Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mikas: “Ano ang Itinatakda ng Panginoon sa Iyo?”

“Mikas: ‘Ano ang Itinatakda ng Panginoon sa Iyo?,’” Manwal ng Guro ng Seminary para sa Lumang Tipan (2026)

“Mikas: ‘Ano ang Itinatakda ng Panginoon sa Iyo?,’” Manwal ng Guro ng Seminary para sa Lumang Tipan

Mikas; Nahum; Habakuk; Sefanias: Lesson 152

Mikas

“Ano ang Itinatakda ng Panginoon sa Iyo?”

Jesus Christ hugging a child in the Americas.

Marami sa atin ang nag-iisip kung ang ating taos-pusong pagsisikap ay tunay na nakalulugod sa Ama sa Langit at kay Jesucristo. Inisip ng propetang si Mikas kung ano ang magagawa niya para malugod ang Panginoon. Tinuruan si Mikas na “gumawa na may katarungan, at umibig sa kaawaan, at lumakad na may kapakumbabaan” na kasama Niya (Mikas 6:8). Ang lesson na ito ay makatutulong sa mga estudyante na magplanong gumawa nang may katarungan, umibig sa kaawaan, at lumakad nang may kapakumbabaan kasama ang Ama sa Langit at si Jesucristo.

Paghahanda ng estudyante: Sabihin sa mga estudyante na mag-isip ng ilang kapamilya o kaibigan, pagkatapos ay mag-isip ng mga partikular na bagay na gagawin nila para masiyahan ang bawat isa sa mga taong iyon. Maaari nilang isulat kung paano nila maaaring gawin ang mga bagay-bagay nang magkakaiba para sa bawat tao.

Mga Posibleng Aktibidad sa Pag-aaral

Pagbibigay-lugod sa iba’t ibang tao

Bago magklase, maaari mong isulat sa pisara ang sumusunod na hindi kumpletong tanong.

Maaari mong simulan ang klase sa pamamagitan ng pag-anyaya sa mga estudyante na sagutin ang tanong nang maraming beses, at punan ang patlang ng iba’t ibang tao sa bawat pagkakataon (nanay, tatay, Guro, bishop, kaibigan). Maaaring magbahagi ang mga estudyante nang magkakapartner o sa maliliit na grupo. Pagkatapos ay maaaring mong anyayahan ang ilang boluntaryo na magbahagi sa klase.

Kung kinakailangan bilang halimbawa, maaari kang magbahagi ng ilan sa sarili mong mga sagot gamit ang iba’t ibang tao sa iyong buhay.

Kung gusto mong malugod ang iyong ______________, ano ang gagawin mo?
Bakit maaaring iba ang ikilos natin depende sa kung sino ang sinusubukan nating bigyang-lugod?

Matapos ibahagi ng mga estudyante ang ilang sagot sa mga naunang tanong, isulat ang Ama sa Langit at Jesucristo sa espasyo sa pisara.

Pagnilayan kung ano ang nararamdaman ninyo na ikinalulugod ng Ama sa Langit at ni Jesucristo. Isipin ang mga bagay na kasalukuyan ninyong ginagawa na maaaring ikalugod Nila at ang mga bagay na maaari ninyong gawin sa ibang paraan. Sa pagtatapos ng lesson, aanyayahan kayong gumawa ng planong sundin ang mga impresyong natatanggap ninyo.

Ano ang magagawa natin para malugod ang Panginoon?

Habang kinakausap ang mga tao ng Israel at Juda, ipinropesiya ni Mikas ang mga paghatol na darating sa kanila dahil sa kanilang kasamaan. Nagsumamo si Mikas sa Israel na alalahanin ang mga dakilang pagpapalang natanggap nila mula sa Panginoon at inanyayahan silang magsisi at matipon sa Kanya (tingnan sa Mikas 2–5).

Basahin ang Mikas 6:4, at alamin ang ilan sa mga paraan na ipinakita ng Panginoon ang Kanyang pagmamahal sa Israel.

Pagkatapos ay basahin ang Mikas 7:7–8, 18–20, at alamin ang sinabi ni Mikas na gagawin ng Panginoon para sa Kanyang mga pinagtipanang tao.

Ano ang nalaman ninyo?
Paano ginawa ng Ama sa Langit at ni Jesucristo ang mga bagay na ito para sa inyo?

Kung minsan, ang mga tao ay may mga hindi tumpak na ideya tungkol sa kung ano ang magagawa nila upang malugod ang Panginoon. Tinutulungan tayo ng propetang si Mikas na mas maunawaan ang pagmamahal ng Panginoon.

Sa Mikas 6:6–7, gumagamit ang propeta ng matitinding halimbawa para maipakita na hindi malulugod ang Panginoon sa kahit gaano pa karaming makamundong kayamanan.

Basahin ang Mikas 6:8, at alamin kung ano ang magagawa natin para malugod ang Panginoon.

Paano ninyo ibubuod ang natutuhan ninyo tungkol sa pagbibigay-lugod sa Panginoon?

Maaaring gamitin ng mga estudyante ang sarili nilang mga salita para ipahayag ang katotohanang nalulugod ang Panginoon kapag nagsisikap tayong gumawa nang may katarungan, umibig sa kaawaan, at lumakad nang may kapakumbabaan na kasama Niya.

Ano ang hinihingi ng Panginoon?

Pagpapakita ng pasasalamat sa Panginoon

Pagkatapos suriin ng mga estudyante ang mga mungkahi ng kanilang mga kaklase, ipakita ang mga sumusunod na tagubilin at pahiwatig.

Ngayon, maaaring nabigyang-inspirasyon ng Espiritu Santo ang isang ideya sa iyong isipan o isang damdamin sa iyong puso tungkol sa isang bagay na makatutulong sa iyong gumawa nang may katarungan, umibig sa kaawaan, at lumakad nang may kapakumbabaan na kasama ang Panginoon. Gumawa ng plano na kumilos ayon sa natutuhan at nadama mo sa pamamagitan ng pagkumpleto ng mga sumusunod na pahiwatig sa iyong study journal.

Upang higit na malugod ang Ama sa Langit at si Jesucristo, nais kong pagtuunan ang pariralang “” mula sa Mikas 6:8.
Ang isa o dalawang partikular na bagay na gusto kong gawin ay: .

Maaari mong tiyakin sa mga estudyante na gustung-gusto ng Ama sa Langit ang ating taos-pusong pagsisikap na mapalugod Siya. Ang mga pagsisikap na ito ay tumutulong sa atin na maging higit na katulad ni Jesucristo araw-araw. Maaari mong ibahagi ang iyong patotoo na habang patuloy tayong nagsisikap na gumawa nang mas mabuti at maging mas mabuti, paiigtingin ng Tagapagligtas ang ating mga taos-pusong pagsisikap.

Karagdagang Resources

Ano ang mga paraan na maipapahayag natin ang ating pagmamahal sa Diyos?

Ipinaliwanag ni Elder Ronald A. Rasband ng Korum ng Labindalawang Apostol:

Maaari din ninyong gawin ang pangako ngayon na mahalin ang Panginoon ninyong Diyos. Ito ang unang dakilang utos, at nanatili ito sa lahat ng dispensasyon. …

Magkasama nating isaalang-alang ang apat na paraan na ito na maipahahayag ninyo ang pagmamahal sa Diyos. …

Una, lumalakad kayo sa lahat ng Kanyang mga daan kapag nagpapakumbaba, nagtitiwala, sumasampalataya, nagtitiyaga, at nagiging matapang kayo. …

Pangalawa, nagpapakita kayo ng pagmamahal sa Diyos sa pamamagitan ng pagsunod sa Kanyang mga utos. …

Pangatlo, manatili sa Kanya. Ang manatili ay isang salita sa Biblia. Hindi natin ito gaanong ginagamit, ngunit ito ay may mahalagang kahulugan. Ang ibig sabihin ng manatili ay lumapit nang husto [“Cleave,” Merriam-Webster Dictionary]. Kaya, kapag nanatili kayo sa Diyos, mananatili kayong malapit sa Kanya, maririnig ninyo Siya, at maririnig ninyo ang paghahayag na para lamang sa inyo. Sa pakikinig sa Kanyang mga salita, handa kayong harapin ang anumang darating. …

Ang pang-apat at huling punto … ay “maglingkod sa kanya nang inyong buong puso at kaluluwa” [Josue 22:5]. (“What’s Not to Love” [Debosyonal sa Brigham Young University–Idaho, Peb. 13, 2022] byui.edu)

Mikas 5:2. Bakit mahalaga na isinilang si Jesucristo sa Bethlehem?

Itinuro ni Pangulong Russell M. Nelson:

Sa Kanyang banal na tungkulin, maaaring pumili ang Panginoon ng anumang lugar sa masaganang planetang ito upang maisakatuparan ang Kanyang misyon. Maaaring piliin Niya ang magagandang isla ng dagat na may malalagong halaman at kamangha-manghang kagandahan. Maaaring piliin Niya ang tanawin ng Switzerland o Scandinavia, o maaari Niya piliing maglakbay sa malalawak na lupain ng Africa o Australia.

Sa halip, pinili Niya ang isang lupain na may mga lugar na tuyo at tigang, isang lupain kung saan naninirahan ang mga nomad, na naninirahan sa mga tolda at malayang gumagala gaya ng mga tupa at kambing na kanilang inaalagaan. Ginamit Niya ang lugar upang magturo gamit ang mga heograpikal na visual aid, at upang tuparin ang banal na kasulatan.

Pinili Niyang maipanganak sa Bethlehem, malapit sa Jerusalem. Bakit sa Bethlehem? May simbolikong kahalagahan ba sa kahulugan ng pangalang Bethlehem, na nangangahulugang “bahay ng tinapay” sa Hebreo? Ipinahayag ng Dakilang Tagapagbigay ang Kanyang sarili bilang “tinapay ng buhay.” (Tingnan sa Juan 6:48.) Napakaangkop na Siya, ang “tinapay ng buhay,” ay magmumula sa “tahanan ng tinapay.” (“In This Holy Land,” Liahona, Peb. 1991, 11)

Mga Karagdagang Aktibidad sa Pag-aaral

Mikas 5:2. Bethlehem, katuparan ng propesiya ni Mikas

Kung makikinabang ang mga estudyante sa pagtalakay sa propesiya ni Mikas tungkol sa Bethlehem bilang lugar ng kapanganakan ng Mesiyas, maaari kang magpakita ng larawan ng Mga Pantas na Lalaki. Bilang alternatibo, maaari mong ipanood ang video na “The Christ Child” mula sa time code na 11:30 hanggang 17:15.

17:57

Ipabasa sa mga estudyante ang Mikas 5:2, at alamin kung ano ang maaaring nalalaman ng mga Pantas na Lalaki, saserdote, at eskriba tungkol sa pagsilang ng Tagapagligtas dahil sa propesiyang ito. Maaari mong banggitin na tungkulin ng mga saserdote at eskriba na maging pamilyar sa sinaunang propesiya. Anyayahan ang mga estudyante na i-cross reference o i-link ang Mikas 5:2 sa Mateo 2:4–6.

Maaari mong tulungan ang mga estudyante na maiugnay ang kuwento tungkol sa mga Pantas na Lalaki sa pamamagitan ng pagtalakay sa mga tanong tulad ng sumusunod:

Ano ang ilang “palatandaan” na nagtuturo sa atin sa Tagapagligtas ngayon?
Ano ang magagawa ng isang tinedyer para masunod ang gumagabay na liwanag ng Tagapagligtas ngayon?

Maaaring makatulong na ibahagi ang pahayag mula kay Pangulong Nelson sa Karagdagang Resources.

Nagturo si Jesus mula sa aklat ni Mikas

Maaaring makatulong sa mga estudyante na tingnan ang ilan sa mga passage mula kay Mikas na binanggit ni Jesus sa Kanyang ministeryo at sa mga Nephita. Maaari mong ipakita ang mga sumusunod na pares ng banal na kasulatan at sabihin sa mga estudyante na pumili ng isang pag-aaralan. Maaaring talakayin ng mga estudyante kung ano ang matututuhan natin mula sa pagbibigay-diin ng Tagapagligtas sa mga passage na ito.

Mikas 4:11–13 at 3 Nephi 20:18–20. Ikinumpara ng Panginoon ang pagtitipon sa mga huling araw sa pag-ani ng trigo (tingnan din sa Alma 26:5–7; Doktrina at mga Tipan 11:3–4).

Mikas 5:8–15 at 3 Nephi 21:12–21.

Paano magiging mahalaga ngayon ang mensahe ni Mikas sa mga talatang ito?