Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Amos 8: Pagdaig sa Espirituwal na Pagkagutom

“Amos 8: Pagdaig sa Espirituwal na Pagkagutom,” Manwal ng Titser ng Seminary para sa Lumang Tipan (2026)

“Amos 8: Pagdaig sa Espirituwal na Pagkagutom,” Manwal ng Titser ng Seminary para sa Lumang Tipan

Amos; Obadias; Jonas: Lesson 150

Amos 8

Pagdaig sa Espirituwal na Pagkagutom

191st Semiannual General Conference: Russell M. Nelson

Lahat tayo ay nakadama na ng pagkagutom. Isipin kung ano kaya ang pakiramdam na magdusa sa espirituwal na pagkagutom. Tinuruan ng Panginoon ang mga Israelita sa pamamagitan ni Amos gamit ang matalinghagang paglalarawang ito. Ipinropesiya ni Amos na hindi na bibigyan ang kanyang mga tao ng Kanyang salita dahil tinanggihan nila ito. Ang pagkawala ng salita ng Panginoon ay hahantong sa isang espirituwal na taggutom. Ang lesson na ito ay makatutulong sa mga estudyante na madagdagan ang kanilang kumpiyansa na mapapawi ng Ama sa Langit at ni Jesucristo ang kanilang espirituwal na pagkagutom sa pamamagitan ng Pagpapanumbalik ng ebanghelyo.

Paghahanda ng estudyante: Sabihin sa mga estudyante na pagnilayan kung paano maiiba ang kanilang buhay kung wala silang mga banal na kasulatan o mga salita ng mga propeta. Maaaring pumasok sa klase ang mga estudyante na handang ibahagi ang naisip nila.

Mga Posibleng Aktibidad sa Pag-aaral

Espirituwal na pagkagutom

Maaari mong simulan ang klase sa pamamagitan ng pagpapakita ng larawan ng pagkain o pagdadala ng simpleng pagkain at pagtatanong ng mga sumusunod.

Kailan kayo nakaramdam ng labis na pagkagutom?
Ano kaya ang nangyayari sa atin kapag nagugutom tayo?

Maaaring kabilang sa mga sagot ang pagkairita, hindi pagkakaroon ng sapat na lakas, o pagiging desperado sa anumang uri ng pagkain.

Isulat sa pisara ang pariralang Espirituwal na Pagkagutom.
Ano ang maaaring espirituwal na ikagutom ng mga tao at mahirapan silang hanapin?

Maaari mong isulat sa pisara ang mga sagot ng mga estudyante. Maaaring sabihin ng mga estudyante ang mga bagay na tulad ng pagmamahal ng Diyos, layunin sa kanilang buhay, pag-alam ng katotohanan, patnubay sa mahihirap na desisyon, atbp.

Maglaan ng ilang sandali upang isulat sa inyong study journal ang mga paraan kung saan kayo o ang isang taong kilala ninyo ay maaaring nakakadama ng espirituwal na pagkagutom sa kasalukuyan.

Hikayatin ang mga estudyante na hangarin ang Espiritu Santo ngayon habang pinag-iisipan nila kung ano ang magagawa nila para matanggap ang espirituwal na pangangalaga na ibinibigay ni Jesucristo.

Isang taggutom sa pakikinig sa mga salita ng Panginoon

Si propetang Amos ay nagpropesiya tungkol sa espirituwal na pagkagutom. Inihayag Niya ang mga salita ng Panginoon sa mga tao ng Israel, ngunit ayaw nilang pakinggan ang mga ito (tingnan sa Amos 2:12; 7:11–16).

Kung sa palagay mo ay makatutulong ito, ipabasa sa mga estudyante ang Amos 7:12–13 upang maunawaan kung paano tumugon ang mga Israelita sa mga salita ng Panginoon sa pamamagitan ni Amos.

Basahin ang Amos 8:11–12 at alamin ang mga bunga ng pagtanggi ng mga tao sa salita ng Panginoon.

Kung kinakailangan, ipaliwanag na ang taggutom ay isang matinding kakulangan sa pagkain.

Anong mga bunga ang nalaman ninyo?

Kung hindi babanggitin ng mga estudyante ang mga ito, magbahagi ng mga katotohanan na tulad ng sumusunod: Kapag tinatanggihan ng mga tao ang mga propeta ng Panginoon, nawawalan sila ng mga pagpapala ng salita ng Panginoon. Kung walang salita ng Diyos, tayo ay espirituwal na magugutom.
Sa inyong palagay, bakit magandang paghahambing ang taggutom sa pamumuhay nang walang salita ng Panginoon?
Sa anong mga paraan natupad ang propesiya ni Amos?

Kung kinakailangan, ibahagi sa mga estudyante na ang mga talatang ito ay tumutukoy sa isang yugto ng panahon na kilala bilang apostasiya. Ang apostasiya ay nangyayari kapag tinatanggihan ng mga indibiduwal o grupo ng mga tao ang mga alituntunin ng ebanghelyo at ang Panginoon ay hindi na nagpapadala ng mga propeta sa kanila. Ang isang katuparan ng propesiya ni Amos ay nangyari kasunod ng kamatayan ng mga apostol ni Cristo at kilala ito bilang ang Malawakang Apostasiya. Ang Malawakang Apostasiya ay tumagal nang hanggang sa ipanumbalik ng Panginoon ang Kanyang ebanghelyo sa pamamagitan ng propetang si Joseph Smith.

Pagpawi sa espirituwal na pagkagutom

Sa mapagkandiling pagmamahal ng Panginoon, nilinaw Niya sa Kanyang mga tao sa pamamagitan ng Kanyang mga propeta na ililigtas Niya ang Kanyang mga tao mula sa epekto ng apostasiya at pagpapalain Niya ang Kanyang mga tao. Ipinropesiya ng Panginoon sa pamamagitan ni Amos na titipunin Niyang muli ang Kanyang mga tao sa darating na araw at pagpapalain Niya sila sa maraming paraan (tingnan sa Amos 9:14–15).

Basahin ang mga sumusunod na talata at alamin kung ano pa ang inihayag ng Panginoon sa pamamagitan ng Kanyang mga propeta na gagawin Niya sa huling dispensasyon bago ang Kanyang Ikalawang Pagparito:

Daniel 2:44–45

Mga Gawa 3:19–21

Efeso 1:3, 10

Doktrina at mga Tipan 27:13; 112:30; 128:18

Sabihin sa mga estudyante na ibahagi ang natutuhan nila at magtanong kung mayroon silang katanungan tungkol sa mga talatang ito. Para sa karagdagang tulong, maaari mo silang ituon sa “Pagpapanumbalik ng Ebanghelyo,” sa Mga Paksa at Mga Tanong.

Anong mga pagpapala ang ibinigay ng Ama sa Langit at ni Jesucristo sa mundong espirituwal na nagugutom sa pamamagitan ng Pagpapanumbalik?

Maaaring ilista ng mga estudyante ang mga susi at awtoridad ng priesthood, mga propeta, paghahayag, banal na kasulatan, organisasyon ng Simbahan, ordenansa, at ang kaloob na Espiritu Santo.

Isipin kung paano mo matutulungan ang mga estudyante na maunawaan kung paano matutugunan ng mga pagpapalang ito ang mga pangangailangan nila at ng mga taong mahal nila. Ang sumusunod ay isang paraan kung paano mo ito magagawa.

Sabihin sa mga estudyante na gumawa ng isang sitwasyon tungkol sa isang tao na nagugutom sa isa sa mga paksang nakalista sa pisara sa ilalim ng Espirituwal na Pagkagutom. Maaari mong sabihin sa mga estudyante na magdagdag ng mga detalye upang mas makaugnay sa sitwasyon. Maaari mong ibahagi ang sumusunod tungkol kay Marta bilang halimbawa. Pagkatapos ay maaaring gumawa ang mga estudyante nang mag-isa, o sa maliliit na grupo para sagutin ang sitwasyon.

Sitwasyon: Si Marta ay 15 taong gulang at ang pinakahangarin niya ay makahanap ng layunin sa kanyang buhay. Nahihirapan siyang magtiwala sa sarili, at hindi siya sigurado kung anong direksyon ang dapat niyang tahakin.

Ano ang maibabahagi mo na ginawa ng Ama sa Langit at ni Jesucristo bilang bahagi ng Pagpapanumbalik ng ebanghelyo na makatutulong upang mapawi ang espirituwal na pagkagutom ni Marta?

Bilang bahagi ng iyong sagot, tiyaking magsama ng mga banal na kasulatan; sipi mula sa mga lider ng Simbahan; at, kung maaari, ng sarili mong personal na karanasan.

Kung nahihirapan ang mga estudyante na sumagot, maaari mong ipabasa sa kanila ang Gabay na Para sa Lakas ng mga Kabataan o ang ilan sa mga doctrinal mastery passage.

Kung sumasagot ang mga estudyante sa sitwasyon tungkol kay Marta, maaari mo silang ituon sa heading ng bahaging “Gumawa ng mga inspiradong pagpili” ng Gabay na Para sa Lakas ng mga Kabataan o sa Moises 1:39: “Ito ang aking gawain at aking kaluwalhatian—ang isakatuparan ang kawalang-kamatayan at buhay na walang hanggan ng tao.” Maaaring pag-isipan ng mga estudyante kung paanong ang kaalaman na nagmamalasakit sa kanila ang Panginoon at aktibong tumutulong sa kanya na makabalik sa Kanyang piling ay makatutugon sa espirituwal na pagkagutom sa pagdama ng pagmamahal ng Diyos o sa pagkakaroon ng layunin sa kanilang buhay.

Kapag nagkaroon na ng sapat na oras ang mga estudyante, ipabahagi sa kanila ang inihanda nila. Maaari din nilang ibahagi ang natutuhan nila mula sa karanasan.

Personal na pagninilay

Para tapusin ang klase, maaari mong sabihin sa mga estudyante na sagutin ang mga sumusunod na tanong sa kanilang journal.

Ano ang natutuhan mo ngayon na nakadagdag sa iyong kumpiyansa na mapapawi ng Ama sa Langit at ni Jesucristo ang ating espirituwal na pagkagutom?
Ano ang isang paraan kung paano mo gustong gawin ang natutuhan o nadama mo?

Karagdagang Resources

Bakit napakahalaga ng regular na pag-aaral ng mga banal na kasulatan?

Itinuro ni Elder Michael John U. Teh ng Pitumpu:

Naniniwala ako na ang pagbabale-wala sa pag-aaral ng mga banal na kasulatan sa araw-araw ay isang uri ng pagpapatigas ng ating puso. Natatakot ako na kung magpapatuloy tayo sa landas na iyan, mabibigyan lang tayo ng maliit na bahagi ng salita at kalaunan ay wala na tayong malalaman pa sa mga hiwaga ng Diyos. Ang pag-aaral ng mga banal na kasulatan araw-araw, sa kabilang banda, ay tutulong sa atin na magkaroon ng espirituwal na lakas at kaalaman, mailantad ang mga panlilinlang ng diyablo, at matuklasan ang patibong na inilatag niya sa atin upang mabihag tayo. (“Ang Kapangyarihan ng Salita ng Diyos,” Liahona, Mar. 2013, 23)

Ano ang talagang nakapapawi sa ating espirituwal na pagkagutom?

Itinuro ni Pangulong Jeffrey R. Holland:

Dalangin ko ngayong umaga na lahat ng nagugutom at nauuhaw, at kung minsan ay gumagala, ay diringgin ang paanyayang ito mula sa Kanya na Siyang Tinapay ng Buhay, ang Bukal ng Tubig na Buhay, ang Mabuting Pastol nating lahat, ang Anak ng Diyos: “Lumapit kayo sa akin, kayong lahat na nanlulupaypay at lubhang nabibigatan, … at makakatagpo kayo ng kapahingahan para sa inyong mga kaluluwa” [Mateo 11:28–29]. Tunay ngang binubusog Niya “ang mga gutom … ng mabubuting bagay” [Lucas 1:53], tulad ng pinatotohanan ng Kanyang sariling ina na si Maria. (“He Hath Filled the Hungry with Good Things,” Ensign, Nob. 1997, 66)

Paano kung hindi ko nadaramang may oras ako para pag-aralan ang mga banal na kasulatan?

Ibinigay ni Elder Richard G. Scott (1928–2015) ng Korum ng Labindalawang Apostol ang payong ito:

Huwag magpadala sa kasinungalingan ni Satanas na wala kayong oras na pag-aralan ang mga banal na kasulatan. Magpasiyang gumugol ng oras na pag-aralan ito. Ang pagpapakabusog sa salita ng Diyos bawat araw ay mas mahalaga kaysa pagtulog, pag-aaral, pagtatrabaho, mga palabas sa telebisyon, video games, o social media. Maaari ninyong kailanganin na muling ayusin ang inyong mga prayoridad para makapaglaan ng oras sa pag-aaral ng salita ng Diyos. Kung gayon, gawin ito! (“Unahin Ninyong Manampalataya,” Liahona, Nob. 2014, 93)

Paano nagwakas ang espirituwal na taggutom ng malawakang apostasiya?

Ibinahagi ni Pangulong Spencer W. Kimball:

Pagkalipas ng mga siglo ng espirituwal na kadiliman, … mataimtim naming ipinahahayag sa buong mundo na nagwakas na ang espirituwal na taggutom, natapos na ang espirituwal na tagtuyot, makukuha na ng lahat ng tao ang salita ng Panginoon sa kadalisayan at kabuuan nito. Hindi natin kailangang maglakbay sa bawat dagat ni mula hilaga hanggang sa silangan, at hanapin ang totoong ebanghelyo tulad ng ibinadya ni Amos, dahil narito na ang walang hanggang katotohanan.” (sa Conference Report, Abr. 1964, 93–94; tingnan din sa Old Testament Student Manual, 3rd ed. [2003], 94)

Mga Karagdagang Aktibidad sa Pag-aaral

Pagpawi sa espirituwal na pagkagutom

Kung nais mo, para mas maunawaan ng mga estudyante kung paano mapapawi ng salita ng Diyos ang espirituwal na pagkagutom, maaari mong ipanood ang video na “Daily Bread: Pattern” at anyayahan ang mga estudyante na maghanap ng mga karagdagang katotohanan tungkol sa pagtugon sa espirituwal na pagkagutom.

2:36

Apostasiya sa Lumang Tipan

Ang isa pang katotohanan na matututuhan mula sa Amos 8:11–12 ay ang apostasiya ay bunga ng pagtanggi sa salita ng Panginoon. Maaari mong ipatalakay sa mga estudyante kung ano sa palagay nila ang mga pagkakaiba at pagkakatulad ng mga sumusunod:

Apostasiya ng indibiduwal

Apostasiya ng grupo ng mga tao

Apostasiya sa pangkalahatan

Sabihin sa mga estudyante na pag-isipan kung paano makatutulong ang pagpapanumbalik ng ebanghelyo ni Jesucristo sa pag-aayos ng mga kundisyon ng bawat uri ng apostasiya.

Makikita sa video na “The Great Apostasy” kung paano nakatulong ang paghahanap ni Wilford Woodruff sa totoong Simbahan para maunawaan niya ang Apostasiya at ang pangangailangan sa Pagpapanumbalik ng simbahan ni Jesucristo.

16:32

Nagtuturo ang mga propeta tungkol kay Cristo

Para matulungan ang mga estudyante na mas maunawaan ang kahalagahan ng mga salita ng mga propeta, maaari ninyong basahin ang Amos 7:11–16 at Amos 8:11–12, at alamin kung paano humantong ang isa sa isa pa. Sabihin sa mga estudyante na pagnilayan kung paano maiiba ang kanilang buhay kung hindi nila maririnig ang salita ng Panginoon sa pamamagitan ng mga propeta. Maaari mong ipanood ang video na “Why Do We Have Prophets?” para ipakita kung paano tayo tinuturuan ng salita ng Panginoon sa pamamagitan ng mga propeta na lumapit sa Kanya. Maaari mong sabihin sa mga estudyante na alamin ang tungkulin ng mga propeta habang nanonood sila.

1:38

Ano ang pangunahing tungkulin ng mga propeta?

Maaari mong ibahagi ang sumusunod mula kay Elder Neil L. Andersen ng Korum ng Labindalawang Apostol:

Ang pinakamahalagang tungkulin ng propeta ng Panginoon ay ang magturo sa atin ng tungkol sa Tagapagligtas at akayin tayo sa Kanya. …

Ang propeta ay hindi tumatayo sa pagitan natin at ng Tagapagligtas. Sa halip, tumatayo siya sa ating tabi at itinuturo ang daan patungo sa Tagapagligtas. (“Ang Propeta ng Diyos,” Liahona, Mayo 2018, 25, 27)

Paano makatutulong ang pagsunod sa mga propeta upang mapawi ang espirituwal na pagkagutom?

Ang biyaya ng banal na kasulatan

Kumpara sa taggutom sa salita ng Diyos (tingnan sa Amos 8:11–12), mayroon tayong napakaraming salita ng Diyos sa banal na kasulatan sa ating panahon. Kung makatutulong sa mga estudyante na mas maunawaan ang pagpapala ng pagkakaroon ng mga banal na kasulatan, maaari mong ipanood ang video na “The Blessing of Scripture” at anyayahan ang mga estudyante na maghanap ng iba’t ibang dahilan kung bakit ang ibang tao ay maaaring walang salita ng Diyos sa kanilang buhay.

3:4

Maaaring itanong sa mga estudyante kung ano ang natutuhan nila mula sa video tungkol sa mga kahihinatnan ng hindi pagkakaroon ng salita ng Diyos sa kanilang buhay o ang mga dahilan kung bakit mas pinahahalagahan ng ilang tao ang mga banal na kasulatan kaysa sa iba.