Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Tausiaina o i Tatou lava ma le Tausiaina o i Latou e le Tagolima: Fesoasoani i Isi e pei ona Faia e le Faaola.

“Tausiaina o i Tatou lava ma le Tausiaina o i Latou e le Tagolima: Fesoasoani i Isi e pei ona Faia e le Faaola,” Tusi Lesona a le Faia’oga Seminare o le Feagaiga Tuai (2026)

“Tausiaina o i Tatou lava ma le Tausiaina o i Latou e le Tagolima: Fesoasoani i Isi e pei ona Faia e le Faaola,” Tusi Lesona a le Faia’oga Seminare o le Feagaiga Tuai

Fausiaina o le Ola Faalagolago o le Tagata Ia te Ia Lava: Lesona 180

Tausiaina o i Tatou lava ma le Tausiaina o i Latou e le Tagolima

Fesoasoani i Isi e pei ona Faia e le Faaola

Jesus healing a lame man. Outtakes include some of the other cast members, Jesus and disciples, and Jesus helping the lame man up by the hand.

E iai se tasi e mafai ona e mafaufau iai o se faataitaiga lelei o le ola faalagolago o le tagata ia te ia lava?I le musuia ai e le Alii, o Iosefa o Aikupito o se faataitaiga sili o se tasi faapei o le Faaola, na faaalia le ola faalagolago ia te ia lava ma fesoasoani i isi e le tagolima.O lenei lesona e mafai ona fesoasoani i tagata a’oga e faailoa auala e mafai ai e le fausiaina o le ola faalagolago o le tagata ia te ia lava ona latou fesoasoani i isi e pei ona faia e Iesu Keriso.

Sauniuniga a tagata a’oga: Valaaulia tagata a’oga e faalogologo pe faitau upu o le viiga “O se Tagata Mativa Faanoanoa” (Viiga, nu. 16).E mafai e tagata a’oga ona saili mo auala e latou te tausiaina ai isi e pei ona faia e Iesu Keriso.

Gaoioiga e Ono Mafai Ona Aoaoina Ai

Talifofoga okesene faaleagaga

Mafaufau e amataina le vasega e ala i le fesoasoani i tagata a’oga e talanoaina pe faapefea e le tausiaina o o tatou lava manaoga, ona mafai ai ona tatou fesoasoani ai i isi.O se tasi o auala e mafai ona e faia ai lenei mea, o le faaali atu lea o se ata o se tali fofoga okesene o vaalele ua aofia atu i lenei lesona, ma le faamatalaga lenei:

Na a’oa’o mai Elder Neil L. Andersen o le Korama a Aposetolo e To’asefululua:

14:49

I nai vaiaso ua te’a sa ou malaga ai i se vaalele mo Amerika i Saute.Sa faataulai atu e le tagata faigaluega o le vaalele lo matou taulaiga i se vitiō mo le saogalemu.“E ono le tupu,” sa lapataia ai i matou, “ae afai e suia le malosi o le ea i totonu o le vaalele, o le a matala mai puipui i luga a’e o lou nofoa, e faailoa mai ai le tali fofoga okesene.Afai e tupu lenei mea, aapa atu i luga ma toso mai le mea manava ia te oe.Tuu le mea manava i lou isu ma lou fofoga.Faamaulu le manoa memei i luga o lou ulu ma fetuunai le tali fofoga pe a manaomia.”Ona sau lea o le lapataiga lenei: “Ia faamautinoa e faamaulu muamua lau oe lava tali fofoga, ae e te le’i fesoasoani atu i se isi.”(“Iosefa Samita,” po o le Liahona, Nov. 2014, 30)

Aisea e taua ai le faamaulu muamua o lau tali fofoga a o le’i fesoasoani atu i isi?
O a nisi o auala e mafai ai ona faatatau lenei mea i a tatou taumafaiga faaleagaga ma faaletino ina ia mulimuli i le Tamā Faalelagi ma Iesu Keriso.

O se tasi o auala e mafai ai ona faatatau lenei mea, o a tatou taumafaiga ia e fausiaina ai le ola faalagolago o le tagata ia te ia lava ina ia mafai ai ona tatou fesoasoani i isi.

E ono fesoasoani le faamanatu atu i tagata a’oga e faapea, ua fautuaina i tataou e taitai o le Ekalesia e faamalosia lo tatou “ola faalagolago o le tagata ia te ia lava e ala i galuega ma’elega ma e faia faatasi ma le fesoasoani a le Alii.O le ola faalagolago o le tagata ia te ia lava o le tomai … e saunia ai manaoga faaleagaga ma faaletino o le olaga mo le tagata lava ia ma le aiga” (Tusitaulima Aoao: Auaunaga i le Ekalesia a Iesu Keriso o le Au Paia o Aso e Gata Ai, 22.0, Gospel Library).

Iosefa o Aikupito

Atonu na suesue e tagata a’oga le tala ia Iosefa o Aikupito i le Lesona 35: “Kenese 42–45” po o le Lesona 178: “Faatinoina o le Faatuatua ia Iesu Keriso e Fausia ai le Ola Tuto’atasi.”O le parakalafa o lo o i lalo e mafai ona faaaoga e faamanatu atu ai i tagata a’oga le tala.O se isi auala, e mafai ona e valaaulia se tagata a’oga e toe faamatala le tala ia Iosefa o Aikupito, o lo o maua i le Kenese 42–45.

O Iosefa o Aikupito o se faataitaiga o se tasi sa faaalia le ola faalagolago ia te ia lava ma o se taunuuga, na saunia e le Alii e fesoasoani atu i isi.I se vaitaimi o le oge, na malaga atu uso matutua o Iosefa i Aikupito e saili saito.Sa tele saito na teumalu ese i Aikupito ona sa musuia e le Atua Iosefa e sauniuni mo le oge.Ina ua taunuu uso o Iosefa e saili mo se fesoasoani faaletino, sa faailoa ane e Iosefa o ia lava o lo latou uso.

Faitau le Kenese 45:4–11; 47:11–12, vaavaai pe sa faapefea ona faamanuiaina e Iosefa lona aiga.

O a fesootaiga e te vaaia i le va o lenei tala ma le faataitaiga o le tali fofoga okesene?
O le a se mea i le tala ia Iosefa e faamanatu atu ai ia te oe le Faaola?

Fesoasoani i tagata a’oga e faailoa se upumoni e pei o lenei: A o tatou ola faalagolago le tagata ia te ia lava e ala i le fesoasoani a le Atua, o le a mafai atili ai ona tatou fesoasoani atu i isi.Ina ia fesoasoani i tagata a’oga e vaaia faataitaiga faaopoopo o lenei upumoni, e mafai ona e faatulaga le vasega i ni vaega se lua ma tuu atu i vaega ta’itasi se tasi o mau faasino nei.

Faitau mau faasino nei, ma vaavaai mo faataitaiga o le auala na a’oa’o atu ai e le Faaola ma Iakopo lenei upumoni.

Luka 22:31–32

Iakopo 2:17–19

O a faataitaiga o lenei upumoni ua e vaaia i nei fuaiupu?

O lenei iloiloga a le tagata lava ia e ono fesoasoani i tagata a’oga e faafesootai a latou taumafaiga i le fausiaina o le ola faalagolago o le tagata ia te ia lava, ma fesoasoani i isi i o latou tulaga patino.

E ui na iai aafiaga faigata o Iosefa o Aikupito, na saunia lava o ia e le Alii e faamanuia i isi o se taunuuga (tagai i le Kenese 45:5–8).I se tulaga tutusa, e mafai ona saunia oe e le Ali’i e faamanuia ma fesoasoani i isi o se taunuuga o ou aafiaga.A’o e mafaufau i lou olaga, ia mafaufau loloto i fesili nei:

O le a se mea o loo e aafia ai i le taimi nei o lo o fesoasoani ia te oe ia e atili ola faalagolago ai ia te oe lavai i vaega eseese o lou olaga?(O nei vaega e mafai ona faaleagaga, tautupe, faaleatamai, faaletino, pe faalelagona.)
E faapefea ona faaaoga e le Alii nei aafiaga e fesoasoani ai ia te oe e faamanuia ai isi i le lumanai?

A o faaauau ona e suesue i le asō, gauai atu i musumusuga mai le Agaga Paia e mafai ona fesoasoani ia te oe ia atili ona e ola faalagolago ia te oe lava e fesoasoani ai i isi e pei ona faia e le Faaola.

Atinaega o le ola faalagolago o le tagata ia te ia lava

O le gaoioiga lenei e mafai ona fesoasoani i tagata a’oga ia iloa pe faapefea ona mafai e a latou taumafaiga e atinae le ola faalagolago o le tagata ia te ia lava ona fesoasoani ai i isi.Mafaufau e faavasega tagata a’oga i ni vaega se lima, ma atofa atu i vaega ta’itasi se vaega o le ola faalagolago o le tagata ia te ia lava.I vasega to’alaiti, e mafai ona e tuu atu i tagata aoga ta’ito’atasi se tasi o vaega.

Faaali se ata e pei o le ata lenei i luga o la laupapa, ma faasoa atu faatonuga o lo o i lalo e ta’itasi i le taimi.

I luga o se itulau i lau api talaaga mo suesuega, tusi ni ata o tali fofoga [po o meamanava] okesene o vaalele se lua.
Faaigoa le pito i luga o lau tali fofoga okesene muamua i se tasi o vaega nei o le ola faalagolago o le tagata ia te ia lava:

- Malamalama i le talalelei.

- Manaoga tautupe

- A’oa’oga ma galuega

- Manaoga faaletino

- Manaoga faalelagona ma faaagafesootai
Mafaufau i mea o lo o faia e se talavou e atinae ai le ola faalagolago o le tagata ia te ia lava i vaega ua e filifilia.Tusi na mea i totonu o le tali fofoga okesene muamua.

Mo se faataitaiga, e ono faailoa mai e tagata a’oga ni mea e pei o le suesueina e le tagata lava ia o tusitusiga paia (malamalama i le talalelei), suesue mo la’u suega matematika (a’oa’oga), po o le faia o se fuafuaga faamalositino (faaletino).
Faaigoa le tali fofoga okesene lona lua o le “Fesoasoani i Isi.”Filifili se lua pe tolu o manatu ua tusia i le tali fofoga okesene muamua.Mo manatu ta’itasi ua e filifilia, tusi i se auala patino e mafai ai ona faaaoga e se talavou lena aafiaga e fesoasoani ai i isi e atinae le ola tuto’atasi.Tusi nei faiga patino i totonu o le tali fofoga okesene lona lua.

E ono tusi e tagata a’oga ni mea e pei o le faaaogaina o ona aafiaga i le suesueina o tusitusiga paia, e fesoasoani ai i o’u uso laiti e a’oa’o le auala e suesue ai tusitusiga paia (faaleagaga), a’oa’o atu manatu matematika i a’u uo i le vasega (a’oa’oga), pe o le valaaulia o a’u uo ma te faamalositino faatasi (faaletino).

A lava loa se taimi mo tagata a’oga e faauma ai lenei galuega, valaaulia i latou e faasoa mai mea na latou tusia i totonu o a latou tali fofoga okesene.E mafai ona latou faia lenei mea e ala i le faasoa mai o mea ua latou a’oa’oina ma isi tagata a’oga na taulai atu i vaega eseese o le ola faalagolago o le tagata ia te ia lava.I le avea ai o se vaega o le faasoa, e mafai ona e valaaulia se tagata a’oga e faitau le Faataoto 28:27, vaavaai mo le folafolaga mo i latou e foai atu i isi.(Manatua: o le upu mativa e mafai ona faatatau i vaega uma o le ola faalagolago o le tagata ia te ia lava ae le na’o tulaga tautupe.)
- O a ni auala ua fesoasoani ai au taumafaiga ia ola tuto’atasi i isi?Na faapefea ona fesoasoani lea ia te oe e lagona ai le latalata atu i le Tamā Faalelagi ma Iesu Keriso?

A o faasoa mai tagata a’oga, fesoasoani ia i latou ia iloa e le manaomia ona latou ola faalagolago le tagata ia te ia lava atoatoa i soo se vaega, e fesoasoani ai i se isi.

Fesoasoani i isi e pei o le a faia e le Faaola

O le gaoioiga o sosoo mai ua faamoemoe e tuu atu ai i tagata a’oga se taimi e mafaufau ai, e uiga i a latou taumafaiga e atinae le ola faalagolago o le tagata ia te ia lava lea e mafai ai ona latou fesoasoani atu i isi.

Tusi faamatalaga e le’i uma nei i lau api talaaga mo suesuega:

O lo o o’u atinaeina le ola faalagolago o le tagata ia te ia lava e ala i le …
O nai auala e mafai ai ona ou fesoasoani i isi i lenei vaega o le …

Saili le fesoasoani a le Agaga Paia ina ia faauma ai faamatalaga uma e lua.

Valaaulia tagata aoga e mafaufau ma le agaga tatalo mea latou te ono faia.E mafai ona aofia i lenei mea le faailoaina mai o se tasi patino latou te mananao e fesoasoani iai, ma pe ono faapefea ona latou faia.

Mafaufau e valaaulia tagata a’oga e faasoa mai mea na latou tusia i lalo.O se fesili tuli tatao, e mafai ona e fai atu i tagata a’oga fesili nei:

E mafai faapefea e le tausiaina o isi ona fesoasoani ia te oe ina ia avea atili faapei o le Faaola?

Faauma le lesona e ala i le faasoaina atu o lau molimau, pe na faapefea e le atinaega o le ola faalagolago o le tagata ia te ia lava ona mafai ona e fesoasoani atu i isi.Valaaulia tagata a’oga e faatino i musumusuga atonu na latou maua e fesoasoani ai i isi e pei ona faia e Iesu Keriso.

O Puna’oa Faaopoopo

E faapefea ona ou fesoasoani ia i latou o lo o manaomia le ola faalagolago o le tagata ia te ia lava faaleagaga?

Sa a’oa’o mai Peresitene Henry B. Eyring o le Au Peresitene Sili:

I lou alofa mo i latou, e te ono filifili ai e taumafai e avatu mea latou te talosaga mai ai.E ono faaosoosoina oe tou te o faatasi i o latou masalosaloga, ma le faamoemoe o le a mafai ona e maua ni faamaoniga po o ni mafuaaga e aveese ai o latou masalosaloga.O tagata e iai masalosaloga e masani lava ona mananao e talanoa e uiga i mea latou te manatu o ni mea moni po o ni finauga na mafua ai o latou masalosaloga, ma e uiga i le tiga tele. …

E mafai e oe ma a’u ona ta faia le mea e sili atu pe afai tatou te le nonofo umi i mea ua [latou] vaai iai o se faapogai o o latou masalosaloga. …O o latou faafitauli e le o taoto i mea latou te manatu ua latou vaaia; o lo o taoto i mea e lei oo i ai la latou vaai. …Tatou te fai le mea sili pe afai tatou vave liliu le talanoaga i mea o le loto, o na suiga o le loto e mafai ona matala ai mata faaleagaga.(“‘And Thus We See’: Helping a Student in a Moment of Doubt,” [address to Church Educational System religious educators, Feb. 5, 1993], 3, 4)

Aisea e tatau ai ona ou ola faalagolago ia te au lava?

Na a’oa’o mai Elder Robert D. Hales (1932–2017) o le Korama a Aposetolo e To’asefululua:

Seiloga lava ua tatou ola faalagolago i le tagata lava ia, ona mafai lea ona tatou faaa’aoa’o moni i le Faaola i le auauna atu ma le faamanuiaina o isi.(“A Gospel Vision of Welfare: Faith in Action,” in Basic Principles of Welfare and Self-Reliance [booklet, 2009], 2)

O le faamoemoega o le ola faalagolago o le tagata ia te ia lava i le faaletino ma le faaleagaga, o le ave lea o i tatou i tulaga maualuluga atu ina ia mafai ai ona tatou siitia isi o manaomia le fesoasoani.(“O Le Manatuaina Pe o Ai i Tatou: O Le Faamanatuga, o le Malumalu, ma le Ositaulaga i e Ala i le Auauna Atu,” po o le Liahona, Me 2012, 36)

Na faamalamalama mai e Elder L. Tom Perry (1922–2015) o le Korama a Aposetolo e To’asefululua:

E fesoasoani mai le Alii pe afai tatou te o atu ia te Ia i taimi e manaomia ai, aemaise lava pe afai ua tatou tuuto atu i Lana galuega ma tali atu i Lona finagalo.Ae e na’o i latou o e naunau e fesoasoani ia i latou lava e fesoasoani iai le Alii.E faamoemoe o Ia i Lana fanau ia ola faalagolago le tagata ia te ia lava i le tulaga e mafai ai.(“Becoming Self-Reliant,” po o le Liahona, Novema 1991, 64)

Gaoioiga Faaopoopo e A’oa’o Ai

Na popole Amoleka mo Alema

Ina ia vaai i se faataitaiga o le fesoasoani i isi mai tusitusiga paia, e mafai ona e faaali atu le vitiō “Amulek Receives Alma into His Home” (2:34).Fai atu i tagata a’oga e vaavaai pe na faapefea e le ola faalagolago o le tagata ia te ia lava o Amoleka ona taitaia atu ai o ia e fesoasoani ia Alema e pei ona faia e le Faaola.

2:34

A mae’a le vitiō, mafaufau e faitau le Alema 15:18, vaavaai pe na faapefea ona mafai ona fesoasoani Alema ia Amoleka i se taimi mulimuli ane.

Sailia o le fesoasoani a le Alii

O le manatu o lo o mulimuli mai e mafai ona faaaoga i le vaega mulimuli o le lesona a’o fau ane e tagata a’oga ni manatu i auala e mafai ona latou fesoasoani ai i isi.Faamatala atu e faapea, na lagona e le Tupu o Solomona le le atoatoa i ona matafaioi o se tupu.Valaaulia tagata a’oga e faitau le 1 Tupu 3:9–14 vaavaai po o a mea na faia e Solomona e saili ai le fesoasoani a le Alii.Ona mafai lea ona e fai atu i tagata a’oga e faasoa mai isi o latou manatu o iai e uiga i mea e mafai ona tatou faia, e saili ai le taitaiga a le Alii i a tatou taumafaiga e fesoasoani i isi.

O le saunia faaletino

Ina ia fesoasoani i tagata a’oga e faailoa auala e mafai ai ona latou atinae le ola faalagolago o le tagata ia te ia lava faaletino, e mafai ona e faaali atu le vitiō “We Will Prove Them Herewith” mai le faailo taimi 4:36 i le 6:40.A uma le vitiō, e mafai ona e fesili atu i tagata a’oga pe faapefea e le saunia faaletino mo le lumanai ona latou maua ai avanoa e auauna atu ai i isi e pei ona faia e le Faaola.

15:19

O se faataitaiga faaonapo nei

A’o le’i mafaufau tagata a’oga i se auala i le vaega mulimuli o le lesona e mafai ai ona latou fesoasoani i isi, mafaufau e matamata le “Teaching Self-Reliance to Children and Youth” mai le faailo taimi 0:26 i le 2:06.Ua faasoa mai e Elder Hugo E. Martinez o le Fitugafulu, le auala na naunau ai Wilfried Vanie ina ia ola faalagolago ia te ia lava ona faamanuiaina ai lona aiga i le taimi nei ma le lumanai.

10:11