Հին Կտակարան. Սեմինարիայի ուսուցչի ձեռնարկ

Բովանդակություն
Տիտղոսաթերթ
Ուսուցչի ձեռնարկի նախաբան
Հին Կտակարան․ Դասեր
- Բարի գալուստ Հին Կտակարան
- Մովսես 1, Աբրահամ 3
- Ծննդոց 1–2, Մովսես 2–3, Աբրահամ 4–5
- Ծննդոց 3–4, Մովսես 4–5
- Ծնունդ 5, Մովսես 6
- Մովսես 7
- Ծնունդ 6–11, Մովսես 8
- Ծնունդ 12–17, Աբրահամ 1–2
- Ծնունդ 18–23
- Ծնունդ 24–33
- Ծնունդ 37–41
- Ծնունդ 42–50
- Ելք 1–6
- Զատիկ
- Ելք 7–13
- Ելք 14–18
- Ելք 19–20, 24, 31–34
- Ելք 35–40, Ղևտական 1, 4, 16, 19
- Թվեր 11–14, 20–24, 27
- Բ Օրենք 6–8, 15, 18, 29–30, 34
- Հեսու 1–8, 23–24
- Դատավորներ 2–4, 6–8, 13–16
- Հռութ, Ա Թագավորների 1–7
- Ա Թագավորների 8–10, 13, 15–16
- Ա Թագավորների 17–18, 24–26, Բ Թագավորների 5–7
- Բ Թագավորների 11–12, Գ Թագավորների 3, 6–9, 11
- Գ Թագավորների 12–13, 17–22
- Դ Թագավորների 2–7
- Դ Թագավորների 16–25
- Բ Մնացորդաց 14–20, 26, 30
- Եզրաս 1, 3–7, Նեեմիա 2, 4–6, 8
- Եսթեր
- Հոբ 1–3, 12–14, 19, 21–24, 38–40, 42
- Սաղմոսներ 1–2, 8, 19–33, 40, 46
- Սաղմոսներ 49–51, 61–66, 69–72, 77–78, 85–86
- Սաղմոսներ 102–103, 110, 116–119, 127–128, 135–139, 146–150
- Առակներ 1–4, 15–16, 22, 31, Ժողովող 1–3, 11–12
- Եսայի 1–12
- Եսայի 13–14, 22, 24–30, 35
- Եսայի 40–49
- Եսայի 50–57
- Եսայի 58–66
- Երեմիա 1–3, 7, 16–18, 20
- Երեմիա 31–33, 36–38, Երեմիայի ողբերը 1, 3
- Եզեկիել 1–3, 33–34, 36–37, 47
- Դանիել 1–7
- Ովսեե, Հովել
- Ամովս, Աբդիա, Հովնան
- Միքիա, Նաում, Ամբակում, Սոփոնիա
- Անգե 1–2, Զաքարիա 1–4, 7–14
- Մաղաքիա
Կյանքին նախապատրաստվելու դասեր
- Վարդապետության սերտում. ինչպես գտնեմ իմ հարցերի պատասխանները
- Սուրբ գրությունների ուսումնասիրության հմտություններ
- Երիտասարդներին զորացնելու համար․ ուղեցույց
- Զարգացրեք ինքնապահովում
- Ֆիզիկական և էմոցիոնալ առողջություն
- Պատրաստվել ապագա կրթությանը և աշխատանքին
- Հաջողության հասնել դպրոցում
- Միսիոներական նախապատրաստություն
- Տաճարային նախապատրաստություն
- Եկեղեցու ղեկավարների ուսմունքները
Հավելված

Եզեկիել 47. Տաճարի օրհնությունները

«Եզեկիել 47. Տաճարի օրհնությունները», Հին Կտակարան․ Սեմինարիայի ուսուցչի ձեռնարկ (2026)

«Եզեկիել 47. Տաճարի օրհնությունները», Հին Կտակարան․ Սեմինարիայի ուսուցչի ձեռնարկ

Եզեկիել 1–3, 33–34, 36–37, 47․ Դաս 141

Եզեկիել 47

Տաճարի օրհնությունները

Տերը մեզ շատ օրհնություններ է տալիս տաճարում մեր երկրպագության միջոցով: Եզեկիելը տեսիլքում տեսել է վերջին օրերի մի տաճար, որը պետք է կառուցվի Երուսաղեմում: Նա տեսել է, որ այդ տաճարից ջուր էր հոսում, որը բժշկում էր շուրջը գտնվող հողը և կյանք պարգևում Մեռյալ ծովին: Տեսիլքը խորհրդանշում է այն օրհնությունները, որոնք Տերը տալիս է մեզ, երբ մենք երկրպագում ենք Նրան Իր տաճարում: Այս դասը կօգնի ուսանողներին տաճարում Աստծուն երկրպագելու ավելի մեծ ցանկություն զգալ:

Ուսանողի նախապատրաստում. կարող եք ուսանողներին տալ հետևյալ հարցերը և առաջարկել նրանց գալ պատրաստ՝ կիսվելու իրենց պատասխաններով.

Հնարավոր ուսումնական վարժություններ

Տաճարում երկրպագելու ցանկություն

Դասը սկսեք այնպես, որ այն օգնի ուսանողներին մտածել տաճար այցելելու և այնտեղ երկրպագելու իրենց ցանկության մասին: Դա անելու համար կարող եք ցուցադրել տաճարի նկարը: Ապա, նկարում պատկերված տաճարի մի կողմում գրեք ուսանողների պատասխանները հետևյալ հարցերից մեկին, իսկ մյուս կողմում՝ մյուս հարցի պտասխանները:

Որո՞նք են այն պատճառները, որոնցով դեռահասը կարող է ցանկանալ այցելել տաճար և երկրպագել այնտեղ:
Որո՞նք են այն պատճառները, որոնցով նրանք չեն ցանկանում այցելել տաճար: Ի՞նչը կարող է դժվարացնել դա անելը։

Ինքնագնահատման հարցերը կարող են օգնել ուսանողներին նշել անձնական աճի և սովորելու հնարավորությունները: Ուսանողներին առաջարկեք մի քանի րոպե տրամադրել՝ խորհելու իրենց վերաբերող հետևյալ հարցերի շուրջ:
Որքա՞ն ուժեղ է տաճարում երկրպագելու ձեր ցանկությունը: Ինչո՞ւ։
Ի՞նչը կարող է ձեզ հետ պահել տաճար այցելելու ցանկությունից:

Այսօր Եզեկիել գիրքն ուսումնասիրելիս խնդրեք Տիրոջ օգնությունը՝ մեծացնելու տաճար այցելելու և այնտեղ երկրպագելու ձեր ցանկությունը:

Եզեկիելի տեսիլքը տաճարի մասին

Նշում. որպեսզի օգնենք ուսանողներին զգալ Տիրոջ սերը, կարևոր է, որ այս դասի ընթացքում անդրադառնաք օրհնություններին, որոնք գալիս են Տիրոջից` տաճարի միջոցով, այլ ոչ թե հենց տաճարից:

Եզեկիել 47 գլխում Եզեկիելը տեսել է մի տեսիլք, որը կարող էր խորհրդանշել օրհնություններ, որոնք Տերը տալիս է բոլոր նրանց, ովքեր կատարում են տաճարային և ընտանեկան պատմության աշխատանքը: Այն սկսվեց, երբ մի երկնային սուրհանդակ Եզեկիելին բերեց Երուսաղեմի տաճարի դռան մոտ:

Կարդացեք Եզեկիել 47.1 հատվածը՝ փնտրելով, թե ինչ է տեսել Եզեկիելը տաճարի դարպասի մոտ։

Ինչպե՞ս կարող է ջուրը լավագույն խորհրդանիշը լինել Տիրոջ օրհնությունների համար:

Հնարավոր պատասխաններից մի քանիսը կարող են ներառել հետևյալը․ ջուրը կյանք է տալիս, այն անհրաժեշտ է բոլորին, այն մաքրում է և հասանելի է բոլորին: Իր մահկանացու ծառայության ընթացքում Փրկիչը Իրեն և Իր մատուցած օրհնությունները համեմատել է կենդանի ջրի հետ (տես Հովհաննես 4.10, 7.37–39):

Հետևյալ վարժությունը կատարելու համար օգտակար կլինի բացատրել, որ կանգունը չափման միավոր է՝ արմունկից մինչև մատների ծայրերը, մոտավորապես 18-21 դյույմ կամ 45-53 սանտիմետր:

Կարդացեք Եզեկիել 47.2–5 հատվածները՝ ուշադրություն դարձնելով տաճարից դուրս հոսող ջրի խորությանը:

Քանի որ այս պատմության մեջ Տիրոջ ուսմունքը շատ պատկերավոր է, այն կարող է օգնել մեզ նկարել այն, ինչ մենք սովորում ենք: Ձեր օրագրի էջի վերևի մասում նկարեք տաճարի և դրանից հոսող ջրի պարզ նկարը: (Ավելի ուշ՝ էջի ներքևի մասում, կարող եք նկարել, թե ուր է ջուրը հոսում։)

Ըստ ձեզ, ի՞նչ էր Տերը ուսուցանում այդ տեսիլքում այն օրհնությունների մասին, որոնք Նա տալիս է տաճարի միջոցով:

Հարցրեք ուսանողներին.

Եթե ձեր նկարի վրա նկարեիք որևէ բան, որը կխորհրդանշեր այն վայրը, որտեղ ոչինչ չի աճում կամ բարգավաճում, ի՞նչ կլիներ դա և ինչու:

Եթե նույն հարցը տրվեր Եզեկիելի ժամանակներում Երուսաղեմում ապրող մարդկանց, պատասխանը հավանաբար կլիներ՝ Հուդայի անապատը կամ Մեռյալ ծովը։ Մեռյալ ծովն իր անունը ստացել է կենդանական կամ բուսական կյանքը պահպանելու անկարողության պատճառով։ Այն պարունակում է նաև աղի ջուր, որը հնարավոր չի խմել։ Եթե օգտակար կլինի, ցուցադրեք կամ ուսանողներին առաջարկեք դիտել «Judean Wilderness» նկարը (Աստվածաշնչի նկարներ, հ․ 3) Gospel Library հավելվածի Ուսումնասիրության օժանդակ նյութերում կամ Աստվածաշնչի հավելվածում՝ տեսնելու Մեռյալ ծովի շուրջը գտնվող անապատը: Նրանք կարող են նաև նայել «Սուրբ երկրի ֆիզիկական քարտեզը» (Աստվածաշնչի քարտեզներ, հ․ 1) և գտնել Հրեաստանի անապատը և Մեռյալ ծովը:

Կարդացեք Եզեկիել 47.8–9, 12 հատվածները՝ փնտրելով, թե ինչ կլինի այն ամենի հետ, ինչին դիպչի տաճարից հոսող ջուրը, ներառյալ Մեռյալ ծովը:

Ինչպե՞ս կամփոփեք Եզեկիելի տեսիլքից ձեր սովորածը։

Խորացրեք ձեր հասկացողությունը

Կարդացեք «Տաճարի օրհնությունները» աշխատաթերթը և ընդգծեք կամ շրջանակի մեջ վերցրեք այն օրհնությունները, որոնք առանձնանում են ձեզ համար:

Ուսանողները կարող են գրել այս օրհնությունները իրենց նկարում պատկերված տաճարից հոսող ջրի վրա: Նրանք կարող են նաև ավելացնել ցանկացած լրացուցիչ օրհնություն, որ կարող են մտաբերել, որը Տերը տալիս է մեզ տաճարի միջոցով:

Ուսանողներին առաջարկեք կիսվել իրենց նկարներով կամ գրված օրհնություններով զուգընկերոջ կամ փոքր խմբի հետ: Որպես այլընտրանք, կարող եք գրատախտակին նկարել գետը և խնդրել ուսանողներին այդ նկարի վրա գրել այն օրհնությունները, որոնց մասին մտածում էին: Ապա ուսանողները կարող են իրենց նկարներին ավելացնել ուրիշների կողմից կիսված այն օրհնությունները, որոնք կցանկանային հիշել:

Ո՞ր օրհնություններ են առավել կարևոր ձեզ համար:

Ուսանողներին առաջարկեք մի քանի րոպե մտածել հետևյալ հարցերի պատասխանների շուրջ՝ նախքան նրանց կտաք այդ հարցերը: Երբ նրանք կիսվեն, կարող եք տալ հետևյալ հարցերը. «Ինչու է դա կարևոր ձեզ համար»: «Որևէ մեկն ունեցե՞լ է նման փորձառություն» և «Ի՞նչ կցանկանայիք ավելացնել այն ամենին, ինչով կիսվել եք»:

Եթե ուսանողներն ապրում են մի բնակավայրում, որտեղ շատերը չեն այցելել տաճար հեռավորության պատճառով, և նրանք չգիտեն շատ մարդկանց, որոնք այցելել են տաճար, կարող եք փոխել երկրորդ հարցը, որպեսզի խնդրեք ուսանողներին կիսվել այն օրհնություններով, որոնք ստացել են իրենք կամ ուրիշները, երբ պատրաստվել են երկրպագել տաճարում։
Ինչպե՞ս կարող է ձեր նշած օրհնություններից որևէ մեկը բժշկել կամ կյանք պարգևել:
Ե՞րբ եք դուք կամ ձեզ ծանոթ մարդիկ զգացել Տիրոջ կողմից տրված այս օրհնություններից որևէ մեկը տաճարում երկրպագելու միջոցով:

Ինչպես եք վերաբերվում տաճարին

Դասի ավարտին կարող եք ձեր նկարի վրա կամ ձեր օրագրում տեղ գտնել, որպեսզի գրեք տաճար այցելելու և այնտեղ երկրպագելու և Տիրոջ օրհնությունները ստանալու վերաբերյալ ձեր զգացմունքները: Խնդրեք Սուրբ Հոգու օգնությունը՝ ձեր զգացմունքները հնարավորինս ճշգրիտ և հստակ գրելու համար:

Առաջարկեք անել դա ցանկացած ուսանողի, որը կցանկանա կիսվել իր մտքերով և վկայությամբ: Կարող եք կիսվել նաև ձեր մտքերով ու զգացումներով։

Օժանդակ նյութեր

Որտեղի՞ց կարող եմ ավելին իմանալ տաճարների և օրհնությունների մասին, որոնք Տերը տալիս է մեզ Իր տաճարների միջոցով:

Ավելին իմանալու համար տես տաճարների համար նախատեսված Հիսուս Քրիստոսի Վերջին Օրերի Սրբերի Եկեղեցու վեբ էջը․ https://folky.shop/temples

Ավետարանական թեմաներ՝ տաճարներ բաժին անցնելու համար․ https://folky.shop/study/manual/gospel-topics/temples

Թոմաս Ս. Մոնսոն, «Տաճարի օրհնությունները», Լիահոնա, հոկտ․ 2010, 12–19

Ինչպե՞ս են տաճարները կապված Տիրոջ հետ:

Նախագահ Ռասսել Մ. Նելսոնն ուսուցանել է․

Տաճարը Տիրոջ տունն է։ Յուրաքանչյուր տաճարային արարողության և ուխտի հիմքը՝ փրկության ծրագրի առանցքը, Հիսուս Քրիստոսի Քավությունն է: Յուրաքանչյուր գործողություն, յուրաքանչյուր դաս և այն ամենը, ինչ մենք անում ենք Եկեղեցում, մատնանշում են Տիրոջը և Նրա սուրբ տունը: («Personal Preparation for Temple Blessings», Լիահոնա, մայիս 2001, 32)։

Լրացուցիչ ուսումնական վարժություններ

Դասը սկսելու այլընտրանքային եղանակ

Եթե կարծում եք, որ դա օգտակար կլինի ուսանողների համար, կարող եք սկսել հետևյալ վարժությունով.

Պատկերացրեք, որ ձեր ցցի նախագահն առաջարկում է ձեզ լինել ձեր ցցի հատուկ երիտասարդական հանձնաժողովի անդամ: Նա մտահոգված է, որ ձեր ցցի երիտասարդներից մի քանիսը չեն ցանկանում այցելել տաճար և չեն ծրագրում հետագայում տաճարում լրացուցիչ ուխտեր կապել: Նա առաջարկում է ձեզ քննարկել հետևյալը.

Ինչո՞ւ երիտասարդներից ոմանք կարող են չցանկանալ այցելել տաճար:

Ձեր ցցի նախագահն առաջարկում է ձեզ հետևյալն անելիս հիշել այս պատճառների մասին.

Ուսումնասիրեք այն տարատեսակ օրհնությունները, որոնք Տերը տալիս է մեզ տաճարի միջոցով:
Ստեղծեք փոքրիկ պաստառ՝ օգնելու երիտասարդներին այցելել տաճար: Ցցի նախագահը հատուկ հոգևոր հավաքի ժամանակ կարող է այս պաստառի օրինակները տալ ցցի բոլոր երիտասարդներին:

Ուսանողների կողմից դասի ընթացքում նկարված նկարը կարող է ծառայել որպես պաստառ, կամ դասի վերջում նրանք կարող են նկարել մեկ այլ նկար:

Ուխտեր կապել և պահել դրանք

Եթե կարծում եք, որ օգտակար կլինի կենտրոնանալ ուխտեր պահելու անհրաժեշտության վրա, որպեսզի պատրաստվենք տաճարին, ուսանողներին ցուցադրեք տաճարի նկարը:

Ինչո՞ւ են տաճարները համարվում սրբազան կամ սուրբ վայրեր։

Կարդացեք Եզեկիել 44.5–9 հատվածները՝ փնտրելով, թե ըստ Տիրոջ խոսքերի, ով կարող է մտնել սուրբ տաճար, և ով չի կարող: Բացատրեք, որ «Ոչ մի օտարական՝ սրտով անթլփատ և մարմնով անթլփատ» արտահայտությունը հատված 9-ում վերաբերում է ոչ իսրայելական տոհմի մարդկանց, որոնք Տիրոջը հետևելու ուխտեր չեն կապել:

Հիմնվելով այս հատվածների վրա, ի՞նչ սկզբունք կարող ենք սովորել այն մասին, թե ով կարող է մտնել Տիրոջ տուն: (Ուսանողները կարող են տարբեր բառերով պատասխանել, սակայն համոզվեք, որ պարզորոշ արտահայտվում է այն միտքը, որ եթե մենք ուխտեր կապենք Տիրոջ հետ և պահենք դրանք, Նա թույլ կտա մեզ մտնել Իր սուրբ տունը:)
Ըստ ձեզ, ինչո՞ւ է Տերը սահմանել չափանիշներ, որոնց մենք պետք է համապատասխանենք՝ նախքան Նրա տուն մտնելը:

Ուսանողներին խնդրեք կրկնել տաճարային երաշխավորագրի հարցերը՝ փնտրելով այն չափանիշները, որոնցով մենք պետք է ապրենք, որպեսզի արժանավոր լինենք տաճարային երկրպագությանը: Առաջարկեք նրանց տալ ցանկացած հարց: Խնդրեք նրանց կիսվել, թե ինչպես են իրենք զգում, որ այս չափանիշներով ապրելը կպատրաստի մեզ լրացուցիչ ուխտեր կապել Տիրոջ հետ տաճարում: