Անգե

• Ինչի՞ վրա եք ամեն օր ծախսում ձեր ժամանակը։

• Ինչի՞ն է Տերը պատվիրում է առաջնահերթություն տալ մեզնից յուրաքանչյուրին։

  Երկրորդ հարցին ուսանողները կարող են պատասխանել հետևյալը․ սուրբ գրությունների ուսումնասիրությունը, աղոթքը, ընտանիքին ժամանակ տրամադրելը, ծառայությունը և այլն: Կարող եք ուսանողների պատասխանները գրել քարերի վրա:

  Որպեսզի օգնեք ուսանողներին տեսնել առաջնահերթությունների կարևորությունը, նախ տարան լցրեք ավազով: Այնուհետև փորձեք ավելացնել քարերը, որոնք չեն տեղավորվում տարայի մեջ: Քննարկեք, թե ինչպես կարելի է տեղավորել և՛ քարերը, և՛ ավազը: Դատարկեք տարան և նորից փորձեք: Սկզբում ավելացրեք քարերը, ապա ավազը՝ թափահարելով տարան, որպեսզի ավազը տեղավորվի քարերի միջև եղած տարածության մեջ:

• Ի՞նչ կարող ենք սովորել այս առարկայական դասից:

• Ինչո՞ւ կարող է դժվար լինել ժամանակ տրամադրել Տիրոջը և այն բաներին, որոնք Նա պատվիրում է մեզ անել ամեն օր:

Անգեի գիրքը ուսումնասիրելիս ոգեշնչում խնդրեք Սուրբ Հոգուց այն մասին, թե ինչպես կարող է Տերը օրհնել ձեր կյանքը, եթե դուք ժամանակ տրամադրեք Նրան:

Երբ հրեաները Բաբելոնի իրենց գերությունից Երուսաղեմ վերադարձան, նրանք մեծ ջանքեր գործադրեցին՝ վերակառուցելու իրենց տաճարը, քաղաքը, տները և կյանքը (տես Եզրաս 1.1–6): Բայց մոտ 15 տարի անց Տերը դժգոհ էր այն բանից, որ նրանք առավել մեծ առաջնահերթություն չէին տվել տաճարի վերակառուցմանը (տես Եզրաս 4.24, Անգե 1.3–4)։ Նա ուղարկեց Իր մարգարե Անգեին, որպեսզի հորդորի ժողովրդին առաջնահերթություն տալ Տիրոջ տան կառուցմանը:

Կարդացեք Անգե 1․2–4 հատվածները՝ փնտրելով բառեր կամ արտահայտություններ, որոնք ցույց են տալիս, որ հրեաները կենտրոնացած չէին տաճարի վերակառուցման վրա:

• Ինչպե՞ս է սա առնչվում առարկայական դասին:

Կարդացեք Անգե 1․5–11 հատվածները՝ փնտրելով այն հետևանքները, որոնց բախվեցին հրեաներն այն պատճառով, որ տաճարը վերակառուցելու փոխարեն առաջնահերթություն էին տալիս այլ բաներին:

• Ի՞նչ հետևանքների մենք կարող ենք բախվել, եթե առաջնահերթություն չտանք Տիրոջը մեր կյանքում:

  Կարող եք առաջարկել ուսանողներին մատնանշել կամ նշել հատվածներ 5 և 7-ի կրկնվող արտահայտությունը։

• Ձեր կարծիքով, ի՞նչ նկատի ուներ Տերը, երբ հրավիրեց մարդկանց «ուշադրություն դարձնել [իրենց] ճանապարհներին»: (Անգե 1․5, 7)

Հրեաները և նրանց առաջնորդները հնազանդվեցին Տիրոջ ձայնին: Զորաբաբելը (կառավարիչը) և Հեսուն (քահանայապետը) ղեկավարում էին տաճարի վերակառուցման աշխատանքները (տես Անգե 1.12–14)։ Անգե մարգարեն նույնպես օգնում էր (տես Եզրաս 5.1–2)։ Երբ նրանք աշխատում էին, Տերը խրախուսող խոսքեր ասաց:

Կարդացեք հետևյալ հատվածներից մեկը կամ մի քանիսը` փնտրելով Տիրոջ խրախուսանքը, որով կարող եք ավարտել գրատախտակին գրված նախադասությունը.

Անգե 2․4–5

Անգե 2․6–9

Անգե 2․18–19

• Այս հատվածների Տիրոջ օրհնություններից ո՞րն եք ամենաշատը ցանկանում: Ինչո՞ւ։

Օգնեք ուսանողներին հասկանալ, թե ինչպես կարող են Աստծուն առաջին տեղում դնել՝ Նրա օրհնությունները ստանալու համար: Եթե չեք ցուցադրել «The Soul’s Sincere Desire» տեսանյութը (3:28), երբ ուսուցանում էիք Դաս 93․ «Նեեմիա», ապա կարող եք ցուցադրել այն այս դասում՝ 0:00–2:01։ Այդ տեսանյութը հասանելի է ChurchofJesusChrist.org կայքում: Կարող եք առաջարկել ուսանողներին փնտրել եղանակներ, որոնցով նրանք կարող են պատասխանել ստորև տրված հարցերին:

3:29

Որպես այլընտրանք, կարող եք կիսվել հետևյալ սցենարով: Այնուհետև ուսանողները կարող են պատասխանել ուղեկցող հարցերին զույգերով, փոքր խմբերով կամ դասարանով:

Պատկերացրեք, որ Ալեքս անունով ընկեր ունեք, որը կարծում է, որ ժամանակ չունի իր կյանքում Աստծուն առաջնահերթություն տալու համար: Նրա օրերը լցված են դպրոցական աշխատանքով, ընկերներով և հոբբիներով, որից հետո նրա ուժերը սպառվում են, և նա շարժառիթ չի ունենում հոգևոր բաների համար։ Նա փոխվելու անհրաժեշտություն է զգում, բայց չգիտի, թե ինչ պետք է անի:

• Ի՞նչ խորհուրդ կտայիք Ալեքսին, որպեսզի օգնեք նրան Աստծուն դնել առաջին տեղում:

• Ինչպե՞ս կարող է Աստված օրհնել նրան՝ Իրեն առաջին տեղում դնելու համար:

  Բավարար ժամանակ տալուց հետո կարող եք ցուցադրել «The Soul’s Sincere Desire» տեսանյութի մնացած մասը, 2:02–3:28՝ առաջարկելով ուսանողներին տեսնել, թե ինչ է անում Ալեքսը փոխվելու համար։

  

  3:29

• Ուրիշ ի՞նչ խորհուրդ կտաք մի մարդու, որը կարծում է, որ չի կարող Աստծուն իր կյանքում առաջին տեղում դնել որևէ այլ պատճառով:

• Ինչպե՞ս է Աստված օրհնել ձեզ կամ ձեր ծանոթներին, երբ Իրեն առաջին տեղում եք դրել։

Անհատապես խորհեք Տասներկու Առաքյալների Քվորումից երեց Դեյվիդ Ա. Բեդնարի հետևյալ առաջարկի շուրջ․

13:56

Ես կրկնում եմ Տիրոջ հորդորը Իր ժողովրդին, որը տրվել է Հին Կտակարանի մարգարե Անգեի կողմից. «Եվ հիմա Զորքերի Տերն այսպես է ասում. Ուշադրությո՛ւն դարձրեք ձեր ճանապարհներին» [Անգե 1․5]։

Մեզանից յուրաքանչյուրը պետք է անկեղծորեն և աղոթքով գնահատի մեր նյութական և հոգևոր առաջնահերթությունները՝ բացահայտելու այն բաները մեր կյանքում, որոնք կարող են խոչընդոտել առատ օրհնություններին, որոնք Երկնային Հայրը և Փրկիչը պատրաստ են մեզ շնորհել: Եվ, անկասկած, Սուրբ Հոգին կօգնի ինքներս մեզ տեսնել այնպիսին, ինչպիսին կանք իրականում։ («Հագիր զորությունդ, ով Սիոն», Լիահոնա, նոյեմբեր 2022, 94)

Գործեք Տիրոջ հրավերի համաձայն՝ «ուշադրությո՛ւն դարձրեք ձեր ճանապարհներին» (Անգե 1.5, 7)՝ խորհելով ձեր առաջնահերթությունների մասին: Խորհեք՝ արդյոք կան բաներ, որոնց դուք պետք է առաջնահերթություն տաք կամ որոնք պետք է հեռացնեք ձեր կյանքից՝ հրավիրելու այն օրհնությունները, որոնք Երկնային Հայրը և Հիսուս Քրիստոսը պատրաստ են ձեզ տալ:

Ձեր օրագրում նկարեք քարերով լցված տարա և քարերի վրա գրեք այն պարտավորությունները, որոնք դուք պետք է կատարեք՝ Աստծուն առաջնահերթություն տալու համար։ Տարայից դուրս նկարեք ավազ և վրան գրեք այն բաները, որոնք ցանկանում եք վերացնել: Ընտրեք մեկ-երկու քար և պլանավորեք, թե ինչ, երբ և ինչպես պետք է անեք՝ այդ պարտավորությունները կատարելու համար: