Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Զաքարիա 10–14. Մի օր է գալիս Տիրոջ համար

«Զաքարիա 10–14. Մի օր է գալիս Տիրոջ համար», Հին Կտակարան․ Սեմինարիայի ուսուցչի ձեռնարկ (2026)

«Զաքարիա 10–14. Մի օր է գալիս Տիրոջ համար», Հին Կտակարան․ Սեմինարիայի ուսուցչի ձեռնարկ

Անգե 1–2, Զաքարիա 1–4, 10–14․ Դաս 157

Զաքարիա 10–14

Մի օր է գալիս Տիրոջ համար

"He Comes Again to Rule and Reign" by Mary R. Sauer. Jesus Christ is descending to Earth at his Second Coming. There are men, women, and children surrounding him. He is wearing a red robe and is looking down at those who are gathering.

Իր մարգարեների միջոցով Տերը մանրամասներ է հայտնում ապագա իրադարձությունների մասին, որպեսզի մենք կարողանանք ճանաչել այդ իրադարձությունները և վստահությամբ սպասել դրանց: Զաքարիան մարգարեացավ, որ Փրկիչը կվերադառնա և կպաշտպանի Իր ժողովրդին՝ նրա դեմ պայքարելու համար հավաքված ազգերից: Այս դասը կօգնի ուսանողներին վստահություն ունենալ, որ Փրկիչն իրենց հետ կլինի Երկրորդ Գալուստին նախորդող իրադարձությունների ժամանակ:

Ուսանողի նախապատրաստում․ առաջարկեք ուսանողներին կարդալ «Second Coming of Jesus Christ» նյութը Թեմաներ և հարցեր բաժնում (Gospel Library)։ Խրախուսեք նրանց պատրաստվել՝ դասի ժամանակ կիսվելու իրենց սովորածով կամ իրենց ունեցած հարցերով։

Հնարավոր ուսումնական վարժություններ

Սպասելով Փրկչի Երկրորդ Գալուստին

Կարող եք սկսել դասը՝ առաջարկելով ուսանողներին մտածել այն կարևոր իրադարձությունների մասին, որ իրենք ակնկալում են ապագայում, օրինակ՝ հանգստի մեկնելը, միսիայում ծառայելը կամ ամուսնանալը: Առաջարկեք նրանց կիսվել այդ իրադարձությունների հանդեպ իրենց վերաբերմունքով:

Ապա ցուցադրեք Փրկչի Երկրորդ Գալուստի նկարը: Առաջարկեք ուսանողներին գրատախտակին գրել մի քանի բառ, որոնք ներկայացնում են, թե ինչպես մարդիկ կարող են վերաբերվել այդ իրադարձությանը: Դրանք կարող են լինել հետևյալ բառերը․ հուզված, պատրաստ, վստահ, հանգիստ, վախեցած, անորոշ, նյարդային կամ անվստահ։

Գնահատելու համար, թե ինչպես են իրենք վերաբերվում Փրկչի Երկրորդ Գալուստին, ուսանողները կարող են անել հետևյալը։

Սուրբ գրությունների ուսումնասիրության ձեր օրագրում պատասխանեք հետևյալ հարցերին.

Ո՞ր բառերն են նկարագրում, թե ինչպես եք դուք վերաբերվում Փրկչի Երկրորդ Գալուստին:
Ի՞նչն է ազդում այս իրադարձության հանդեպ ձեր վերաբերմունքի վրա:

Գրեք Փրկչի Երկրորդ Գալուստի վերաբերյալ ձեր ունեցած ցանկացած հարց:

Երկրորդ Գալուստի հետ կապված իրադարձությունները ուսումնասիրելիս լսեք Հոգուց եկած տպավորությունները, որպեսզի իմանաք, թե ինչպես կարող եք ավելի վստահ լինել, որ Փրկիչը ձեզ հետ կլինի այդ իրադարձությունների ժամանակ:

Ուսանողներին կարող եք առաջարկել կիսվել իրենց գրածով: Քաջալերեք ուսանողներին Զաքարիայի գիրքն ուսումնասիրելիս փնտրել իրենց հարցերի պատասխանները։

Նշում․ Դուք չպետք է պարտադիր պատասխանեք Փրկչի Երկրորդ Գալուստի վերաբերյալ բոլոր հարցին: Եթե ուսանողները ցանկանան ավելին իմանալ, կարող են ուսումնասիրել «Second Coming of Jesus Christ» նյութը Թեմաներ և հարցերբաժնում (Gospel Library)։

Զաքարիան մարգարեացավ Փրկչի Երկրորդ Գալուստի մասին

Որպեսզի օգնեք ուսանողներին հասկանալ Զաքարիայի մարգարեությունները Փրկչի Երկրորդ Գալուստի մասին, կարող եք կարդալ կամ ամփոփ ներկայացնել հետևյալ պարբերությունը։ Ուսանողները կարող են նաև կարդալ Զաքարիա 10, 12–14 հատվածները։

Զաքարիան մարգարեացավ, որ վերջին օրերում Երուսաղեմի մոտ տեղի կունենա մեծ ճակատամարտ, որը հայտնի է որպես Արմագեդոնի ճակատամարտ (տես Հայտնություն 16.16)։ Երկրի բոլոր ազգերը կհավաքվեն Երուսաղեմի դեմ (տես Զաքարիա 12․2–3)։ Ճակատամարտի ընթացքում Երուսաղեմը պաշարման մեջ կլինի, քանի որ զորքերը կշրջափակեն քաղաքը (տես Զաքարիա 14․2)։ Այնուհետև Փրկիչը կհայտնվի Ձիթենյաց սարի վրա (տես Զաքարիա 14․4)։

Երբ ուսանողները լրացնեն աշխատաթերթը, առաջարկեք նրանց հարցեր տալ իրենց ուսումնասիրածի վերաբերյալ: Եթե վստահ չեք, թե ինչ պատասխանեք, ասեք նրանց, որ չգիտեք պատասխանը։ Պատասխանը գտնելու համար առաջարկեք նրանց ուսումնասիրություն կատարել։ Կարող եք նաև նրանց հետ փնտրել պատասխանը դասի ժամանակ կամ դասից դուրս:

Հետևյալ հարցը կարող է օգնել ուսանողներին բացահայտել ճշմարտություններ Զաքարիայի ուսմունքներում։

Այդ հատվածներն ի՞նչ են ուսուցանում ձեզ Հիսուս Քրիստոսի մասին։

Քննարկման ժամանակ առաջարկեք ուսանողներին ճշմարտության մի պարզ արտահայտության միջոցով ամփոփել Փրկչի մասին իրենց սովորածը։ Ուսանողները կարող են կիսվել տարբեր պատասխաններով, այդ թվում՝ Հիսուս Քրիստոսը կվերադառնա վերջին օրերում և կհավաքի, կփրկի և կպաշտպանի Իր ժողովրդին։

Զորությունը գալիս է այն ժամանակ, երբ ուսանողները գիտակցում են, որ ճշմարտությունները, որ իրենք սովորում են սուրբ գրություններից, վկայում են իրենց կյանքում Երկնային Հոր և Հիսուս Քրիստոսի սիրո, զորության և ողորմության մասին: Այս գիտակցումը կարող է օգնել ուսանողներին ավելի սերտ կապ զգալ Նրանց հետ:

Հետևյալ հարցերը կարող են օգնել ուսանողներին հասնել այդ գիտակցությանը։

(Լրացուցիչ ուսուցում ստանալու համար, թե ինչպես տալ հարցեր, որոնք կապում ենՏիրոջ սերը, զորությունը և ողորմությունը սուրբ գրություններում ուսուցանվող ճշմարտությունների հետ, տես «Օգնեք սովորողներին ճանաչել Տիրոջ սերը, զորությունը և ողորմությունը իրենց կյանքում» բաժինը Ուսուցիչների կատարելագործման հմտություններ ձեռնարկում։)
Ինչպե՞ս կարող է Հիսուս Քրիստոսի մասին այս ճշմարտությունն իմանալն օգնել մեզ վստահությամբ դիմագրավել Նրա Երկրորդ Գալուստը:
Ի՞նչ եղանակներով է Հիսուս Քրիստոսը հավաքում, փրկում և պաշտպանում Իր ժողովրդին այսօր:

Վերը նշված հարցի պատասխանները կարող են ներառել հետևյալը. Հիսուս Քրիստոսը հավաքում է Իր ժողովրդին՝ հրավիրելով բոլորին գալ Իր մոտ, հետևել Իր ավետարանին և ստանալ տաճարի օրհնությունները: Նա փրկում է՝ առաջարկելով Իր Քավության պարգևը և ավետարանի արարողությունները: Նա պաշտպանում է՝ հայտնելով Իր կամքը ապրող մարգարեների և սուրբ գրությունների միջոցով:

Կիսվեք ձեր գիտելիքով

Կարդացեք «Come, O Thou King of Kings» օրհներգի բառերը (Հիմներ, հմր. 59)։ Այնուհետև գրեք օրհներգի բառերի լրացուցիչ տուն: Ներառեք Զաքարիայի ուսմունքներն այն մասին, թե ինչ է Փրկիչը խոստացել անել Իր ժողովրդի համար՝ Իր Երկրորդ Գալուստի ժամանակ, նաև այն, թե ինչպես են այդ խոստումները օգնում ձեզ վստահություն ունենալ, որ Փրկիչը կլինի Իր ժողովրդի հետ վերջին օրերում:

Առաջարկեք ուսանողներին կիսվել օրհներգի իրենց գրած բառերով։

Կարող եք օրհներգը միասին դասարանով երգել՝ ներառելով ուսանողների գրած հատվածներից մեկը կամ մի քանիսը:

Եզրափակելով՝ կարող եք կիսվել ձեր վկայությամբ Փրկչի մասին և այն մասին, թե ինչպես է Նա օգնում ձեզ վստահությամբ սպասել Իր Երկրորդ Գալուստին:

Օժանդակ նյութեր

Ի՞նչ են ուսուցանել ժամանակակից մարգարեները Փրկչի Երկրորդ Գալուստի մասին:

Նախագահ Ռասսել Մ. Նելսոնն ուսուցանել է․

Տերը կվերադառնա դեպի այն երկիրը, որն Ինքը Իր առաքելությամբ սուրբ դարձրեց մահկանացու կյանքում: Նա կրկին հաղթանակած կգա Երուսաղեմ: Նա կվերադառնա Սուրբ քաղաքը կարմիր փառավոր հանդերձներով, որոնք խորհրդանշում են Նրա արյունը, որը ծորում էր ամեն ծակոտիից (տես Վարդապետություն և Ուխտեր 133.46–48): Այնտեղ և այլուր «պիտի հայտնվի Տիրոջ փառքը, և ամեն մարմին միասին պիտի տեսնեն այն» (Եսայի 40.5, տես նաև Վարդապետություն և Ուխտեր 101.23): Նրա «անունը կկոչվի Սքանչելի, Խորհրդական, Հզոր Աստուած, Հավիտենականության Հայր, Խաղաղության Իշխան» (Եսայի 9.6):

Նա կկառավարի աշխարհի երկու մայրաքաղաքներից. մեկը՝ Հին Երուսաղեմը (տես Զաքարիա 14), իսկ մյուսը՝ Նոր Երուսաղեմը, «կկառուցվի Ամերիկյան աշխարհամասում» (Հավատո Հանգանակ 1.10): Այս կենտրոններից Նա կղեկավարի Իր Եկեղեցու և արքայության գործերը: Մեկ այլ տաճար կկառուցվի Երուսաղեմում: Տաճարից Նա կթագավորի որպես Տերերի Տեր: Ջուրը դուրս կհոսի տաճարի տակից: Մեռյալ ծովի ջրերը կառողջանան: (Տես Եզեկիել 47․1–8:)

Այդ օրը Նա կկրի նոր տիտղոսներ և շրջապատված կլինի հատուկ Սրբերով: Նրան կճանաչեն որպես «տերերի Տեր ու թագավորների Թագավորը։ Եվ ովքեր [կլինեն] նրա հետ են, [կլինեն] կանչվածներ, ընտրյալներ ու հավատարիմներ» (Հայտնություն 17.14), ի վստահություն իրենց, այստեղ՝ մահկանացու կյանքում: Հետո Նա «պիտի թագավորի հավիտյանս հավիտենից» (Հայտնություն 11.15):

Երկիրը կվերադառնա իր դրախտային վիճակին և կնորանա: Կլինի նոր երկինք և նոր երկիր (տես Հայտնություն 21.1, Եթեր 13.9, Վարդապետություն և Ուխտեր 29.23–24):

Մեր պարտականությունն ու արտոնությունն է՝ պատրաստել աշխարհը այդ օրվա համար: («Եկեղեցու ապագան. պատրաստել աշխարհը Փրկիչի Երկրորդ Գալուստին», Ensign, Apr. 2020, 16–17)

Ի՞նչ զգացումներ կարող ենք ունենալ՝ Փրկչի վերադարձին պատրաստվելիս:

Տասներկու Առաքյալների Քվորումից երեց Նիլ Լ․ Անդերսենն ուսուցանել է.

15:55

Ես ձեզ վստահեցնում եմ, որ եթե տարեցտարի մշտապես արդար կյանքով ապրեք, ձեր փորձություններն ամեն անգամ կհաստատեն ձեզ, որ Հիսուսը Քրիստոսն է: Ձեր ոտքերի տակի հոգևոր վեմը կլինի ամուր և ապահով: Դուք ուրախ կլինեք, որ Աստված բերել է ձեզ այստեղ` Քրիստոսի փառահեղ վերադարձից առաջ վերջին նախապատրաստական գործի մասնակիցը լինելու: («Հոգևոր պտտահողմեր», Լիահոնա, մայիս 2014, 21)

Լրացուցիչ խորհրդի համար, թե ինչպես հույս գտնել՝ Փրկչի վերադարձին պատրաստվելիս, տես նախագահ Նելսոնի «Եկեղեցու ապագան. պատրաստել աշխարհը Փրկիչի Երկրորդ Գալուստին» հոդվածը (Ensign, Apr. 2020, 7–11)։

Որտեղի՞ց կարող եմ ավելին իմանալ Արմագեդոնի ճակատամարտի մասին:

Արմագեդոնի ճակատամարտի մասին մանրամասն քննարկման համար տես The Battle of Armageddon: A Prophetic View (Հին Կտակարան. Ուսանողի ձեռնարկ. Ա Թագավորաց–Մաղաքիա [2003], 291–95): Այս համաշխարհային հակամարտության մասին դուք կարող եք ուսումնասիրել նաև Եզեկիել 38–39, Զաքարիա 12–14, Հայտնություն 11, Վարդապետություն և Ուխտեր 45․47–53 հատվածները և Սուրբ գրքերի ուղեցույց, «Արմագեդոն» (Gospel Library)։

Լրացուցիչ ուսումնական վարժություններ

Զաքարիա 9․9։ Մարգարեություն Քրիստոսի հաղթական մուտքի մասին

Կարող եք բացատրել, որ բացի Փրկչի Երկրորդ Գալուստի մասին մարգարեություններից, Զաքարիան կանխատեսել է մի իրադարձություն, որը պետք է տեղի ունենար Քրիստոսի աշխարհիկ ծառայության ընթացքում:

Առաջարկեք ուսանողներին կարդալ Զաքարիա 9.9 հատվածը՝ փնտրելով Հիսուս Քրիստոսի մասին մարգարեությունը: Ապա առաջարկեք նրանց կարդալ Մատթեոս 21.4–11 հատվածները՝ փնտրելով, թե ինչպես Հիսուս Քրիստոսը իրականացրեց այդ մարգարեությունը։ Որպեսզի օգնեք ուսանողներին պատկերացնել այդ իրադարձությունը, կարող եք ցուցադրել «The Lord’s Triumphal Entry into Jerusalem» տեսանյութը (1:22)։

1:22

Այնուհետև կարող եք քննարկել, թե ինչպես է Տերը հայտնում իր մարգարեներին ապագա իրադարձությունների վերաբերյալ ճշմարտությունները, և ինչ է դա մեզ ուսուցանում Տիրոջ մասին: Ուսանողները կարող են նշել այլ օրինակներ սուրբ գրություններից, երբ մարգարեները մարգարեացել են Հիսուս Քրիստոսի մասին: Նրանք կարող են քննարկել, թե ինչպես են այդ մարգարեություններն ամրացնում Նրա մասին մեր վկայությունները:

Պատրաստ լինել Փրկչի Երկրորդ Գալուստին

Որպեսզի օգնեք ուսանողներին իրենց պատրաստ զգալ Փրկչի Երկրորդ Գալուստին, կարող եք ցուցադրել հետևյալ տեսահոլովակներից մեկը կամ երկուսը.

Israel, Israel, God is Calling—Highlight 1 (1:53)․ նախագահ Ջեֆրի Ռ. Հոլլանդը կիսվում է մտքերով, թե ինչպիսին է ուզում ինքը լինել, երբ Փրկիչը վերադառնա:

1:53

The Righteous Need Not Fear (1:06)․ Նախագահ Դալլին Հ. Օուքսն ուսուցանում է, որ արդարները չպետք է վախենան, երբ Փրկիչը գա:

1:8

Սուրբ գրություններում գտնել Երկրորդ Գալուստի մասին հարցերի պատասխանները

Որպեսզի օգնեք ուսանողներին օգտագործել սուրբ գրությունները` Երկրորդ Գալուստի վերաբերյալ իրենց տրված հարցերի պատասխանները գտնելու համար, կարող եք դասարանը բաժանել փոքր խմբերի՝ հետևյալ վարժության համար: Յուրաքանչյուր խմբի հանձնարարեք հետևյալ հարցերից մեկը և դրան ուղեկցող սուրբգրային հատվածները: Առաջարկեք ուսանողներին ուսումնասիրել հատվածներից մի քանիսը կամ բոլորը և հակիրճ ներկայացում պատրաստել իրենց բացահայտածի մասին: Յուրաքանչյուր խմբի առաջարկեք կիսվել իրենց սովորածով դասարանի հետ։

Ի՞նչ է տեղի ունենալու արդարների և ամբարիշտների հետ Երկրորդ Գալուստի ժամանակ։
- Զաքարիա 14․12–13, 16
- Մաղաքիա 3․1–3, 4․1–3
- 1 Նեփի 22․15–17, 19, 22–23
Ես կլինե՞մ այնտեղ, երբ Փրկիչը վերադառնա:
- Զաքարիա 14․5
- Ա Թեսաղոնիկեցիներին 4․14–17
- Վարդապետություն և Ուխտեր 45․44–46
- Վարդապետություն և Ուխտեր 88․96–98
Արդյո՞ք մենք գիտենք, թե երբ կլինի Փրկչի Երկրորդ Գալուստը։
- Մատթեոս 24․36
- Վարդապետություն և Ուխտեր 39․20–21
- Վարդապետություն և Ուխտեր 49․7
Որո՞նք են Փրկչի Երկրորդ Գալուստի այլ նշանները:
- Եզեկիել 47․1, 8–9
- Հովել 2․30–32
- Զաքարիա 14․8
- Ղուկաս 21․25–28