Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Ամովս 8. Հաղթահարել հոգևոր սովը

«Ամովս 8․ Հաղթահարել հոգևոր սովը», Հին Կտակարան․ Սեմինարիայի ուսուցչի ձեռնարկ (2026)

«Ամովս 8. Հաղթահարել հոգևոր սովը», Հին Կտակարան․ Սեմինարիայի ուսուցչի ձեռնարկ

Ամովս, Աբդիա, Հովնան․ Դաս 150

Ամովս 8

Հաղթահարել հոգևոր սովը

191st Semiannual General Conference: Russell M. Nelson

Մենք բոլորս սովի զգացում ենք ունենում։ Պատկերացրեք, թե ինչ է նշանակում հոգևոր սովից տառապելը։ Տերն ուսուցանեց իսրայելացիներին Ամովսի միջոցով՝ օգտագործելով այս պատկերները: Ամովսը մարգարեացավ, որ իր ժողովրդին այլևս չի տրվի Նրա խոսքը, քանի որ նրանք մերժել են այն: Տիրոջ խոսքը կորցնելը կհանգեցնի հոգևոր սովի: Այս դասը կօգնի ուսանողներին մեծացնել իրենց վստահությունն առ այն, որ Երկնային Հայրը և Հիսուս Քրիստոսը կարող են հագեցնել իրենց հոգևոր սովը ավետարանի Վերականգնման միջոցով:

Ուսանողի նախապատրաստում. Առաջարկեք ուսանողներին խորհել, թե ինչպիսին կլիներ իրենց կյանքը, եթե չունենային սուրբ գրությունները կամ մարգարեների խոսքերը: Ուսանողները կարող են գալ դասի պատրաստ՝ կիսվելու իրենց մտքերով:

Հնարավոր ուսումնական վարժություններ

Հոգևոր սով

Կարող եք սկսել դասը՝ ցուցադրելով սննդամթերքի նկար, կամ բերել մի պարզ ուտելիք և տալ հետևյալ հարցերը:

Ե՞րբ է եղել այն պահը, երբ դուք առանձնահատուկ սով եք զգացել:
Ի՞նչ կարող ենք անել, երբ քաղցած ենք:

Պատասխանները կարող են ներառել նյարդայնացած լինելը, էներգիայի պակասը կամ որևէ տեսակի սնունդ շատ ցանկանալը:

Գրեք Հոգևոր սով արտահայտությունը գրատախտակին:
Ինչի՞ նկատմամբ մարդիկ կարող են հոգևոր սով զգալ և դժվարանալ գտնել:

Կարող եք գրել ուսանողների պատասխանները գրատախտակին: Ուսանողները կարող են նշել նմանատիպ բաներ՝ Աստծո սերը, իրենց կյանքի նպատակը, ճշմարտությունն իմանալը, ուղղորդումը՝ դժվար որոշումներ կայացնելիս:

Մի քանի րոպե տրամադրեք, որպեսզի ձեր ուսումնասիրության օրագրում գրեք այն եղանակները, որոնցով դուք կամ ձեր ծանոթը ներկայումս հոգևոր սով եք զգում:

Խրախուսեք ուսանողներին փնտրել Սուրբ Հոգուն այսօր՝ խորհելով այն մասին, թե ինչ կարող են անել՝ Հիսուս Քրիստոսի առաջարկած հոգևոր սնունդը ստանալու համար:

Տիրոջ խոսքերը լսելու սովը

Ամովս մարգարեն մարգարեացել է հոգևոր սովի մասին: Նա հայտնեց Տիրոջ խոսքերը Իսրայելի ժողովրդին, բայց նրանք չցանկացան լսել դրանք (տես Ամովս 2.12, 7․11–16)։

Եթե կարծում եք, որ օգտակար կլինի, առաջարկեք ուսանողներին կարդալ Ամովս 7.12–13 հատվածները՝ հասկանալու համար, թե իսրայելացիներն ինչպես արձագանքեցին Տիրոջ խոսքերին, որոնք ասվել էին Ամովսի միջոցով:

Կարդացեք Ամովս 8.11–12 հատվածները՝ փնտրելով, թե ինչ հետևանքներ ունեցավ մարդկանց կողմից Տիրոջ խոսքը մերժելը:

Անհրաժեշտության դեպքում բացատրեք, որ սովը սննդի ծայրահեղ պակասն է։

Ի՞նչ հետևանքներ գտաք:

Կիսվեք հետևյալի նման ճշմարտություններով, եթե ուսանողները չնշեն դրանք. Երբ մարդիկ մերժում են Տիրոջ մարգարեներին, նրանք կորցնում են Տիրոջ խոսքի օրհնությունները: Առանց Աստծո խոսքի մենք հոգևոր քաղց ենք զգում:
Ձեր կարծիքով, ինչո՞ւ է սովը լավ համեմատություն՝ առանց Տիրոջ խոսքի ապրելու համար:
Ի՞նչ եղանակներով է կատարվել Ամովսի մարգարեությունը։

Անհրաժեշտության դեպքում բացատրեք ուսանողներին, որ այս հատվածները վերաբերում են մի ժամանակաշրջանի, որը հայտնի է որպես ուրացություն: Ուրացությունն այն ժամանակահատվածն է, երբ անհատ մարդիկ կամ մարդկանց խմբերը մերժում են ավետարանի սկզբունքները, և Տերն այլևս մարգարեներ չի ուղարկում նրանց մոտ: Ամովսի մարգարեության կատարման դեպքերից մեկը տեղի ունեցավ Քրիստոսի առաքյալների մահից հետո և հայտնի է որպես Մեծ Ուրացություն։ Մեծ Ուրացությունը տևեց այնքան ժամանակ, մինչև Տերը վերականգնեց Իր ավետարանը մարգարե Ջոզեֆ Սմիթի միջոցով:

Հագեցնել հոգևոր սովը

Իր սիրառատ ողորմությամբ Տերը Իր ժողովրդին՝ Իր մարգարեների միջոցով հայտնեց, որ կփրկի Իր ժողովրդին ուրացության հետևանքներից և կօրհնի Իր ժողովրդին: Տերը մարգարեացավ Ամովսի միջոցով առ այն, որ Ինքը նորից կհավաքի Իր ժողովրդին ապագայում և կօրհնի նրանց շատ առումներով (տես Ամովս 9․14–15)։

Կարդացեք հետևյալ հատվածները՝ փնտրելով, թե ուրիշ ինչ է Տերը հայտնել Իր մարգարեների միջոցով այն մասին, թե Ինքը ինչ կանի վերջին տնտեսության ժամանակ՝ մինչև Իր Երկրորդ Գալուստը.

Դանիել 2․44–45

Գործք Առաքելոց 3․19–21

Եփեսացիներին 1․3, 10

Վարդապետություն և Ուխտեր 27․13, 112․30, 128․18

Առաջարկեք ուսանողներին կիսվել իրենց սովորածով և հարցեր տալ այս հատվածների վերաբերյալ: Լրացուցիչ օգնության համար կարող եք նրանց ուղղորդել դեպի «Ավետարանի Վերականգնում» ենթաբաժինը՝ Թեմաներ և հարցեր բաժնում։

Երկնային Հայրը և Հիսուս Քրիստոսը ի՞նչ օրհնություններ են հասանելի դարձրել հոգևորապես քաղցած աշխարհին՝ Վերականգնման միջոցով:

Ուսանողները կարող են նշել քահանայության բանալիներն ու իշխանությունը, մարգարեներին, հայտնությունները, սուրբ գրությունները, Եկեղեցու կազմակերպությունները, արարողությունները և Սուրբ Հոգու պարգևը:

Մտածեք, թե ինչ եղանակով կարող եք օգնել ուսանողներին տեսնել, թե ինչպես կարող են այս օրհնությունները բավարարել իրենց կարիքները և այն մարդկանց կարիքները, որոնց մասին իրենք հոգ են տանում: Դա անելու եղանակներից մեկը հետևյալն է:

Հրավիրեք ուսանողներին ստեղծել սցենար մի մարդու մասին, որը քաղցած է՝ գրատախտակին Հոգևոր սով վերնագրի ներքո նշված թեմաներից մեկի համապատասխան: Կարող եք ուսանողներին խնդրել մանրամասներ ավելացնել, որպեսզի սցենարն ավելի իրատեսական լինի: Որպես օրինակ կարող եք կիսվել ստորև ներկայացվածով Մարթայի մասին։ Այնուհետև ուսանողները կարող արձագանքել սցենարին՝ աշխատելով միասին, անհատապես կամ փոքր խմբերով:

Սցենար. Մարթան 15 տարեկան է և միակ բանը, որ նա ուզում է, իր կյանքի նպատակը գտնելն է: Նա դժվարություններ ունի ինքնավստահության հետ, և չգիտի, թե ինչ ուղղություն պետք է վերցնի:

Ինչո՞վ կարող եք կիսվել, որ Երկնային Հայրը և Հիսուս Քրիստոսը արել են ավետարանի Վերականգնման ընթացքում, որը կարող է օգնել հագեցնել Մարթայի հոգևոր սովը:

Ձեր պատասխանում ներառեք սուրբ գրություններ, Եկեղեցու առաջնորդների խոսքից մեջբերումներ, և, հնարավորության դեպքում, ձեր անձնական փորձառությունը:

Եթե ուսանողները դժվարանան արձագանքել, կարող եք նրանց հնարավորություն տալ օգտվել Երիտասարդներին զորացնելու համար ուղեցույցից կամ վարդապետության սերտման հատվածներից:

Եթե ուսանողները դժվարանան արձագանքել, կարող եք նրանց հնարավորություն տալ օգտվել «Կատարեք ոգեշնչված ընտրություններ» բաժինը Երիտասարդներին զորացնելու համար ուղեցույցում, կամ Մովսես 1․39 հատվածը․ «Սա է իմ գործը և իմ փառքը՝ իրականցնել մարդու անմահությունն ու հավերժական կյանքը»։ Ուսանողները կարող են խորհել հետևյալի շուրջ․ իմացությունը, որ Տերը հոգ է տանում իրենց մասին և ակտիվորեն աշխատում է, որ իրենք վերադառնան Իր ներկայություն, ինչպես կարող է հագեցնել Աստծո սերը զգալու կամ իրենց կյանքում նպատակ ունենալու հոգևոր սովը:

Երբ ուսանողները բավականաչափ ժամանակ ունենան, խրախուսեք նրանց կիսվել իրենց պատրաստածով։ Նրանք կարող են նաև կիսվել, թե ինչ սովորեցին այս փորձառությունից։

Անձնական մտորումներ

Եզրափակելով՝ ուսանողներին առաջարկեք իրենց օրագրում պատասխանել հետևյալ հարցերին:

Ի՞նչ սովորեցիք այսօր, որը մեծացնում է ձեր վստահությունն առ այն, որ Երկնային Հայրը և Հիսուս Քրիստոսը կարող են հագեցնել մեր հոգևոր սովը:
Ի՞նչ եղանակով կցանկանայիք գործել ըստ ձեր սովորածի և զգացածի:

Օժանդակ նյութեր

Ինչո՞ւ է այդքան կարևոր կանոնավոր կերպով ուսումնասիրել սուրբ գրությունները:

Յոթանասունից երեց Մայքլ Ջոն Ու. Թեհն ուսուցանել է․

Ես կարծում եմ, որ սուրբ գրությունների կանոնավոր ուսումնասիրությունն անտեսելը մեր սրտերը կարծրացնելու ձև է: Ես վախենում եմ, որ եթե մենք շարունակենք նույն կերպ, մեզ կտրվի խոսքի փոքր մասը և, ի վերջո, մենք ոչինչ չենք իմանա Աստծո խորհուրդների մասին: Մյուս կողմից, սուրբ գրություններից ամեն օր «կում անելը» կօգնի մեզ հոգևոր ամրություն և գիտելիք ձեռք բերել, քողազերծել դևի խաբեություններն ու բացահայտել մեզ բռնելու համար նրա պատրաստած ծուղակները։ («The Power of the Word of God», Լիահոնա, մարտ 2013, 23)

Ի՞նչն է իսկապես հագեցնում մեր հոգևոր սովը։

Նախագահ Ջեֆրի Ռ. Հոլլանդը ուսուցանել է․

Այս առավոտ ես աղոթում եմ, որ բոլոր նրանք, ովքեր քաղցած են ու ծարավ են, իսկ երբեմն անտուն են, լսեն այս հրավերը Նրանից, ով Կյանքի Հացն է, Կենդանի Ջրի Աղբյուրն է, մեր բոլորի Բարի Հովիվն է, Աստծո Որդին է. «Ինձ մօտ եկէք, ամեն վաստակածներ եւ բեռնաւորուածներ, եւ ես հանգիստ կ’տամ ձեզ» [Մատթեոս 11.28-29]: Իսկապես, Նա «քաղցածներին լիացնում է բարիքներով» [Ղուկաս 1.53], ինչպես Նրա հարազատ մայրը՝ Մարիամն է վկայում։ («He Hath Filled the Hungry with Good Things», Ensign, նոյ․ 1997, 66)

Ի՞նչ անել, եթե ես կարծում եմ, որ սուրբ գրություններն ուսումնասիրելու ժամանակ չունեմ։

Տասներկու Առաքյալների Քվորումից երեց Ռիչարդ Գ. Սքոթը (1928–2015) տվել է հետևյալ խորհուրդը․

Մի ենթարկվեք սատանայի ստին, թե ժամանակ չունեք ուսումնասիրելու սուրբ գրությունները: Որոշեք ժամանակ գտնել սուրբ գրությունների ուսումնասիրության համար: Ամեն օր Աստծո խոսքով սնվելն ավելի կարևոր է, քան քունը, դպրոցը, աշխատանքը, հեռուստատեսային շոուները, տեսախաղերը կամ սոցիալական ցանցերը: Դուք պետք է ճանաչեք ձեր առաջնահերթությունները, որպեսզի ժամանակ գտնեք Աստծո խոսքն ուսումնասիրելու համար։ Ուստի արեք այդպես: («Հավատքի գործադրումը դարձրեք ձեր առաջնահերթությունը», Լիահոնա, նոյեմբեր 2014, 93)

Ինչպե՞ս ավարտվեց մեծ ուրացության հոգևոր սովը:

Նախագահ Սպենսեր Վ. Քիմբալը կիսվել է.

Դարերի հոգևոր խավարից հետո … մենք հանդիսավոր կերպով հայտարարում ենք ողջ աշխարհին, որ հոգևոր սովն ավարտվել է, հոգևոր երաշտը վերջացել է, Տիրոջ խոսքն իր մաքրությամբ և ամբողջությամբ հասանելի է բոլոր մարդկանց: Պետք չէ ճամփորդել ծովից ծով կամ հյուսիսից արևելք՝ փնտրելով ճշմարիտ ավետարանը, ինչպես կանխատեսել էր Ամովսը, քանի որ հավիտենական ճշմարտությունը հասանելի է»: (Համաժողովի զեկույց, ապր. 1964, 93–94, տես նաև Հին Կտակարան. Ուսանողի ձեռնարկ, 3րդ խմբ․ [2003], 94)

Լրացուցիչ ուսումնական վարժություններ

Հագեցնել հոգևոր սովը

Որպեսզի օգնեք ուսանողներին ավելի լավ հասկանալ, թե Աստծո խոսքն ինչպես կարող է հագեցնել հոգևոր սովը, կարող եք ցուցադրել «Daily Bread: Pattern» տեսանյութը և առաջարկել ուսանողներին փնտրել լրացուցիչ ճշմարտություններ հոգևոր սովին պատասխանելու վերաբերյալ:

2:52

Ուրացությունը Հին Կտակարանում

Մեկ այլ ճշմարտություն, որ կարելի է սովորել Ամովս 8.11–12 հատվածներից, այն է, որ ուրացությունը առաջանում է Տիրոջ խոսքը մերժելու հետևանքով։ Կարող եք առաջարկել ուսանողներին քննարկել, թե իրենց կարծիքով, որոնք են տարբերություններն ու նմանությունները հետևյալների միջև.

Անհատական ուրացություն

Խմբային ուրացություն

Համընդհանուր ուրացություն

Առաջարկեք ուսանողներին մտածել, թե ինչպես Հիսուս Քրիստոսի ավետարանի վերականգնումը կարող է օգնել շտկել յուրաքանչյուր տեսակի ուրացության հանգամանքները:

«The Great Apostasy» տեսանյութը ցուցադրում է, թե ինչպես Վիլֆորդ Վուդրուֆի կողմից ճշմարիտ Եկեղեցու որոնումը օգնեց նրան հասկանալ Ուրացությունը և Հիսուս Քրիստոսի եկեղեցու վերականգնման անհրաժեշտությունը:

16:36

Մարգարեները մատնացույց են անում Քրիստոսին

Որպեսզի օգնեք ուսանողներին ավելի լավ հասկանալ մարգարեների խոսքերի նշանակությունը, կարող եք կարդալ Ամովս 7․11–16 և Ամովս 8․11–12 հատվածները՝ փնտրելով, թե ինչպես մեկը հանգեցրեց մյուսին: Առաջարկեք ուսանողներին խորհել, թե ինչպիսին կլիներ իրենց կյանքը, եթե իրենք չլսեին մարգարեների միջոցով ասված Տիրոջ խոսքը: Կարող եք ցուցադրել «Ինչո՞ւ մենք մարգարեների կարիք ունենք» տեսանյութը՝ ցույց տալու համար, թե ինչպես է մարգարեների միջոցով ասված Տիրոջ խոսքը ուսուցանում մեզ գալ Նրա մոտ: Տեսանյութը դիտելու ժամանակ կարող եք առաջարկել ուսանողներին ուշադրություն դարձնել մարգարեների դերին։

1:38

Ո՞րն է մարգարեների հիմնական դերը:

Կարող եք կիսվել Տասներկու Առաքյալների Քվորումից երեց Նիլ Լ. Անդերսենի հետևյալ խոսքերով․

Տիրոջ մարգարեի ամենակարևոր դերն է՝ ուսուցանել մեզ Փրկչի մասին և առաջնորդել մեզ Նրա մոտ։ …

Մարգարեն կանգնած չէ ձեր և Փրկիչի միջև։ Փոխարենը, նա կանգնած է ձեր կողքին և ցույց է տալիս ճանապարհը դեպի Փրկիչը։ («Աստծո մարգարեն», Լիահոնա, մայիս 2018, 25, 27)

Ինչպե՞ս կարող է մարգարեներին հետևելը օգնել հագեցնել հոգևոր սովը:

Սուրբ գրության օրհնությունը

Ի տարբերություն Աստծո խոսքի քաղցի (տես Ամովս 8.11–12), մեր օրերում մենք ունենք Աստծո խոսքի մեծ քանակություն սուրբ գրություններում: «The Blessing of Scripture» տեսանյութը և առաջարկել ուսանողներին ուշադրություն դարձնել տարբեր պատճառներին, որոնք մարդիկ կարող են բերել՝ Աստծո խոսքն իրենց կյանքում չունենալու վերաբերյալ:

3:4

Ուսանողներին կարող եք հարցնել, թե իրենք ինչ սովորեցին այս տեսանյութից՝ իրենց կյանքում Աստծո խոսքը չունենալու հետևանքների մասին կամ այն պատճառների մասին, թե ինչու որոշ մարդիկ ավելի շատ են գնահատում սուրբ գրությունները, քան մյուսները: