Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Ko Hono Kumi ha Faifakahinohinó: ʻOku Tuku ʻe he ʻEikí ha Kau Faʻifaʻitakiʻanga ʻi Hotau Halá

“Ko Hono Kumi ha Faifakahinohinó: ʻOku Tuku ʻe he ʻEikí ha Kau Faʻifaʻitakiʻanga ʻi Hotau Halá,” Fuakava Motuʻá – Tohi Lēsoni ʻa e Faiako Seminelí (2026)

“Ko Hono Kumi ha Faifakahinohinó: ʻOku Tuku ʻe he ʻEikí ha Kau Faʻifaʻitakiʻanga ʻi Hotau Halá,” Fuakava Motuʻá – Tohi Lēsoni ʻa e Faiako Seminelí

Ko e Teuteu ki he Ako mo e Ngāue Maʻuʻanga Moʻui ʻi he Kahaʻú: Lēsoni 191

Ko hono Kumi ha Faifakahinohinó

ʻOku Tuku ʻe he ʻEikí ha Kau Faʻifaʻitakiʻanga ʻi Hotau Halá

A series of images showing mentors talking to individuals, groups of people talking together, training on the computer, working on a forklift in the warehouse, working in D.I., working on a computer and answering phones and graduating from college.

ʻI hoʻo fakakaukau ki hoʻo moʻuí, kuo tokoniʻi fēfē koe ʻe ha kau faifakahinohino falalaʻanga? Meia Mōsese mo Sōsiua kia ʻĪlai mo Samuela, ʻoku fakatātaaʻi ʻe he ngaahi talanoa mei he folofolá ʻa e mahuʻinga ʻo e ngaahi vā fetuʻutaki feakoʻiʻakí. ʻOku tataki kitautolu ʻe he ngaahi talanoa ko ʻení ki heʻetau ongo faifakahinohino haohaoá, ʻa e Tamai Hēvaní mo Sīsū Kalaisi. ʻE lava ke tokoni ʻa e lēsoni ko ʻení ke faʻu ʻe he kau akó ha palani ke ʻiloʻi pea fetuʻutaki mo ha niʻihi te nau ala hoko ko ha kau faifakahinohino ki he akó mo e ngāue maʻuʻanga moʻuí.

Teuteu ʻa e tokotaha akó: Fakaafeʻi e kau akó ke fakakaukau ki he ngaahi taumuʻa fakaako mo fakangāue lolotongá mo e kahaʻú. Kole ki he kau akó ke hiki ha lisi ʻo ha kakai lalahi falalaʻanga te nau lava ʻo hoko ko ha kau faʻifaʻitakiʻanga pe kau faifakahinohino ke tokoni ke nau lavaʻi e ngaahi taumuʻa ko ʻení pea ʻomi ʻenau lisí ki he kalasí.

Ngaahi ʻEkitivitī Ako ʻOku Ala Fakahokó

Ko hai te ke fie muimui ki aí?

A young man walking with a walking stick on a trail.

Fakakaukau ke kamata e lēsoní ʻaki hano fakaafeʻi e kau akó ke fakakaukauloto ʻoku nau kau ʻi ha kulupu ʻo e ngaahi kaungāmeʻa ne ʻamanaki ke nau kamata fononga ʻi ha vaotā matolu. Naʻe talaange ki he kulupú ʻe faingataʻa ʻa e fonongá, ka ʻe fakaofo ʻa e feituʻu ʻoku nau fakataumuʻa ki aí pea feʻunga mo ʻenau feingá. Naʻe fakaafeʻi ʻa e kulupú ke nau fili ha taha ke ne tataki kinautolu.

Ko e hā ha niʻihi ʻo e ngaahi ʻulungaanga te ke fiemaʻu ki hoʻo faifakahinohinó? Ko e hā hono ʻuhingá?
Te ke tali fēfē ange kapau ʻe fokotuʻu atu ʻe ha mēmipa ʻo e kulupú he ʻikai te ke fiemaʻu ha fakahinohino?

Fakaafeʻi e kau akó ke fakakaukau ki he founga ʻe lava ke fakaʻaongaʻi ai e tūkunga ko ʻení ki heʻenau ngaahi palani fakaakó mo e ngāue maʻuʻanga moʻuí. Te ke lava ʻo talaange ʻe nofotaha ʻa e lēsoni ko ʻení ʻi hono ʻiloʻi mo fetuʻutaki ki he kau faifakahinohinó.

Fakatokangaʻi ange: Mahalo ʻe ʻi ai ha kau ako ʻoku ʻikai ke nau sio ki he fiemaʻu ke ʻi ai ha faifakahinohinó. Te ke lava ʻo kumi ha ngaahi faingamālie ke tokoni ke mahino kiate kinautolu ʻa e mahuʻinga ʻo e kau faifakahinohinó mo e ngaahi tafaʻaki te nau lava ʻo maʻu ai ha tokoni he ʻaho ní. Tokoni ke ʻiloʻi ʻe he kau akó, hangē ko ha tokotaha tatakí, ʻe lava ke ʻomi ʻe ha faifakahinohino ha aʻusia mo ha ʻilo ʻe lava ʻo tokoni ke tau fakahoko ʻa e ngaahi fili ki he akó mo e ngāue maʻuʻanga moʻuí.

Ako e ngaahi fakamatala ko ʻení ʻo kumi e founga ʻe lava ke tataki ai koe ʻe he ʻEikí ʻo fakafou ʻi he faleʻi ʻa e kau faifakahinohinó.

Naʻe pehē ʻe Brother Militoni Kamako, ko e Tokoni ʻUluaki mālōlō ʻi he Kau Palesitenisī Lahi ʻo e Lautohi Faka-Sāpaté:

ʻI ha taimi lolotonga hoʻo fononga [ʻi he] akó … mahalo te ke ongoʻi lōmekina ʻi he lahi ʻo e ngaahi meʻa ke faí. Kātaki ʻo manatuʻi ʻoku ʻikai ke ke tuenoa lolotonga hoʻo ngaahi faingataʻaʻiá. Kuo tuku atu ʻe he ʻEikí ha kakai tokolahi te nau lava ʻo poupouʻi koe—kau mēmipa ʻo e fāmilí; kau taki ʻo e Siasí; ngaahi kaungāmeʻá; pea pehē ki hoʻo kau faiakó, kau faifakahinohinó, pe kau tokoni fakafaiakó. Pea ko e moʻoni, ʻoku mateuteu maʻu pē ʻa e ʻEikí ke fakafiemālieʻi mo fakamālohia koe. (“Persevere with the Lordʻs Help” [fakataha lotu Fakaemāmani Lahi ʻa e BYU–Pathway, 1 Māʻasi 2022], 2, byupathway.edu)

Naʻe akoʻi ʻe ʻEletā Lainolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá:

Kuo muʻomuʻa ʻiate kitautolu ha kau [faifakahinohino], pea ʻoku nau ʻilo ʻa e halá. … ʻOku hoko ha taha taukei mo falalaʻanga ange ko ha fai fakahinohino lelei mo ha fai faleʻi ki ha taha ʻoku ʻikai fuʻu taukei, ʻoku tokoni ke fatu e mahino ʻa e tokotaha ko iá mo akoʻi e ngaahi tefitoʻi moʻoni te ne ʻai ia ke ngāue lelei ange, mālohi, fakapotopoto mo mahuʻinga ange ko ha tamaioʻeiki ʻa e ʻOtuá” (“Thy Friends Do Stand by Thee” [Brigham Young University devotional, Mar. 7, 2010], 3, speeches.byu.edu).

Ko e hā ʻoku makehe kiate koe mei he faleʻi ko ʻení?

Hili e tali ʻa e kau akó, hiki e foʻi moʻoni ko ʻení ʻi he palakipoé: ʻE lava ke tataki kitautolu ʻe he ʻEikí ʻo fakafou ʻi he kau faifakahinohino falalaʻangá.

Fakaafeʻi e kau akó ke fakakaukau ki he meʻá ni:
Ko e fē ha taimi kuó ke maʻu ai pe ko ha taha ʻokú ke ʻilo ha tokoni mei ha tokotaha faifakahinohino?
Ko e hā ha ngaahi tafaʻaki ʻe niʻihi ʻo hoʻo akó pe palani ngāue maʻuʻanga moʻuí ʻe ʻaonga ki ai hono tataki koe ʻe he ʻEikí ʻo fakafou ʻi ha faleʻi ʻa ha taha faifakahinohino?

Te ke lava ʻo vahevahe ha sīpinga ʻo ha taha kuo hoko ko ha faifakahinohino kiate koe. Fakakaukau ke vahevahe hoʻo aʻusia ʻi he ngāue mo e tokotaha ko iá pea mo e founga kuó ne tokoniʻi ai koe ke ke vakai ki he tataki ʻa e Fakamoʻuí ʻi hoʻo moʻuí.

ʻI hoʻo ako he ʻaho ní, fakaafeʻi ʻa e Laumālie Māʻoniʻoní ke tokoni atu ke ke ʻiloʻi ha kau faifakahinohino falalaʻanga ʻi hoʻo moʻuí te nau lava ʻo tokoniʻi koe ke ke fekumi ki he fakahinohino ʻa e ʻEikí ʻi hoʻo fai ʻa e ngaahi fili fekauʻaki mo e akó mo e ngaahi palani ngāue maʻuʻanga moʻuí.

Ngaahi sīpinga fakafolofola ʻo e faifakahinohinó

Mahalo ʻe tokoni ke vahevahe ko e taha ʻo e ngaahi huafa ʻoku foaki ki he Tamai Hēvaní ko e “Tangata ʻo e Akonaki,” (vakai, Mōsese 7:35). Te ke lava ʻo fakaafeʻi e kau akó ke lau ʻa e Sione 5:19–20 mo e Sione 8:26–28, ʻo kumi e founga naʻe fakahinohinoʻi ai ʻe he Tamai Hēvaní Hono ʻAlo ko Sīsū Kalaisí. Te ke lava ʻo fai ha fehuʻi hangē ko ʻení:

Ko e hā ha meʻa ʻe lava ʻeni ʻo tokoni ke mahino kiate kitautolu fekauʻaki mo e fiemaʻu ʻe he Fakamoʻuí ha tokotaha faifakahinohinó?

Mahalo ʻe talaatu ʻe he kau akó naʻe ako ʻa Sīsū mei he sīpinga ʻa ʻEne Tamaí mo fekumi ki he faleʻi mo e fakahinohino ʻa ʻEne Tamaí.

Hili e vahevahe ʻa e kau akó, te ke lava ʻo ʻoange ʻa e ngaahi sīpinga fakafolofola ko ʻeni ʻo hono tataki ʻe he ʻEikí Hono kakaí ʻo fakafou ʻi ha kau fai fakahinohino ne ueʻi fakalaumālie. ʻE lava ke ngāue fakataha ʻa e kau akó mo hanau hoa pea fili ha fakamatala ʻe taha ke ako mo tali ʻa e ngaahi fehuʻi ʻoku hoko aí.

Mōsese mo Sōsiua: Teutalōnome 3:21–22 (Ko hono tataki ʻe Mōsese ʻa Sōsiuá), 28 (ko e ngaahi fakahinohino ʻa e ʻEikí kia Mōsesé)

Ko Tēpola ko e palōfita fefiné mo Pēlaki, ko ʻene ʻeikitau fakakautaú: Fakamaau 4:4–10, 14; Fakamaau 5:1–3 (fakafiefiaʻi e ikuna ʻa ʻIsilelí)

Ko e taulaʻeiki lahi ko ʻĪlaí mo e palōfita kei talavou ko Samuelá: 1 Samuela 3:1–10

Naʻe ʻomi fēfē ʻe he ʻEikí ʻEne fakahinohinó ʻo fakafou ʻi he faifakahinohino ko ʻení?
ʻE tokoni fēfē ʻa e fakamatala ko ʻení ki ha taha ʻoku momou ke kumi tokoni mei ha tokotaha faifakahinohino?

‘E tataki kitautolu ʻe he ʻEikí ʻo fakafou ʻi ha kau faifakahinohino falalaʻanga

Hili ha taimi feʻunga, fakaafeʻi ha kau ako ke vahevahe ʻa e meʻa ne nau aleaʻi ʻi he kulupú. Te ke lava ʻo fakaafeʻi ha kau ako ʻe loto-fiemālie ke vahevahe ʻenau palaní mo e kalasí.

ʻE ala tokoni ke fakamatalaʻi ange ʻe lava ke tokoni ʻa e mātuʻá, kau faiakó, kau faifaleʻi ʻo e akó, mo ha niʻihi kehe ke ʻiloʻi ʻe he kau akó ha faifakahinohino ʻoku feʻungá. ʻOku ʻi ai ha ngaahi kolo, uooti, mo ha ngaahi siteiki ʻe niʻihi ʻe lava ke ʻi ai haʻanau mataotao ʻi he akó mo e ngāue maʻuʻanga moʻuí. Fakakaukau ke fakapapauʻi ki he kau akó ʻoku tuku ʻe he ʻEikí ha kakai falalaʻanga tokolahi ʻi hotau halá ʻa ia te nau lava ʻo hoko ko ha kau faifakahinohino. ʻOku ʻi ai ha kakai ʻe niʻihi ʻoku nau hoko ko ha kau faifakahinohino taimi nounou mo feau ha ngaahi fiemaʻu pau ʻoku tau maʻu. ʻE lava ke ngāue fakataha mo kitautolu ha kau faifakahinohino ʻi ha vahaʻataimi lōloa ange.

Fakaafeʻi e kau akó ke kole e tokoni ʻa e Tamai Hēvaní ke kumi mo fetuʻutaki mo ha kau faifakahinohino te nau lava ʻo tokoniʻi kinautolú. Fakamoʻoni ange te Ne foaki kiate kinautolu ʻa e tokoni ʻoku nau fiemaʻú.

Ngaahi Maʻuʻanga Tokoni Kehé

Ko e hā ha ngaahi ʻulungaanga ʻoku totonu ke u fekumi ki ai ʻi ha tokotaha faifakahinohino?

Naʻe pehē ʻe Palesiteni Henelī B. ʻAealingi ʻi haʻane fakakaukau ki ha tangata naʻe hoko ko ha faifakahinohino kiate ia:

Te u fakanounouʻi atu ʻa e meʻa ke fakasio ʻi hono kumi ha tokotaha ʻe ala hoko ko ha faifakahinohino maʻongoʻongá …

ʻUluakí, pea mo e mahuʻinga tahá, naʻá ne maʻu ha mahino fekauʻaki mo e māmani naʻá ku feinga ke moʻui aí. … Naʻe ʻikai ke ne ʻiloʻi pē ha ngaahi moʻoniʻi meʻa fekauʻaki mo ia; naʻe ʻi ai ʻene mape, pea ko ha mape lelei ia. Pea ʻoku ou ʻiloʻi he taimí ni ʻa e faʻahinga mape ʻoku mahuʻinga tahá—ko ha mape ia te ne fakahaaʻi atu ʻa e meʻa mahuʻinga ʻi he kahaʻú. Naʻe ʻikai ngata pē heʻene ʻiloʻi ʻa e ngaahi fakakaukau ki hono fakahoko ha filí mo e ngaahi fakakaukau fakaengāué; ka naʻá ne ʻiloʻi e huʻunga ʻo e ongo fakakaukaú pea mo e meʻa lelei taha ki he kakai ʻoku nau ngāueʻi e ongo fakakaukau ko iá. Naʻá ne malava ke pehē, “ʻE fakahoko ʻa e meʻa makehe tahá ʻe he tokoni ko ʻení pe ko e tokoni ko ʻeé.” (“To Choose and Keep a Mentor,” [BYU University Conference, Aug. 26, 1993], 3, speeches.byu.edu).

Naʻe pehē ʻe ʻEletā Lōpeti D. Heili (1932–2017) ʻo e Kōlomu ʻo e Kau ʻAposetolo ʻe Toko Hongofulu Mā Uá:

ʻI heʻeku kei talavoú, ne u kumi faleʻi mei heʻeku mātuʻá mo ha kau faiako faivelenga mo falalaʻanga. Ko e taha ai ko ha taki lakanga fakataulaʻeiki; ko e taha ko ha faiako ne falala kiate au. … Filifili ʻi he faʻa lotu ha kau faifaleʻi ʻoku nau fakakaukauʻi hoʻo lelei fakalaumālié. (“Ko e Fehangahangai mo e Faingataʻa ʻo e Māmaní he ʻAho Ní,” Liahona, Nōvema 2015, 46)

ʻE founga fēfē haʻaku maʻu ha lelei mei hono kumi ha tokotaha faifakahinohinó?

Naʻe akoʻi ʻe Sisitā Sūsana L. Kongo ʻo pehē:

5:28

ʻOku akoʻi ʻe Palesiteni Nalesoni ʻo pehē, “Ko e akó ʻokú ne fakafaikehekeheʻi e fakaʻamu ke ke lava ʻo tokoniʻi ha kakai kehé mo e malava ke tokoniʻi kinautolú.”

ʻE fakafuo mo tāpuekina hoʻo moʻuí kotoa ʻe he ngaahi meʻa lelei mo ʻaonga ʻokú ke ako ʻi he taimi ní.

Ko e taimi ʻeni ke fekumi ki ha kau faiako poto mo angatonu—mātuʻa pe ngaahi kui, kau faiako, ngaahi kaungāmeʻa, kau taki ʻo e Siasí, ka ko e mahuʻinga tahá, ko Sīsū Kalaisi—ke tokoniʻi kitautolu ke langaki hake ha moʻui ʻoku ʻaongá. Fokotuʻu ha ngaahi vā fetuʻutaki lelei mo kinautolu te nau lava ʻo tokoniʻi koe ke ke ako mo tupulakí. (“Ngaahi ʻUhinga ki he ʻAmanaki Leleí,” [fakataha lotu fakamāmani lahi ʻa e S&I maʻá e kakai lalahi kei talavoú, 10 Sānuali 2021], Gospel Library)

Ngaahi ʻEkitivitī Fakalahi ki he Akó

Fekumi ki he faleʻi ʻa kinautolu ʻoku poto mo taukeí

ʻI he vakai ʻa e kau akó ki ha ngaahi sīpinga ʻo e fakahinohino ʻi he folofolá, mahalo ʻe ʻaonga kiate kinautolu haʻanau sio ki he ngaahi nunuʻa ʻo e ʻikai muimui ki he faleʻi ʻa kinautolu ʻoku lahi ange ʻenau taukeí. Ke fai ʻení, te ke lava ʻo vahevahe ʻa e talanoa ʻo e Tuʻi ko Lehopoamí, ʻa ia naʻe muimui ki heʻene tamaí, ʻa e Tuʻi ko Solomoné, ko e taki ʻo ʻIsilelí.

Fakaafeʻi e kau akó ke lau ʻa e 1 Ngaahi Tuʻi 12:1–4, ʻo kumi e palopalema naʻe fakahā ʻe Selopoami mei he fale ʻo ʻIfalemí ki he kakai ʻIsilelí.

Hili iá ʻe lava ke lau ʻe he kau akó ʻa e 1 Ngaahi Tuʻi 12:6–11. Vahe ʻa e kau akó ke nau tautau toko ua. ʻE lava ke kumi ʻe ha hoa ʻe taha ʻa e faleʻi naʻe fai ʻe he “kau mātuʻa” naʻa nau ngāue maʻá e Tuʻi ko Solomoné ki he Tuʻi ko Lehopoamí. ʻE lava ke kumi ʻe he hoa ʻe tahá ʻa e meʻa naʻe talaange ʻe he ngaahi kaungāmeʻa kei talavou ʻo Lehopoamí ke ne faí. Te ke lava ʻo ʻeke ki he kau akó ha fehuʻi alēlea hangē ko e:

Ko e hā ʻoku fakatauele ai ke muimui ki he faleʻi ʻa e toʻu ʻoku ʻikai ke nau maʻu ha taukeí?

ʻE lava ke lau ʻe he kau akó ʻa e 1 Ngaahi Tuʻi 12:12–16, ʻo kumi e ngaahi nunuʻa ʻo e muimui ʻa Lehopoami ki he faleʻi ʻa hono ngaahi kaungāmeʻá (angatuʻu ʻa e faʻahinga ʻe hongofulú kia Lehopoami pea hoko ko e Puleʻanga Fakatokelau ʻo ʻIsilelí).

Tokoni ke mahino ki he kau akó ʻa e mahuʻinga ʻo hono fakatokangaʻi e fakahinohino ʻa e ʻEikí ʻoku fakafou ʻi he poto ʻo e kau faifakahinohino leleí. ʻE lava ke tokoniʻi kitautolu ʻe heʻenau aʻusiá ke tau fai ha ngaahi fili lelei ange pea muimui ki he ʻEikí.

Ko hono kumi mo fakataha mo ha faifakahinohinó

Hili e ʻekitivitī laʻipepa tufá, te ke lava ʻo fakahoa e kau akó. ʻAi ke nau akoako fepōtalanoaʻaki ʻiate kinautolu mo honau hoá, ʻa ia te ne fakatātaaʻi ʻa e tokotaha ʻe ala hoko ko e faifakahinohinó. ʻE lava ke akoako ʻe he kau akó ʻa e founga te nau fakaafeʻi ai ʻa e tokotahá ni ke hoko ko ʻenau faifakahinohinó, ʻo fakaʻaongaʻi ʻa e ngaahi fehuʻi ʻe tolu pe lahi ange ne nau hikí. ʻE lava ke ʻomi ʻe he tokotaha ako ʻokú ne fakatātaaʻi e fatongia ʻo e faifakahinohinó ha fakamatala tokoni (ko e hā naʻe leleí, ko e hā te nau liliú, ha faʻahinga fokotuʻu pē). Hili iá ʻe lava leva ke fetongi ʻa e kau akó pea ʻai ke akoako ʻa e hoa ʻe tahá.

Hili hono maʻu ʻe he hoa takitaha ha faingamālie ke akoako mo maʻu ha fakamatala tokoní, te ke lava ʻo fehuʻi ange pe ko e hā ha meʻa ne aʻusia ʻe he kau akó te ne lava ʻo ʻai ke faingataʻa pe ngalikehe hono kumi mo e feinga ke fetuʻutaki mo ha faifakahinohinó pea fevahevaheʻaki ha ngaahi fokotuʻu ki he founga ke ikunaʻi ai e ngaahi faingataʻa ko ʻení.

Kapau ʻe ʻaonga ki he kau akó ha toe fakahinohino ke tokoniʻi kinautolu ke palani ke feʻiloaki mo ha faifakahinohino, te ke lava ʻo ʻoange ʻa e maʻuʻanga tokoni ko ʻení: “Meet with Your Mentor.” ʻE lava ke fakakakato ʻe he kau akó ʻa e laʻipepa ngāue fakaʻilekitulōniká pea vahevahe leva e ngaahi fakakaukaú mo ʻenau kaungāakó.

Mahalo ʻe ʻaonga ki he kau akó ke nau sio ki he founga ʻoku ʻaonga ai ki he kau ako ʻi BYU ʻa e ngaahi vā fetuʻutaki mo e tokotaha faifakahinohinó ʻi heʻenau akó. Te ke lava ʻo huluʻi ʻa e foʻivitiō “BYU First Year Mentoring | Experiences of Growth” (2:48).