Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Զաքարիա 1–8․ «Դարձե՛ք դեպի ինձ»

«Զաքարիա 1–8. «Դարձե՛ք դեպի ինձ»», Հին Կտակարան․ Սեմինարիայի ուսուցչի ձեռնարկ (2026)

«Զաքարիա 1–8. «Դարձե՛ք դեպի ինձ»», Հին Կտակարան․ Սեմինարիայի ուսուցչի ձեռնարկ

Անգե 1–2, Զաքարիա 1–4, 10–14․ Դաս 156

Զաքարիա 1–8

«Դարձե՛ք դեպի ինձ»

A young man walks with the good shepherd, Jesus, away from the thorns that had held him bound.

Բաբելոնում և Պարսկաստանում 50 տարվա գերությունից հետո Իսրայելի տան մնացած մասը ֆիզիկապես վերադարձել էր իրենց սուրբ երկիր, սակայն հոգեպես նրանք դեռ հեռու էին Տիրոջից: Զաքարիա մարգարեի միջոցով Փրկիչը վերականգնեց Իր հրավերը՝ «դարձե՛ք դեպի ինձ» (Զաքարիա 1.3)՝ խոստանալով, որ Ինքը «բնակվելու է [Իր ժողովրդի] մեջ» (Զաքարիա 2․10)։ Այս դասը կօգնի ուսանողներին հասկանալ, թե իրենք ինչպես կարող են դառնալ դեպի Տերը:

Ուսանողի նախապատրաստում․ առաջարկեք ուսանողներին խորհել, թե իրենք ինչ կասեին իրենց ընկերոջը, որը կարծում է, որ հեռու է Տիրոջից: Ուսանողները կարող են պատրաստվել՝ կիսվելու իրենց խորհրդով դասարանի հետ: Ուսանողները կարող են հարցնել ընկերոջը, որին վստահում են, կամ ծնողին, թե ինչ խորհուրդ կտան նրանք այս իրավիճակում:

Հնարավոր ուսումնական վարժություններ

Ինչո՞ւ են որոշ մարդիկ հեռանում Հիսուս Քրիստոսից:

Կարող եք դասը սկսել՝ ցուցադրելով Փրկչի նկարը փայտե մարդուկի պատկերի կողքին, որի վրա նկարված սլաքը ուղղված է Փրկչի հակառակ կողմը:

Ի՞նչ պատճառներով դեռահասները կարող են հեռանալ Տիրոջից:

Հիշեցրեք ուսանողներին, որ ամբողջ Հին Կտակարանում մարգարեները հռչակում են Փրկչի հրավերը՝ դառնալու դեպի Իրեն կամ վերադառնալու Իր մոտ՝ անկախ այն բանից, թե ինչու են մարդիկ հեռացել Իրենից (տես Բ Օրենք 4․30–31, Նեեմիա 1․9)։ Երբեմն մենք հեռանում ենք՝ չհասկանալով, որ շեղվում ենք ուղուց:

Առաջարկեք ուսանողներին մտածել, թե արդյոք իրենք կամ իրենց մերձավորները կարող են հեռանալ Տիրոջից: Առաջարկեք նրանց մտածել և կատարել հետևյալ ինքնագնահատումը։

Ձեր կարծիքով, հետևյալ արտահայտություններից ո՞րն է ճիշտ ձեզ համար:

Ես ուզում եմ օգնել Տիրոջից հեռացող մարդկանց, որոնց մասին հոգ եմ տանում։
Ես իրականում չեմ մտածել, թե որքան մոտ եմ Տիրոջը:
Ես գայթակղություն ունեմ հեռանալու Տիրոջից:
Ես ամեն ինչ անում եմ Տիրոջը մոտ մնալու համար և հուսով եմ, որ կկարողանամ ամուր մնալ:

Զաքարիայի գիրքն ուսումնասիրելիս ոգեշնչում խնդրեք Սուրբ Հոգուց՝ օգնելու ձեզ ձեր անձնական հանգամանքներում։

Դառնալ դեպի Տերը

50 տարվա գերությունից հետո շատ իսրայելացիներ վերջապես վերադարձան Երուսաղեմ և շրջակա տարածք։ Նրանք վերակառուցեցին քաղաքը և սկսեցին վերակառուցել Տիրոջ տաճարը (տես Եզրաս 5․1–2, 6․14)։ Բայց թեև նրանք ֆիզիկապես վերադարձել էին Երուսաղեմ, շատ մարդիկ դեռ հոգևորապես հեռու էին Տիրոջից: Նա ուղարկեց Զաքարիա մարգարեին՝ օգնելու մարդկանց դառնալ դեպի Իրեն, որպեսզի Ինքը կարողանա «բնակվել [նրանց] մեջ» (Զաքարիա 2.10)։

Կարդացեք Զաքարիա 1․1–3 հատվածները՝ փնտրելով, թե ինչ էր Տերը հրահանգել անել Իր ժողովրդին:

Գրատախտակին գծեք չորս սյունակ: Գրատախտակին՝ սյունակների վերևում գրեք կամ հանձնարարեք որևէ ուսանողի գրել հետևյալ անավարտ ճշմարտությունը. Մենք դառնում ենք դեպի Տերը՝ …

Կարող եք գրատախտակին գրել սուրբ գրությունների հետևյալ հատվածները՝ յուրաքանչյուր սյունակում մեկ հատված։ Բաժանեք ուսանողներին չորս հոգանոց խմբերի և խմբի յուրաքանչյուր անդամի առաջարկեք ուսումնասիրել հատվածներից մեկը: Այնուհետև ուսանողները կարող են ավարտել ճշմարտության արտահայտությունը՝ օգտագործելով իրենց հատվածը:

Զաքարիա 1․4
Զաքարիա 3․7 («Ես քեզ այդ կանգնողների մեջ լինելը կտամ» կարող է նշանակել երկնային սուրհանդակների ներկայությամբ մաքուր և արժանի զգալ. տե՛ս ծանոթագրություն գ։)
Զաքարիա 7․9–10
Զաքարիա 8․16–17 (ուշադրություն դարձրեք «ձեր դարպասներում խաղաղարար» արտահայտությանը)

Կիսվեք ձեր սովորածով

Խմբերին առաջարկեք կիսվել իրենց սովորածով: Յուրաքանչյուր խմբի առաջարկեք սցենարներից մեկի համար՝ գրատախտակի համապատասխան սյունակում գրել իրենց պատասխանները հուշում 2-ի կամ 3-ի վերաբերյալ:

Երբ ուսանողները ավարտեն կիսվելը, առաջարկեք նրանց անել հետևյալը, որպեսզի օգնեք նրանց մտածել իրենց սովորածի մասին։

Ձեր ուսումնասիրության օրագրում գրեք մեկ կամ երկու բան, որ ձեր կարծիքով կարող է օգնել ձեզ դառնալ դեպի Տերը: Աղոթքով հրավիրեք ձեր Երկնային Հորը օգնել ձեզ ձեր ջանքերում:

Կարող եք եզրափակել ձեր վկայությամբ այն սիրո մասին, որ Երկնային Հայրը և Հիսուս Քրիստոսը տածում են մեր հանդեպ և Նրանց մշտական սիրառատ հրավերը՝ դառնալու դեպի Իրենք:

Օժանդակ նյութեր

Ի՞նչ կարող եմ անել չարից հեռանալու համար։

Տասներկու Առաքյալների Քվորումից երեց Դեյվիդ Ա. Բեդնարը բացատրել է.

15:45

Փրկչին վստահելու առաջին և բնական հետևանքը ապաշխարելն ու չարից հեռանալն է: Երբ հավատք ենք գործադրում Տիրոջ հանդեպ, մենք բնականաբար շրջվում ենք և գալիս դեպի Նա ու կախված լինում Նրանից: Այսպիսով, ապաշխարությունը Քավիչին վստահելն ու ապավինելն է, որ մեզ համար անի այն, ինչ մենք չենք կարող անել ինքներս մեզ համար։ Մեզանից յուրաքանչյուրը պետք է «ամբողջովին [ապավինի] նրա արժանիքներին, ով հզոր է փրկելիս» [2 Նեփի 31․19] որովհետև միայն «Սուրբ Մեսիայի արժանիքների, ողորմության և շնորհի միջոցով» [2 Նեփի 2․8] մենք կարող ենք դառնալ նոր արարածներ Քրիստոսում և, ի վերջո, վերադառնալ և ապրել Աստծո ներկայության մեջ: («Որ ամեն բան բովանդակուի Քրիստոսումը», Լիահոնա նոյեմբեր 2018, 23)

Ի՞նչ կարող եմ անել ուրիշներին ողորմությամբ և գթությամբ վերաբերվելու համար:

Նախագահ Ռասսել Մ. Նելսոնն ասել է.

Մենք՝ որպես Հիսուս Քրիստոսի աշակերտներ, պետք է օրինակ ծառայենք, թե ինչպես շփվել ուրիշների հետ, հատկապես, երբ տարբեր կարծիքներ ունենք: Հիսուս Քրիստոսի ճշմարիտ հետևորդին բացահայտելու ամենահեշտ ձևերից մեկն այն է, թե որքան կարեկից է մարդը ուրիշների հանդեպ։ …

Իմ սիրելի եղբայրներ և քույրեր, իսկապես կարևոր է, թե մենք ինչպես ենք վերաբերվում միմյանց։ Իսկապես կարևոր է, թե մենք ինչպես ենք խոսում մարդկանց հետ և նրանց մասին՝ տանը, եկեղեցում, աշխատավայրում և առցանց: Այսօր ես խնդրում եմ, որ մենք շփվենք ուրիշների հետ ավելի բարձր, ավելի սուրբ ձևով: Ուշադիր լսեք։ «Եթե կա մի առաքինի, գեղեցիկ, բարեհամբավ, գովեստի արժանի բան» [Հավատո Հանգանակ 1․13], որ մենք կարող ենք ասել մեկ այլ անձի մասին՝ թե՛ դեմ առ դեմ, թե՛ նրա թիկունքում, ապա դա պետք է լինի հաղորդակցման մեր չափանիշը: («Պահանջվում են խաղաղարարներ», Լիահոնա, մայիս 2023, 98, 99–100)

Ինչպե՞ս կարող եմ խաղարար լինել։

Նախագահ Ռասսել Մ. Նելսոնն ասել է.

Մեզանից ոչ ոք չի կարող վերահսկել ազգերին, այլ մարդկանց կամ, նույնիսկ, մեր ընտանիքի անդամների գործողությունները: Բայց մենք կարող ենք վերահսկել ինքներս մեզ: Իմ այսօրվա կոչն է, սիրելի եղբայրներ և քույրեր, վերջ դնենք հակառակություններին, որոնք մոլեգնում են ձեր սրտում, ձեր տանը և ձեր կյանքում: Թաղեք ուրիշներին վիրավորելու բոլոր տեսակի հակումները՝ լինի դա բնավորություն, սուր լեզու, թե վիրավորանք մեկի հանդեպ, ով ձեզ վիրավորել է: Փրկիչը պատվիրեց մեզ շրջել նաև մյուս այտը, սիրել մեր թշնամիներին և աղոթել նրանց համար, ովքեր չարչարում են մեզ։ …

Մենք Խաղաղության Իշխանի հետևորդներն ենք։ Այժմ, առավել քան երբևէ, մեզ պետք է այն խաղաղությունը, որը միայն Նա կարող է պարգևել: Ինչպե՞ս կարող ենք ակնկալել, որ աշխարհում խաղաղություն տիրի, երբ մենք անձամբ չենք ձգտում անձնական խաղաղության և ներդաշնակության: … Ես խնդրում եմ ձեզ անել ամեն ինչ, որպեսզի վերջ դնեք անձնական հակառակություններին, որոնք այժմ մոլեգնում են ձեր սրտում և ձեր կյանքում: («Հոգևոր լիցքի զորությունը», Լիահոնա, մայիս 2022, 97)

Իսկ եթե ես շարունակե՞մ սխալներ գործել, որոնք ինձ հեռացնում են Տիրոջից:

Երեխաների միության գերագույն նախագահ քույր Ջոյ Դ․ Ջոնսն ուսուցանել է.

Փորձեք ամեն օր մի փոքր ավելին սովորել: Երկնային Հայրը չի ակնկալում, որ դուք կկարողանաք ամեն ինչ միանգամից անել: Կյանքը սովորելու և աստիճանաբար աճելու մասին է: Նա ցանկանում է, որ դուք փորձեք դա անել: Եվ Նա ցանկանում է, որ դուք վայելեք դա:

Երբեմն մենք խիստ ենք ինքներս մեր հանդեպ։ Մենք մտածում ենք. «Ես ձախողվեցի: Ես չեմ կարող դա անել», և հանձնվում ենք: Բայց Փրկիչն ասում է. «Շարունակիր: Ես այստեղ եմ քեզ օգնելու համար»: Հիսուս Քրիստոսի շնորհիվ՝ մենք ստիպված չենք անել դա միայնակ: Մենք կարող ենք վեր կենալ և նորից փորձել Նրա օգնությամբ: Ահա թե ինչի մասին է այս կյանքը: («A Little Better Every Day», Friend, հունվար 2020, 20)

Յոթանասունից երեց Ալլեն Դ. Հեյնին ուսուցանել է․

Ես վկայում եմ, որ Փրկիչը երբեք երես չի դարձնի մեզանից, երբ մենք խոնարհաբար փնտրենք Նրան՝ ապաշխարելու համար, երբեք չի կորցնի հույսը, որ մի օր մենք կփոխվենք, երբեք չի ասի․ «Օհ, նորից դու», երբեք մեզ չի մերժի այն պատճառով, որ չի հասկանա, թե որքան դժվար է խուսափել մեղքից։ Նա ամեն բան շատ լավ հասկանում է, ներառյալ զղջումը, ամոթը և հուսախաբությունը, որը մեղքի անխուսափելի հետևանքն է։

Ապաշխարությունն իրական է և այն գործում է։ («Հիշենք, թե ում ենք ապավինել», Լիահոնա, նոյեմբեր 2015, 123)

Լրացուցիչ ուսումնական վարժություններ

Զաքարիա 3․1–7 Մենք պետք է մաքուր լինենք Աստծո ներկայության մեջ լինելու համար

Ուսանողների համար օգտակար կլինի ուսումնասիրել այն տեսիլքը, որը Տերը տվեց Զաքարիային՝ Հեսուի՝ իր օրերի քահանայապետի մասին: Տերը ցույց տվեց Զաքարիային, թե ինչպես Հեսուն մաքրվեց մեղքից, որպեսզի կարողանա լինել Տիրոջ և Նրա երկնային սուրհանդակների ներկայության մեջ՝ ծառայելով տաճարում: Կարող եք առաջարկել ուսանողներին ուսումնասիրել Զաքարիա 3.1–7 հատվածները և քննարկել, թե ինչու է կարևոր լինել մաքուր, երբ կանգնած ենք Տիրոջ առջև։

Ուսանողները կարող են պատկերացնել մի մարդու, որը կարծում է, որ ինքը արժանի չէ լինել Տիրոջ ներկայության մեջ։ Այս մարդը կարող է մտահոգություն ունենալ, որ այլևս ինքն իրեն մաքուր չի զգա: Առաջարկեք ուսանողներին քննարկել, թե իրենք ինչ խորհուրդ կտային իրենց ընկերոջը, որը այդպես է կարծում:

Այնուհետև ուսանողները կարող են խաչաձև հղում կատարել Զաքարիա 3․4, Եսայի 1․18 և 3 Նեփի 27․19 հատվածների միջև։ Ուսանողներին բաժանեք զույգերի և առաջարկեք նրանց գործնականում բացատրել, թե ինչպես կարող են այս հատվածները օգնել իրենց ընկերոջը:

Եթե ուսանողների համար օգտակար կլինի այն հասկացողությունը, թե ինչու է հոգևոր առումով մաքուր լինելը օգնում իրենց վստահ զգալ սուրբ սուրհանդակների ներկայության մեջ (տես Զաքարիա 3.7), կարող եք ցուցադրել «Preparation of Joseph F. Smith: I Am Clean» տեսանյութը (2:16): Այս տեսանյութը պատմում է նախագահ Ջոզեֆ Ֆ. Սմիթի տեսիլքի պատմությունը, երբ նա տեսավ իր հորեղբորը՝ Մարգարե Ջոզեֆ Սմիթին: Հատվածը բացատրում է, թե ինչու էր Ջոզեֆ Ֆ.-ն իրեն վստահ զգում իր ընտանիքի մահացած անդամների ներկայության մեջ:

2:16

Զաքարիա 7․4–6 Անել բաներ մեզ համար կամ Տիրոջ համար

Քանի որ իսրայելացիները ամբողջովին չէին դարձել դեպի Տերը, Զաքարիայի օրերում նրանք սխալ պատճառներով էին կատարում կրոնական գործողությունները, օրինակ՝ ծոմապահությունը։ Առաջարկեք ուսանողներին կարդալ Զաքարիա 7.4–6 հատվածները՝ փնտրելով այն հարցերը, որ տվել է Տերը:

Որպեսզի օգնեք ուսանողներին հասկանալ սա, գրատախտակին երկու սյունակ նկարեք և վերնագրեք դրանք հետևյալ կերպ․ Մեզ համար և Տիրոջ համար։ Առաջարկեք ուսանողներին ընտրել մի քանի պատվիրան, որոնք օգնում են մեզ դառնալ դեպի Տերը:

Ի՞նչ կլինի, եթե մենք պահենք այդ պատվիրանները «մեզ համար»: Ի՞նչ կլինի, եթե մեր հնազանդվելը պատվիրանին լինի «Տիրոջ համար»:

Երբ ուսանողները գրատախտակին գրեն որոշ պատվիրաններ և իրենց պատասխանները, առաջարկեք դասարանին քննարկել հետևյալ հարցը.

Ձեր կարծիքով, ինչո՞ւ են կարևոր Տիրոջ պատվիրանները պահելու մեր շարժառիթները: