“Atinaega o le Ola Faalagolago o le Tagata Ia te Ia Lava i le Ala a le Alii: : ‘E Fiafia le Alii i Taumafaiga,’” Tusi Lesona a le Faia’oga Seminare o le Feagaiga Tuai (2026)
“Atinaega o le Ola Faalagolago o le Tagata Ia te Ia Lava i le Ala a le Alii: ‘E Fiafia le Alii i Taumafaiga,’” Tusi Lesona a le Faia’oga Seminare o le Feagaiga Tuai
Atinaega o le Ola Faalagolago o le Tagata Ia te Ia Lava: Lesona 177
Atinaega o le Ola Faalagolago o le Tagata Ia te Ia Lava i le Ala a le Alii
“E Fiafia le Alii i Taumafaiga”
O le atinaega o le ola faalagolago o le tagata ia te ia lava e fesoasoani ia i tatou e mulimuli ai i a’oa’oga a Iesu Keriso i le tausiaina o i tatou lava ma faamanuia atu ai i isi.O le a’oa’o e atinae le ola faalagolago o le tagata ia te ia lava o se talavou, e taitai atu ai i se gafatia e sili atu i le avea ai ma se tagata matua.O lenei lesona e mafai ona fesoasoani i tagata a’oga e malamalama ai i le mafuaaga e taua ai le atinaega o le ola faalagolago o le tagata ia te ia lava, i le fuafuaga a le Tamā Faalelagi mo i tatou.
Sauniuniga a le tagata a’oga: Mafaufau e fai atu i tagata a’oga latou te faia se mea e i latou lava, lea na faia e isi mo i latou i se taimi ua tuanai.Mo se faataitaiga, latou te ono saunia se meataumafa, fai le tagamea, totogi se mea e masani ona totogi e o latou matua, po o le toe faaleleia o se mea i totonu o le fale.
Gaoioiga e Ono Mafai Ona Aoaoina Ai
Tatou te aga’iga’i i luma e ala i le faatinoina
Ae le’i amatalia le vasega, mafaufau e tuu atu i se tasi tagata aoga se kopi o le faamatalaga mai a Epikopo Waddell, ma se kopi o le faamatalaga mai le Autu ma Fesili i se isi tagata aoga.Valaaulia i laua e faitau faamatalaga ma sauni e faasoa atu mea ua la a’oa’oina e uiga i le Faaola ma pe faapefea ona la faamatalaina le ola faalagolago o le tagata ia te ia lava i a laua lava upu.
Mafaufau e amataina lenei lesona e ala i le faaali atu o le ata lenei o se manulele pepe ma faaali atu fesili nei.E mafai ona e faatulaga tagata a’oga i ni vaega to’alaiti e talanoaina fesili e ala i le faaali ta’itasi atu, ma tuuina atu se taimi i tagata a’oga e talanoaina ai fesili ta’itasi.
-
O le a le mea e ono tupu i lenei manulele pe a faatagaina e ona matua e nofo i le faamoega e faavavau, ma tuuina atu iai meaai i taimi uma?
-
O a ni auala e mafai ai ona faatusatusa lenei mea i lo tatou alualu i luma ma le atiina a’e i le fuafuaga a le Tamā Faalelagi mo i tatou?
Fesoasoani i tagata a’oga ia malamalama, o le tele o lo tatou tuputupu a’e e faalagolago i lo tatou naunautai e a’oa’o ma fai matafaioi mo lo tatou lava alualu i luma.E te ono manao e molimau atu e uiga i le gafatia e le Faaola ona fesoasoani ia i tatou i a tatou taumafaiga ia alualu i luma.
Ola faalagolago o le tagata ia te ia lava
Mafaufau e tusi le ola faalagolago o le tagata ia te ia lava i luga o le laupapa ma faaali atu faamatalaga nei e lua.Valaaulia tagata a’oga e faitau faamatalaga ma sauni e faamatala mea ua latou a’oa’oina e uiga i le Faaola ma le uiga o le ola faalagolago o le tagata ia te ia lava.Afai na e tuuina atu nei faamatalaga i tagata a’oga ae le’i amatalia le vasega, valaaulia i latou e faasoa mai o latou malamalamaaga ae le’i tatalaina le avanoa e talanoaina ai i le vaega o totoe o le vasega.
Na faamatala mai e Epikopo W. Christopher Waddell o le Au Epikopo Pule Faamalumalu:
E le o faamoemoe mai le Alii tatou te faia mea e sili atu nai lo mea tatou te mafaia, ae o lo o faamoemoe mai o Ia e fai le mea e mafai ona tatou faia, i le taimi e mafai ai.E pei ona faamanatu mai e Peresitene Nelson ia i tatou i le konefesi aoao talu ai, “E fiafia le Alii i taumafaiga.”
…O le saunia faaletino ma le ola faalagolago o le tagata ia te ia lava o lona uiga “o le talitonu e ala i le alofa tunoa, po o le mana fesoasoani o Iesu Keriso ma a tatou lava taumafaiga, e mafai ai ona tatou maua mea uma e manaomia faaleagaga ma faaletino o le olaga tatou te mananao ai mo i tatou lava ma o tatou aiga.”(“Sa I Ai Mea ’Ai,” Liahona, Nov. 2020, 43)
Ua ta’ua i Autu ma Fesili i le Gospel Library:
Ua valaauliaina i tatou uma e le Faaola ia galulue, ia tu tutoatasi ma ia avea faapei o Ia.O le a Ia fesoasoani ia i tatou. …O Lona ala e aofia ai le a’oa’oina ma ola ai i mataupu faavae o le ola faalagolago o le tagata ia te ia lava—“o le gafatia, tautinoga, ma taumafaiga e saunia mea e manaomia o le olaga mo le tagata lava ia ma le aiga” (Faia i le Ala a le Alii: Aotelega o Taiala a se Taitai i le Soifua Manuia [2009]).(Autu ma Fesili, “Ola faalagolago o le tagata ia te ia lava,” Gospel Library)
-
O le a se mea ua e a’oa’oina e uiga i le Faaola mai nei faamatalaga?
-
O le a faapefea ona e faamatalaina le ola faalagolago o le tagata ia te ia lava i au lava upu?
A o faasoa mai e tagata a’oga a latou tali i le fesili ua faatoa mae’a, mafaufau e tusi a latou tali i luga o le laupapa i tafatafa o le ola faalagolago o le tagata ia te ia lava.Fesoasoani ia latou malamalama o le atinaega o le ola faalagolago o le tagata ia te ia lava e fesoasoani ia i tatou e avea atili ai pei o Iesu Keriso.
Mafaufau e faaali atu faatonuga nei ma fesili ma valaaulia tagata a’oga e mafaufau loloto i o latou lava faanaunauga ma taumafaiga ia avea o nisi e ola faalagolago le tagata ia te ia lava.
Mafaufau loloto i fesili nei:
-
O le a faapefea ona e faamatala atu le uiga mo se talavou ina ia faateleina lo latou gafatia i vaega nei?
Malamalama i le talalelei
Manaoga tautupe i le taimi nei ma le lumanai
A’oa’oga ma galuega
Manaoga faaletino
Manaoga faalelagona ma faaagafesootai
-
O le a faapefea e le atinaega o lou gafatia i so’o se vaega nei ona faamanuiaina ai lou olaga i le lalolagi ma lou alualu i luma e faavavau?
O faataitaiga o le ola faalagolago o le tagata ia te ia lava
E ono fesoasoani mo tagata a’oga le vaavaai pe na faapefea ona faamanuiaina tagata o lo o i tusitusiga paia, e ala i a latou taumafaiga e fausia le ola faalagolago o le tagata ia te ia lava ina ia ausia o latou manaoga faaleagaga ma faaletino.
Mafaufau e faaali atu faatonuga, mau faasino, ma fesili nei.E mafai ona e faatulaga tagata a’oga i ni vaega taitoatolu ma valaaulia tagata aoga taitasi e faitau se isi mau faasino ese.Ona aotele atu lea e tagata a’oga i a latou vaega mea na latou faitauina ma faasoa atu o latou malamalamaaga mai i fesili o loo tuuina faatasi atu ai.
Faitau se tasi o tala faatusitusiga paia nei ma mafaufau loloto i le fesili o lo o iai.
Mose 4:23–25; 5:1 (Ua tuua e Atamu ma Eva le Faatoaga o Etena)
-
E faapefea e le faatonuina ai e le Atua o Atamu ma Eva e galulue mo a laua meaʻai ona sili atu ai ona faamanuiaina i laua na i lo le faia e le Atua o le eleele ia fua saoloto mai fua mo i laua?
Kenese 6:14–16 (Sa manaomia e Noa le puipuiga mo lona aiga mai le lolo)
-
E faapefea e le faamoemoeina ai e fausia e Noa le va’a ona faamanuiaina ai o ia e sili atu nai lo o le tuuina atu faavavega e le Atua ia te ia?
Esoto 19:19–20 (Sa saili Mose ia maua faatonuga mai le Alii i le vao)
-
Na faapefea e le faatalitali ai mo Mose e a’ea muamua le mauga ae le’i tuuina atu e le Atua ia te ia se isi faaaliga, ona faamanuiaina ai Mose?
Pe a mae’a ona fefaasoaa’i vaega, e te ono faaali atu le vitiō “All I Needed” (1:44) ina ia fesoasoani i tagata a’oga e iloa faataitaiga faaonapo nei o tagata ta’ito’atasi ua atinaeina le ola faalagolago o le tagata ia te ia lava.
O le faataitaiga a Iesu Keriso
E mafai ona faigofie ona galo sa iai se taimi na avea ai Iesu Keriso ma alii talavou.O le Feagaiga Fou o lo o iai ni nai mataupu e uiga i Lona fanau mai faavavega ma le tele o mataupu e uiga i Lona soifuaga o se tagata matua.Ae peitai, e mafai ona tatou a’oa’o se mea itiiti e uiga i le auala na Ia faaaluina ai Lona talavou.
Faitau le Luka 2:52, vaavaai mo vaega na tuputupu a’e ma alualu ai i luma le Faaola a o avea ma se alii talavou.
Mafaufau e tuu atu i vaega toalaiti o tagata a’oga se tasi o vaega (poto faalemafaufau, faaletino, faaleagaga, faaleagafesootai) mai le fuaiupu 52, e taulai iai mo le talanoaga lenei.
Mafaufau fetalatalaa’i ma lau vaega ni auala e faatino ai e nisi talavou le:
-
Ono faalagolago tele atu i isi, nai lo le mea latou te manaomia i lena vaega.
-
Ono mafai ona faateleina lo latou gafatia i lena vaega.
O nisi faataitaiga e ono mafaufau iai tagata a’oga e ono aofia ai le faalagolago atu i se isi e fai uma galuega i meaa’oga a le vaega (poto faalemafaufau), faalagolago i matua e faia uma feau (faaletino), faamoemoe i le taitai o le autalavou e a’oa’o atu lesona uma i Aso Sa (faaleagaga), pe o le faamoemoe i isi e fuafua ni gaoioiga e potopoto faatasi ai (faaagafesootai).
Faasoa mai mea na e a’oa’oina
Tuu atu i tagata a’oga se avanoa e mafaufau ai ma faasoa mai mea ua latou a’oa’oina pe lagonaina e uiga i le ola faalagolago o le tagata ia te ia lava.O se tasi o auala e faia ai lenei mea e ala lea i le gaoioiga lenei.E mafai e tagata aoga ona faamae’a ta’ito’atasi pe faatasi ma isi.
Vaai faalemafaufau ua fai atu se taitai ia te oe e faasoa atu i talavou o lau uarota mea sa e a’oa’oina i le seminare i lenei vaiaso. Tusi mea ua e a’oa’oina e uiga i le ola faalagolago o le tagata ia te ia lava e faaaogaai mea nei:
-
O se faamatalaga o le uiga o le ola faalagolago o le tagata ia te ia lava
-
Auala e taua ai le atinaeina o le ola faalagolago o le tagata ia te ia lava i le Tamā Faalelagi i Lana fuafuaga mo i tatou
-
O se faataitaiga patino pe faatusitusiga paia o le faaalia o le ola faalagolago o le tagata ia te ia lava
-
O se tasi o auala e mafai ai ona ola faalagolago o le tagata ia te ia lava atili ai talavou i soo se vaega o o latou olaga.
Valaaulia ni nai tagata a’oga e ofo mai e faasoa mai mea na latou tusia. E te ono uunaia le vasega e faamaumau malamalamaaga i totonu o a latou api talaaga mo suesuega a o latou faalogologo atu i tagata o le vasega.