Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

Hakeai: “Fakakaukau ki Homou Ngaahi ʻAluʻangá”

“Hakeai: ‘Fakakaukau ki Homou Ngaahi ʻAluʻangá,’” Fuakava Motuʻá – Tohi Lēsoni ʻa e Faiako Seminelí (2026)

“Hakeai: ‘Fakakaukau ki Homou Ngaahi ʻAluʻangá,’” Fuakava Motuʻá – Tohi Lēsoni ʻa e Faiako Seminelí

Hakeai 1–2; Sakalaia 1–4; 10–14: Lēsoni 155

Hakeai

“Fakakaukau ki Homou Ngaahi ʻAluʻangá”

A young man with his arms folded. Squares that show different symbols of activities such as music, books, pencil and paper, and a phone surround him.

ʻI heʻetau moʻui femoʻuekiná, te tau lava fēfē ʻo tuku ha taimi maʻá e ʻEikí mo e ngaahi meʻa ʻokú Ne kole mai ke tau faí? ʻE lava ke ʻaonga kiate kitautolu ʻetau muimui ki he fakaafe ʻa e ʻEikí ki he kau Siú ke “fakakaukau ki [hotau] ngaahi ʻaluʻangá” (Hakeai 1:5) fekauʻaki mo e founga ʻoku tau tuku ai ha taimi Maʻaná. ʻE lava ke tokoni ʻa e lēsoni ko ʻení ki he kau akó ke fakamuʻomuʻa ʻa e ʻOtuá ʻi heʻenau moʻuí.

Teuteu ʻa e tokotaha akó: Fakaafeʻi ʻa e kau akó ke hiki ha lisi ʻo e ngaahi meʻa ʻoku nau fai ʻi ha ʻaho angamaheni. ʻE lava ke lisi ʻe he kau akó ʻa e ngaahi meʻa ʻoku nau ongoʻi ʻoku mahuʻinga tahá pea fakalaulauloto ki he ʻuhinga ʻoku nau pehē ai ʻoku mahuʻinga ʻa e ngaahi meʻa ko iá. Te nau lava ʻo ʻomi ʻenau lisí ki he kalasí.

Ngaahi ʻEkitivitī Ako ʻOku Ala Fakahokó

Ko hono fakamuʻomuʻa ʻo e ʻEikí

Ko e lēsoni fakataumuʻa ko ʻení ʻoku ʻi he lēsoni “Ko Hono Fakaʻaongaʻi Lelei Ho Taimí” (Liahona, Siulai 2020, 60–61).

Kimuʻa pea kamata e kalasí, fakafonu ha foʻi hina ʻaki ha ngaahi foʻi maka, pea tānaki ha ʻoneʻone ki ʻolunga, pea luluʻi ia ke tokalelei. Ko hano fakapapauʻi ʻeni ʻokú ke maʻu ha ʻoneʻone feʻunga ke fakafonu ʻaki e hiná. Hili iá, toe fakamavahevaheʻi ʻa e ʻoneʻoné mo e maká. ʻOmi ʻa e foʻi hiná, ʻoneʻoné, mo e maká ki he kalasí. ʻI he kamata ʻa e kalasí, fakaʻaliʻali ʻa e ngaahi meʻá ki he kau akó, fakamatalaʻi ange ʻoku fakafofongaʻi ʻe he foʻi hiná hotau taimí, ngaahi foʻi maká ʻa e meʻa ʻoku tau fakamuʻomuʻá, pea mo e ʻoneʻoné ʻa ʻetau ngaahi ngāue fakaʻahó.

Ko e hā ha ngaahi meʻa ʻokú ke fakaʻaongaʻi ki ai ho taimí ʻi he ʻaho takitaha?
Ko e hā ha ngaahi meʻa ʻoku kole mai ʻe he ʻEikí ke tau fakamuʻomuʻa?

ʻE lava ke tali ʻe he kau akó ʻa e fehuʻi hono uá ʻaki ha ngaahi tali hangē ko e ako folofolá, lotú, taimi fakafāmilí, ngāue tokoní, mo e ngaahi meʻa peheé. Fakakaukau ke hiki e ngaahi tali ʻa e kau akó ʻi he ngaahi foʻi maká.

Ke tokoni ke vakai e kau akó ki he mahuʻinga ʻo e fakamuʻomuʻá, ʻuluaki fakafonu ʻa e foʻi hiná ʻaki ʻa e ʻoneʻoné. Feinga leva ke tānaki atu e ngaahi foʻi maká, ʻa ia he ʻikai hao. Aleaʻi e founga ke hao lelei fakatouʻosi aí. Huaʻi ʻa e foʻi hiná pea toe feinga pē. ʻUluaki faʻo ʻa e maká pea hoko atu e ʻoneʻoné, hili iá pea luluʻi e foʻi hiná ke fakafonufonu e ngaahi foʻi avá.
Ko e hā ʻoku lava ke tau ako mei he lēsoni fakataumuʻa ko ʻení?
Ko e hā ʻe ala faingataʻa ai ke tuku ha taimi maʻá e ʻEikí mo e ngaahi meʻa ʻokú Ne kole mai ke tau fakahoko fakaʻahó?

ʻI hoʻo ako ʻa e Hakeaí, kumi ha ueʻi fakalaumālie mei he Laumālie Māʻoniʻoní fekauʻaki mo e founga ʻe lava ke tāpuekina ai ʻe he ʻEikí hoʻo moʻuí ʻi hoʻo tuku ha taimi Maʻaná.

Ko hono toe langa ʻo e temipalé

Ke tokoni ke mahino ki hoʻo kau akó ʻa e puipuituʻa ʻo Hakeaí, fakakaukau ke vahevahe ʻa e fakamatala fakanounou ko ʻení.

Hili e foki ʻa e kau Siú ki Selusalema mei heʻenau nofo pōpula ʻi Pāpiloné, naʻa nau feinga lahi ke toe langa honau temipalé, koló, ngaahi ʻapí, mo ʻenau moʻuí (vakai, ʻĒsela 1:1–6). Ka ʻi he ʻosi nai ha taʻu ʻe 15 mei ai, naʻe ʻikai hōifua ʻa e ʻEikí ko e ʻikai ke nau fakamuʻomuʻa ange hono toe langa ʻo e temipalé (vakai, ʻĒsela 4:24; Hakeai 1:3–4). Naʻá Ne fekauʻi ʻEne palōfita ko Hakeaí ke fakalotoʻi e kakaí ke fakamuʻomuʻa hono langa e fale ʻo e ʻEikí.

Lau ʻa e Hakeai 1:2–4, ʻo kumi ʻa e ngaahi foʻi lea pe kupuʻi lea ʻoku nau fakahaaʻi naʻe ʻikai tokanga taha ʻa e kau Siú ki hono toe langa ʻo e temipalé.

ʻE lava ke fakahaaʻi ʻe he meʻá ni lolotonga ʻenau tuku taʻeʻosi ʻa e temipalé, naʻe langa ʻe he kakaí ha ngaahi fale fiemālie mo fakanaunau lelei maʻanautolu.

‘Oku felāveʻi fēfē nai ʻeni mo e lēsoni fakataumuʻá?

Lau ʻa e Hakeai 1:5–11, ʻo kumi e ngaahi nunuʻa naʻe fehangahangai mo e kau Siú koeʻuhí naʻa nau fakamuʻomuʻa e ngaahi meʻa kehé kae ʻikai ko hono toe langa ʻo e temipalé.

Ko e hā ha ngaahi nunuʻa te tau ala aʻusia kapau he ʻikai ke tau fakamuʻomuʻa ʻa e ʻEikí ʻi heʻetau moʻuí?

Te ke lava ʻo fakaafeʻi e kau akó ke fakamahinoʻi pe fakaʻilongaʻi ʻa e kupuʻi lea ʻoku toutou ʻasi ʻi he veesi 5 mo e 7.
ʻOkú ke pehē ko e hā e ʻuhinga ʻa e ʻEikí ʻi Heʻene fakaafeʻi ʻa e kakaí ke “fakakaukau ki [honau] ngaahi ʻaluʻangá”? (Hakeai 1:5, 7)

“Te u tāpuakiʻi ʻa kimoutolu mei he ʻahó ni”

Fakakaukau ke lau pe fakamatalaʻi fakanounou ʻa e palakalafi ko ʻení ke tokoni ke mahino ki he kau akó ʻa e toenga ʻo e fakamatalá.

Naʻe talangofua ʻa e kau Siú mo honau kau takí ki he leʻo ʻo e ʻEikí. Naʻe taki ʻe Selupēpeli (ko e kōvaná) mo Sosiua (ko e taulaʻeiki lahí) ʻa e feinga ke toe langa ʻa e temipalé (vakai, Hakeai 1:12–14). Naʻe tokoni foki mo e palōfita ko Hakeaí (vakai, ʻĒsela 5:1–2). ʻI heʻenau ngāué, naʻe folofola ʻaki ʻe he ʻEikí ha ngaahi lea fakalotolahi.

Hiki ʻa e foʻi moʻoni taʻe kakato ko ʻení ʻi he palakipoé: Kapau te tau fakamuʻomuʻa ʻa e ʻOtuá ʻi heʻetau moʻuí …

Fakakaukau ke vahevahe ʻa e kalasí ki ha konga ʻe tolu, pea lau ʻe he konga takitaha ha taha ʻo e ngaahi potufolofola ko ʻení.

Lau ha potufolofola ʻe taha pe lahi ange mei he ngaahi potufolofola ko ʻení, ʻo kumi ha fakalotolahi mei he ʻEikí te ne lava ʻo fakakakato ʻa e sētesi ʻi he palakipoé:

Hakeai 2:4–5

Hakeai 2:6–9

Hakeai 2:18–19

ʻE lava ke ʻalu ʻa e kau akó ki he palakipoé pea hiki e ngaahi founga te nau fakakakato ʻaki e fakamatalá. Ko ha ngaahi sīpinga ʻeni ʻo e ngaahi meʻa te nau ala hikí:

… Te Ne ʻiate kitautolu.

… Te Ne ʻomi ha nonga.

… Te Ne tāpuakiʻi fakalaumālie mo fakatuʻasino kitautolu.

Ke maʻu ha ngaahi tāpuaki lahi ange te tau lava ʻo maʻu ʻi hono fakamuʻomuʻa ʻo e ʻOtuá, ʻe lava ke lau ʻe he kau akó ʻa e Mōsaia 2:41 mo e 3 Nīfai 13:31–33. Hili iá, te ke lava leva ʻo tānaki atu e meʻa ʻoku nau maʻú ki he palakipoé.

Ko e fē ʻi he ngaahi tāpuaki ʻa e ʻEikí mei he ngaahi veesi ko ʻení ʻokú ke fiemaʻu lahi tahá? Ko e hā hono ʻuhingá?

Fakakaukauloto ʻoku ʻi ai haʻo kaungāmeʻa ko ʻAlekisisi ʻokú ne ongoʻi ʻoku ʻikai ke ʻi ai hano taimi ke fakamuʻomuʻa e ʻOtuá ʻi heʻene moʻuí. ʻOku moʻumoʻua hono ngaahi ʻahó ʻi he ngāue fakaakó, ngaahi kaungāmeʻá, mo e ngaahi meʻa ʻoku nau saiʻia aí, ʻo ne ongosia ai pea ʻikai māfana ki he ngaahi meʻa fakalaumālié. ʻOkú ne sio ki ha fiemaʻu ke liliu ka ʻoku ʻikai ke ne ʻilo e meʻa ke faí.

Ko e hā ha faleʻi te ke ʻoange kia ʻAlekisisi ke tokoni ke ne fakamuʻomuʻa ʻa e ʻOtuá?
ʻE tāpuekina fēfē nai ia ʻe he ʻOtuá ʻi hono fakamuʻomuʻa Iá?

Hili ha taimi feʻunga, te ke lava ʻo huluʻi ʻa e toenga ʻo e “The Soul’s Sincere Desire” mei he taimi 2:02 ki he 3:28, ʻo fakaafeʻi e kau akó ke nau kumi e meʻa ʻoku fai ʻe ʻAlekisis ke liliú.

3:29
Ko e hā mo ha toe faleʻi te ke ʻoange ki ha taha ʻokú ne ongoʻi he ʻikai ke ne lava ʻo fakamuʻomuʻa ʻa e ʻOtuá ʻi heʻene moʻuí ʻi ha toe ʻuhinga kehe?
Kuo tāpuekina fēfē ʻe he ʻOtuá koe pe ko ha niʻihi kehe ʻokú ke ʻilo mei hono fakamuʻomuʻa Iá?

Faʻu ha palani

ʻE lava ke tokoni ʻa e konga ko ʻení ke fakaʻaongaʻi ʻe he kau akó ʻa e meʻa ne nau akó. Fakakaukau ke fakaʻaliʻali ʻa e fakamatala ko ʻení.

Fakakaukau fakataautaha ki he fakaafe ko ʻeni meia ʻEletā Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá:

13:57

Te u toe fakaongo atu e naʻinaʻi ʻa e ʻEikí ki Hono kakaí, naʻe fakafou mai he palōfita ko Hakeaí ʻi he Fuakava Motuʻá: “Pea ko ia ʻoku pehē ʻe [he ʻEiki] ʻo e ngaahi kau taú; Fakakaukau ki homou ngaahi ʻaluʻangá” [Hakeai 1:5].

ʻOku totonu ke tau takitaha vakavakaiʻi fakamātoato pea ʻi he faʻa lotu e ngaahi meʻa fakatuʻasino mo fakalaumālie ʻoku tau fakamuʻomuʻa ʻi heʻetau moʻuí ʻa ia te nau ala taʻofi e ngaahi tāpuaki hulu fau ʻoku finangalo ʻa e Tamai Hēvaní mo e Fakamoʻuí ke foaki kiate kitautolú. Pea ko e moʻoni ʻe tokoni ʻa e Laumālie Māʻoniʻoní ke tau ʻiloʻi kitautolu ʻi hotau tuʻunga totonú. (“ʻAi Ho Mālohí, ʻE Saione,” Liahona, Nōvema 2022, 94)

Ngāueʻi e fakaafe ʻa e ʻEikí ke “fakakaukau ki homou ngaahi ʻaluʻangá” (Hakeai 1:5, 7) ʻaki hoʻo fakalaulauloto ki he ngaahi meʻa ʻokú ke fakamuʻomuʻá. Fakalaulauloto pe ʻoku ʻi ai ha ngaahi meʻa ʻoku fiemaʻu ke ke fakamuʻomuʻa pe toʻo mei hoʻo moʻuí ke fakaafeʻi ʻa e ngaahi tāpuaki ʻoku finangalo ʻa e Tamai Hēvaní mo Sīsū Kalaisi ke foaki atu kiate koé.

Jar full of rocks with sand or dirt on the side

Tā ha foʻi hina mo ha ngaahi foʻi maka ʻi hoʻo tohinoá, pea fakahingoa e ngaahi foʻi maká ʻaki ha ngaahi tukupā te ke fai ke fakamuʻomuʻa e ʻOtuá. Tā ha ʻoneʻone ʻi tuʻa ʻi he foʻi hiná, pea fakahingoa ʻaki ia e ngaahi meʻa ʻokú ke loto ke taʻofí. Fili ha foʻi maka ʻe taha pe ua pea palani ʻa e meʻa, taimi, mo e founga te ke fakahoko ai ʻa e ngaahi tukupā ko ʻení.

Fakakaukau ke vahevahe hoʻo fakamoʻoní pe ngaahi fakakaukau fekauʻaki mo e ngaahi tāpuaki ʻa e Tamai Hēvaní mo Sīsū Kalaisi ʻi heʻetau fakamuʻomuʻa Kinaua ʻi heʻetau moʻuí.

Ngaahi Maʻuʻanga Tokoni Kehé

Ko e hā ʻoku totonu ai ke u fakamuʻomuʻa ʻa e ʻEikí ʻi heʻeku moʻuí?

Naʻe naʻinaʻi ʻa Palesiteni Lāsolo M. Nalesoni ʻo pehē:

ʻOku vivili mo taʻefaʻalaua e ngaahi leʻo mo e mālohi ʻo e māmaní. Ka ʻoku lahi fau ha ngaahi leʻo ʻoku kākā, olopoto, mo lava ke fusi kitautolu mei he hala ʻo e fuakavá. Ke hao mei he loto-mamahi mahino ʻoku muiaki maí, ʻoku ou kōlenga atu he ʻahó ni ke mou fakafepakiʻi e fakatauele ʻa e māmaní ʻaki hano fokotuʻu ha taimi moʻó e ʻEikí ʻi homou moʻuí—he ʻaho kotoa pē.

… ʻOku ou kōle atu kiate kimoutolu ke mou fokotuʻu ha taimi moʻó e ʻEikí! ʻAi ho tuʻunga fakalaumālié ke mālohi mo ne lava ke matuʻuaki e sivi ʻo e moʻuí ʻaki hano fai e ngaahi meʻa ʻe lava ai ke ʻiate kimoutolu maʻu ai pē e Laumālie Māʻoniʻoní. (“Fokotuʻu ha Taimi moʻó e ʻEikí,” Liahona, Nōvema 2021, 120)

ʻE founga fēfē haʻaku tuku ha taimi ki he ngaahi meʻa fakalaumālié ʻi he taimi ʻoku lahi ai mo ha ngaahi fiemaʻu kehe ʻi hoku ʻahó?

Naʻe fakamatala ʻa Palesiteni ʻEselā Tafu Penisoni (1899–1994) ʻo pehē:

ʻI he taimi ʻoku tau fakamuʻomuʻa ai ʻa e ʻOtuá, ʻe tuʻu ʻa e ngaahi meʻa kehe kotoa pē ʻi honau tuʻunga totonú pe ko ʻenau mavahe mei heʻetau moʻuí. ʻE puleʻi ʻe heʻetau ʻofa ki he ʻEikí ʻa ʻetau talaki ʻetau ʻofá, ngaahi fie maʻu ki hotau taimí, ngaahi meʻa ʻoku tau tulifua ki aí, pea mo e fakahokohoko ʻo e ngaahi meʻa ʻoku tau mahuʻingaʻia aí. (“The Great Commandment—Love the Lord,” Ensign, May 1988, 4)

Naʻe akonaki ʻa ʻEletā Telenisi M. Vinisoni ʻo e Kau Fitungofulú ʻo pehē:

Te tau lava ʻo ongoʻi ʻa e fiefia ʻoku tuʻuloá ʻi he taimi ʻoku hoko ai ʻa e Fakamoʻuí mo ʻEne ongoongoleleí ko e sīpinga ʻoku langa ai ʻa ʻetau moʻuí. Ka neongo ia, ʻoku fuʻu faingofua ke fakahehema e sīpinga ko iá, ʻo hoko ko e ngaahi meʻa ʻo e māmaní, pea hoko leva e ongoongoleleí ko ha tānaki mai pē, pe hangē ko e kehe pē ke ʻalu ʻi ha houa ʻe ua ki he lotú he Sāpaté. ʻI he taimi ʻoku pehē aí, ʻoku tatau ia mo hono faʻo ʻetau vahé ki ha “kato avá.”

ʻOku talamai ʻe Hakeai ke tau moʻui līʻoa. …

He ʻikai mo ha koloa, pe ko ha talēniti, pe faʻahinga tuʻunga, pe mītia fakasōsiale, pe ko ha faʻahinga vaʻinga vitiō, pe sipoti, pe feohi mo ha tokotaha manakoa, pe ha faʻahinga meʻa ʻi he māmaní ʻe toe mahuʻinga ange ʻi he moʻui taʻengatá. Ko e faleʻi leva ʻa e ʻEikí ki he tokotaha kotoa pē, ke “fakakaukau ki homou ngaahi ʻalungá.” (“Kau Ākonga Moʻoni ʻa e Fakamoʻuí,” Liahona, Nōvema 2019, 9, 11)

Ngaahi ʻEkitivitī Fakalahi ki he Akó

ʻE lava ke ʻomi ʻe he ʻEikí ʻa e melinó kiate kitautolu ʻi he temipalé

Kapau ʻe ʻaonga ki hoʻo kau akó ha fealeaʻaki loloto ange fekauʻaki mo e temipalé, fakakaukau ke fakaafeʻi kinautolu ke nau lau ʻa e Hakeai 2:6–9, ʻo kumi e ngaahi tāpuaki naʻe talaʻofa ʻe he ʻEikí ki he kau Siú koeʻuhí ko e temipalé. Fakaafeʻi ʻa e kau akó ke vahevahe ʻa e meʻa naʻa nau maʻú. Tokoniʻi kinautolu ke nau ʻiloʻi ha moʻoni hangē ko ʻení: ʻI he taimi ʻoku tau ʻi he fale ai ʻo e ʻEikí, te Ne lava ʻo ʻomi ʻa e melinó kiate kitautolu. Hili iá te ke lava ʻo fakaafeʻi kinautolu ke nau tali ʻa e fehuʻi ko ʻení:

Ko e fē ha taimi kuó ke ongoʻi ai hono ʻoatu ʻe he ʻEikí ha nonga ʻo fakafou ʻi hoʻo ngaahi aʻusia mo e temipalé?

Ko hono toe langa hake ʻetau moʻuí

Kapau ʻokú ke fie nofotaha ange ki he founga ʻe lava ke felāveʻi ai hono toe langa ʻo e temipalé mo ʻetau moʻui fakatāutahá, fakakaukau ke vahevahe ʻa e talanoa ʻo e Temipale Provo City Center. Naʻe toe langa ʻa e temipale ko ʻení mei ha tāpanekale ʻofeina naʻe vela (vakai, “Provo City Center Temple Completed” mei he taimi 0:05 ki he 2:16).

7:17

Fakaafeʻi leva hoʻo kau akó ke nau lau ʻa e Hakeai 2:1–9, ʻo fakalaulauloto ki he ngaahi meʻa ʻi heʻenau moʻuí ʻe lava ke hangē ko hano toe langa ha temipale kuo fakaʻauhá.

ʻOku toe langa fēfē kitautolu ʻe he ʻEikí hili ha meʻa fakamamahi pe faingataʻa?

Fakafehoanaki mo e Temipale Ketilaní

ʻE ala tokoni ki he kau akó ke fakafehoanaki hono toe langa ʻo e temipale ʻi Selusalemá mo hono langa ʻo e Temipale Ketilaní ʻi he 1833. ʻE lava ke fakafehoanaki ʻe he kau akó ʻa e kau ʻIsilelí mo e Kāingalotu ʻi he kuonga muʻá ʻaki hono lau ʻo e Tokāteline mo e Ngaahi Fuakava 95:1–3, ʻo kumi e ʻuhinga naʻe ʻikai leleiʻia ai ʻa e ʻEikí ʻiate kinautolú.

Hili hono fakamatalaʻi ange naʻe fili ʻa e kau ʻIsilelí ke talangofua ki he ʻEikí, te ke lava ʻo fakamatalaʻi ange naʻe talangofua foki ʻa e fuofua Kāingalotú ki he ʻEikí pea kamata leva ʻenau langa e Temipale Ketilaní. Naʻe fakatou fiemaʻu ʻe he ongo temipalé ha feilaulau mo ha ngāue lahi ke langa (vakai, Hisitōlia ʻo e Kau Māʻoniʻoni ʻi he Ngaahi ʻAho Kimui Ní: 1815–1846 Naunau ʻa e Faiakó [2018], Lēsoni 13: “Ko e Temipale Ketilaní”).

Vitiō fekauʻaki mo hono fakapotupotutatau ʻo e ngaahi meʻa ʻoku fakamuʻomuʻá

Kapau ʻokú ke ongoʻi ʻe ʻaonga ki he kau akó ha foʻi vitiō fekauʻaki mo hono fakapotupotutatau ʻo e ngaahi meʻa ʻoku fakamuʻomuʻá, fakakaukau ke huluʻi ʻa e foʻi vitiō “Wisdom and Order” (3:19). Te ke lava ʻo fehuʻi ki he kau akó pe ko e hā ʻoku nau ako mei he vitioó ʻoku fekauʻaki mo e fakamatala ʻi he Hakeaí.

3:18