Զարգացրեք ինքնապահովում Տիրոջ ձևով

• Ի՞նչ կարող էր պատահել այս թռչնի հետ, եթե նրա ծնողները հնարավորություն տային, որ նա հավերժ մնար բնում՝ մշտապես ապահովելով նրան կերով:

• Ինչպե՞ս դա կարելի է համեմատել մեր առաջընթացի և զարգացման հետ՝ մեր վերաբերյալ Երկնային Հոր ծրագրում:

Նախագահող եպիսկոպոսության եպիսկոպոս Քրիստոֆեր Վադելը բացատրել է.

Տերը չի ակնկալում մեզանից անել ավելին, քան մենք կարող ենք անել, բայց Նա ակնկալում է մեզանից անել այն, ինչ կարող ենք անել, երբ մենք ի վիճակի ենք անել: Ինչպես նախագահ Նելսոնը հիշեցրեց մեզ մեր անցած գերագույն համաժողովում. «Տերը սիրում է, երբ ջանք է գործադրվում»։

…Լինել նյութապես պատրաստված և ինքնապահով, նշանակում է «հավատալ, որ Հիսուս Քրիստոսի շնորհով կարող ենք ապահովել հոգևոր և ֆիզիկական կյանքի բոլոր պահանջները, որոնք անհրաժեշտ են մեզ համար և մեր ընտանիքների համար»։ («Հաց կար», Լիահոնա, նոյ. 2020, 43)

Gospel Library հավելվածի Թեմաներ և հարցեր բաժնում ասվում է․

Փրկիչը հրավիրում է մեզ բոլորիս գործել, լինել անկախ և նմանվել Իրեն: Նա կօգնի մեզ: … Նրա ուղին ներառում է ինքնապահովման սկզբունքները սովորելը և դրանցով ապրելը—«անձի և ընտանիքի հոգևոր և նյութական կարիքները ապահովելու ունակությունը, պարտավորությունը և ջանքերը» (Providing in the Lord’s Way: Summary of a Leader’s Guide to Welfare [2009])։ (Թեմաներ և հարցեր, «Ինքնապահովում», Gospel Library հավելված)

• Ի՞նչ սովորեցիք այս խոսքերից Փրկչի մասին:

• Ինչպե՞ս կնկարագրեք ինքնապահովումը ձեր բառերով։

Խորհեք հետևյալ հարցերի շուրջ.

• Ինչպե՞ս կարող եք նկարագրել, թե ինչ է նշանակում դեռահասի համար մեծացնել իր կարողությունները հետևյալ բնագավառներում:

Ավետարանի գիտելիքներ

Ընթացիկ և ապագա ֆինանսական պահանջմունքներ

Կրթություն և աշխատանք

Ֆիզիկական պահանջմունքներ

Էմոցիոնալ և սոցիալական պահանջմունքներ

• Ձեր կարողությունների զարգացումն այս բնագավառներից յուրաքանչյուրում ինչպե՞ս կօրհնի ձեր կյանքը երկրի վրա և ձեր հավերժական առաջընթացը:

Կարդացեք հետևյալ սուրբ գրություններից մեկը և խորհեք ուղեկցող հարցի շուրջ:

Մովսես 4․23–25, 5․1 (Ադամն ու Եվան հեռանում են Եդեմի պարտեզից)

• Աստծո այն պահանջը, որ Ադամն ու Եվան աշխատեն՝ սնունդ հայթհայթելու համար, ինչո՞ւ էր ավելի մեծ օրհնություն նրանց համար, քան եթե Աստված հրահանգեր, որ երկիրը ինքնաբերաբար սնունդ արտադրի նրանց համար:

Ծնունդ 6․14–16 (Նոյն իր ընտանիքը գալիք ջրհեղեղից պաշտպանելու կարիքն ունի)

• Նոյից ակնկալել, որ նա տապան կկառուցի, ինչո՞ւ էր ավելի մեծ օրհնություն, քան եթե Աստված պարզապես հրաշքով տրամադրեր նրան այդ տապանը։

Ելք 19․19–20 (Մովսեսն անապատում սպասում է Տիրոջ ցուցումներին)

• Ինչո՞ւ էր Մովսեսի համար օրհնություն այն սպասումը, որ ինքը բարձրանա լեռը, որպեսզի Աստված իրեն հայտնություն տա։

Երբ խմբերն ավարտեն կիսվելը, կարող եք ցուցադրել «All I Needed» (1:44) տեսանյութը, որպեսզի օգնեք ուսանողներին տեսնել ինքնապահովում զարգացնող մարդկանց ժամանակակից օրինակներ:

1:44

Մենք կարող ենք մոռանալ, որ Հիսուս Քրիստոսը ժամանակին երիտասարդ է եղել: Նոր Կտակարանը պարունակում է մի քանի գլուխ Նրա հրաշագործ ծննդյան մասին և բազմաթիվ գլուխներ Նրա չափահաս կյանքի մասին: Սակայն, մենք կարող ենք քիչ բան իմանալ, թե ինչպես է Նա անցկացրել Իր երիտասարդությունը:

Կարդացեք Ղուկաս 2․52 հատվածը՝ փնտրելով այն բնագավառները, որոնցում Փրկիչը զարգացել և առաջընթաց է ունեցել երիտասարդ տարիներին:

Ձեր խմբի հետ քննարկեք, թե ինչպես որոշ դեռահասներ.

• Այդ բնագավառում կարող են ավելի շատ հույս դնել ուրիշների վրա, քան պետք է:

• Այդ բնագավառում կարող են մեծացնել իրենց կարողությունները:

Պատկերացրեք, որ ձեր ղեկավարը խնդրել է ձեզ կիսվել, թե ինչ եք սովորել այս շաբաթ սեմինարիայում՝ ձեր ծխի երիտասարդների հետ: Գրեք, թե ինչ սովորեցիք ինքնապահովման մասին՝ օգտագործելով հետևյալը.

1. Նկարագրություն այն մասին, թե ինչ է ինքնապահովումը

2. Ինչո՞ւ է ինքնապահովում զարգացնելը կարևոր Երկնային Հոր համար՝ մեր վերաբերյալ Նրա ծրագրում

3. Անձնական կամ սուրբգրային օրինակ, որը ցույց է տալիս որևէ մեկի ինքնապահովումը

4. Մի եղանակ, որով դեռահասները կարող են ավելի ինքնապահով դառնալ իրենց կյանքի որևէ բնագավառում