« អេសេគាល ៣៧ ៖ ព្រះគម្ពីរប៊ីប និងព្រះគម្ពីរមរមនថ្លែងទីបន្ទាល់ពីព្រះយេស៊ូវគ្រីស្ទ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា ( ឆ្នាំ២០២៦ )
« អេសេគាល ៣៧ ៖ ព្រះគម្ពីរប៊ីប និងព្រះគម្ពីរមរមនថ្លែងទីបន្ទាល់ពីព្រះយេស៊ូវគ្រីស្ទ » សៀវភៅសិក្សាព្រះគម្ពីរសញ្ញាចាស់ សម្រាប់គ្រូបង្រៀនថ្នាក់សិក្ខាសាលា
អេសេគាល ១–៣; ៣៣–៣៤; ៣៦–៣៧; ៤៧ ៖ មេរៀនទី ១៤០
អេសេគាល ៣៧
ព្រះគម្ពីរប៊ីប និងព្រះគម្ពីរមរមនថ្លែងទីបន្ទាល់ពីព្រះយេស៊ូវគ្រីស្ទ
នៅក្នុង អេសេគាល ៣៧ អេសេគាលបានមើលឃើញការប្រមូលនាពេលអនាគត និងការជួបជុំពូជអំបូរទាំងអស់របស់អ៊ីស្រាអែលចំពោះព្រះអម្ចាស់ ( សូមមើល អេសេគាល ៣៧:២០-២៨ ) ។ ព្យាការីសម័យទំនើបក៏បានបកស្រាយការនិមិត្តរបស់អេសេគាលផងដែរថាជា បន្ទះឈើរបស់យូដា ( ព្រះគម្ពីរប៊ីប ) និងបន្ទះឈើរបស់យ៉ូសែប ( ព្រះគម្ពីរមរមន ) ដែលត្រូវបានបង្រួបបង្រួមជាសក្ខីបទដៃគូរបស់ព្រះយេស៊ូវគ្រីស្ទ និងដំណឹងល្អដែលបានស្តារឡើងវិញរបស់ទ្រង់ ( សូមមើល អេសេគាល ៣៧:១៥–១៧ ) ។ មេរៀននេះអាចជួយសិស្សឲ្យយល់ពីរបៀបដែលព្រះគម្ពីរប៊ីប និងព្រះគម្ពីរមរមនធ្វើការរួមគ្នា ក្នុងនាមជាសាក្សីរបស់ព្រះយេស៊ូវគ្រីស្ទ និងដំណឹងល្អរបស់ទ្រង់ ។
ការរៀបចំសិស្ស ៖ អញ្ជើញសិស្សឲ្យស្រមៃថាពួកគេត្រូវបានសួរថា « ហេតុអ្វីបានជាអ្នកត្រូវការព្រះគម្ពីរមរមន ប្រសិនបើអ្នកជឿលើព្រះគម្ពីរប៊ីបហើយនោះ » ហើយរៀបចំខ្លួនដើម្បីចែកចាយពីរបៀបដែលពួកគេនឹងឆ្លើយតប ។ ពួកគេអាចសួរមិត្តភក្តិ ឬសមាជិកគ្រួសារថាតើពួកគេនឹងឆ្លើយតបទៅនឹងសំណួរយ៉ាងដូចម្តេច ។
សកម្មភាពរៀនសូត្រដែលអាចមាន
សាក្សីទីពីរដ៏ពិតប្រាកដ
សូមស្រមៃថា អ្នកមើលឃើញការចុះផ្សាយមួយនៅលើប្រព័ន្ធផ្សព្វផ្សាយសង្គមដែលសួរថា « ហេតុអ្វីបានជាអ្នកត្រូវការព្រះគម្ពីរមរមន ប្រសិនបើអ្នកជឿលើព្រះគម្ពីរប៊ីបហើយនោះ ? »
អ្នកអាចអញ្ជើញសិស្សឲ្យពិចារណាសំណួរនេះ ខណៈដែលអ្នកសរសេរវានៅលើក្តារខៀន ។ បន្ទាប់មក អញ្ជើញសិស្សឲ្យសួរខ្លួនរបស់ពួកគេ ៖
-
តើអ្នកមានទំនុកចិត្តកម្រិតណាលើសមត្ថភាពរបស់អ្នកក្នុងការឆ្លើយសំណួរនេះ ?
-
ប្រសិនបើមិត្តភក្តិម្នាក់សួរអ្នកសំណួរនេះ តើអ្នកនឹងចែកចាយអ្វីខ្លះ ?
ពេលអ្នកសិក្សា អេសេគាល ៣៧ នៅថ្ងៃនេះ សូមយាងអញ្ជើញព្រះវិញ្ញាណឲ្យជួយអ្នកដឹងពីរបៀបដែលព្រះគម្ពីរប៊ីប និងព្រះគម្ពីរមរមនធ្វើជាសាក្សីអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។ នៅចុងបញ្ចប់នៃមេរៀននេះ អ្នកនឹងមានឱកាសដើម្បីអនុវត្តការឆ្លើយតបចំពោះសំណួរនេះ ។
បន្ទះឈើរបស់យូដា និងបន្ទះឈើរបស់ពួកយ៉ូសែប
ព្យាការីអេសេគាលត្រូវបានបញ្ជូនទៅផ្សព្វផ្សាយការប្រែចិត្តដល់ពួកសាសន៍អ៊ីស្រាអែលដែលជាឈ្លើយនៅបាប៊ីឡូន ។ នៅក្នុង អេសេគាល ៣៧ ព្យាការីបានកត់ត្រាការនិមិត្តដែលព្រះអម្ចាស់បានបង្រៀនថា វង្សអ៊ីស្រាអែលបានស្លាប់ខាងវិញ្ញាណ ដោយសារតែការក្បត់សាសនា នឹងបានមានជីវិតវិញតាមរយៈការស្ដារឡើងវិញនៃដំណឹងល្អ ។ ជាផ្នែកមួយនៃការនិមិត្តនេះ អេសេគាលបានមើលឃើញបន្ទះឈើ ឬផ្ទាំងឈើពីរដែលអាចសរសេរសារនៅលើនោះបាន ។
នៅពេលសិស្សសិក្សាវគ្គបទគម្ពីរខាងក្រោម នោះអ្នកអាចចង់ចង្អុលបង្ហាញថា « បន្ទះឈើរបស់ពួកយូដា » សំដៅទៅលើព្រះគម្ពីរប៊ីប ។ « បន្ទះឈើរបស់ពួកយ៉ូសែប » សំដៅទៅលើព្រះគម្ពីរមរមន ( សូមមើលសេចក្តីណែនាំដល់បទគម្ពីរទាំងឡាយ « អេប្រាអិម »; « យូដា » ) ។ សិស្សអាចរួមបញ្ចូលព័ត៌មាននេះជាកំណត់ចំណាំមួយនៅក្នុងព្រះគម្ពីររបស់ពួកគេនៅជាប់នឹង ខទី ១៦ ។
អេសេគាល ៣៧:១៥–១៧ គឺជាវគ្គបទគម្ពីរចំណេះចំណានខាងគោលលទ្ធិ ។ សូមពិចារណាអញ្ជើញសិស្សឲ្យគូសចំណាំវគ្គបទគម្ពីរចំណេះចំណានខាងគោលលទ្ធិតាមរបៀបដែលងាយចំណាំ ដើម្បីឲ្យពួកគេអាចងាយរកវាឃើញ ។
សូមអាន អេសេគាល ៣៧:១៥–២០ ដោយរកមើលការសន្យារបស់ព្រះអម្ចាស់អំពីព្រះគម្ពីរនៅសម័យចុងក្រោយនេះ ។
-
តើអ្នកគិតថាឃ្លា « ដើម្បីឲ្យបានជាប់ជាមួយគ្នានៅដៃឯង » ( ខទី ១៧ ) អាចមានអត្ថន័យដូចម្តេច ?
ដើម្បីជួយយើងឲ្យយល់ពីរបៀបដែលព្រះគម្ពីរប៊ីប និងព្រះគម្ពីរមរមនអាចក្លាយជាតែ « មួយ » នៃសក្តីបទនៃព្រះអង្គសង្រ្គោះ ប្រធាន រ័សុល អិម ណិលសុន បានបង្រៀន ៖
ព្រះគម្ពីរប៊ីប និងព្រះគម្ពីរមរមនទាំងពីរក្បាលថ្លែងទីបន្ទាល់ពីព្រះយេស៊ូវគ្រីស្ទ ។ ព្រះគម្ពីរទាំងពីរបង្រៀនថា ទ្រង់គឺជាព្រះរាជបុត្រារបស់ព្រះ ថាទ្រង់បានរស់នៅក្នុងព្រះជន្មដ៏ជាគំរូមួយ ថាទ្រង់បានធ្វើដង្វាយធួនសម្រាប់មនុស្សទាំងអស់ ថាទ្រង់បានសុគតនៅលើឈើឆ្កាង ហើយបានរស់ឡើងវិញម្ដងទៀត ជាព្រះអម្ចាស់ដ៏មានព្រះជន្មរស់ ។ វាបង្រៀនថាទ្រង់គឺជាព្រះអង្គសង្រ្គោះនៃពិភពលោក ។
សាក្សីជាព្រះគម្ពីរទាំងនេះបញ្ជាក់ភាពពិតដល់គ្នាទៅវិញទៅមក ។ គំនិតនេះត្រូវបានពន្យល់ជាយូរយារមកហើយ នៅពេលដែលព្យាការីម្នាក់បានសរសេរថា ព្រះគម្ពីរមរមនគឺ ‹ ត្រូវបានសរសេរឡើងក្នុងគោលបំណងដើម្បីឲ្យអ្នករាល់គ្នាជឿដល់[ ព្រះគម្ពីរប៊ីប ] ហើយបើសិនជាអ្នករាល់គ្នាជឿដល់[ ព្រះគម្ពីរប៊ីប ] នោះអ្នកនឹងជឿដល់[ ព្រះគម្ពីរមរមន ]ផងដែរ › ( មរមន ៧:៩ ) ។ គម្ពីរនីមួយៗយោងទៅគ្នាទៅវិញទៅមក ។ គម្ពីរនីមួយៗឈរជាភស្តុតាងថា ព្រះមានព្រះជន្មរស់ ហើយនិយាយទៅកាន់បុត្រាបុត្រីរបស់ទ្រង់តាមរយៈវិវរណៈដល់ព្យាការីរបស់ទ្រង់ ។
សព្វថ្ងៃនេះ ពួកបរិសុទ្ធដែលកំពុងរស់នៅក្នុងប្រទេសជាច្រើននៃផែនដីបានកាន់ព្រះគម្ពីរប៊ីប ( បន្ទះឈើរបស់ពួកយូដា ) និងព្រះគម្ពីរមរមន ( បន្ទះឈើរបស់ពួកអេប្រាអិម ) ដោយអំណរគុណដោយផ្គួបតែមួយនៅក្នុងដៃរបស់ពួកគេ ។ ( « Scriptural Witnesses » Liahona ខែវិច្ឆិកា ឆ្នាំ២០០៧ ទំព័រ ៤៣, ៤៤ )
-
តើអ្នកសង្ខេបអ្វីខ្លះដែលយើងរៀនចេញមកពី អេសេគាល ៣១:១៥–២០ និងប្រធាន ណិលសុនដោយរបៀបណា ?
ទោះជាសិស្សអាចប្រើពាក្យពេចន៍ខុសគ្នាក្តី សូមជួយពួកគេចែកចាយសេចក្តីពិតដូចជា ព្រះគម្ពីរប៊ីប និងព្រះគម្ពីរមរមន ទាំងពីរគឺជាសាក្សីរបស់ព្រះយេស៊ូវគ្រីស្ទ ។
-
អ្នកគិតថា ហេតុអ្វីវាសំខាន់ក្នុងការមានទាំងព្រះគម្ពីរប៊ីប និងព្រះគម្ពីរមរមនធ្វើជាសាក្សីអំពីព្រះយេស៊ូវគ្រីស្ទ ?
ដៃគូសាក្សីរបស់ព្រះយេស៊ូវគ្រីស្ទ
សកម្មភាពខាងក្រោមនេះអាចជួយសិស្សបង្កើនការយល់ដឹងរបស់ពួកគេអំពីរបៀបដែលព្រះគម្ពីរប៊ីប និងព្រះគម្ពីរមរមន ទាំងពីរធ្វើជាសាក្សីអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។
អ្នកអាចផ្ដល់តារាងមួយចំនួន ឬទាំងអស់ខាងក្រោម ។ សិស្សអាចជ្រើសរើសប្រធានបទមួយ ឬច្រើនដើម្បីសិក្សាជាលក្ខណៈបុគ្គល ជាមួយដៃគូ ឬក្នុងក្រុមតូចមួយ ។
|
Gospel Topic |
ព្រះគម្ពីរជាដៃគូគ្នា |
|---|---|
Gospel Topic ដង្វាយធួនរបស់ព្រះយេស៊ូវគ្រីស្ទ | ព្រះគម្ពីរជាដៃគូគ្នា ព្រះគម្ពីរប៊ីប ៖ អេសាយ ៥៣:៣–៥ ព្រះគម្ពីរមរមន ៖ អាលម៉ា ៧:១១–១៣ |
Gospel Topic ការរស់ឡើងវិញរបស់មនុស្សទាំងអស់ដោយសារតែព្រះយេស៊ូវគ្រីស្ទ | ព្រះគម្ពីរជាដៃគូគ្នា ព្រះគម្ពីរប៊ីប ៖ កូរិនថូស ទី១ ១៥:២០–២២ ព្រះគម្ពីរមរមន ៖ អាម៉ា ១១:៤២–៤៥ |
Gospel Topic ព្រះអង្គសង្គ្រោះសន្យាថានឹងប្រមូល និងប្រោសលោះប្រជារាស្រ្តរបស់ទ្រង់ | ព្រះគម្ពីរជាដៃគូគ្នា ព្រះគម្ពីរប៊ីប ៖ អេសេគាល ៣៧:២១–២៣, ២៦–២៧ ព្រះគម្ពីរមរមន ៖ នីហ្វៃទី ១ ១០:១៤ |
Gospel Topic គុណលក្ខណៈរបស់ព្រះយេស៊ូវគ្រីស្ទ | ព្រះគម្ពីរជាដៃគូគ្នា ព្រះគម្ពីរប៊ីប ៖ អេសាយ ៦៣:៧ ព្រះគម្ពីរមរមន ៖ ម៉ូសាយ ៤:១១ |
Gospel Topic ពិធីបរិសុទ្ធនៃបុណ្យជ្រមុជទឹករបស់ព្រះអង្គសង្រ្គោះ | ព្រះគម្ពីរជាដៃគូគ្នា ព្រះគម្ពីរប៊ីប ៖ ម៉ាថាយ ៣:១៣–១៧ ព្រះគម្ពីរមរមន ៖ នីហ្វៃទី២ ៣១:៥–១២ |
Gospel Topic អ្នកជ្រើសរើសប្រធានបទមួយ | ព្រះគម្ពីរជាដៃគូគ្នា ព្រះគម្ពីរប៊ីប ៖ |
សូមគិតអំពីរបៀបមួយដើម្បីជួយសិស្សឲ្យចែកចាយអ្វីដែលពួកគេបានរៀន ។ របៀបមួយដើម្បីធ្វើដូចនេះ គឺត្រូវផ្តល់នូវសំណៅមេរៀនដែលបានភ្ជាប់មកជាមួយសម្រាប់សិស្សប្រើប្រាស់ដើម្បីបង្កើតការចុះផ្សាយនៅលើប្រព័ន្ធផ្សព្វផ្សាយសង្គម ។ ប្រសិនបើសិស្សមិនចេះពីប្រព័ន្ធផ្សព្វផ្សាយសង្គមទេ អ្នកអាចសម្របសម្រួលសកម្មភាពនេះដើម្បីឲ្យសិស្សសម្តែងអ្វីដែលពួកគេនឹងចែកចាយជាមួយនរណាម្នាក់ ។ សកម្មភាពនេះអញ្ជើញសិស្សឲ្យឆ្លើយសំណួរដែលបានដាក់នៅខាងដើមមេរៀននេះ ។
សូមជ្រើសរើសប្រធានបទមួយក្នុងចំណោមប្រធានបទដែលអ្នកបានសិក្សា ហើយបង្កើតការចុះផ្សាយតាមប្រព័ន្ធផ្សព្វផ្សាយសង្គមដែលអាចត្រូវបានប្រើដើម្បីឆ្លើយសំណួរថា « ហេតុអ្វីបានជាអ្នកត្រូវការព្រះគម្ពីរមរមន ប្រសិនបើអ្នកជឿលើព្រះគម្ពីរប៊ីបហើយនោះ ? » រួមទាំងខគម្ពីរពីព្រះគម្ពីរប៊ីប និងព្រះគម្ពីរមរមនដែលអ្នកបានសិក្សា ។ សូមពន្យល់ពីតម្លៃដែលអ្នករកឃើញ និងរបៀបដែលព្រះគម្ពីរទាំងពីរនេះបង្រៀនអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។
ចែកចាយពីអ្វីដែលអ្នកបានរៀន
អ្នកអាចបិទការចុះផ្សាយ ឬប័ណ្ណប្រកាសរបស់សិស្សនៅលើជញ្ជាំងនៅជុំវិញបន្ទប់ ឬដាក់វានៅលើតុ ។ បន្ទាប់មក សូមអញ្ជើញសិស្សឲ្យដើរជុំវិញបន្ទប់ និងមើលការងាររបស់មិត្តរួមថ្នាក់របស់ពួកគេ ។ ផ្តល់ក្រដាសតូចៗ ឬកូនក្រដាសកត់ចំណាំបកបិទបានសម្រាប់សិស្សប្រើនៅពេលពួកគេបំពេញសេចក្តីណែនាំខាងក្រោម ។
សូមសរសេរ « មតិយោបល់ » ទៅកាន់ការចុះផ្សាយលើប្រព័ន្ធផ្សព្វផ្សាយសង្គមមួយ ឬច្រើនផ្សេងទៀត ។ នៅក្នុងមតិយោបល់របស់អ្នក សូមបំពេញយ៉ាងហោចណាស់ជម្រើសមួយក្នុងចំណោមជម្រើសខាងក្រោមនេះ ។
-
បន្ថែមសេចក្តីយោងបទគម្ពីរបន្ថែមចេញមកពីព្រះគម្ពីរប៊ីប ឬព្រះគម្ពីរមរមនក៏បាន ដែលអាចជួយនរណាម្នាក់ឲ្យយល់បន្ថែមទៀតអំពីព្រះអង្គសង្គ្រោះ និងប្រធានបទនេះ ។ បញ្ចូលគំនិតមួយចំនួនអំពីតម្លៃរបស់បទគម្ពីរដែលអ្នកបានចែកចាយ ។
-
ចែកចាយពីរបៀបដែលព្រះគម្ពីរប៊ីប និងព្រះគម្ពីរមរមនបានជួយអ្នកឲ្យយល់ពីព្រះអង្គសង្គ្រោះ និងការបង្រៀននេះ ។
-
សរសេរបទពិសោធន៍ដែលអ្នកធ្លាប់មាននៅពេលដែលបទគម្ពីរមកពីព្រះគម្ពីរប៊ីប ឬព្រះគម្ពីរមរមនបានជួយបង្កើនទីបន្ទាល់របស់អ្នកអំពីព្រះអង្គសង្គ្រោះ និងដំណឹងល្អរបស់ទ្រង់ ។
-
ជំនួសឲ្យការសរសេរពីគំនិតរបស់អ្នកនៅលើក្រដាសមួយសន្លឹក សូមចែកចាយអ្វីដែលអ្នកបានរៀននៅថ្ងៃនេះអំពីព្រះអង្គសង្គ្រោះ និងការបង្រៀនទាំងឡាយនៃដំណឹងល្អរបស់ទ្រង់នៅលើគណនីប្រព័ន្ធផ្សព្វផ្សាយសង្គមផ្ទាល់ខ្លួនរបស់អ្នក ។ បញ្ចូលវគ្គបទគម្ពីរមកពីព្រះគម្ពីរ និងរបៀបដែលព្រះគម្ពីរប៊ីប និងព្រះគម្ពីរមរមនបានជួយអ្នកឲ្យយល់កាន់តែច្បាស់អំពីដំណឹងល្អរបស់ព្រះយេស៊ូវគ្រីស្ទ ។
អ្នកអាចបញ្ចប់ថ្នាក់ដោយអញ្ជើញសិស្សឲ្យបន្តប្រើប្រាស់ព្រះគម្ពីរប៊ីប និងព្រះគម្ពីរមរមន ដើម្បីបង្កើនការយល់ដឹងរបស់ពួកគេអំពីព្រះយេស៊ូវគ្រីស្ទ និងដំណឹងល្អរបស់ទ្រង់ ។
ទន្ទេញ
អ្នកអាចចង់ជួយសិស្សឲ្យទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះអំឡុងមេរៀននេះ ហើយរំឭកវាក្នុងមេរៀនក្រោយៗទៀត ។ ឃ្លាបទគម្ពីរគន្លឹះសម្រាប់ « អេសេគាល ៣៧:១៥–១៧ » គឺ « ព្រះគម្ពីរប៊ីប និងព្រះគម្ពីរមរមនធ្វើជាបន្ទះតែមួយដើម្បីឲ្យបានជាប់ ជាមួយគ្នានៅដៃឯង » ។ គំនិតសម្រាប់សកម្មភាពទន្ទេញ មាននៅក្នុងឯកសារឧបសម្ព័ន្ធដែលនៅក្រោម « សកម្មភាពរំឭកចំណេះចំណានខាងគោលលទ្ធិឡើងវិញ » ។