Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ezequiel 34: “Siya Mahimong Ilang Magbalantay”

“Ezequiel 34: ‘Siya Mahimong Ilang Magbalantay,’” Manwal sa Magtutudlo sa Seminary sa Daang Tugon (2026)

“Ezequiel 34: ‘Siya Mahimong Ilang Magbalantay,’” Manwal sa Magtutudlo sa Seminary sa Daang Tugon

Ezequiel 1–3; 33–34; 36–37; 47: Leksiyon 139

Ezequiel 34

“Siya Mahimong Ilang Magbalantay”

Jesus Christ depicted as the Good Shepherd. Christ is portrayed with a small herd of sheep. He is carrying a sheep (or lamb) over His shoulders. Christ is also carrying a staff in His hands.

Usahay, mobati kita nga walay direksiyon ang atong kinabuhi, makasinati og mga kalisdanan, masakit ta, o nagkinahanglan. Gipadala sa Langitnong Amahan si Jesukristo aron “lakilakian ang napiang” ug “lig-onon ang maluyahon” (Ezequiel 34:16). Sa Ezequiel 34, gipahisama ni propeta Ezekiel kon sa unsang paagi ang maayong magbalantay nag-atiman sa iyang karnero ngadto sa giunsa pag-atiman ni Jesukristo sa mga anak sa Langitnong Amahan. Kini nga leksiyon makatabang sa mga estudyante nga sundon ang ehemplo sa Manluluwas aron pangitaon ug atimanon ang uban.

Pagpangandam sa estudyante: Dapita ang mga estudyante sa paghunahuna og mga paagi nga ang “Maayong Magbalantay” (Juan 10:11, 14) haom nga ngalan ni Jesukristo. Pwede nilang pamalandongan kon nganong kini nga ngalan sa Manluluwas motabang nila nga masabtan ang Iyang gugma ug tinguha nga atimanon ang mga anak sa Langitnong Amahan.

Posibleng mga Kalihokan sa Pagkat-on

Usa ka simbolo alang sa Manluluwas

Sa iyang biyahe paingon sa Morocco, nakat-onan ni Elder John R. Lasater sa Seventy ang gugma ni Jesukristo ngadto sa mga anak sa Langitnong Amahan dihang naligsan sa sakyanan sa hari ang usa ka karnero, nga naghatag sa magbalantay og katungod nga modawat og dakong bayad. Ang tighubad ni Elder Lasater miingon nga dili dawaton sa magbalantay ang kuwarta. Dayon, gipakigbahin ni Elder Lasater ang sunod nga nahitabo:

Natingala, nangutana ko kon ngano. Midugang siya, “Tungod sa iyang gugma alang sa matag usa sa iyang karnero.” Diha akong namatikdan nga ang tigulang nga magbalantay mitikubo, mialsa sa napiangan nga nating karnero sa iyang mga bukton, gibutang kini sa usa ka dako nga putos diha sa atubangan sa iyang kupo. Padayon niyang giapuhap ang ulo niini, gibalik-balik ang mga pulong. Dihang akong gipangutana sa kahulogan sa pulong, akong nahibaloan nga, “O, gitawag niya kini sa iyang ngalan. Ang tanan niyang karnero adunay ngalan, tungod kay siya man ang ilang magbalantay, ug ang maayo nga magbalantay nasayod sa ngalan sa matag usa sa iyang karnero.” (“Shepherds of Israel,” Ensign, May 1988, 74)

Unsay imong makat-onan bahin kang Jesukristo base sa gibuhat sa magbalantay?

Samtang magtuon ka karon, tinguhaa ang tabang sa Espiritu Santo aron makakat-on kon unsaon nato pagsunod ang ehemplo ni Jesukristo sa pag-atiman sa mga anak sa Langitnong Amahan.

Mga Magbalantay og Karnero

Sa Ezequiel 34, gitandi sa Ginoo ang mga lider sa Israel ngadto sa mga magbalantay nga wala mag-atiman sa ilang mga karnero. Basaha ang Ezequiel 34:1–6, nga markahan ang hugpong sa mga pulong nga gigamit sa Ginoo sa paghulagway sa mga Israelinhong lider.

Unsay imong makat-onan bahin sa Ginoo base sa Iyang gipahayag nga mga kabalaka niini nga mga bersikulo?

Aron tabangan ang mga lider sa Israel nga mas maatiman ang ilang mga karnero, gihulagway ni Jesukristo kon giunsa Niya pag-atiman ang Iyang mga karnero (tan-awa sa Juan 10:11, 14, diin gihulagway usab ni Jesus ang Iyang kaugalingon isip “ang Maayong Magbalantay”).

Ikonsiderar ang pagpakita og usa ka hulagway ni Jesukristo nga nagpakita Kaniya isip usa ka magbalantay, sama sa hulagway sa sinugdanan niini nga leksiyon. Sa wala nga bahin sa hulagway, ikonsiderar ang pagsulat og “Isip ang Maayong Magbalantay, ang Manluluwas …” Pwedeng i-summarize sa mga estudyante ang ilang gimarkahan sa Ezequiel 34:11–16 ilawom niini nga ulohan.

Basaha ang Ezequiel 34:11–16, nga markahan ang hugpong sa mga pulong nga naghulagway kon unsay gihimo ni Jesukristo para sa mga anak sa Langitnong Amahan.

Ang mga summary nga gihatag sa mga estudyante gikan sa mga bersikulo naglakip sa:

Pagpangita niadtong mga nawala (mga bersikulo 11–12, 16)
Pagluwas kanila gikan sa kangitngit (bersikulo 12)
Pagpakaon kanila ug paghatag sa ilang mga panginahanglan (mga bersikulo 13–15)
Paglakilaki sa mga napiang (bersikulo 16)
Pagpalig-on sa mga naluya (bersikulo 16)

Pwede nimong dapiton ang mga estudyante nga ipakigbahin ang pipila sa mga istorya gikan sa mga kasulatan kon sa unsang paagi gipakita sa Manluluwas ang pipila niini nga buhat ngadto sa mga anak sa Langitnong Amahan.

Aron tabangan ang mga estudyante sa pagpamalandong sa ilang mga paningkamot nga sundon ang ehemplo sa Manluluwas sa pag-atiman sa uban, ikonsiderar ang pagpakita sa mosunod nga pagsukod sa kaugalingon.

Itandi ang imong mga gimarkahan diha sa duha ka set sa mga bersikulo nga imong gitun-an sa Ezequiel 34, dayon pamalandongi kon unsay imong itubag sa mosunod nga mga pangutana:

Unsa ang mga paagi nga imong gibati nga ikaw sama sa Manluluwas?
Naa bay mga paagi diin ikaw mahimong sama sa mga magbalantay sa Israel?
Unsa ang posibleng mga babag ang imong maatubang sa pag-atiman sa uban sama sa Manluluwas?

Pag-atiman sa Iyang mga karnero

Ikonsiderar ang pagsulat og “Mahimo nakong sundon ang ehemplo sa Manluluwas pinaagi sa …” diha sa tuo nga bahin sa hulagway sa Manluluwas. Bahina sa gagmayng grupo ang mga estudyante ug ihatag ang mosunod nga mga instruksiyon.

Gamit ang imong nakaplagan sa Ezequiel 34:11–16, ilista ang praktikal nga mga paagi nga maatiman sa kabatan-on ang uban sama sa gihimo sa Manluluwas.

Pipila sa posibleng mga ideya nga mahunahunaan sa mga estudyante ang mosunod:

Pagbisita sa usa ka tawo nga wala nila makita sa dugayng panahon (“Ako mismo maoy mangita sa akong mga karnero” [Ezequiel 34:11])
Pagkamanggihatagon sa ilang panahon o kapanguhaan (“papahulayon ko sila” [Ezekiel 34:15])
Pagdapit sa usa ka tawo nga moapil sa usa ka kalihokan kauban nimo (“[Akong]… dad-on pagbalik ang nahisalaag” [Ezequiel 34:16])
Pagkahibalo sa pisikal o emosyonal nga mga panginahanglan sa uban (“[Akong]… lakilakian ang napiang, lig-onon ang maluyahon” [Ezequiel 34:16])

Human kini malista sa mga grupo, pwede nimong hangyoon ang kada grupo nga ilista diha sa pisara ang usa sa ilang mga ideya. Human malista diha sa pisara ang pipila ka mga ideya, makatabang tingali nga pahisgotan sa mga estudyante ang mosunod nga mga pangutana:

Unsay nakapalisod sa paghimo niining mga butanga?
Sa unsang paagi ka matabangan sa Manluluwas nga makaya kini nga mga kalisdanan?

Ikonsiderar ang pagpakita sa mosunod nga mga pangutana ug dapita ang mga estudyante nga mopili og dili moubos sa usa aron tubagon. Samtang pamalandongan sa mga estudyante ang ilang personal nga mga kasinatian, matabangan sila sa Espiritu Santo nga mabati ang kamatuoran ug ang kaimportante sa ilang nakat-onan.
Sa unsang paagi ang Manluluwas mipanalangin nimo o sa imong pamilya pinaagi sa pagpadala og usa ka tawo sa pagpangita ug pag-atiman kanimo?
Giunsa ka o ang imong pamilya paggamit sa Manluluwas aron pangitaon ug atimanon ang uban?

Paghimo og plano

Ang paghimo og plano diha sa klase nga molihok uyon sa ilang nakat-onan makatabang sa mga estudyante nga mapalawoman ang ilang pagkakabig diha kang Jesukristo.

Paggahin og panahon sa paghunahuna sa mga tawo sa imong kinabuhi nga parehas tingali sa karnero (nawad-ag direksyon ang kinabuhi, nagkatibulaag, napiang, naluya) diha sa Ezequiel 34. Kini tingali ang mga tawo diha sa imong klase o korum, imong pamilya ug mga higala, o mga tawo sa eskwelahan. Tiinguhaa ang tabang sa Espiritu Santo sa paghunahuna kon kinsa kaha ang nanginahanglan sa imong tabang.

Gikan sa mga ideya nga atong gihisgotan, o sa uban nga gibati nimong nadasig nga buhaton, isulat kon unsaon nimo pagsunod ang panig-ingnan sa Manluluwas sa pagpangita ug pag-atiman niini nga indibidwal.

Aron mahinumdom ka sa imong plano, pwede kini nimong isulat sa usa ka pirasong papel o magtakda og pahinumdom diha sa imong cellphone.

Pwede kang magplano sulod sa pipila ka minuto diha sa umaabot nga leksiyon aron i-follow up ang mga estudyante sa ilang mga plano ug susihon ang ilang pag-uswag. Sa pagtapos, pwede nimong ipakigbahin kon sa unsang paagi ka giatiman sa usa ka tawo o kon giunsa nimo pag-atiman ang uban sama sa gihimo sa Manluluwas.

Dugang nga mga Kapanguhaan

Giunsa pag-atiman sa Manluluwas ang uban?

Si Sister Jean B. Bingham, kanhi Kinatibuk-ang Presidente sa Relief Society, mitudlo:

13:4

Usahay maghunahuna kita nga kinahanglang mobuhat kita og usa ka butang nga bililhon kaayo ug bayanihon aron “maihap” isip pagserbisyo sa atong mga silingan. Apan ang yanong mga buhat sa serbisyo mahimong adunay lawom nga mga epekto sa uban—ingon man sa atong kaugalingon. Unsa ang gibuhat sa Manluluwas? Bisan og ang Iyang balaang mga gasa sa Pag-ula ug Pagkabanhaw … “walay lain nga adunay labaw ka mahinungdanong impluwensiya diha sa tanan kinsa nakapuyo na ug kinsa magpuyo pa dinhi sa yuta” (Ang Buhi nga Kristo: Ang Pagpamatuod sa mga Apostoles). Apan Siya usab mipahiyom ni, nakigsulti uban ni, nakiglakaw kauban ni, naminaw ngadto ni, mihatag og oras alang ni, miawhag, mitudlo, mipakaon, ug mipasaylo. Managsama Niyang giserbisyohan ang pamilya ug mga higala, mga silingan ug dili kaila, ug gidapit Niya ang mga kaila ug mga minahal sa pagpahimulos sa buhong nga mga panalangin sa Iyang ebanghelyo. Kadtong “yano” nga mga buhat sa serbisyo ug gugma naghatag og sumbanan alang sa atong pagpangalagad karon. (“Pagpangalagad sama sa Gibuhat sa Manluluwas,” Liahona, Mayo 2018, 104)

Unsaon nato pagsunod ang panig-ingnan sa Manluluwas sa pagtabang sa uban?

Si Sister Bonnie H. Cordon, kanhi Kinatibuk-ang Presidente sa Young Women, mitudlo:

12:29

Ang atong karnero tingali nasakit, nawala, o gani tuyo nga nahisalaag; isip ilang magbalantay, mahimo kitang usa sa nag-unang makakita sa ilang panginahanglan. Kita makapaminaw ug makahigugma nga walay paghukom ug motanyag og paglaum ug tabang uban sa mapanid-anong giya sa Espiritu Santo.

Mga sister ug mga brother, ang kalibutan mas napuno sa paglaum ug kalipay tungod sa dinasig nga mga buhat sa pagkamabination nga inyong gihimo. Samtang magtinguha kamo sa direksyon sa Ginoo kon unsaon pagpaabut sa Iyang gugma ug pagkakita sa mga panginahanglan niadtong inyong gipangalagaran, ang inyong mga mata maabli. (“Pagkahimong usa ka Magbalantay,” Liahona, Nob. 2018, 76)

Si Elder Gerrit W. Gong sa Korum sa Napulog Duha ka Apostoles mipakigbahin:

15:19

Isip ang “Magbalantay sa Israel” (Salmo 80:1), gipakita ni Jesukristo kon giunsa sa pagpangalagad sa mga magbalantay sa mga karnero sa Israel diha sa gugma. … Ang Ginoo misaad nga kon ang Iyang mga magbalantay mopakaon sa Iyang mga nating karnero ug mga karnero, kadtong anaa sa Iyang panon “dili na mahadlok pag-usab, ni malisang pa, ni makulangan sila.” (Jeremias 23:4).

Ang atong Maayong Magbalantay mipasidaan nga ang mga magbalantay sa Israel kinahanglang dili gayod matulog, ni mopatibulaag o mopahisalaag sa mga karnero, ni magtan-aw sa atong kaugalingong paagi alang sa atong kaugalingong kaayohan. Ang mga magbalantay sa mga karnero sa Dios molig-on, motambal, mobugkos niadtong nabunggoan sa bukog, mopabalik pag-usab niadtong nahilayo, mangita niadtong nawala. (“Maayong Magbalantay, Kordero sa Dios,” Liahona, Mayo 2019, 98)

Dugang nga mga Kalihokan sa Pagkat-on

Ang mga saad sa Manluluwas ngadto sa Iyang mga karnero

Sa Ezequiel 34, wala lang nato basta makita kon giunsa pagpangita ug pag-atiman sa Manluluwas ang Iyang mga karnero, nahibaloan pod nato ang pipila sa Iyang mga saad ngadto sa Iyang mga karnero. Ang pag-ila sa Iyang mga saad makatabang sa mga estudyante nga makita kon nganong gusto nilang magpundok kang Jesukristo.

Pwedeng ilista sa mga estudyante ang mga saad sa Manluluwas samtang ilang basahon ang Ezequiel 34:22–31. Pwede nimong tungaon ang mga bersikulo ug ipabasa ang katunga sa mga estudyante ang mga bersikulo 22–26 ug ipabasa sa laing katunga ang mga bersikulo 27–31. Pwede nimong sultihan ang mga estudyante nga daghan sa mga saad nagsugod sa hugpong sa mga pulong nga “Bubuhaton ko.”

Dayon, pwedeng ipakigbahin sa mga estudyante kon unsay mipatigbabaw nila ug kon nganong dunay gustoniini nga mga panalangin gikan sa Ginoo.

Pagpangalagad

Ang usa ka paagi nga matabangan nimo ang mga estudyante sa pag-ila sa mga paagi nga sila makasunod sa panig-ingnan sa Manluluwas sa pagpangita ug pag-atiman sa uban mao ang paghisgot bahin sa pagpangalagad. Ikonsiderar ang pagdapit sa mga estudyante nga pangitaon ang Young Women o Korum sa Aaronic nga Pagkapari nga mga Tema ug sa pagpangita sa bisan unsang hugpong sa mga pulong nga nagtudlo bahin sa pagpangalagad. Pwedeng ilhon sa mga estudyante ang ilang nakat-onan sa Ezequiel 34 nga motabang nila sa paghimo sa unsay gitudlo niini nga hugpong sa mga pulong.

Dayon, pwedeng ipakigbahin sa mga estudyante ang personal nga mga kasinatian, o mga kasinatian sa uban, kon sa unsang paagi sila nangalagad sa uban. Kon makatabang sa mga estudyante nga makakita og panig-ingnan kon unsaon pagpangalagad, pwede nimong ipasalida ang “Ministering as the Savior Does” (6:08).

13:4