Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Esekielu 47: O Faamanuiaga o le Malumalu

“Esekielu 47: O Fa’amanuiaga o le Malumalu,” Tusi Lesona a le Faia’oga Seminare o le Feagaiga Tuai (2026)

“Esekielu 47: O Fa’amanuiaga o le Malumalu,” Tusi Lesona a le Faia’oga Seminare o le Feagaiga Tuai

Esekielu 1–3; 33–34; 36–37; 47: Lesona 141

Esekielu 47

O Fa’amanuiaga o le Malumalu

E tu’uina mai e le Atua le tele o fa’amanuiaga iā i tatou e ala i la tatou tapua’iga i le malumalu.Na va’aia e Esekielu i se fa’aaliga se malumalu o aso e gata ai o le a fausia i Ierusalema.Sa ia va’aia le tafe mai o le vai mai lenei malumalu, faalafulemu ai le laueleele o lo o siomia ai ma aumaia le ola i le Sami Mate.O le fa’aaliga ua fa’atusaina i fa’amanuiaga a le Ali’i e tu’uina mai iā i tatou, a o tatou tapuai atu iā te Ia i Lona malumalu.O lenei lesona e mafai ona fesoasoani i tagata a’oga ia lagona se naunautaiga sili atu e tapua’i i le Atua i le malumalu.

Sauniuniga a le tagata a’oga: Mafaufau e tuu atu i tagata a’oga fesili nei ma vala’aulia i latou e o mai saunia e fa’asoa mai a latou tali:

Gaoioiga e Ono Mafai Ona Aoaoina Ai

Naunautaiga e tapuai i le malumalu

Ia amata lenei lesona i se auala e fesoasoani ai i tagata a’oga ia mafaufau e uiga i lo latou manao e auai atu ma tapuai i le malumalu.Ina ia faia lenei mea, e mafai ona e fa’aali atu se ata o se malumalu.Ona, tusi lea o tali a tagata a’oga i se tasi o fesili nei i le tasi itū o le malumalu, ma a latou tali i le isi fesili i le isi itū.

O ā ni mafua’aga e ono mana’o ai se talavou e auai atu ma tapuai i le malumalu?
O ā nisi o mafuaaga latou te ono lē manana’o ai e auai atu i le malumalu?O le ā se mea atonu e fa’afaigata ai?

O fesili mo iloiloga a le tagata lava ia e mafai ona fesoasoani i tagata a’oga ia iloa avanoa mo le tuputupu a’e patino ma le a’oa’oina.Vala’aulia tagata a’oga ia fa’aalu se taimi e mafaufau loloto ai i fesili nei e uiga iā i latou lava.
O le ā le malosi o lou naunau e tapuai i le malumalu?Aiseā?
O ā mea atonu e taofia ai oe mai le mana’o ai e auai atu i le malumalu?

A o e suesue le Esekielu i le aso nei, saili le fesoasoani a le Ali’i e fa’ateleina ai lou naunau e auai atu ma tapuai i le malumalu.

O le fa’aaliga a Esekielu e uiga i le malumalu.

Manatua: Ina ia fesoasoani i tagata a’oga e lagona le alofa o le Ali’i, e taua i lenei lesona le fa’asino atu i fa’amanuiaga e afua mai le Ali’i e faaauala mai i le malumalu, ae lē o le malumalu lava ia.

I le Esekielu 47, na va’aia e Esekielu se fa’aaliga e mafai ona fa’atusa i fa’amanuiaga e tu’uina mai e le Ali’i iā i latou uma e faia galuega tau le malumalu ma talafa’asolopito o aiga.Na amata i se avefeau fa’alelagi na aumaia Esekielu i le faitoto’a o le malumalu i Ierusalema.

Faitau le Esekielu 47:1, ma va’ava’ai mo mea na va’aia e Esekielu o sau mai le malumalu.

E fa’apefea ona avea le vai ma fa’atusa talafeagai o fa’amanuiaga a le Ali’i?

O nisi o tali e ono aofia ai e faapea o vai e aumaia le ola, e mana’omia e tagata uma, faamamā, ma e avanoa mo tagata uma.I le taimi o Lana auaunaga i le lalolagi, na fa’atusa ai e le Fa’aola o Ia lava ma fa’amanuiaga ua Ia ofoina mai i le vai faaola (taga’i i le Ioane 4:10; 7:37–39).

E ono aoga mo le gaoioiga lenei e fa’amatala ai o le kupita o se iunite o fuataga, e amata mai i le tulilima e o’o i le tumutumu o tamatama’ilima, pe tusa ma le 18 i le 21 inisi po o le 45 i le 53 senitimita.

Faitau le Esekielu 47:2–5, va’ava’ai pe o le ā le loloto o le vai na oo iai a o tafe atu i fafo o le malumalu.

Ona o le a’oa’oga a le Ali’i i lenei tala e matuā manino i le va’ai, e mafai ona fesoasoani lea e tusiata mea ua tatou a’oa’oina.I le afa pito i luga o le itulau o lau api tala’aga o suesuega, tusiata se fa’aataga faigofie o se malumalu ma le vai o tafe mai ai.(O le a e tusiata nisi o mea o le vaega o alu iai le vai i le afa pito i lalo i se taimi mulimuli ane.)

O le ā se mea e te manatu ua a’oa’o mai e le Ali’i i lenei fa’aaliga e uiga i fa’amanuiaga ua Ia tu’uina mai e ala i le malumalu?

Fesili atu i tagata a’oga:

Afai o le a e tusiata se mea i luga o lau ata e fa’atusa iai le nofoaga e leai se mea o ola po o tupuolaola ai, o le ā lena mea, ma aiseā?

Afai e toe faia le fesili lava lea e tasi iā i latou i Ierusalema i aso o Esekielu, o le tali atonu o le vaomatua o Iutaia po o le Sami Mate.Ua iai le igoa Sami Mate ona o le lē mafai ona ola pe lauolaola ai o meaola po o la’au.E iai foi le vai masima ma e lē mafai ona inuina.Afai e aoga, fa’aali pe fa’asino atu tagata a’oga i le ata “Judean Wilderness” (Ata mai le Tusi Paia, nu. 3) i le Fesoasoani mo Suesuega i le Potutusi a le Talalelei po o le Anotusi Fa’aopoopo o le Tusi Paia ina ia va’ai ai i le vaomatua i tafatafa o le Sami Mate.E mafai foi ona latou va’ava’ai i le “Physical Map of the Holy Land” (Fa’afanua o le Tusi Paia, nu. 1) ma saili le Vao o Iutaia ma le Sami Mate.

Faitau le Esekielu 47:8–9, 12, va’ava’ai po o le ā se mea e ono tupu i mea uma e pai atu iai le vai mai le malumalu, e aofia ai le Sami Mate.

E fa’apefea ona e aoteleina mea na e a’oa’oina mai le fa’aaliga a Esekielu?

Fa’aloloto lou malamalama

Faitau le pepa e tufaina atu “O Fa’amanuiaga o le Malumalu” ma vase lalo pe li’o so’o se fa’amanuiaga e tulaga ese iā te oe.

I luga o a latou atatusi, e mafai ona tusi ai e tagata a’oga nei fa’amanuiaga i le vai e tafe mai le malumalu.E mafai foi ona latou fa’aopoopo atu ni fa’amanuiaga fa’aopoopo latou te manatu ua tu’uina mai e le Ali’i iā i tatou e ala mai i le malumalu.

Mafaufau e vala’aulia tagata a’oga e fa’asoa a latou atatusi ma fa’amanuiaga na tusia ma se paga po o vaega toalaiti.O se isi auala, e mafai ona e tusia le ata o le vaitafe i luga o le laupapa ma fai atu i tagata a’oga e tusi le fa’amanuiaga latou te manatu iai iina.Ona mafai lea e tagata a’oga ona fa’aopoopo i a latou atatusi o fa’amanuiaga latou te manana’o e manatua mai mea na fa’asoa mai e isi.

O ā ni fa’amanuiaga sa tulaga ese iā te oe?

Vala’aulia tagata a’oga e mafaufau i tali o fesili nei mo ni nai minute ae e te le’i faiina atu [ia fesili].A o latou fa’asoa mai, e te ono fai atu fesili e pei o fesili nei: “Aiseā e anoa ai lena mea iā te oe?”“Pe i ai se tasi na i ai se aafiaga tutusa faapenei?” ma “O le ā se mea e te mana’o e faaopoopo atu i mea ua mae’a ona faasoa mai?”

Afai e nonofo tagata a’oga i se nofoaga e to’atele e lei auai atu i le malumalu ona o le mamao, ma latou te lē iloa le to’atele o tagata na auai atu i le malumalu, mafaufau e sui le fesili lona lua e fesili atu ai e uiga i fa’amanuiaga ua o’o i tagata a’oga po o isi ao latou sauni e tapua’i i le malumalu.
E ono mafai fa’apefea e soo se fa’amanuaiga ua e faailoaina ona fa’amalōlō pe faaolaina ai foi?
O anafea na e aafia ai po o isi e te iloa i se tasi o nei fa’amanuiaga mai le Ali’i e ala i le tapuai i le malumalu?

E faapefea ou lagona e uiga i le malumalu

Ina ia fa’aiu le lesona, mafaufau e saili se vaega i luga o lau ata po o lau api tala’aga o suesuega e tusi ai ou lagona e uiga i le auai atu ma le tapuai i le malumalu ma le mauaina o fa’amanuiaga a le Ali’i.Saili le fesoasoani a le Agaga Paia e tusi lelei ma sa’o ai ou lagona.

Mafaufau e vala’aulia soo se tagata a’oga e mana’o e fa’asoa mai o latou manatu ma molimau.Mafaufau e fa’asoa atu foi ou manatu ma lagona.

O Puna’oa Fa’aopoopo

O fea e mafai ona ou maua ai nisi fa’amatalaga e uiga i malumalu ma fa’amanuiaga e tuuina mai e le Ali’i iā i tatou e ala mai i Ona malumalu?

Ina ia a’oa’o atili, asiasi i le itulau o upega tafa’ilagi mo malumalu a le Ekalesia a Iesu Keriso o le Au Paia o Aso e Gata Ai: https://folky.shop/temples

O tusiga i Autū o le Talalelei mo malumalu: https://folky.shop/study/manual/gospel-topics/temples

Thomas S. Monson, “Fa’amanuiaga o le Malumalu,” Liahona, Oke. 2010, 12–19

E fa’apefea ona feso’ota’i malumalu i le Ali’i?

Na a’oa’o mai Peresitene Russell M. Nelson:

O le malumalu o le maota o le Ali’i.O le faavae mo sauniga ma feagaiga uma o le malumalu---o le fatu o le ata o le faaolataga---o le Togiola a Iesu Keriso.O gaoioiga uma, lesona uma, o mea uma tatou te faia i le Ekalesia, e fa’asino atu i le Ali’i ma Lona maota paia.(“Sauniuniga a le Tagata Lava Ia mo Fa’amanuiaga o le Malumalu,” Ensign, Mē 2001, 32).

Gaoioiga Fa’aopoopo e A’oa’o Ai

O se isi amataga

Afai e te lagona e aoga mo tagata a’oga, mafaufau e amata i le gaoioiga lenei:

Vaai faalemafaufau faapea ua vala’aulia oe e le peresitene o le siteki e avea ma se vaega o le komiti fa’apitoa a le autalavou i lau siteki.E popole o ia ona o nisi o le autalavou i lau siteki e lē naunau e auai atu i le malumalu ma e le’o fuafua e faia ni feagaiga fa’aopoopo i le malumalu i se taimi mulimuli ane.Ua ia vala’aulia oe e talanoaina mea nei:

Aiseā e ono lē manana’o ai nisi talavou e auai atu i le malumalu?

E vala’aulia oe e lau peresitene o le siteki e manatua pea nei mafua’aga a o e faia le mea lenei:

Suesue i faamanuiaga eseese ua tu’uina mai e le Ali’i ia i tatou e ala i le malumalu.
Fai se pepa ata laitiiti e fesoasoani i talavou ia manana’o e auai i le malumalu.E mafai ona tu’u atu e le peresitene o le siteki kopi o lenei pepa lautele o i ai se savali i talavou uma o le siteki i se faiga lotu fa’apitoa.

O atatusi na faia e tagata a’oga i lenei lesona e mafai ona avea ma pepa o i ai se savali, pe latou te fuafuaina se isi pepa lautele o i ai se savali i le fa’ai’uga o le lesona.

Osia ma le tausia o feagaiga

Afai e te lagona e mafai ona aoga le taula’i atu i mana’oga o le tausiaina o feagaiga e saunia ai i tatou mo le malumalu, ona fa’aali atu lea i tagata a’oga se ata o le malumalu.

Aiseā e avea ai malumau ma ni nofoaga mamalu pe paia?

Faitau le Esekielu 44:5–9, va’ava’ai po o ai na fetalai iai le Ali’i e mafai pe e lē mafai ona ulu atu i le malumalu paia.Fa’amatala atu e faapea o le fasifuaitau “o le tagata ese e le‘i peritomeina i le loto, e le‘i peritomeina foi i le tino” i le fuaiupu 9, o loo fa’asino atu ia i latou e lē o ni tagata Isaraelu, o e le’i faia ni feagaiga e mulimuli i le Ali’i.

E fa’avae mai nei fuaiupu, o le ā le mataupu fa’avae e mafai ona tatou a’oa’oina e uiga i e mafai ona ulu atu i le maota o le Ali’i?(E mafai ona fa’aaoga e tagata a’oga ni upu ese, ae ia fa’amautinoa e manino e faapea afai tatou te faia ma tausi i feagaiga ma le Ali’i, o le a Ia fa’atagaina i tatou e ulu atu i Lona maota paia.)
Aiseā e te manatu ai ua iai i le Alii o tulaga faatonuina e tatau ona tatou ausia ae le’i ulu atu i Lona maota?

Fai atu i tagata a’oga e toe iloilo fesili o pepa faataga o le malumalu, ma va’ava’ai mo tulaga faatonuina e mana’omia ona tatou ola ai ina ia agava’a e tapuai i le malumalu.Vala’aulia i latou e fai mai so’o sa latou fesili o iai.Fai atu iā i latou e fa’asoa mai o latou lagona pe faapefea e le ola ai e tusa ai ma nei tulaga faatonuina ona saunia ai i tatou ia faia feagaiga fa’aopoopo ma le Ali’i i le malumalu.