Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Հովնան. «Դու ողորմած, գթառատ Աստված ես»

«Հովնան. «Դու ողորմած, գթառատ Աստված ես»» Հին Կտակարան․ Սեմինարիայի ուսուցչի ձեռնարկ (2026)

«Հովնան. «Դու ողորմած, գթառատ Աստված ես»» Հին Կտակարան․ Սեմինարիայի ուսուցչի ձեռնարկ

Ամովս, Աբդիա, Հովնան․ Դաս 151

Հովնան

«Դու ողորմած, գթառատ Աստված ես»

The Old Testament prophet Jonah depicted lying on the beach at Nineveh after having survived being swallowed by a whale. The ocean and a whale are depicted in the background. The image depicts Jonah being returned to preach at Nineveh.

Տերը մեկնեց իր ողորմած ձեռքերը դեպի Հովնանը և Նինվեի ժողովուրդը՝ չնայած նրանց գործած մեծ սխալներին: Երբ մենք գիտակցենք, որ այդ նույն սերն ու ողորմածությունը ուղղված է դեպի մեզ, մենք նույնպես կարող ենք բացականչել, որ Տերը «ողորմած, գթառատ, երկայնամիտ ու բազումողորմ Աստված է» (Հովնան 4.2): Այս դասը կօգնի ուսանողներին զգալ Տիրոջ սերն ու ողորմածությունն իրենց և ուրիշների հանդեպ:

Հնարավոր ուսումնական վարժություններ

Մեր ընկալումը

Կարող եք սկսել դասը՝ գրատախտակին գծելով հետևյալ սանդղակը՝ կողքերին գրելով ուղեկցող բառերը: Երբ ուսանողներին հարցնեք, թե ինչպես ուրիշները կարող են տեսնել Երկնային Հորը և Հիսուս Քրիստոսին, կարող եք մի քանի տող տեղադրել սանդղակի տարբեր մասերում՝ ավելացնելու համար նրանց պատասխանները:

Պատկերացրեք, որ այս սանդղակը ներկայացնում է, թե մարդն ինչպես կարող է տեսնել Երկնային Հորը և Հիսուս Քրիստոսին:

Ինչո՞ւ որոշ մարդիկ կարող են նրանց տեսնել որպես սիրող, ողորմած և բարի, իսկ մյուսները՝ ոչ:

Որպեսզի օգնեք ուսանողներին գնահատել, թե ինչպես են իրենք ընկալում Երկնային Հորը և Հիսուս Քրիստոսին, կարող եք նրանց առաջարկել խորհել հետևյալի մասին:

Խորհեք, թե գծի որ մասում կտեղադրեիք ձեր տեսակետը Երկնային Հոր և Հիսուս Քրիստոսի մասին։ Մտածեք, թե ինչու եք ընտրել այդ տեղը գծի վրա:

Հիմա պատկերացրեք, որ այս սանդղակը ցույց է տալիս, թե ինչպես եք մտածում ուրիշների մասին կամ վերաբերվում նրանց:

Ի՞նչ պատճառներով մենք կարող ենք որոշ մարդկանց վերաբերվել մի կերպ, իսկ մյուսներին՝ բոլորովին այլ կերպ:

Հովնանի պատմությունն ուսումնասիրելիս փնտրեք Սուրբ Հոգին, որը կօգնի ձեզ տեսնել Երկնային Հոր և Հիսուս Քրիստոսի իրական էությունը: Մտածեք, թե Նրանց մասին ձեր սովորածն ինչպես կարող է ազդել ձեր կողմից ուրիշներին տեսնելու, նրանց մասին մտածելու կամ նրանց նկատմամբ ձեր վերաբերմունքի վրա:

Հովնանի պատմությունը

Կարդացեք Հովնան 1․1–3 հատվածները և ուշադրություն դարձրեք տաճարը սուրբ պահելու Տիրոջ ցուցումներին։

Ի՞նչ է ձեզ ասում Հովնանի պատասխանն այն մասին, թե ինչպես էր նա վերաբերվում Նինվեի ժողովրդին քարոզելու Տիրոջ ցուցումներին:

Վարժությունը կատարելու համար ուսանողներին ժամանակ տալուց հետո առաջարկեք նրանց տալ իրենց ունեցած հարցերը կամ կիսվել այս պատմությունն ուսումնասիրելուց ստացած գաղափարներով:

Եթե կարիք լինի, բացատրեք, որ Հովնան 4 գլուխը ցուցադրում է, որ թեև Հովնանը երախտապարտ էր, որ Տերը ողորմած և ներողամիտ էր իր հանդեպ, նա զայրացավ, երբ Տերը դրսևորեց այդ հատկանիշները Նինվեի ժողովրդի նկատմամբ: Տերն ուսուցանեց Հովնանին, որ Նինվեի ժողովուրդը արժեքավոր է Իր համար՝ շատ ավելի արժեքավոր, քան դդմենին:

Կարող եք հետևյալ անավարտ ճշմարտությունները գրել գրատախտակին։ Հրավիրեք ուսանողներին ավարտել ճշմարտությունները՝ օգտագործելով այն, ինչ իրենք հենց նոր սովորեցին Հովնանի պատմությունից:

Տերը … է

Տիրոջը նմանվելու համար մենք պետք է …

Գրատախտակին գրված նախադասությունները կարող եք ավարտել բառերով կամ արտահայտություններով, որոնցով ուսանողները կիսվում են, օրինակ.

Տերը ողորմած է, բարի ու ներող:

Տիրոջը նմանվելու համար մենք պետք է լինենք ողորմած, բարի և ներող, ինչպես Նա է։

Կարող եք առաջարկել ուսանողներին կիսվել որոշակի օրինակներով Հովնանի պատմությունից, որոնք ցույց են տալիս այս ճշմարտությունները: Նրանք կարող են նաև կիսվել, թե իրենց կարծիքով ինչու են իրենց ընտրած բառերը կամ արտահայտությունները կարևոր իմանալու համար:

Ինչո՞ւ մեզ համար երբեմն դժվար է սիրել կամ ողորմած լինել ուրիշների հանդեպ:
Տիրոջ ողորմության և սիրո մասին իմանալն ինչպե՞ս կարող է ազդել այն բանի վրա, թե մենք ինչպես ենք տեսնում ուրիշներին, մտածում նրանց մասին կամ վերաբերվում նրանց:

Նմանվել Տիրոջը

Բացի վերը նշվածներից, ուսանողները կարող են բացահայտել նաև այլ ճշմարտություններ։ Դա անելու ընթացքում կիրառեք եղանակներ՝ խորացնելու ուսանողների հասկացողությունը բացահայտած ճշմարտությունների մասին: Հետևյալ վարժությունները կարող են օգնել ուսանողներին ավելի լավ հասկանալ վերը նշված երկու ճշմարտությունը և զգալ Տիրոջ սերը իրենց և ուրիշների հանդեպ:

Կարող եք ուսանողներին բաժանել զույգերի և յուրաքանչյուր ուսանողի անհատապես հանձնարարել վարժություններից մեկը: Ապա նրանք կարող են ուսուցանել միմյանց այն, ինչ գտել են: Կամ զուգընկերները կարող են կատարել նույն վարժությունը և կիսվել միմյանց հետ իրենց սովորածով:

Ընտրեք հետևյալ սցենարներից մեկը․

Սցենար Ա։ Պատկերացրեք, որ ունեք մի ընկեր, որը կարծում է, որ Երկնային Հայրը և Հիսուս Քրիստոսը դաժան են, անողորմ կամ չներող:

Սցենար Բ։ Պատկերացրեք, որ ունեք մի ընկեր, որը դժվարանում է ողորմած, բարի կամ ներողամիտ լինել մեկ ուրիշի հանդեպ:

Կատարեք հետևյալը.

Գտեք մի հատված Հովնանի պատմությունից, որով կկիսվեիք ձեր ընկերոջ հետ: (Կարող եք գտնել նաև սուրբ գրությունների այլ հատվածներ, որոնք կարող են օգնել:)
Մտածեք այն փորձառության մասին, որը կարող է օգնել: Սցենար Ա-ի համար․ մտածեք, թե երբ է Տերը սեր կամ ողորմածություն ցուցաբերել ձեր կամ ձեր ծանոթի հանդեպ: Սցենար Բ-ի համար․ մտածեք, թե երբ է Տերը օգնել ձեզ կամ ձեր ծանոթին սեր կամ ողորմություն ցուցաբերել ուրիշների հանդեպ:

Ի՞նչ սովորեցիք:

Որպեսզի օգնեք ուսանողներին տեսնել և զգալ Տիրոջ սերն ու ողորմածությունը իրենց և ուրիշների հանդեպ, կարող եք առաջարկել նրանց իրենց ուսումնասիրության օրագրում նկարել մի բան, որը կարող է հիշեցնել իրենց Հովնանի պատմությունը, օրինակ՝ կետ կամ մեծ բույս: Այնուհետև նրանք կարող են գրել իրենց պատասխանը ստորև ներկայացված հարցերից մեկին` իրենց նկարի ներսում կամ կողքին:

Սուրբ գրությունների ուսումնասիրության ձեր օրագրում պատասխանեք հետևյալ հարցերից մեկին.

Ի՞նչ սովորեցիք այսօր, որն օգնում է ձեզ զգալ, որ Երկնային Հայրը և Հիսուս Քրիստոսը ողորմած են, բարի և ներողամիտ:
Ի՞նչ փորձառություն ունեցաք այսօր, որն օգնեց ձեզ զգալ Նրանց սերը այն մարդկանց հանդեպ, որոնց դժվար է սիրել կամ ներել:

Օժանդակ նյութեր

Ի՞նչը կարող է օգնել ինձ հասկանալ Երկնային Հոր և Հիսուս Քրիստոսի իրական էությունը:

Յոթանասունից երեց Ռոբերտ Մ. Դեյնսը վկայել է․

10:22

Նախագահ Նելսոնն ուսուցանել է․ «Որքան շատ սովորեք Փրկչի մասին, այնքան ավելի հեշտ կլինի վստահել Նրա ողորմածությանը, Նրա անսահման սիրուն»։ Եվ այնքան ավելի շատ կվստահեք և կսիրեք ձեր Երկնային Հորը:

Երեց Ջեֆրի Ռ․ Հոլլանդն ուսուցանել է մեզ, որ Հիսուսը եկավ մեզ ցույց տալու «թե ով է Աստված և ինչպիսին է մեր Հավիտենական Հայրը, որքան լիովին նվիրված է Նա Իր զավակներին ամեն տարիքում և ամեն ազգի մեջ»։

Պողոսն ասում է, որ Աստված «[բոլոր] գթությունների Հայրն է և ամեն մխիթարության Աստվածն է»:

Եթե այլ կերպ եք տեսնում Նրան, շարունակեք փորձել։ («Տեր, ուզում ենք Հիսուսին տեսնել» Լիահոնա, նոյ. 2023, 14)

Ինչպե՞ս պետք է վարվենք, երբ տեսնում ենք, որ Աստված օրհնում է ուրիշներին, հատկապես, երբ կարծում ենք, որ նրանք արժանի չեն դրան:

Յոթանասունից երեց Լեգրան Ռ. Քըրթիս Կրտսերը բացատրել է․

Երկնային Հոր սերն Իր բոլոր զավակների հանդեպ անսահման է, և կարիք չկա զայրանալ այդ սիրուց, երբ այն դրսևորվում է ուրիշների կյանքում: Մեզ համար շատ սեր կա, և մենք լիարժեք կիսում ենք այդ սերը, քանի որ ոչ միայն տոնում ենք անառակ որդու վերադարձը, այլև օգնում ենք հնարավորինս շատ մարդկանց «ողջ և առողջ» վերադառնալ եկեղեցու գիրկը (Ղուկաս 15․27)։ («He Ran, and Fell on His Neck, and Kissed Him», Լիահոնա, հունվար 2015, 47)

Տասներկու Առաքյալների Քվորումից նախագահ Ջեֆրի Ռ. Հոլլանդն ուսուցանել է.

15:23

Մեր կյանքում կարող են լինել դեպքեր, երբ որևէ մեկն անսպասելի օրհնություն է ստանում կամ որևէ հատուկ ճանաչման է արժանանում։ Կարո՞ղ եմ խնդրել ձեզ չվիրավորվել և իհարկե չնախանձել, երբ բախտը ժպտում է մեկ ուրիշին։ Մեզանից չի պակասում, երբ մեկ ուրիշին ավելին է տրվում։ Մենք մրցակցության մեջ չենք միմյանց հետ՝ տեսնելու թե ով է ամենահարուստը, ամենատաղանդավորը, ամենագեղեցիկը կամ ամենաօրհնվածը։ Մրցակցությունը, որն իրականում առկա է, մրցակցությունն է մեղքի դեմ, և իհարկե, նախանձն ամենատարածված մեղքերից մեկն է: («Այգու մշակները», Լիահոնա, մայիս 2012, 31)

Քանի որ Աստված այդքան ողորմած է և սիրող, ես իրո՞ք կարիք ունեմ ապաշխարելու:

Տասներկու Առաքյալների Քվորումից երեց Դ. Թոդ Քրիստոֆերսոնն ուսուցանել է.

13:12

Քանի որ Աստված սիրում է բոլորին, ոմանք այդ սերն անվանում են «անվերապահ» և հանգում են այն եզրակացությանը, որ Աստծո օրհնությունները և փրկությունը կարող են «անվերապահ» տրվել բոլորին։ Բայց դա այդպես չէ։ Ոմանք հաճախ ասում են․ «Փրկիչը սիրում է ինձ այնպիսին, ինչպիսին կամ», և դա իսկապես ճիշտ է։ Սակայն նա չի կարող մեզանից որևէ մեկին տանել Իր արքայությունը այնպիսին, ինչպիսին կանք, «քանզի ոչ մի անմաքուր բան չի կարող բնակվել այնտեղ, կամ բնակվել նրա ներկայության մեջ» (տես Մովսես 6․57)։ Մեր մեղքերը նախ պետք է լուծում գտնեն։ («Աստծո սերը», Լիահոնա, նոյեմբեր 2021, 16)

Լրացուցիչ ուսումնական վարժություններ

Հովնանի պատմության պատկերավորումը

Եթե օգտակար լինի ձեր համար, կարող եք ցուցադրել «Հովնան Մարգարե» (2:30) տեսանյութը։ Այս տեսանյութը կարող է օգնել ձեր ուսանողներին պատկերացնել Հովնանի պատմությունը մինչև աշխատաթերթը կատարելը կամ այն կատարելուց հետո։

2:30

Հովնանի ժամանակակից օրինակը

«Նմանվել Տիրոջը» բաժնի տեսանյութի փոխարեն կարող եք կիսվել «It’s Not Too Late for a Second Chance» հոդվածից մի պատմությունով: Այս հոդվածը ներառում է մի երիտասարդ աղջկա պատմություն, որը կորցրել է դպրոցում երբևէ հաջողության հասնելու հույսը, բայց մխիթարություն և հույս է գտել իր հոր միջոցով: Պատմությունով կիսվելուց հետո կարող եք խնդրել ուսանողներին կիսվել, թե ինչու է այդ պատմության հայրը նման մեր Երկնային Հորը: Այնուհետև նրանք կարող են կիսվել անձնական փորձառություններով, երբ զգացել են, որ Երկնային Հայրը ողորմածություն կամ սեր է դրսևորել իրենց կյանքում:

Ցուցաբերել սեր և ողորմածություն ուրիշների հանդեպ

«Նմանվել Տիրոջը» բաժնի տեսանյութի փոխարեն կարող եք ցուցադրել «President Uchtdorf: Forgiveness» (3:40) տեսանյութը։ Այս տեսանյութը կարող է օգտագործվել՝ օգնելու ուսանողներին տեսնել, թե որքան կարևոր է լինել նույնքան ողորմած և ներող, որքան Տերն է մեզ հետ: Ուսանողները կարող են դիտել տեսանյութը՝ մտածելով մի մարդու մասին, որին իրենք գուցե դժվարանում են սիրել կամ ներել:

3:40

Հովնան 2 Զգալ Տիրոջ ողորմածությունն ապաշխարության միջոցով

Եթե կարծում եք, որ ուսանողների համար օգտակար կլինի ապաշխարության կարևորության վերաբերյալ քննարկման համար ավելի շատ ժամանակ տրամադրել, կարող եք առաջարկել նրանց զույգերով ուսումնասիրել Հովնան 2.1–10 հատվածները: Նրանք կարող են Հովնանի աղոթքում փնտրել արտահայտություններ, որոնք ցույց են տալիս Հովնանի՝ ապաշխարելու անկեղծ ցանկությունը:

Դուք կարող եք հարցնել ուսանողներին, թե Հովնանի պատմությունից ո՞ր ապացույցն է ցույց տալիս, որ Տերը ներեց նրան, որովհետև նա ապաշխարեց: Այնուհետև դուք կարող եք օգնել ուսանողներին բացահայտել այլ օրինակներ սուրբ գրություններից, երբ մարդիկ զգացել են Տիրոջ ողորմածությունը՝ անկեղծ ապաշխարության միջոցով։