Ամովս 3, 7

Պատկերացրեք, որ տեսնում եք հետևյալը՝ որպես սոցիալական ցանցերի գրառման պատասխան.

«Նա չպետք է այդ մասին խոսի։ Նա չի հասկանում»:

«Նա տեղյակ չի, թե ինչ է իրականում տեղի է ունենում»:

«Հաշվի առնելով մյուս բոլոր բաները, որ ես պետք է անեմ, չեմ պատկերացնում, թե ինչպես կարող եմ կիրառել այս խորհուրդը իմ չափազանց զբաղված կյանքում»:

• Ո՞ւմ կարող են վերաբերել այս պատասխանները:

Մի պահ մտածեք այսօր երկրի վրա ապրող՝ Տիրոջ մարգարեի վերաբերյալ ձեր տեսակետի մասին: Կարող եք մտածել հետևյալ հարցերի ձեր պատասխանների շուրջ․

• Ինչպե՞ս եմ ես վերաբերվում մարգարեի խորհրդին: Արդյո՞ք իմ վերաբերմունքը փոխվում է՝ կախված նրանից, թե ինչ խորհուրդ է նա տալիս:

• Ի՞նչ պատճառներ կարող եմ բերել մարգարեական խորհրդին հետևելու համար: Կա՞ն դժվարություններ, որոնց ես բախվում եմ՝ մարգարեական խորհրդին հետևելու համար:

Ամովս գրքի այսօրվա ուսումնասիրության ընթացքում Սուրբ Հոգին կարող է օգնել ձեզ ավելին իմանալ Աստծո խոսքերի կարևորության մասին, որոնք մեզ տրվել են Նրա մարգարեների միջոցով: Կարող եք գրել այն մտքերը կամ հարցերը, որոնք ունեցաք այսօրվա ուսումնասիրության ընթացքում:

Իսրայելի հյուսիսային թագավորությունում Ամովսի մարգարեական ծառայության ժամանակներում Աստծո ուխտի ժողովուրդներից շատերը լքեցին Նրան և Նրա մարգարեներին և հետևեցին հարևան ազգերի ամբարիշտ ճանապարհներին (տես Ամովս 2.6–12): Տերը ընտրեց Ամովսին՝ նրանց ապաշխարության կանչելու համար: Ամովսը մարգարեացավ Հերոբովամ II թագավորի և Նրա ժողովրդի կործանման ու գերության մասին (տես Ամովս 7.8–9, 11, 17):

Կարդացեք Ամովս 7.10–15 հատվածները՝ փնտրելով, թե ինչպես Ամասիան՝ Հերոբովամ II թագավորի քահանան, արձագանքեց Ամովսի մարգարեական խորհրդին:

• Ի՞նչ գտաք:

• Ձեր կարծիքով, ինչո՞ւ էին մարդիկ մտածում, որ չեն կարող «տանել [Ամովսի] բոլոր խոսքերը» (Ամովս 7.10) և ինչու էին ուզում, որ նա գնա մարգարեանալու այլ տեղ (տես Ամովս 7.12)։

• Ձեր կարծիքով, ինչու են Աստծո մարգարեները շարունակում ուսուցանել, նույնիսկ երբ որոշ մարդիկ նրանց համարում են չսիրված, կյանքից կտրված կամ ոչ պիտանի:

Մի քանի գլուխ առաջ Տերը Ամովսի միջոցով բացահայտել է Իր և Իր մարգարեների մասին մի հզոր ճշմարտություն:

Կարդացեք Ամովս 3.7 հատվածը՝ փնտրելով, թե Աստված միշտ ինչ է անելու Իր մարգարեների միջոցով:

• Ի՞նչ կարող ենք սովորել այս հատվածներից Տիրոջ մասին:

  Ուսանողները կարող են օգտագործել տարբեր բառեր՝ նշելու համար, որ Տերը բացահայտում է Իր ծրագրերը Իր մարգարեների միջոցով։ Որպես այս ճշմարտության օրինակ՝ կարող եք կիսվել, որ նախքան Հուդան և Իսրայելը ի վերջո կկործանվեին մարդկանց ամբարշտության պատճառով, Տերը հայտնեց, թե ինչ կլինի, եթե մարդիկ չապաշխարեն (տես Ամովս 2.4–6, 8․11–12)։

  Դասը շարունակելով՝ եղանակներ փնտրեք ընդգծելու, որ Տերը սիրում է մեզ և ցանկանում է առաջնորդել մեզ:

• Ի՞նչ կարող է ձեզ ուսուցանել այս ճշմարտությունն այն մասին, թե ինչու է ձեզ համար կարևոր լսել մարգարեին՝ անկախ նրանից, թե ուրիշներն ինչպես են արձագանքում նրա խոսքերին:

Հիշեք դասի սկզբում ներկայացված սոցցանցերի մեկնաբանությունները և ընտրեք մեկը: Հետևյալ վարժությունը կօգնի ձեզ պատրաստվել՝ գրելու պատասխան:

1. Վերընթերցեք Ամովս 3․7 հատվածը և խորհեք, թե այն ինչպես կարող է օգնել այդ մեկնաբանությունը գրած մարդուն։ Կարդացեք նաև վարդապետության սերտման հետևյալ հատվածները՝ փնտրելով, թե ինչպես կարող են դրանք օգնել: (Խաչաձև հղում կատարեք կամ կապեք այս սուրբգրային հատվածները Մոսիա 3.7 հատվածի հետ)։

   • Եզեկիել 3.16-17

   • Վարդապետություն և Ուխտեր 1.37-38

   • Վարդապետություն և Ուխտեր 21․4-6

2. Նշեք առնվազն երկու օրհնություն, որ կարող են գալ՝ Աստծո մարգարեին լսելու արդյունքում։ Կարող եք գտնել օրինակներ սուրբ գրություններում, Եկեղեցու պատմության դրվագներում կամ ժամանակակից մարգարեների ուսմունքներում: Փորձեք կիսվել մեկ օրինակով, երբ մարգարեի խոսքերը դրական փոփոխություններ են բերել ձեր կյանք:

Օգտագործելով այն, ինչ սովորեցիք և զգացիք այսօր, գրեք օգտակար պատասխան դասի սկզբում ներկայացված բացասական մեկնաբանություններից մեկին: Համոզվեք, որ ներառել եք առնվազն մեկ սուրբ գրություն և մեկ օրինակ, որը կարող է լինել անձնական փորձառություն: