխանները կարող եք գրել գրատախտակին: Խրախուսեք ուսանողներին գրել այն դժվարությունը, որին ներկայումս բախվում են իրենց ուսումնառության ընթացքում: Օգտակար կլինի այդ ցանկին անդրադառնալ ամբողջ դասի ընթացքում։

Ուսանողները կարող են նշել հետևյալը․ ինչպես Տերը կարող է օգնել իրենց հիշել իրենց սովորածը, համբերատար լինել ուսուցիչների և դասընկերների հետ կամ խաղաղություն զգալ քննության ընթացքում: Կարող եք բացատրել, որ Տերը հաճախ կօգնի մեզ սովորել Սուրբ Հոգու միջոցով, որը կարող է լցնել մեզ խաղաղությամբ, օգնել մեզ իմանալ ճշմարտությունը և լուսավորել մեր միտքը (տես Հռոմեացիներին 15.13, Մորոնի 10.5, Վարդապետություն և Ուխտեր 6.15):

Երբ ուսանողները լրացնեն աշխատաթերթը, առաջարկեք նրանց ընտրել խոսնակ, որը կկիսվի խմբի քննարկածով:

Եթե ուսանողները լրացուցիչ ուղղորդման կարիք ունենան, կարող եք կիսվել ստորև նշված մի քանի կամ բոլոր խորհուրդներով՝ որպես Տիրոջը մեր ուսումնառության մեջ ներգրավելու եղանակներ.

1. Նկատեք և երախտապարտ եղեք փոքր կամ հաստատուն բարելավումների համար (2 Նեփի 28.30):

2. Աղոթքի ժամանակ Երկնային Հորից որոշակի օրհնություններ խնդրեք, օրինակ՝ համարձակորեն ձեռք բարձրացնել՝ հարցեր տալու և լրացուցիչ օգնություն ստանալու համար (Եթեր 2.18–23):

3. Ընդունեք ձեր թուլությունները և հավատք գործադրեք առ Տերը, որ Նա կօգնի ձեզ հաղթահարել դրանք (Մովսես 6.31–34, Մովսես 7.13):

4. Ուսումնասիրեք ամեն օր դասի ընթացքում արված գրառումները և քահանայության օրհնություն խնդրեք կարևոր թեստից կամ հանձնարարությունից առաջ (Վարդապետություն և Ուխտեր 88.118):

Ուսանողներին առաջարկեք կիսվել փորձառությամբ, թե ինչպես է Տերը մեծացրել և զորացրել իրենց կամ իրենց ծանոթին՝ Տիրոջը իրենց ուսումնառության մեջ ներգրավելիս:

Ուսանողներին ժամանակ տրամադրեք՝ Տիրոջը իրենց ուսումնառության մեջ ներգրավելու ծրագիր կազմել: Կարող եք ցուցադրել հետևյալ հրահանգները և խրախուսել ուսանողներին գրել իրենց ծրագիրն իրենց ուսումնասիրության օրագրում:

Պատրաստակամ ուսանողներին խնդրեք կիսվել, թե ինչ են իրենք ոգեշնչվում անել: Կարող եք կիսվել ձեր վկայությամբ Երկնային Հոր և Հիսուս Քրիստոսի մասին, նաև, Նրանք ինչպես կօրհնեն մեզ, եթե ներգրավենք Նրանց մեր ուսումնառության մեջ: