Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հավատք գործադրել առ Հիսուս Քրիստոս՝ ինքնապահովում զարգացնելու համար․ Տերը կարող է օգնել մեզ ինքնապահով դառնալու մեր ջանքերում

«Հավատք գործադրել առ Հիսուս Քրիստոս՝ ինքնապահովում զարգացնելու համար. Տերը կարող է օգնել մեզ ինքնապահով դառնալու մեր ջանքերում», Հին Կտակարան․ Սեմինարիայի ուսուցչի ձեռնարկ (2026)

Զարգացրեք ինքնապահովում. Դաս 178

Հավատք գործադրել առ Հիսուս Քրիստոս՝ ինքնապահովում զարգացնելու համար

Տերը կարող է օգնել մեզ ինքնապահով դառնալու մեր ջանքերում

Kenya: Youth Social Media 2020: Lavynne Lawino

Երբ մենք հավատք ենք գործադրում առ Հիսուս Քրիստոս, մենք խնդրում ենք Նրան օգնել մեզ մեր կյանքի բոլոր ոլորտներում: Բացի այն, որ Փրկիչը մեզ օրհնում է հոգևոր ուժով և բժշկում է մեղքից, Նա կարող է օգնել մեզ ինքնապահովում զարգացնել՝ մեր նյութական պահանջմունքներն ապահովելու համար: Այն կարող է ներառել ֆինանսները, կրթությունը, զբաղվածությունը և մեր ֆիզիկական և էմոցիոնալ առողջությունը: Այս դասը կօգնի ուսանողներին գործադրել իրենց հավատքն առ այն, որ Երկնային Հայրը և Հիսուս Քրիստոսը կօրհնեն իրենց՝ ինքնապահովում զարգացնելու իրենց ջանքերում:

Ուսանողի նախապատրաստում․ առաջարկեք ուսանողներին գրել այն խոչընդոտները, որոնք դժվարացնում են ինքնապահովումը հետևյալ ոլորտներից մեկում կամ մի քանիսում.

Ավետարանի գիտելիքներ
Ընթացիկ և ապագա ֆինանսական պահանջմունքներ
Կրթություն և աշխատանք
Ֆիզիկական պահանջմունքներ
Էմոցիոնալ և սոցիալական պահանջմունքներ

Հնարավոր ուսումնական վարժություններ

Պաուլայի պահանջմունքները

Նշում․ այս դասը ուսուցանելուց առաջ օգտակար կլինի ուսուցանել Դաս 177․ «Զարգացրեք ինքնապահովում Տիրոջ ձևով»։ Դաս 177-ը ուսանողներին ներկայացնում է ինքնապահովման սկզբունքները և այն, թե ինչու է այն կարևոր Երկնային Հոր ծրագրում:

Կարող եք սկսել դասը՝ առաջարկելով ուսանողներին քննարկել, թե ինչու մեր պահանջմունքներն ապահովելու համար անհրաժեշտ են և՛ մեր ջանքերը, և՛ Աստծո առաջնորդությունը: Հետևյալ սցենարը և վարժությունը կօգնեն ծավալել այդ քննարկումը։ Օգտակար կլինի նշել, որ երկու մոտեցումներն էլ, որոնք Պաուլան կիրառում է սցենարում, խնդրահարույց են:

Կարող եք սկսել՝ կարդալով հետևյալ իրավիճակի առաջին մասը: Ապա կիսվեք երկու հնարավոր պատասխաններով: Յուրաքանչյուր պատասխանից հետո դադար առեք և առաջարկեք ուսանողներին կիսվել զուգընկերոջ հետ, թե ինչ խորհուրդ կտային Պաուլային:

Պաուլան ուրախ է, որ երկու տարի հետո ավարտելու է միջնակարգ դպրոցը: Սակայն, նա անհանգստանում է, թե որքան գումար պետք է խնայի ապագայի համար։

Ի՞նչ խորհուրդ կտայիք նրան, եթե․

Պաուլան որոշում է ամեն օր աղոթել, որպեսզի Աստված տա իրեն այն գումարը, որն իրեն անհրաժեշտ կլինի ուսումն ավարտելուց հետո: Նա չի պատրաստվում աշխատանք փնտրել՝ վստահ լինելով, որ Աստված կապահովի իրեն:
Պաուլան կարծում է, որ քանի որ փողը «հոգևոր բան» չէ, Աստծուն այն չի հետաքրքրում։ Նա որոշում է ամեն օր փնտրել աշխատանք, որը հնարավոր կլինի համատեղել իր դպրոցական գրաֆիկի հետ: Նա պլանավորում է խոսել գործատուների հետ, ներկայացնել ռեզյումեներ և սովորել նոր հմտություններ, որոնք նրան ավելի արժեքավոր աշխատող կդարձնեն տեղական բիզնեսների համար:

Երբ ուսանողները կիսվեն այն խորհուրդներով, որ իրենք կարող են տալ Պաուլային, առաջարկեք նրանց կիսվել, թե ինչպես կարող են հետևյալ խոսքերը կիրառվել նրա իրավիճակի համար:

Նախագահող Եպիսկոպոսության առաջին խորհրդական եպիսկոպոս Վ. Քրիստոֆեր Վադելը բացատրել է.

10:7

Այդ ժամանակ ամեն ինչ մատնացույց է անում Հիսուս Քրիստոսին՝ որպես հիմք, որի վրա մենք պետք է կառուցենք նույնիսկ մեր նյութական պատրաստվածությունը:

Լինել նյութապես պատրաստված և ինքնապահով, նշանակում է «հավատալ, որ Հիսուս Քրիստոսի շնորհով կարող ենք ապահովել հոգևոր և ֆիզիկական կյանքի բոլոր պահանջները, որոնք անհրաժեշտ են մեզ համար և մեր ընտանիքների համար» [Անձնական ֆինանսներ ինքնապահովման համար (2017), 4]: («Հաց կար», Լիահոնա, հոկտեմբեր 2020, 44)

Երբ ուսանողները կիսվեն եպիսկոպոս Վադելի խոսքերի վերաբերյալ իրենց մտքերով, նշեք, որ Հիսուս Քրիստոսի և մեր սեփական ջանքերի հանդեպ հավատք գործադրելու միջոցով մենք զարգացնում ենք հոգևոր և նյութական ինքնապահովում:

Կարող եք ցուցադրել հետևյալ ինքնագնահատումը, ներառյալ ցուցումները և կատեգորիաները, որպեսզի օգնեք ուսանողներին խորհել Փրկչի օգնությունը ստանալու անհրաժեշտության մասին՝ ավելի ինքնաապահով դառնալու համար:

Գրեք ինքնապահովում ձեռք բերելու հետևյալ կատեգորիաները՝ ձեզ համար ամենահեշտից մինչև ամենադժվարը։ Ձեզ համար ամենադժվար կատեգորիաներից մեկի կամ երկուսի կողքին գրեք բոլոր այն խոչընդոտները, որոնք հաղթահարելու համար ձեզ անհրաժեշտ է Փրկչի օգնությունը:

Ավետարանի գիտելիքներ
Ընթացիկ և ապագա ֆինանսական պահանջմունքներ
Կրթություն և աշխատանք
Ֆիզիկական պահանջմունքներ
Էմոցիոնալ և սոցիալական պահանջմունքներ

Այսօրվա ուսումնասիրության ընթացքում հիշեք այն ոլորտները, որտեղ ձեզ ամենաշատ օգնությունն է անհրաժեշտ: Հրավիրեք Սուրբ Հոգուն՝ ամրացնելու ձեր հավատքն առ այն, որ Երկնային Հայրը և Հիսուս Քրիստոսը կօգնեն ձեզ ինքնապահովում զարգացնելու ձեր ջանքերում:

Հավատք գործադրել առ Տերը՝ ինքնապահովում զարգացնելու համար

Ուսանողներին առաջարկեք կիսվել իրենց գտածով: Այս քննարկման ընթացքում կարող եք նաև դիտարկել հետևյալ հարցերը։

Ձեր կարծիքով, ինչպե՞ս կարող էր ավարտվել այս պատմությունը, եթե Հովսեփը հավատք չունենար առ Աստված: Եթե Հովսեփը չցանկանար ջանքեր գործադրել։
Ձեր կարծիքով, ինչպե՞ս կարող է այս պատմությունը առնչվել դեռահասի կյանքին։

Կարող եք նաև առաջարկել ուսանողներին կիսվել դասարանի հետ փորձառություններով, երբ իրենց ընտանիքը ստացել է այն, ինչի կարիքն ունեցել է՝ Աստծո օգնությամբ և ընտանիքի անդամների ջանքերով: Նաև կարող եք կիսվել անձնական փորձառությամբ։

Անձնական կիրառություն

Կարող եք կրկին ցուցադրել ինքնապահովման կատեգորիաները, որոնց շուրջ ուսանողները խորհում էին դասի առաջին բաժնում և հրավիրել առաջարկել ուսանողներին անել հետևյալը:

Խորհելով ինքնապահովման կատեգորիաների շուրջ, որոնք դասի սկզբում դուք նշել էիք որպես առավել դժվար ձեզ համար՝ որոշ ժամանակ տրամադրեք, որպեսզի աղոթքով գրեք հետևյալը․

Այն, ինչ դուք սովորեցիք, ամրացնում է ձեր հավատքն առ այն, որ Երկնային Հայրը և Հիսուս Քրիստոսը կօգնեն ձեզ հաղթահարել ինքնապահովման խոչընդոտները ձեր կյանքում:
Ինչպես կարող եք գործադրել ձեր հավատքը Երկնային Հոր և Հիսուս Քրիստոսի հանդեպ ձեր սեփական ջանքերի միջոցով` ինքնապահովում զարգացնելու համար:

Պատրաստակամ ուսանողներին կարող եք առաջարկել կիսվել իրենց օրագրերում գրածի մի մասով:

Օժանդակ նյութեր

Արդյո՞ք Տերը կօգնի մեզ դառնալ ինքնապահով։

Առաջին Նախագահությունը նշել է.

Տերը հայտարարել է. «Եվ իմ նպատակն է` ապահովել իմ սրբերին» (Վ&Ու 104․15)։ Այս հայտնությունը խոստում է Տիրոջ կողմից, որ Նա կտա աշխարհիկ օրհնություններ և կբացի ինքնապահովման դռները, ինչը հնարավորություն է մեզ համար՝ ապահովելու մեր և մեր ընտանիքի անդամների կենսական կարիքները։ …

Մենք առաջարկում ենք ձեզ ջանասիրաբար ուսումնասիրել և կիրառել [հավատքի, կրթության, քրտնաջան աշխատանքի և Տիրոջը վստահելու սկզբունքները] և ուսուցանել դրանք ձեր ընտանիքի անդամներին: Եթե դա անեք, ձեր կյանքը կօրհնվի: Դուք կիմանաք` ինչպես գործել լիովին ինքնապահով դառնալու ձեր ճանապարհին: Դուք կօրհնվեք ավելի մեծ հույսով, խաղաղությամբ և առաջընթացով:

Համոզված եղեք, որ դուք մեր Երկնային Հոր զավակներն եք: Նա սիրում է ձեզ և երբեք ձեզ չի թողնի: Նա ճանաչում է ձեզ և պատրաստ է ձեզ տալու ինքնապահովման հոգևոր և աշխարհիկ օրհնություններ: («Ուղերձ Առաջին Նախագահությունից», Անձնական ֆինանսներ ինքնապահովման համար [2017])

Նախկինում Նախագահող եպիսկոպոս Հ. Դեյվիդ Բըրթնը ուսուցանել է․

Անելով ամեն ինչ՝ ինքնապահով դառնալու, մեր անձնական և ընտանիքի կարիքները հոգալու համար, մենք կարող ենք վստահորեն դիմել Տիրոջը՝ խնդրելու այն, ինչը մեզ, հնարավոր է, դեռ պակասում է: («The Blessing of Work», Լիահոնա, դեկտեմբեր 2009, 43)

Իսկ եթե մենք փորձենք և ձախողվե՞նք ինքնապահով դառնալու մեր ջանքերում:

Տասներկու Առաքյալների Քվորումից նախագահ Ջեֆրի Ռ. Հոլլանդը Քրիստոսի բնավորության մասին բացատրել է հետևյալը․

Խնդրում եմ հիշեք վաղը և դրան հաջորդող օրերին, որ Տերն օրհնում է նրանց, ովքեր ցանկանում են կատարելագործվել, ովքեր ընդունում են պատվիրանների անհրաժեշտությունը և փորձում են պահել դրանք, ովքեր սնուցում են քրիստոսանման արժանիքները և ձգտում են իրենց հնարավորության սահմանում ձեռք բերել դրանք։ Եթե ձախողեք այդ ջանքերը, ինչպես բոլորը, Փրկիչը պատրաստ է ձեզ օգնության հասնել, որ առաջ շարժվեք։ Եթե ընկնեք, հայցեք Նրա օգնությունը։ … Ի վերջո դուք կհասնեք այն հաջողությանը, որը փնտրում էիք։ («Տէրը էգուց ձեր միջումը հրաշքներ է անելու», Լիահոնա, մայիս 2016, 126)

Ի՞նչ կարող ենք սովորել Հովսեփի՝ ինքնապահովում զարգացնելու օրինակից։

Նախագահող եպիսկոպոսության եպիսկոպոս Քրիստոֆեր Վադելը ասել է.

10:7

Երբ մտածում ենք նախապատրաստության սկզբունքի մասին, մենք կարող ենք ոգեշնչման համար դիտարկել Հովսեփի օրինակը: Իմանալով, թե ինչ կպատահի, բավարար չէր լինի առատության տարիների ընթացքում առանց զոհաբերությունների անցնել «նիհար» տարիների միջով: Փոխանակ սպառելու այն ամենը, ինչ Փարավոնի ենթակաները կարողացել էին արտադրել, սահմանափակումներ դրվեցին և հետևեցին` ապահովելով բավականաչափ պաշար՝ ինչպես իրենց անմիջական, այնպես էլ ապագա կարիքների համար: Բավական չէ իմանալ, որ դժվարին ժամանակներ են գալու: Նրանք ստիպված էին գործել, և նրանց ջանքերի շնորհիվ «հաց կար»: («Հաց կար», Լիահոնա, նոյ. 2020, 44)

Լրացուցիչ ուսումնական վարժություններ

Սուրբ գրությունների ուսումնասիրություն

Կարող եք առաջարկել ուսանողներին նայել վարդապետության սերտման հատվածների ցանկը չորս տարիների ընթացքում՝ փնտրելով այն սուրբ գրությունները, որոնք.

Կարող են մեծացնել որևէ մեկի հավատն առ այն, որ Աստված պատրաստ է օգնել մեզ:
Օգնում են մեզ հասկանալ, որ Աստված ակնկալում է, որ մենք անենք աշխատանքի մեր մասը՝ գտնելու պատասխաններ և լուծումներ:

Ահա վարդապետության սերտման հատվածների մի քանի օրինակ, որոնցով ուսանողները կարող են կիսվել․

Առակներ 3․5–6

Մատթեոս 11․28–30

Հակոբոս 2.17–18

Մոսիա 2.41

Եթեր 12.27

Վարդապետություն և Ուխտեր 88․118

Ուսանողներին հնարավորություն տվեք կիսվել իրենց գտածով։ Նրանց կիսվելու ժամանակ կարող եք լրացուցիչ առաջադրանք տալ՝ առաջարկելով դասարանին մտածել իրական իրավիճակներ, որոնցում սուրբ գրությունների այս հատվածները հասկանալը կարող է օգնել որևէ մեկին աշխատել ավելի ինքնապահով դառնալու համար։

Մեծացրեք ձեր հավատքը

Դասի առաջին բաժնի վերջում ուսանողներին առաջարկեք մտածել այն ոլորտների մասին, որոնցում իրենք Աստծո օգնության կարիքն ունեն՝ ավելի ինքնապահով դառնալու համար, ապա կարող եք կիսվել նախագահ Ռասսել Մ. Նելսոնի հետևյալ խոսքերով։ Առաջարկեք ուսանողներին ընդհանուր լուծում փնտրել ցանկացած խնդրի համար, որին իրենք կարող են բախվել:

16:23

Իմ սիրելի եղբայրներ և քույրեր, ձեզ կոչ եմ անում … այսօր սկսել մեծացնել ձեր հավատքը: Ձեր հավատքի միջոցով Հիսուս Քրիստոսը կմեծացնի ձեր կյանքում սարեր տեղաշարժելու ձեր ունակությունը, նույնիսկ եթե ձեր անձնական դժվարություններն այնքան մեծ թվան, որքան Էվերեստ լեռը։ …

… Ձեր «սարերը» տարբեր կլինեն, սակայն յուրաքանչյուր դժվարությանն արձագանքելու համար պետք է մեծացնեք ձեր հավատքը։ («Քրիստոսը հարություն է առել․ Նրա հանդեպ հավատքը սարեր կտեղաշարժի», Լիահոնա, մայիս 2021, 102–103)

Կարող եք ուսանողներին բաժանել հինգ խմբի․ յուրաքանչյուր խումբ պետք է կենտրոնանա ինքնապահովման հետևյալ ոլորտներից մեկի վրա.

Ամրացնել հոգևոր զորությունը և վկայությունը Քրիստոսի մասին
Ստանալ կրթություն
Դրամ վաստակել
Լինել ֆիզիկապես առողջ
Լինել դիմացկուն էմոցիոնալ առումով

Խմբերին առաջարկեք մտքեր փոխանակել և դասարանին ասել, թե Քրիստոսի հանդեպ հավատքի աճը ինչպես կարող է օգնել մի մարդու, որը դժվարություններ ունի այդ ոլորտում:

Սուրբգրային օրինակները կարող են ամրացնել մեր հավատքն առ Քրիստոս

Երբեմն դժվար իրավիճակը կարող է ավելի կառավարելի դառնալ, եթե մենք հիշենք, թե ինչ է Աստված արել ուրիշների համար: Եթե կարծում եք, որ ի լրումն Հովսեփի պատմությանը ուսանողներին օգտակար կլինի ուսումնասիրել այլ օրինակներ, դրանք կարող են լինել հետևյալ հատվածները․ Դավիթ (Ա Թագավորների 17․40–50) և հարեդացիներ (Եթեր 2․16–17, 22–23,3․1–6)։

Որպես դասը ավարտելու այլընտրանքային եղանակ՝ ուսանողներին առաջարկեք լրացնել հետևյալ նախադասությունները.

Այն իմացությունը, որ Աստված օգնեց (որևէ մեկին սուրբ գրություններից) (այն բանում, որ Աստված արեց նրա համար), ինձ վստահություն է տալիս, որ Աստված կարող է օգնել նաև ինձ՝ միջոց գտնել հաղթահարելու (ինքնապահովման խոչընդոտը, որը ես չեմ կարող ինքնուրույն հաղթահարել):

(Օրինակ․ Այն իմացությունը, որ Աստված օգնեց Դավիթին Գողիաթի դեմ նրա մարտում, ինձ վստահություն է տալիս, որ Աստված կարող է օգնել նաև ինձ՝ միջոց գտնել հաղթահարելու իմ դժվարությունները՝ հասկանալու այն, ինչ ուսուցանվում է դպրոցում։)