Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ezequiel 37: Ang Biblia ug ang Basahon ni Mormon Nagpamatuod ni Jesukristo

“Ezequiel 37: Ang Biblia ug ang Basahon ni Mormon Nagpamatuod ni Jesukristo,” Manwal sa Magtutudlo sa Seminary sa Daang Tugon (2026)

“Ezequiel 37: Ang Biblia ug ang Basahon ni Mormon Nagpamatuod ni Jesukristo,” Manwal sa Magtutudlo sa Seminary sa Daang Tugon

Ezequiel 1–3; 33–34; 36–37; 47: Leksiyon 140

Ezequiel 37

Ang Biblia ug ang Basahon ni Mormon Nagpamatuod ni Jesukristo

2026 Old Testament Seminary Teacher Materials

Sa Ezequiel 37, nakita ni Ezequiel ang umaabot nga pagpundok ug paghiusa sa tanang tribo sa Israel ngadto sa Ginoo (tan-awa sa Ezequiel 37:20-28). Gihubad usab sa mga propeta sa modernong panahon ang panan-awon ni Ezequiel ingon nga ang sungkod ni Juda (ang Biblia) ug ang sungkod ni Jose (ang Basahon ni Mormon) nga gihiusa isip kauban nga mga tugon ni Jesukristo ug sa Iyang gipahiuli nga ebanghelyo (tan-awa sa Ezequiel 37:15–17). Kini nga leksiyon makatabang sa mga estudyante nga masabtan ang mga paagi nga nagtinabangay ang Biblia ug ang Basahon ni Mormon ingon nga mga saksi kang Jesukristo ug sa Iyang ebanghelyo.

Pagpangandam sa estudyante: Dapita ang mga estudyante sa paghunahuna nga gipangutana sila, “Nganong nagkinahanglan pa man ka og Basahon ni Mormon kon motuo ka og Biblia?” ug mangandam sa pagpakigbahin kon unsaon nila pagtubag. Pwede nilang pangutan-on ang usa ka higala o sakop sa pamilya kon unsaon nila pagtubag ang pangutana.

Posibleng mga Kalihokan sa Pagkat-on

Usa ka segurado nga ikaduhang saksi

Hunahunaa nga nakakita ka og post sa social media nga nangutana, “Nganong nagkinahanglan pa man ka og Basahon ni Mormon kon motuo ka sa Biblia?”

Pwede nimong dapiton ang mga estudyante nga pamalandongan kini nga pangutana samtang imo kining isulat sa pisara. Dayon, dapita ang mga estudyante nga pangutan-on ang ilang kaugalingon:

Unsa ka kasegurado nga matubag nimo kini nga pangutana?
Kon ipangutana kini kanimo sa usa ka higala, unsa ang imong ipakigbahin?

Samtang imong tun-an ang Ezequiel 37 karon, dapita ang Espiritu nga tabangan kang ilhon ang mga paagi nga nagpamatuod ang Biblia ug ang Basahon ni Mormon kang Jesukristo ug sa Iyang ebanghelyo. Sa kataposan sa leksiyon, makahigayon ka sa pagpraktis sa pagtubag niini nga pangutana.

Ang sungkod ni Juda ug ang sungkod ni Jose

Gipadala si propeta Ezequiel aron isangyaw ang paghinulsol ngadto sa mga Israelinhon nga gibihag sa Babilonia. Sa Ezequiel 37, girekord sa propeta ang usa ka panan-awon diin gitudlo sa Ginoo nga ang Balay sa Israel, nga namatay sa espirituwal nga paagi tungod sa apostasiya, mabuhi pag-usab pinaagi sa Pagpahiuli sa ebanghelyo. Isip kabahin sa panan-awon, nakita ni Ezequiel ang duha ka sungkod o kahoy nga papan diin nasulat ang mga mensahe.

Samtang tun-an sa mga estudyante ang mosunod nga tudling, pwede nimong ipasabot nga ang “sungkod ni Juda” nagtumong sa Biblia. Ang “sungkod ni Jose” nagtumong sa Basahon ni Mormon (tan-awa sa Giya ngadto sa mga Kasulatan, “Ephraim”; “Juda”). Kini nga impormasyon pwedeng iapil sa mga estudyante isip usa ka mubo nga sulat diha sa ilang mga kasulatan tupad sa bersikulo 16.

Ang Ezequiel 37:15–17 usa ka tudling sa doktrinal nga kahanas. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra nila kining makita.

Basaha ang Ezequiel 37:15–20, nga pangitaon ang gisaad sa Ginoo bahin sa mga kasulatan sa ulahing mga adlaw.

Sa imong hunahuna, unsa kahay ipasabot sa hugpong sa mga pulong nga “sila mahimo nga usa ka sungkod diha sa imong kamot” (bersikulo 17)?

Aron tabangan kita nga masabtan kon sa unsang paagi ang Biblia ug ang Basahon ni Mormon “mahimong usa” nga tugon sa Manluluwas, si Presidente Russell M. Nelson mitudlo:

14:33

Ang Biblia ug ang Basahon ni Mormon mga saksi ni Jesukristo. Kini nagtudlo nga Siya mao ang Anak sa Dios, nga Siya nagpuyo og sulundon nga kinabuhi, nga Siya miula alang sa tanang mga tawo, nga Siya namatay diha sa krus ug nabuhi pag-usab isip ang nabanhaw nga Ginoo. Kini nagtudlo nga Siya mao ang Manluluwas sa kalibotan.

Ang mga saksi sa kasulatan nagpamatuod sa usag usa. Kini nga konsepto gipasabot dugay na dihang ang usa ka propeta misulat nga ang Basahon ni Mormon “gisulat aron kamo motuo sa [Biblia]; ug kon kamo motuo [sa Biblia] kamo usab motuo [sa Basahon ni Mormon].” (Mormon 7:9). Ang matag basahon nagpasabot sa usag-usa. Ang matag basahon nagbarog nga ebidensya nga ang Dios buhi ug mamulong ngadto sa Iyang mga anak pinaagi sa Iyang mga propeta. …

Karon, ang mga Santos diha sa daghang nasod sa yuta mapasalamaton sa Biblia (ang sungkod ni Juda) ug sa Basahon ni Mormon (ang sungkod ni Ephraim) nga nausa diha sa ilang kamot. (“Mga Saksi sa Kasulatan,” Liahona, Nob. 2007, 43, 44)

Unsaon nimo pag-summarize ang atong nakat-onan gikan sa Ezequiel 37:15–20 ug ni Presidente Nelson?

Bisan og lainlaing pulong ang pwedeng gamiton sa mga estudyante, tabangi sila nga ipakigbahin ang kamatuoran nga sama sa ang Biblia ug ang Basahon ni Mormon parehong nagsaksi ni Jesukristo.
Sa imong hunahuna, nganong importante nga parehong mosaksi ni Jesukristo ang Biblia ug ang Basahon ni Mormon?

Magkaubang mga saksi ni Jesukristo

Ang mosunod nga kalihokan motabang sa mga estudyante nga madugangan ang ilang pagsabot kon sa unsang paagi parehong nagpamatuod ang Biblia ug ang Basahon ni Mormon ngadto kang Jesukristo ug sa Iyang ebanghelyo.

Pwede nimong ihatag ang pipila ka bahin o ang tibuok chart sa ubos. Pwedeng mopili og usa o kapin pa nga mga hilisgotan ang mga estudyante aron tun-an nga nag-inusara, dunay kapares, o sa gagmayng grupo.

Hilisgotan sa Ebanghelyo	Magkauban nga mga Kasulatan
Hilisgotan sa Ebanghelyo Ang Pag-ula ni Jesukristo	Magkauban nga mga Kasulatan Biblia: Isaias 53:3–5 Basahon ni Mormon: Alma 7:11–13
Hilisgotan sa Ebanghelyo Pagkabanhaw sa tanan tungod ni Jesukristo	Magkauban nga mga Kasulatan Biblia: 1 Mga Taga-Corinto 15:20–22 Basahon ni Mormon: Alma 11:42–45
Hilisgotan sa Ebanghelyo Nagsaad ang Manluluwas nga pundokon ug tubson ang Iyang katawhan	Magkauban nga mga Kasulatan Biblia: Ezequiel 37:21–23, 26–27 Basahon ni Mormon: 1 Nephi 10:14
Hilisgotan sa Ebanghelyo Mga kinaiya ni Jesukristo	Magkauban nga mga Kasulatan Biblia: Isaias 63:7 Basahon ni Mormon: Mosiah 4:11
Hilisgotan sa Ebanghelyo Ang ordinansa sa bunyag sa Manluluwas	Magkauban nga mga Kasulatan Biblia: Mateo 3:13–17 Basahon ni Mormon: 2 Nephi 31:5–12
Hilisgotan sa Ebanghelyo Magpili ka og hilisgotan	Magkauban nga mga Kasulatan Biblia: Basahon ni Mormon:

Paghunahuna og paagi aron tabangan ang mga estudyante nga ipakigbahin ang ilang nakat-onan. Usa ka paagi sa pagbuhat niini mao ang paghatag sa handout nga magamit sa mga estudyante sa paghimo og post sa social media. Kon dili pamilyar sa social media ang mga estudyante, pwede nimong ipahaom kini nga kalihokan aron dramahon sa mga estudyante kon unsay ilang ipakigbahin ngadto sa usa ka tawo. Kini nga kalihokan nagdapit sa mga estudyante nga tubagon ang pangutana sa sinugdanan sa leksiyon.

Pagpili og usa sa mga hilisgotan nga imong gitun-an ug paghimo og post sa social media nga pwedeng gamiton sa pagtubag sa pangutana nga, “Nganong nagkinahanglan pa man ka og Basahon ni Mormon kon motuo ka sa Biblia?” Iapil ang mga bersikulo gikan sa Biblia ug sa Basahon ni Mormon nga imong gitun-an. Ipasabot ang bili nga imong nakita ug sa unsang paagi kining duha nagtudlo bahin ni Jesukristo ug sa Iyang ebanghelyo.

Ipakigbahin ang imong nakat-onan

Pwede nimong ipapilit ang mga post o poster sa mga estudyante diha sa bungbong sa tibuok classroom o ibutang kini diha sa mga lingkoranan. Dayon, dapita ang mga estudyante nga molibot sa classroom ug rebyohon ang gihimo sa ilang mga klasmeyt. Panghatag og gagmayng piraso sa papel o mga sticky note nga gamiton sa mga estudyante samtang ilang kompletohon ang mosunod nga mga instruksiyon.

Pag-“comment” sa usa o kapin pa sa ubang mga post sa social media. Diha sa imong comment, pagkompleto og labing menos usa sa mosunod nga mga opsiyon:

Pagdugang og dugang pa nga pakisayran sa kasulatan gikan man sa Biblia o sa Basahon ni Mormon nga makatabang sa usa ka tawo nga mas masabtan pa ang bahin sa Manluluwas ug niini nga hilisgotan. Iapil ang pipila ka panghunahuna bahin sa kaimportante sa kasulatan nga imong gipakigbahin.
Ipakigbahin kon sa unsang paagi nakatabang nimo ang Biblia ug ang Basahon ni Mormon nga masabtan ang Manluluwas ug kini nga pagtulun-an.
Isulat ang imong kasinatian dihang nakatabang ang mga kasulatan gikan sa Biblia o sa Basahon ni Mormon nga milambo ang imong pagpamatuod sa Manluluwas ug sa Iyang ebanghelyo.
Imbes isulat ang imong mga hunahuna diha sa papel, ipakigbahin ang usa ka butang nga imong nakat-onan karon bahin sa Manluluwas ug sa Iyang mga pagtulun-an sa ebanghelyo diha sa imong personal nga account sa social media. Iapil ang mga tudling sa kasulatan ug kon sa unsang paagi nakatabang nimo ang Biblia ug ang Basahon ni Mormon aron mas masabtan ang ebanghelyo ni Jesukristo.

Pwede nimong taposon ang klase pinaagi sa pagdapit sa mga estudyante nga padayong gamiton ang Biblia ug ang Basahon ni Mormon aron molambo ang ilang pagsabot kang Jesukristo ug sa Iyang ebanghelyo.

Pagsag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug rebyohon kini sa umaabot nga mga leksiyon. Ang mahinungdanong hugpong sa mga pulong sa kasulatan para sa “Ezequiel 37:15–17” mao ang “Ang Biblia ug ang Basahon ni Mormon nahimo nga usa ka sungkod diha sa imong kamot.” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Nganong importante nga dunay Biblia ug Basahon ni Mormon?

Samtang nagserbisyo sa Kapangulohan sa Seventy, si Elder Tad R. Callister mitudlo:

10:15

Wala ba kamo mahibulong nganong dunay daghang mga simbahan nga Kristiyano sa kalibotan karon nga ila mang nakuha ang ilang mga doktrina gikan sa samang Biblia? Tungod kay lahi-lahi ang ilang pagsabot sa Biblia. Kon pareha pa unta ang ilang pagsabot, pareha ra unta silag simbahan. Dili kini mao ang kahimtang nga gusto sa Ginoo, kay si Apostol Pablo mipahayag nga adunay “usa ka Ginoo, usa ka pagtuo, usa ka bautismo” (Mga Taga-Efeso 4:5). Aron mahitabo kini nga panaghiusa, ang Ginoo miestablisar og balaan nga balaod sa mga saksi. Si Pablo mitudlo, “Sa bisan unsa nga sumbong pamatud-an sa duha o tulo ka mga saksi” (2 Mga Taga-Corinto 13:1).

Ang Biblia usa ka saksi ni Jesukristo; ang Basahon ni Mormon lain nga saksi. (“Ang Basahon ni Mormon—Basahon gikan sa Dios,” Liahona, Nob. 2011, 75).

Si Elder L. Tom Perry (1922–2015) sa Korum sa Napulog Duha ka mga Apostoles miingon:

14:28

Kon ang Biblia ra o Basahon ni Mormon ra nga dili magkauban dili paigo. Ang duha gikinahanglan aron kita makatudlo ug makakat-on sa hingpit nga doktrina ni Kristo. Ang panginahanglan sa duha wala magpaminos sa bisan asa niini. Ang Biblia ug ang Basahon ni Mormon gikinahanglan sa atong kaluwasan ug kahimayaan. Sumala sa kusganong gipanudlo ni Presidente Ezra Taft Benson, “Kon gamiton ang duha, ang Biblia ug ang Basahon ni Mormon makasanta sa sayop nga doktrina” (“A New Witness for Christ,” Ensign, Nob. 1984, 8). (“Ang Gahum sa Pagluwas,” Liahona, Mayo 2012, 96).

Dugang nga mga Kalihokan sa Pagkat-on

Ang mensahe sa Basahon ni Mormon

Sa leksiyon, sa dili pa maghimo og post sa social media ang mga estudyante gikan sa ilang gitun-an, makatabang tingali ang paghatag og bag-ohay lang nga pananglitan gikan sa social media nga account sa usa ka lider sa Simbahan. Sa laing paagi, pwede nimong ipasalida ang bidyo nga “What Is the Book of Mormon?” (0:57) gikan sa ChurchofJesusChrist.org, nga nagpakita kon sa unsang paagi ang Basahon ni Mormon usa ka kauban nga saksi sa Biblia bahin ni Jesukristo.

0:58

Ang panalangin sa duha ka saksi

Pwedeng mogamit og leksiyon nga naggamit og usa ka butang [object lesson] aron itudlo ang kaimportante sa pagbaton og ikaduhang saksi sa importanteng mga kamatuoran. Sa sinugdanan sa leksiyon, pagbutang og usa ka pirasong papel diha sa pisara nga naay magnet sa tunga niini. Dapita ang mga estudyante nga maghunahuna kon pila ka lainlaing paagi ang pagtuyok sa papel gamit lang ang usa ka magnet nga nagpugong niini. Dayon, pagbutag og ikaduhang magnet diha sa papel ug dapita ang mga estudyante nga ipakigbahin ang mga kalainan nga ilang nakita. Laing paagi sa pagpakita niini mao ang pagdrowing og tuldok diha sa pisara ug pangutana kon pila ka tul-id nga linya ang pwedeng idrowing diha sa tuldok (walay kinutoban). Dayon mahimo kang magdrowing og duha ka tuldok diha sa pisara ug pangutan-a ang mga estudyante kon pila ka tul-id nga linya ang pwedeng idrowing (usa).

Ang gahom sa pagpundok sa mga sungkod ni Juda ug ni Jose

Samtang hisgotan sa mga estudyante ang pagpundok sa “mga sungkod” ni Juda ug ni Jose, pwede nimo silang dapiton nga i-cross reference o i-link ang Ezequiel 37:15–17 ngadto sa 2 Nephi 3:12. Diha sa pisara, pwede nimong isulat ang usa ka bahin sa kamatuoran sama sa, “Kon magkauban ang Biblia ug ang Basahon ni Mormon …” Dapita ang mga estudyante nga kompletohon ang pamahayag gikan sa 2 Nephi 3:12. Pwedeng ilista sa mga estudyante ang mga pananglitan nga sama sa mosunod:

Paglibog sa bakak nga doktrina.
Pagsulbad sa mga dili pagsinabtanay.
Pag-establisar og kalinaw.
Pagtabang sa mga kaliwat ni Lehi nga mailhan ang ilang mga amahan.
Pagtabang sa tanang katawhan sa Ginoo nga makakat-on bahin sa Iyang mga pakigsaad.

Pwedeng ipakigbahin sa mga estudyante kon sa unsang paagi sila o ang ilang kaila nakakita niini nga panalangin tungod sa Biblia ug sa Basahon ni Mormon.

“Usa ka sungkod diha sa imong kamot” (Ezequiel 37:17)

Aron tabangan ang mga estudyante nga masabtan kon sa unsang paagi ang panagna ni Ezequiel padayong natuman sa atong panahon, pwede nimong dapiton ang mga estudyante nga rebyohon ang pipila sa labing bag-ong mga feature sa Librarya sa Ebanghelyo. Pwedeng pangitaon sa mga estudyante ang pipila sa mga paagi nga nahimong usa sa atong mga kamot karon ang Biblia ug ang Basahon ni Mormon. Pwede nimong itudlo ang anaa nga mga link sa footnote, mga bidyo, ug mga hulagway. Dapita ang mga estudyante nga tan-awon ang mga cross-reference para sa Biblia ug sa Basahon ni Mormon nga nagtudlo kang “Jesukristo” diha sa indeks.

Human marebyo sa mga estudyante kon sa unsang paagi kini nga panagna padayong natuman, pwede nimong ipakigbahin ang pipila sa istorya sa 1982 nga pag-printa sa Biblia ug sa Basahon ni Mormon. Apil niini nga edisyon ang paghimo og mga footnote nga nag-link sa mga bersikulo sa Biblia ngadto sa may kalabotan nga mga tudling sa Basahon ni Mormon alang sa unang higayon. Ang istorya sa pag-printa niining komplikadong buhat gipakigbahin ni Presidente Boyd K. Packer (1924–2015) sa Korum sa Napulog Duha ka Apostoles (“Scriptures,” Ensign, Nov. 1982). Pwede kang maghatag og QR code nga link aron ma-access sa mga estudyante kini nga pakigpulong diha sa ilang electronic device. Pwedeng rebyohon sa mga estudyante ang asoy ug hisgotan ang mga hagit sa 1982 nga edisyon ug ang teknolohikal nga mga milagro nga miresulta sa Librarya sa Ebanghelyo karon.

Pwede nimong itudlo nga dili available ang mga cross reference nga ilang girebyo ubos sa “Jesukristo” hangtod nahuman ang 1982 nga edisyon sa mga kasulatan.

Pwede pod nimong ipasalida ang bidyo nga mensahe ni Presidente Packer nga nagpasabot niini nga proseso diha sa bidyo nga “Mga Kasulatan” (timecode 3:17–10:09).

18:30