Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Faafoefoeina ma le Poto o Puna’oa Tautupe: Faaaogaina o Mataupu Faavae a le Alii e Faia ai Faaiuga Tautupe

“Faafoefoeina ma le Poto o Puna’oa Tautupe: Faaaogaina o Mataupu Faavae a le Alii e Faia ai Faaiuga Tautupe,” Tusi Lesona a le Faia’oga Seminare o le Feagaiga Tuai (2026)

“Faafoefoeina ma le Poto o Puna’oa Tautupe: Faaaogaina o Mataupu Faavae a le Alii e Faia ai Faaiuga Tautupe,” Tusi Lesona a le Faia’oga Seminare o le Feagaiga Tuai

Atinaega o le Ola Faalagolago o le Tagata Ia te Ia Lava: Lesona 179

Faafoefoeina ma le Poto o Puna’oa Tautupe

Faaaogaina o Mataupu Faavae a le Alii e Faia ai Faaiuga Tautupe

Na a’oa’o mai e Elder Ronald A. Rasband o le Korama a Aposetolo e To’asefululua, “E iai Le Alii i auiliiliga itiiti o o tatou olaga” (“E ala i le Mamanu Faalelagi,” Liahona, Nov. 2017, 56).O lenei mea e aofia ai a tatou faaiuga tautupe.O le a’oa’oina pe faapefea ona faaaofia le Alii i a tatou faaiuga e uiga i tupe e mafai ona fesoasoani ia i tatou e atili ai ona tatou ola faalagolago le tagata ia te ia lava.O lenei lesona e mafai ona fesoasoani i tagata a’oga e faaaoga mataupu faavae musuia e faafoefoe ai faaiuga tautupe i le ala a le Alii.

Sauniuniga a le tagata a’oga: Ae le’i a’oa’oina atu lenei lesona, mafaufau e faaali atu le “Financial Stewardship Success Map” i luga o le laupapa ma valaaulia tagata a’oga e pue se ata i a latou telefoni.E mafai foi ona e tufatufa atu ni kopi pepa o lena mea i tagata a’oga.

Gaoioiga e Ono Mafai Ona Aoaoina Ai

Faaiuga tautupe

(Manatua: O lenei lesona e mafai ona a’oa’o atu faatasi ma le Lesona 158: “Malaki 3,” lea e aofia ai gaoioiga mo a’oa’oga e fesoasoani i tagata a’oga ia malamalama i le tulafono a le Ali’i o le sefulua’i.)

Ao lei amataina le vasega, tusi pe faaali atu le siata lenei i luga o le laupapa.

Faaiuga Taua Tautupe	Popolega i le Faia Ai o Nei Faaiuga

Valaaulia tagata a’oga e o mai i le laupapa ma faatumu le siata ao latou mafaufau i faaiuga tautupe o le a latou faia i le isi 5 i le 10 tausaga.Ao faia e tamaiti a’oga lena mea, e te ono savali taamilo i le vasega ma uunaia i latou e faasoa mai o latou manatu i luga o le laupapa pe ma oe foi.

O faaiuga e ono lisiina e tagata a’oga e aofia ai le totogiina o a’oa’oga ma misiona, tausiaina o aiga, pe o le faatauina pe o le nofo mautotogi i se fale.O popolega e aofia ai le utiuti o tupe, le iloa faasoasoa tupe, tuua o se galuega ina ia auauna i se misiona, po o le iloaina o tagata e talitonuina pe a faia faaiuga tautupe.

Mafaufau e uiga i nisi o faaiuga tautupe taua o feagai ma oe pe o le a le umi ae feagai ma oe ao e manatunatu loloto i fesili nei:

O a ni au fesili o iai e uiga i le auala e maua ai le fesoasoani a le Alii i nei faaiuga?
O le a se taumafaiga na e faia muamua sa mafai ona aoga?O le a se mea sa le’i matua aoga tele?

I lo tatou taliaina ai o le Agaga Paia, e mafai e le Tamā Faalelagi ona faaali mai ia i tatou le auala e faia ai faaiuga poto tautupe i o tatou olaga atoa.Ia nofouta i nei uunaiga a o e suesue i le asō.

Faia o faaiuga tautupe i le ala a le Alii

E finagalo le Tamā Faalelagi ma Iesu Keriso e taiala i tatou i vaega uma o o tatou olaga.O lenei mea e aofia ai a tatou faaiuga tautupe.Ua Laua tuuina mai ia i tatou taiala i totonu o tusitusiga paia lea e mafai ona fesoasoani ia i tatou e faia faaiuga poto tautupe.

Tusi mea nei i le pito i luga o le itulau i lau api talaaga o suesuega: E mafai ona ou faia faaiuga tautupe i le ala a le Alii e ala i le …

Faitau le tolu o mau faasino o mau nei.Faamae’a le upumoni i totonu o lau api talaaga o suesuega e faaaoga ai mea ua e a’oa’oina mai tusitusiga paia.

Kenese 41:46–49, 53–57 (Na tofia e Farao ia Iosefa e vaaia le faaputuina o saito i Aikupito i tausaga mau o le seleselega, e sauniuni ai mo tausaga o le oge na valoia.)
Teuteronome 15:7–8
Salamo 24:1
Malaki 3:8–11
Iakopo 2:18–19
Mataupu Faavae ma Feagaiga 104:78

E mafai faapefea e mea ua e a’oa’oina mai tusitusiga paia ona fesoasoani ia te oe e faia faaiuga tautupe i le ala a le Alii?

Ave o le faamuamua i a tatou tupe faaalu

2026 Old Testament Seminary Teacher Materials

O Elisapeta, o se tamaitai i lau parenesi, na amata faigaluega i se galuega tulaga maualalo i se faleaiga ina ua atoa lona 16 tausaga.I le aluga o tausaga, na alualu i luma lona tulaga ma avea ma pule o le fale’aiga.Ina ua lata ina litaea, na mafai ona ia faatau ma faagaoioia sana ia lava fale’aiga.

Faanumera “tupe faaalu” i le faatulagaga e te ono fautuaina Elisapeta e ave iai le faamuamua.
I autafa o ni tupe faaalu se lua, tusi se mau faasino na e suesueina na fesoasoani e taitaia ai le auala na e ave ai le faamuamua i tupe faaalu.
Sauni e faamatala atu pe faapefea e mea moni na e a’oa’oina mai mau, ona fesoasoani ia te oe e faia faaiuga i le auala na e ave ai le faamuamua i tupe faaalu.

Faaaofiaina o le Alii i a’u faaiuga tautupe

Tuu atu i tagata a’oga se taimi e mafaufau ai i auala e mafai ai ona latou faaaofia le Alii i le faia o faaiuga tautupe.O se tasi o auala e fesoasoani ia i latou e faia ai lenei mea, o le faaali muamua atu o le faamatalaga lenei, a’o le’i taliina fesili ua tuuina faatasi atu ai.

Na faasoa mai Epikopo L. Todd Budge o le Au Epikopo Pule Faamalumalu:

O le mea ua ou iloaina i lo’u lava olaga e faapea, e mafai ona ou tatalo mo a’u mataupu faaletino foi.E mafai ona ou tatalo i a’u mea tautupe.E mafai ona ou tatalo pe faatau mai lenei fale po o lena fale ma pe faia lenei teugatupe faasao po o lena teugatupe faasao.E tatau ona tatou faaaofia le Alii e le gata i le vaega faaleagaga o o tatou olaga, ae i mea faaletino foi.(“O Mataupu Faavae e 4 E Mafai Ona Tatou A’oa’o mai le Ala e Galulue ai le Au Epikopo Pule Faamalumalu,” Liahona, Fep. 2024, 14)

Mafaufau i faaiuga tautupe e manaomia ona e faia i le taimi nei po o le lumanai lata mai.Valaaulia le Agaga Paia e fesoasoani ia te oe e tali fesili lenei i lau api talaaga o suesuega.

O a mataupu faavae e mafai ona fesoasoani ia te oe e faia faaiuga tautupe i le ala a le Alii?
E mafai faapefea e le faatatauina o nei mataupu faavae ona saunia ai oe e auauna atu i le Atua ma isi?

Mafaufau e faasoa atu se faataitaiga puupuu mai lou olaga, pe faapefea ona e faaaogaina mea na a’oa’oina e tagata a’oga i le asō, e faia ai se faaiuga tautupe.E mafai foi ona e faasoa atu le mea ua e a’oa’oina mai lena aafiaga e uiga i le Tamā Faalelagi ma Iesu Keriso.

O Puna’oa Faaopoopo

E faapefea ona faaalu a tatou tupe?

Na a’oa’o mai Peresitene Polika Iaga (1801–1877):

O oa e mo le a?Mo faamanuiaga, e fai ai mea lelei.O lea la, ia tatou tufa atu mea ua tuuina mai e le Alii ia i tatou i le mea sili e mafai ona faaaogaina ai mo le fausiaina o lona Malo, mo le faalauiloaina o le upumoni i le lalolagi, ina ia tatou vaaia ma olioli i faamanuiaga o le Siona a le Atua iinei i le lalolagi.(Discourses of Brigham Young, sel.John A. Widtsoe (1954), 307)

E mafai faapefea ona ou faafoefoe a’u tupe?

Na faamatala mai e Epikopo W. Christopher Waddell o le Au Epikopo Pule Faamalumalu:

O mataupu faavae autu e faafoefoe ai mea tautupe e aofia ai le totogiina o sefuluai ma taulaga, faaitiitia ma aloese mai le aitalafu, saunia ma ola e tusa ai ma se paketi, ma le teuina mo le lumanai.(“Sa I Ai Mea ’Ai,” Liahona, Nov. 2020, 44)

E mafai faapefea e le totogiina o le sefuluai ona faamanuiaina ai lo’u olaga?

Na faasoa mai Peresitene Russell M. Nelson:

19:15

A o avea a’u ma se talavou sa faigaluega faata’ita’i, o lo’u totogi sa $15 i le masina.I se tasi po, sa fesili mai ai lo’u toalua o Dantzel pe sa totogi la’u sefuluai i lena tama’i totogi.Sa ou le’i totogia.Sa vave ona ou salamo ma amata totogi le $1.50 faaopoopo i sefuluai faalemasina.

Pe sa ese se tulaga o le Ekalesia ona sa faateleina le matou sefuluai?E leai. Peitai, o le avea ma se tagata e totogi atoa le sefuluai na suia ai a’u.O iina sa ou aoao ai loa o le totogiina o le sefuluai e faatatau atoa i le faatuatua ae le o le tupe.I le avea ai o a’u ma se tagata totogi atoa le sefuluai, sa amata ona matala mai pupuni o le lagi mo a’u.Ou te faailoa atu se mafuaaga o le tele o avanoa faapolofesa na mulimuli mai i lo matou totogiina faamaoni o sefuluai.

O le totogiina o le sefuluai e manaomia ai le faatuatua, ma e fausiaina ai le faatuatua i le Atua ma Lona Alo Pele.(“Mafaufau Faaleselesitila,” Liahona, Nov. 2023, 119)

Gaoioiga Faaopoopo e A’oa’o Ai

Faaaogaina o a tatou tupe mo le lelei

E ono fesoasoani mo tagata a’oga le vaai atu i a latou tupe i se vaaiga e faavavau, ma malamalama pe faapefea e lena mea ona taitaia ai i latou i le fuafuaina pe faapefea ona faia le mea lelei i a latou tupe.I se tasi o auala e mafai ona e faia ai lenei mea o le faaali atu o le upu sii a Polika Iaga e maua i A’oa’oga Faaopoopo.Valaaulia tagata a’oga e faasoa ane o latou manatu e uiga i le faamatalaga a Peresitene Iaga.

Ona mafai lea ona e faaali atu auala eseese e faaaogaina ai tupe.Valaaulia tagata a’oga e mafaufau pe o fea o nei auala o le faaaogaina [o tupe] latou te manatu o le auala sili e faia ai le mea lelei.

O nisi faaaogaga e aofia ai:

Teu tupe mo manaoga tau i a’oa’oga i le lumanai.
Faaalu i se gaoioiga e malolo i ai po o se faafiafiaga.
Teu mo se misiona.
Faaalu e ave ai se isi e tausami i se faleaiga.

Fesoasoani i tagata a’oga ia malamalama, o nei faataitaiga e mafai ona talafeagai uma i le faaaogaina o puna’oa a le Alii.Mafaufau e talanoaina pe faapefea ona avea faataitaiga ta’itasi ma auala sili.Mo se faataitaiga, o le tagata latou te aveina i se fale’aiga o se tagata o lo o tauivi faaleagaga pe faalelagona.O le meaai e mafai ona avea o se faamanuiaga mo i latou.O nisi taimi, o le auala sili e faaaogaina ai a tatou tupe o se gaoioiga e malolo i ai po o se faafiafiaga e mafai ona toe fafagaina ai o tatou mafaufau ma atiina a’e ai ni manatuaga lelei ma i latou tatou te alolofa iai.

Ola faalagolago o le tagata ia te ia lava i mea tautupe

E mafai ona e faaaoga mea nei e fai ma se isi gaoioiga i le vaega mulimuli o le lesona.Ina ia fesoasoani i tagata a’oga e fai se fuafuaga e faaaofia ai le Alii i a latou faaiuga tautupe, mafaufau e tuu atu ia i latou se kopi o le tusiga i le Liahona ua faaulutalaina “7 Questions to Ask to Become More Financially Self-Reliant.”E mafai foi ona latou mauaina i le Gospel Library.E mafai e tagata a’oga ona faitau i le tusiga ma filifili ni nai fesili latou te mananao e faaaoga i a latou taumafaiga ina ia ola faalagolago le tagata ia te ia lava i mea tautupe.E mafai foi e tagata a’oga ona faaaoga le faamatalaga o i le tusiga ma puna’oa faaopoopo ua tuuina mai, e tusi ai a latou lava fesili e mafaufau iai.

O lesona ua a’oa’oina mai le totogiina o sefuluai.

Na faasoa mai e Elder Carl B. Pratt o le Fitugafulu se tala e uiga i le auala na faamanuiaina ai ona tua’a e le Alii mo le faamuamuaina o le sefuluai.Ona ia faasoa mai lea o taunuuga eseese na ia a’oa’oina mai lena aafiaga.Mafaufau po o fea le taunuuga e faasoa atu e faavae i mea e sili ona aoga mo au tagata a’oga.O se aotelega o taunuuga a Elder Pratt ua aofia i lalo ma faailo taimi ua tuuina faatasi atu ai:

5:57 i le 6:49 – Totogi muamua le sefuluai.

10:42

7:50 i le 8:44 – Ua faamanuiaina e le Alii i tatou i le poto e mafai ai ona tatou ola lelei i le 90 pasene o a tatou tupe maua nai lo o le 100 pasene.

10:42

8:44 i le 9:17 – O faamanuiaga silisili a le Alii mai le totogiina o sefuluai e faaleagaga ma e faatatau i aiga, uo, ma le talalelei.

10:42

9:25 i le 10:12 – O le totogiina o sefuluai e fesoasoani ia i tatou e atiina a’e se loto gauai, loto maualalo, loto faafetai, lima foai, loto faamagalo ma le alofa.

10:42